କେନ୍ଦୁଝର: ଯୋଡ଼ା କଲ୍ୟାଣମଣ୍ଡପ ନିକଟରେ ଗୁଳିକାଣ୍ଡ । ଲୁଟ ପାଇଁ ଗ୍ରୋସରୀ ବ୍ୟବସାୟୀଙ୍କ ଉପରକୁ ଫାୟାରିଂ କଲେ ଦୁଇ ଦୁର୍ବୃତ୍ତ । ଗୁଳିମାଡରେ ଗୁରୁତର ହୋଇଛନ୍ତି ବ୍ୟବସାୟୀ ରାଜେଶ ମହାକୁଡ଼ । ରାଜେଶ ମହାକୁଡ ରାତି ପ୍ରାୟ ସାଢ଼େ ଆଠଟା ସମୟରେ ଏକ ବ୍ୟାଗ୍ ଧରି ଯାଉଥିବା ବେଳେ ୨ ଜଣ ଦୁର୍ବୃତ୍ତ ଏକ ବାଇକ୍ ରେ ଆସି ତାଙ୍କୁ ଗୁଳିମାଡ଼ କରି ବ୍ୟାଗ୍ ଛଡ଼ାଇ ନେଇଥିଲେ ।
ରାଜେଶଙ୍କର ଡାହାଣ ଗୋଡ଼ ଆଣ୍ଠୁ ପାଖରେ ଗୁଳିମାଡ଼ ହୋଇଥିବା ବେଳେ ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଟିସ୍କୋ ଡାକ୍ତରଖାନାରେ ଭର୍ତ୍ତି କରିଛନ୍ତି । ଖବର ପାଇ ଯୋଡା ପୋଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ପୁରୀ: ଜିପଆରଏସ୍ ସର୍ଭେ ନେଇ ସମ୍ବିତ ପାତ୍ରଙ୍କୁ କଟାକ୍ଷ କଲେ ପୁରୀ ସାଂସଦ ପିନାକୀ ମିଶ୍ର । ସମ୍ବିତ ପାତ୍ରଙ୍କ ପାଇଁ ଆଇନ ପରିବର୍ତ୍ତନ ହେବା ଆବଶ୍ୟକ । ଦ୍ବିତୀୟ ଥର ଜିପିଆରଏସ ହୋଇପାରିବନି ବୋଲି ଆଇନ ହେଲେ ସମ୍ବିତ ଖୁସି ହୁଅନ୍ତେ । ଶ୍ରୀମନ୍ଦିର ପରିକ୍ରମା ପ୍ରକଳ୍ପ ପାଇଁ ଅତିତରେ ଜିପିଆରଏସ ହୋଇଥିବା ପ୍ରମାଣ ଦେଇଥିଲେ ପିନାକୀ ।
କିନ୍ତୁ ଗତକାଲି ପୁଣି ଜିପିଆରଏସ ସର୍ଭେ ହୋଇଥିଲା । ଏହାକୁ ନେଇ ସମ୍ବିତ ପାତ୍ର ବିଭିନ୍ନ ପ୍ରଶ୍ନ ଉଠାଇଥିଲେ । ସମ୍ବିତ କହିଥିଲେ ଯେ ପୂର୍ବରୁ କେବେ ସର୍ଭେ ହୋଇନଥିଲା । ସେଥିପାଇଁ ଗତକାଲି ପୁଣି ସର୍ଭେ କରାଗଲା । ସମ୍ବିତଙ୍କ ଏଭଳି ଅଭିଯୋଗକୁ ମିଥ୍ୟା ଦର୍ଶାଇବାକୁ ଯାଇ ପୁରୀ ସାଂସଦ ପିନାକ ମିଶ୍ର ଏଭଳି କଟାକ୍ଷ କରିଛନ୍ତି । ଏବଂ ବିଜେପି ନେତା ସମ୍ବିତ ପାତ୍ରଙ୍କୁ କଡ଼ା କଟାକ୍ଷ କରିଛନ୍ତି ।
ଭୁବନେଶ୍ୱର: ଓଡ଼ିଶା ଜୈବବବିିଧତା ବୋର୍ଡ ଆନୁକୂଲ୍ୟରେ ସ୍ଥାନୀୟ ଇମେଜ ପରିସର ରେ ‘ଅନ୍ତର୍ଜାତୀୟ ଜୈବବିବିଧତା ଦିବସ’ ପାଳିତ ହୋଇଯାଇଛି । ମୁଖ୍ୟ ଅତିଥି ଭାବେ ଯୋଗଦେଇ ଭାରତ ସରକାରଙ୍କ ଜଙ୍ଗଲ ମନ୍ତ୍ରାଳୟର ପ୍ରାକ୍ତନ ମହାନିର୍ଦ୍ଦେଶକ ତଥା ଓଡ଼ିଶା ଭୁସଂପତ୍ତି ଅଧିକାର ପ୍ରାଧିକରଣର ଅଧ୍ୟକ୍ଷ ସିଦ୍ଧାନ୍ତ ଦାସ କହିଛନ୍ତି ଯେ ମଣିଷ ସମାଜ ପାଇଁ ସମଗ୍ର ଜୀବଜଗତ ବିପଦ ମଧ୍ୟକୁ ଟାଣି ହୋଇଆସୁଛି । ଆମେ ହେଉଛୁ ସୃଷ୍ଟିର ଗୋଟିଏ ଅଂଶ ଓ ଆମ ଯୋଗୁଁ ସୃଷ୍ଟି ରହିନି । ଜୈବବିବିଧତାର ସଂରକ୍ଷଣ ଓ ସୁରକ୍ଷା ବଳରେ ଆମେ ନିଜେ ହିଁ ଆମ ନିଜକୁ ବଞ୍ଚାଇବାକୁ ପଡ଼ିବ । ପରିବେଶକୁ ଆବର୍ଜନାମୁକ୍ତ କରିବାକୁ ପଡ଼ିବ ।
ଆମର ସ୍ୱାର୍ଥ ପାଇଁ ଜୈବବିବିଧତାର ସଂରକ୍ଷଣର ନିତାନ୍ତ ଆବଶ୍ୟକତା ରହିଛି ବୋଲି ହୃଦୟଙ୍ଗମ କରି ଏ ଦିଗରେ ସଂକଳ୍ପ ନେବାକୁ ପଡ଼ିବ ବୋଲି ସେ ଆହ୍ୱାନ ଦେଇଛନ୍ତି ।
ପୂର୍ବତନ ପ୍ରଧାନ ମୁଖ୍ୟ ବନସଂରକ୍ଷକ ଏବଂ ବନବାହିନୀ ମୁଖ୍ୟ ଡ. ସଂଦୀପ ତି୍ରପାଠୀ କହିଛନ୍ତି ଯେ ଖାଦ୍ୟଠାରୁ ଆରମ୍ଭ କରି ପାଣି, ପବନ ପର୍ଯ୍ୟନ୍ତ ମଣିଷର ସମସ୍ତ ଆବଶ୍ୟକତା ଜୈବବିବିଧତାରୁ ମିଳିଥାଏ । ଓଡ଼ିଶା ଜୈବବିବିଧତାରେ ସମୃଦ୍ଧ । ସଦ୍ୟତମ ଜାତୀୟ ଜଙ୍ଗଲ ସର୍ବେକ୍ଷଣ ରିପୋର୍ଟ ଅନୁଯାୟୀ ଓଡ଼ିଶାରେ ୯୯୩ ବ ର୍ଗ କିଲେ ।ମିଟର ଜଙ୍ଗ ଲ ଅଭବିବୃଦ୍ଧି ଘଟିଛି । ଚିଲିକା ଓ ଭିତରକନିକା ଭଳି ଦୁଇଟି ରାମ୍ସାର ସାଇଟ୍ ଆର୍ଦ୍ରଭୂମି ଓଡ଼ିଶାକୁ ଜୈବବିବିଧତା କ୍ଷେତ୍ରରେ ଅଧିକ ପରିପୁଷ୍ଟ କରିଛି । ଜଳବାୟୁ
ପରବର୍ତ୍ତନ ହେଉଛି ଜୈବବିବଧତା ପାଇଁ ବଡ଼ ବିପଦ । ଓଡ଼ିଶା ରାଜ୍ୟ ଜୈବବିବିଧତା ବୋର୍ଡ ଜୈବବିବିଧତାର ସଂରକ୍ଷଣ ଓ ସୁରକ୍ଷା ଦିଗରେ ପ୍ରଶଂସନୀୟ କାର୍ଯ୍ୟ କରୁଛି ବୋଲି ସେ ପ୍ରକାଶ କରିଛନ୍ତି ।
ସ୍ୱାଗତ ଭାଷଣ ଦେଇ ବୋର୍ଡର ଅଧ୍ୟକ୍ଷ ଶ୍ରୀ ରାଜୀବ କୁମାର କହିଛନ୍ତି ଯେ ମିଳିତ ଜାତିସଂଘର ପ୍ରସ୍ତାବ ଅନୁଯାୟୀ ଚଳିତ ବର୍ଷ ‘ଜୀବଜଗତର ପ୍ରତ୍ୟେକ ଜୀବନ ପାଇଁ ଏକ ସୁଦୃଢ଼ ଭବିଷ୍ୟତ ନିର୍ମାଣ’ ଏହି ଦିବସ ପାଳନର ପ୍ରସଙ୍ଗ ରହିଛି । ଭାରତ ରେ ଦେ ଖାଯାଉଥିବା ୧୬ ପ୍ରକାରର ପ୍ରମୁଖ ଜଙ୍ଗ ଲ ମଧ୍ୟରୁ ୫ ପ୍ରକାର ଓଡ଼ିଶାରେ ଦେଖାଯାଏ । ରାଜ୍ୟରେ ଜୈବବିବିଧତାର ସଂରକ୍ଷଣ ଓ ସୁରକ୍ଷା ପାଇଁ ରାଜ୍ୟ ସରକାର ୧୯ଟି ବନ୍ୟପ୍ରାଣୀ ଅଭୟାରଣ୍ୟ ସହିତ ଗୋଟିଏ ଲେଖାଏଁ ଜାତୀୟ ଉଦ୍ୟାନ, ପ୍ରସ୍ତାବିତ ଜାତୀୟ ଉଦ୍ୟାନ, ଜୈବମଣ୍ଡଳ ଏବଂ ଦୁଇଟି ବ୍ୟାଘ୍ର ସଂରକ୍ଷଣ ପ୍ରକଳ୍ପ ନିର୍ମାଣ କରିଛନ୍ତି । ଏ ପର୍ଯ୍ୟନ୍ତ ରାଜ୍ୟରେ ୫୧୭୪ ପ୍ରଜାତିର ଉଦ୍ଭିଦର ଚିହ୍ନଟ ଓ ନାମକରଣ କରାଯାଇଥିବାବେଳେ ୨୮ଟି ସ୍ଥାନୀୟ ପ୍ରଜାତି ଓ ୧୫୭ଟି ବିଲୁପ୍ତପ୍ରାୟ ପ୍ରଜାତି ରହିଛନ୍ତି ।
ଏହି ଅବସରରେ ଅତିଥିମାନଙ୍କ ଦ୍ୱାରା ଓଡ଼ିଶାର ଜୈବବିବିଧତା ସଂପର୍କିତ ଏକ ପ୍ରାମାଣିକ ଚଳଚ୍ଚିତ୍ର, ଦେବୀ ମୁହାଣର ସମୁଦ୍ର କଙ୍କଡ଼ା ସଂପର୍କିତ ଏକ ପୁସ୍ତିକା ଏବଂ ବନ୍ୟଜନ୍ତୁ ପରିଚାଳନା ପାଇଁ ମାର୍ଗଦର୍ଶିକା ଉନ୍ମୋଚିତ ହୋଇଥିଲା । ରାଜ୍ୟର ୧୦ଟି ବିଶ୍ୱବିଦ୍ୟାଳୟର ଛାତ୍ରଛାତ୍ରୀଙ୍କ ମଧ୍ୟରେ ଆୟୋଜିତ ‘ମନୁଷ୍ୟ ସମାଜ ପାଇଁ ଜୈବବିବିଧତା’ ଶୀର୍ଷକ ପ୍ରବନ୍ଧ ଓ ଚିତ୍ରାଙ୍କନ ପ୍ରତିଯୋଗିତାର କୃତୀ ପ୍ରତିଯୋଗୀଙ୍କୁ ପୁରସ୍କୃତ କରାଯାଇଥିଲା । ଦ୍ୱିତୀୟ ଅଧିବେଶନରେ ପୂର୍ବତନ ପ୍ରଧାନ ମୁଖ୍ୟ ବନ ସଂରକ୍ଷକ ଡ. ସୁଦର୍ଶନ ପଣ୍ଡା କହିଥିଲେ ଯେ ସମସ୍ତ ଜୀବଜଗତ ଜୈବବିବିଧତାର ଗୋଟିଏ ଗୋଟିଏ ଅଂଶ । ଆମଦେଶରେ ମରୁଭୂମିଠାରୁ ଆରମ୍ଭ କରି ଜଙ୍ଗଲ, ସମୁଦ୍ର, ପାହାଡ଼, ବୃକ୍ଷଲତା ଭରି ରହିଛି । ଜଙ୍ଗଲ ବାହାରେ ଯେଉଁସବୁ ଜୀବଜନ୍ତୁ ଓ ଉଦ୍ଭିଦଜଗତ ରହିଛି ତାକୁ ମଧ୍ୟ ଆମେ ସଂରକ୍ଷଣ କରିବା ଉଚିତ । ଉଦ୍ଭିଦଜଗତଠାରୁ ଆମକୁ ତ୍ୟାଗ, ଛୋଟ ଛୋଟ ପ୍ରାଣୀଙ୍କ ଠାରୁ ଆମକୁ ଶୃଙ୍ଖ ଳା ଏବଂ ଅନ୍ୟାନ୍ୟ ପ୍ରାଣୀଙ୍କ ଠାରୁ ଆମକୁ ନିରୁପିତ ଆବଶ୍ୟକତା ବିଷୟରେ ଶିଖିବାକୁ ପଡ଼ିବ ବୋଲି ସେ ମତ ଦେଇଥିଲେ ।
ରାଜ୍ୟ ପ୍ରଧାନ ମୁଖ୍ୟ ବନ ସଂରକ୍ଷକ (ବନ୍ୟପ୍ରାଣୀ) ଶଶି ପଲ ତାଙ୍କ ବକ୍ତବ୍ୟରେ ଉପଯୁକ୍ତ ସଂରକ୍ଷଣ, ସୁରକ୍ଷା ଓ ସହାବସ୍ଥାନର ଅନନ୍ୟ ଉଦାହରଣ ଭାବରେ ଆମ ରାଜ୍ୟରେ କୁମ୍ଭୀର ସଂରକ୍ଷଣ, ଗଞ୍ଜାମ ଜିଲ୍ଲାର କୃଷ୍ଣସାର ମୃଗ ସଂରକ୍ଷଣ ଏବଂ ମଙ୍ଗଳାଯୋଡ଼ିର ବହିରାଗତ ପକ୍ଷୀଙ୍କ ସୁରକ୍ଷା ଇତ୍ୟାଦିର ଉଦାହରଣ ଦେଇ ସେ ଜୈବବିବିଧତାର ସ୍ଥିତି ଉପରେ ଆଲୋକପାତ କରିଥିଲେ । ସମାରୋହରେ ପ୍ରଧାନ ମୁଖ୍ୟ ବନ ସଂରକ୍ଷକ ତଥା ବନବାହିନୀ ମୁଖ୍ୟ ଶିଶିର ରଥ, ପ୍ରଧାନ ମୁଖ୍ୟ ବନ ସଂର କ୍ଷକ (କେନ୍ଦୁପତ୍ର) ସୁଶୀଲ କୁମାର ପପ୍ଲି, ବନ ଉନ୍ନୟନ ନିଗମର ପରିଚାଳନା ନିର୍ଦ୍ଦେଶକ ସୁରେଶ ପନ୍ଥ, ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡର ସଦସ୍ୟସଚିବ ଡ. କେ. ମୁରୁଗେସନ୍, ପୂର୍ବତନ ମୁଖ୍ୟ ବନ ସଂରକ୍ଷକ ବିଜୟ କେତନ ପଟ୍ଟନାୟକ, ଜିତେନ୍ଦ୍ର କୁମାର ଏବଂ ନନ୍ଦନକାନନର ନିର୍ଦ୍ଦେଶକ ମନୋଜ ନାୟାରଙ୍କ ସମେତ ବହୁ ଗବେଷକ, ଛାତ୍ରଛାତ୍ରୀ ଏବଂ ବିଭିନ୍ନ ଜିଲ୍ଲାରୁ ଆସିଥିବା ଜୈବବିବିଧତା ପରିଚାଳନା କମିଟିର ସଦସ୍ୟମାନେ ଉପସ୍ଥିତ ଥିଲେ ।
କଟକ: ସାଂସଦ ତଥା ଅଭିନେତା ଅନୁଭବ ମହାନ୍ତିଙ୍କ ବିରୋଧରେ ଥାନାକୁ ପୁଣି ଗଲେ ଅଭିନେତ୍ରୀ ବର୍ଷା ପ୍ରିୟଦର୍ଶିନୀ । ଅନୁଭବ ମହାନ୍ତି ନିଜ ପାରିବାରିକ ବିବାଦକୁ ନେଇ ଭିଡିଓ ଜାରି କରି ବିଭିନ୍ନ ପ୍ରସଙ୍ଗରେ ଉଲ୍ଲେଖ କରିଥିଲେ । ବର୍ଷାଙ୍କୁ ପ୍ରେମ କରିବା ଠାରୁ ବିବାହ ପର୍ଯ୍ୟନ୍ତ ସମସ୍ତ ମାମଲାକୁ ଉଲ୍ଲେଖ କରିଥିଲେ । ଏଥି ସହିତ ସେ କାହିଁକି ବର୍ଷାଙ୍କ ଠାରୁ ବିଛେଦ ଚାହୁଁଥିବା ଘଟଣାକୁ ମଧ୍ୟ ଭିଡିଓ ମାଧ୍ୟମରେ ପ୍ରକାଶ କରିଥିଲେ ।
ଅନୁଭବ ମହାନ୍ତି ଭିଡିଓ କରି ନାରୀତ୍ୱ ଏବଂ ଚରିତ୍ର ସଂହାର କରୁଥିବା ନେଇ ଅନୁଭବଙ୍କ ବିରୁଦ୍ଧରେ କଟକ ପୁରୀ ଘାଟ ଥାନାରେ ଏତଲା ଦେଇଛନ୍ତି । ବର୍ଷା ସାତ ପୂଷ୍ଠା ସମ୍ବଳିତ FIRକୁ ଥାନାରେ ଦାଖଲ କରିଛନ୍ତି । ବର୍ଷା ଏଥିରେ ଅନୁଭବ ମହାନ୍ତିଙ୍କ ବିରୋଧରେ ପୁଣି ସଙ୍ଗୀନ ଆରୋପ ଲଗାଇଛନ୍ତି । ଭିଡିଓ କରି ମୋ ମାନ ସମ୍ନାନ ହାନି କରିବା ସହ ମୋ ନାରୀତ୍ୱକୁ ସେ ଅସମ୍ମାନ କରିଥିବା କହିଛନ୍ତି । ଏଥି ସହିତ ମୋ ସ୍ୱାମୀ ମୋ ବିରୋଧରେ ପ୍ରାୟୋଜିତ ଷଡ଼ଯନ୍ତ୍ର କରି ମୋର ମର୍ଯ୍ୟାଦାକୁ କ୍ଷୁଣ୍ଣ କରିବା ସହ ସମ୍ମାନ ହାନି କରିଥିବା କହିଛନ୍ତି ବର୍ଷା ପ୍ରିୟଦର୍ଶିନୀ ।
ତେବେ ଥାନାରେ ପୋଲିସ ଏତଲା ଦେଇଥିବାବେଳେ ଆଗକୁ ପୋଲିସ ଏନେଇ କଣ କାର୍ଯ୍ୟାନୁଷ୍ଠାନ ଗ୍ରହଣ କରୁଛି । ଭିତ୍ତିହୀନ କାହାଣୀ ସଜାଇ ବିନା ଦୋଷରେ ତାଙ୍କୁ ଦୋଷୀ ସଜାଇଥିବା ବର୍ଷା ଏତଲାରେ ଲେଖିଛନ୍ତି । କୋର୍ଟରେ ମାମଲା ବିଚାରଧୀନ ଥିବା ବେଳେ ସୋସିଆଲ ମିଡିଆରେ ଏଭଳି ଭିଡିଓ ଅପଲୋଡ କରି କୋର୍ଟଙ୍କ ଅବମାନନା କରିଛନ୍ତି । ତାଙ୍କୁ ଅସ୍ତ୍ର କରି ବିଭ୍ରାନ୍ତିକର କାହାଣୀ ଶୁଣାଇ ସୋସିଆଲ ମିଡିଆରେ ଇମେଜ୍ ସଜାଡିବାକୁ ଅନୁଭବ ହୀନ ଷଡ଼ଯନ୍ତ୍ର କରିଥିବା ବର୍ଷା ଏତଲାରେ ଲେଖିଛନ୍ତି ।
୨୦୨୦ମସିହାରେ ଛାଡ଼ପତ୍ର ଦେବାକୁ ସ୍ବାମୀ ବାଧ୍ୟ କରିଥିଲେ । ରାଜି ନ ହେବାରୁ ସମାଜରେ ବାଟ ଚଳାଇ ଦେବେନି ବୋଲି ସେ ଧମକ ମଧ୍ୟ ଦେଇଥିଲେ । ସେବେଠାରୁ ଏଯାଏ ସେ ପ୍ରତିଶୋଧ ନେଇ ଚାଲିଛନ୍ତି ବୋଲି ବର୍ଷା ଅଭିଯୋଗ କରିଛନ୍ତି । ମୋତେ ଗ୍ରହଣ କରିବାକୁ ସେ ଅନେକ ସର୍ତ୍ତ ରଖିଥିଲେ । ଯେପରିକି ମୁଁ କୌଣସି ସିନେମା କରିବି ନାହିଁ । ଏପରିକି ରାଜନୀତି କିମ୍ବା କୌଣସି ସମାଜସେବା କରିବି ନାହିଁ । ମାଙ୍କ ଘରକୁ ଯାଇପାରିବି ନାହିଁ ବୋଲି ମଧ୍ୟ ସେ ସର୍ତ୍ତ ରଖିଥିଲେ ।
ସବୁଥିରେ ଅସଫଳ ହେବା ପରେ ମୁଁ ଅସୁରକ୍ଷିତ ହୋଇ ଆଇନର ସାହାରା ନେଇଛି ବୋଲି ବର୍ଷା ଅଭିଯୋଗ ପତ୍ରରେ ଲେଖିଛନ୍ତି । ମୋ ପ୍ରତି ହେଉଥିବା ଅନ୍ୟାୟ ବିରୋଧରେ ଲଢୁଛି । ଅନେକ ସାମାଜିକ କାର୍ଯ୍ୟ ମଧ୍ୟ କରୁଛି । ଏହାକୁ ମୋ ସ୍ବାମୀ ସହିପାରୁନାହାନ୍ତି ବୋଲି କହିଛନ୍ତି ବର୍ଷା । ମାମଲା କୋର୍ଟରେ ବିଚାରାଧୀନ ରହିଛି । ସେଠି ନିଜର ନିର୍ଦ୍ଦେଷ ପ୍ରମାଣ ନ ରଖି ସୋସିଆଲ ମିଡିଆରେ ମୋ ବିରୋଧରେ ଲୋକଙ୍କୁ ମତାଇବା କେତେଦୂର ଗ୍ରହଣୀୟ ବୋଲି ବର୍ଷା କହିଛନ୍ତି । ସ୍ବାମୀଙ୍କର ଦୁଇଟିଯାକ ଭିଡିଓ କ୍ଲିପକୁ ଅନୁଧ୍ୟାନ କରି ମିଥ୍ୟା ଗୁଜବ ପ୍ରସାର କରୁଥିବା ବ୍ୟକ୍ତିକୁ ଉପଯୁକ୍ତ ଦଣ୍ଡ ଦେବାକୁ ବର୍ଷା ଅନୁରୋଧ କରିଛନ୍ତି ।
ଭୁବନେଶ୍ୱର: ନନ୍ଦନକାନନରେ ପର୍ଯ୍ୟଟକଙ୍କୁ ସଫାରି ବସ୍ କର୍ମଚାରୀଙ୍କ ମାଡ଼ ଅଭିଯୋଗ । ବିଳମ୍ବକୁ ନେଇ ବଚସାରୁ ଆକ୍ରମଣ କଲେ ୫୦ରୁ ଅଧିକ କର୍ମଚାରୀ । ଏନେଇ ନନ୍ଦକାନନ ଥାନାରେ ଅଭିଯୋଗ କରିଛନ୍ତି ପର୍ଯ୍ୟଟକ । ଅଭିଯୋଗ ଅନୁସାରେ ଛତିଶଗଡରୁ ୨୬ଜଣ ପର୍ଯ୍ୟଟକ ନନ୍ଦନକାନନ ବୁଲିବାକୁ ଆସିଥିଲେ । ସଫାରିରେ ବୁଲିବା ପାଇଁ ଦିନ ୨ଟାରେ ଟିକେଟ କାଟିଥିଲେ ।
ମାତ୍ର ପର୍ଯ୍ୟଟକ ୩ଘଣ୍ଟା କାଳ ଅପେକ୍ଷା କରିବା ପରେ ମଧ୍ୟ ସଫାରି ଗାଡି ମିଳିନଥିଲା । ପରବର୍ତ୍ତୀ ସମୟରେ ଏହି ଘଟଣାକୁ ନେଇ ସଫାରୀ କର୍ମଚାରୀଙ୍କ ସହିତ ବଚସା ହୋଇଥିଲା । ପରେ ଉତକ୍ଷିପ୍ତ ହୋଇ ପର୍ଯ୍ୟଟକମାନଙ୍କୁ ଆକ୍ରମଣ କରିଥିଲେ ସଫାରି କର୍ମଚାରୀ । ଘଟଣାସ୍ଥଳରେ ପୋଲିସ ପହଞ୍ଚି ଆହତଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଛି । ଘଟଣାର କାରଣ କଣ ଏନେଇ ମଧ୍ୟ ନନ୍ଦନକାନନ ପୋଲିସ କାରଣ ଖୋଜୁଛି ।
ଭୁବନେଶ୍ୱର: ଆଧୁନିକ ଓଡ଼ିଶା ନିର୍ମାଣରେ ଅବଦାନ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି 60 ତମ ପ୍ରତିଷ୍ଠା ଦିବସରେ ଓଡିଶା ନିର୍ମାଣ ନିଗମ ଲିମିଟେଡକୁ ଉଚ୍ଚ ପ୍ରଶଂସା କରିଛନ୍ତି। ଭିତ୍ତିଭୂମି ଦିବସ ପାଳନ କରିବା ପାଇଁ ରାଜ୍ୟ ସମ୍ମିଳନୀ କେନ୍ଦ୍ରରେ ଏକ କାର୍ଯ୍ୟକ୍ରମର ଆୟୋଜନ କରାଯାଇଥିଲା | ପିଏସୟୁକୁ ଅଭିନନ୍ଦନ ଜଣାଇ ମୁଖ୍ୟମନ୍ତ୍ରୀ କହିଛନ୍ତି ଯେ ଆଧୁନିକ ଓଡିଶା ନିର୍ମାଣରେ ଗତ 60 ବର୍ଷ ଧରି ଯୋଗଦାନ କରିଥିବାରୁ OCCL ସହ ଜଡିତ ସମସ୍ତଙ୍କୁ ମୁଁ ଧନ୍ୟବାଦ ଦେଉଛି। ସେ କହିଛନ୍ତି ଯେ ଗତ 60 ବର୍ଷ ମଧ୍ୟରେ ଏହା ଅନେକ ପ୍ରମୁଖ ଉଦ୍ୟୋଗ ଗ୍ରହଣ କରିଛି ଯେଉଁଥିରେ ଜଳ ବିଦ୍ୟୁତ୍, ଜଳସେଚନ, ତାପଜ ବିଦ୍ୟୁତ୍, ଶିଳ୍ପ, ବନ୍ଦର, ରେଳବାଇ ଏବଂ ଅନୁଷ୍ଠାନିକ ନିର୍ମାଣ ପ୍ରକଳ୍ପ ଅନ୍ତର୍ଭୁକ୍ତ | ସେ ଗୁରୁତ୍ୱାରୋପ କରିଛନ୍ତି ଯେ ଏହି ପ୍ରକଳ୍ପଗୁଡ଼ିକ ବର୍ଷ ବର୍ଷ ଧରି ବିପୁଳ ନିଯୁକ୍ତି ସୁଯୋଗ ସୃଷ୍ଟି କରିଛି ଏବଂ ରାଜ୍ୟର ସାମାଜିକ ଅର୍ଥନୈତିକ ଏବଂ ଶିଳ୍ପ ଦୃଶ୍ୟପଟ୍ଟରେ ପରିବର୍ତ୍ତନ ଆଣିଛି।
ସାରା ରାଜ୍ୟରେ ଏହି ପ୍ରକଳ୍ପଗୁଡ଼ିକ ଓଡିଶାର ଜଳ, ବିଦ୍ୟୁତ୍ ଏବଂ ସଂଯୋଗୀକରଣ ଦୃଶ୍ୟକୁ ବହୁତ ଉନ୍ନତ କରିଛି। ଏହି ସଂଗଠନ ସୃଷ୍ଟିରେ ବିଜୁ ପଟ୍ଟନାୟକଙ୍କ ଭୂମିକାକୁ ମନେ ପକାଇ ସିଏମ୍ କହିଛନ୍ତି ଯେ ଓଡିଶାର ଅନେକ ଆଇକନିକ୍ ଅନୁଷ୍ଠାନ ପରି ଏହି ରାଜ୍ୟ PSU ମଧ୍ୟ ଦୂରଦୃଷ୍ଟିସମ୍ପନ୍ନ ନେତା ତଥା ପୂର୍ବତନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକଙ୍କ ଦ୍ୱାରା 22 ମଇ 1962 ରେ ସୃଷ୍ଟି କରାଯାଇଥିଲା। ଏହା ସେତେବେଳେ ଏକ ସାମାନ୍ୟ ପୋଷାକ ହୋଇଥିବାବେଳେ ବର୍ତ୍ତମାନ ସିଭିଲ୍, ମେକାନିକାଲ୍ ଏବଂ ହାଇଡ୍ରୋଲିକ୍ ପ୍ରକଳ୍ପର ଯୋଜନା, ଡିଜାଇନ୍, ମନିଟରିଂ ଏବଂ ନିର୍ମାଣରେ ବିଶେଷଜ୍ଞ ଥିବା ଏକ ବୃହତ୍ ସଂଗଠନ ଭାବରେ ଉଭା ହୋଇଛି ବୋଲି ସେ କହିଛନ୍ତି। ସେ ଆଶା କରିଥିଲେ ଯେ 5T ଇନିସିଏଟିଭ୍ ଗ୍ରହଣ କରିବା ସହିତ କର୍ପୋରେସନ୍ ଏକବିଂଶ ଶତାବ୍ଦୀରେ ଓଡିଶାର ରୂପାନ୍ତରଣରେ ଅଧିକ ଦକ୍ଷତା ଏବଂ କର୍ମନିଯୁକ୍ତି ଆଣି ପାରିବ ।
କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ଅନେକ ପ୍ରକଳ୍ପର ଉଦଘାଟନ କରିଥିଲେ ଏବଂ ଏହି ଅବସରରେ ଏକ ସ୍ମରଣୀୟ ପୁସ୍ତକ ପ୍ରକାଶ କରିଥିଲେ। ଏହି କାର୍ଯ୍ୟକ୍ରମରେ ଯୋଗ ଦେଇ ଜଳସମ୍ପଦ ମନ୍ତ୍ରୀ ରଘୁନନ୍ଦନ ଦାସ ରାଜ୍ୟ ଜଳସେଚନ ଭିତ୍ତିଭୂମିରେ ଉନ୍ନତି ଆଣିବାରେ PSU ର ଭୂମିକା ବିଷୟରେ ବର୍ଣ୍ଣନା କରିଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦର୍ଶନ ଅନୁଯାୟୀ ଏହି ସଂଗଠନ ନିର୍ମାଣ ତଥା ପରିକଳ୍ପନାରେ ଏକ ବୃହତ ସଂଗଠନରେ ପରିଣତ ହୋଇଛି। OCCL ରେ ରାଜ୍ୟ ସରକାରଙ୍କ ଡିଭିଡେଣ୍ଡ ଭାବରେ ମନ୍ତ୍ରୀଙ୍କୁ 14.75 କୋଟି ଟଙ୍କା ମୂଲ୍ୟର ଏକ ଚେକ୍ ପ୍ରଦାନ କରାଯାଇଛି। ଏହି ଅବସରରେ ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର ମଧ୍ୟ କହିଛନ୍ତି। ଅତିରିକ୍ତ ମୁଖ୍ୟ ଶାସନ ସଚିବ ତଥା OCCL ର ଅଧ୍ୟକ୍ଷ ସ୍ମିଥ୍ ଅନୁ ଗର୍ଗ ସ୍ୱାଗତ ଭାଷଣ ଦେଇଥିଲେ ଏବଂ OCCL MD ଧନ୍ୟବାଦ ଅର୍ପଣ କରିଥିଲେ | ଏହି ଅବସରରେ ମୁଖ୍ୟମନ୍ତ୍ରୀ 450 କୋଟି ଟଙ୍କା ମୂଲ୍ୟର ପ୍ରକଳ୍ପ ଉଦଘାଟନ କରିଛନ୍ତି ।
ବ୍ରହ୍ମପୁର: ଗଞ୍ଜାମ କବିସୂର୍ଯ୍ୟନଗର ଖୋଜାପଲ୍ଲୀ ରାଜୁ ବିଷୋୟୀ ହତ୍ୟା ଘଟଣା । ୫ ଦିନ ପରେ ବି ପୋଲିସ ହାତ ଖାଲି । ଫିଟୁନି ହତ୍ୟାର ରହସ୍ୟ । ଗତ ୧୮ ତାରିଖରେ ରାଜୁ ବିଶୋଇଙ୍କୁ ଦୃର୍ବତ୍ତମାନେ ନିର୍ମମ ଭାବେ ହତ୍ୟା କରିଥିବା ବେଳେ ଅଭିଯୁକ୍ତଙ୍କୁ ଧରିବାରେ ବିଫଳ ହୋଇଛି ପୋଲିସ । ହତ୍ୟାକାରୀମାନେ ଖୁଲମଖୁଲା ବୁଲୁଥିଲେ ମଧ୍ୟ ସେମାନଙ୍କୁ ଧରାଯାଉନି ବୋଲି ଅଭିଯୋଗ କରିଛନ୍ତି ପରିବାର । ପୂର୍ବ ଶତ୍ରୁତା ଓ ଅନ୍ୟାନ୍ୟ କାରଣକୁ ନେଇ ମଦମାଫିଆମାନେ ରାଜୁଙ୍କୁ ହତ୍ୟା କରାଯାଇଛି ବୋଲି ଅଭିଯୋଗ କରିଛନ୍ତି ପୁଅ ସୁବ୍ରତ ।
ଏପରିକି ଗତ ୨୦୧୫ରେ ତାଙ୍କୁ ମଧ୍ୟ ମାଫିଆମାନେ ଆକ୍ରମଣ କରି ଗୋଟିଏ ଗୋଡ଼ କାଟିଦେଇଥିଲେ ବୋଲି ଅଭିଯୋଗ କରିଛନ୍ତି ସୁବ୍ରତ । ଅଭିଯୁକ୍ତଙ୍କୁ ଧରିବାକୁ ପୋଲିସ ଦୁଇଟି ଟିମ୍ ଗଠନ କରି ତଦନ୍ତ କରୁଛି ବୋଲି ପୁରୁଷୋତ୍ତମପୁର SDPO ସୂଚନା ଦେଇଛନ୍ତି । ସେପଟେ ରାଜୁଙ୍କୁ ହରାଇବା ପରେ ପରିବାର ଲୋକଙ୍କ ଆଖିରୁ ଲୁହ ଶୁଖୁନାହିଁ । ମୃତ ରାଜୁଙ୍କ ଫଟୋକୁ ଧରି ବାହୁନି ବାହୁନି କାନ୍ଦୁଛନ୍ତି ସ୍ତ୍ରୀ ଓ ପୁଅ । ବୃଦ୍ଧ ବାପ-ମାଆ ପୁଅର ହତ୍ୟାକାରୀଙ୍କୁ ଧରି କଠୋର ଦଣ୍ଡ ଦେବାକୁ ଦାବି କରିଛନ୍ତି ।
ନୂଆଦିଲ୍ଲୀ: ଦକ୍ଷିଣ ଆଫ୍ରିକା ବିପକ୍ଷ ଟି-୨୦ ସିରିଜ ପାଇଁ BCCI ଘୋଷଣା କରିଛି ଟିମ୍ । ସିରିଜ ଲାଗି କେ.ଏଲ. ରାହୁଲଙ୍କୁ ଅଧିନାୟକ ଭାବେ ଚୟନ କରିଛି ବିସିସିଆଇ । ଦଳରେ ରହିଛନ୍ତି ଦିନେଶ କାର୍ତ୍ତିକ, ହାର୍ଦ୍ଦିକ ପାଣ୍ଡ୍ୟା , ଉମରାନ ମଲ୍ଲିକ, ଋତୁରାଜ ଗାଇକୱାଡ, ଇଶାନ କିସାନ, ଦିପକ ହୁଡା, ଭେଙ୍କଟଶ ଲୟର, କୁଲଦୀପ ଯାଦବ, ଅକ୍ସର ପଟେଲ, ଭୁବନେଶ୍ୱର କୁମାର, ଆଭେଶ ଖାନ୍ ଏବଂ ଆର୍ଶଦୀପ ସିଂହ ।
T20I Squad – KL Rahul (Capt), Ruturaj Gaikwad, Ishan Kishan, Deepak Hooda, Shreyas Iyer, Rishabh Pant(VC) (wk),Dinesh Karthik (wk), Hardik Pandya, Venkatesh Iyer, Y Chahal, Kuldeep Yadav, Axar Patel, R Bishnoi, Bhuvneshwar, Harshal Patel, Avesh Khan, Arshdeep Singh, Umran Malik
— BCCI (@BCCI) May 22, 2022
ସେହିପରି ଇଂଲଣ୍ଡ ବିପକ୍ଷ ଟେଷ୍ଟ ସିରିଜ ପାଇଁ ମଧ୍ୟ BCCI ଟିମ୍ ଘୋଷଣା କରିଛି । ଏହି ଦଳରେ ଚେତେଶ୍ୱର ପୂଜାରାଙ୍କୁ ସାମିଲ କରାଯାଇଛି । ଏହି ଟିମରେ ରୋହିତ ଶର୍ମା କ୍ୟାପଟେନ ଭାବେ ଦାୟିତ୍ୱ ନିଭାଇବାକୁ ରହିଥିହବାବେଳେ, କେଏଲ ରାହୁଲ ରହିଛନ୍ତି ଉପ ଅଧିନାୟକ । ସେହିପରି ଶୁଭମନ୍ ଗିଲ, ଭିରାଟ କୋହଲି, ଶ୍ରେୟାସ ଆୟର, ହନିମାନ ବିହାରୀ, ଚେତେଶ୍ୱର ପୂଜାରା , ରିଷଭ ପନ୍ଥ ମଧ୍ୟ ରହିଛନ୍ତି ।
TEST Squad – Rohit Sharma (Capt), KL Rahul (VC), Shubman Gill, Virat Kohli, Shreyas Iyer, Hanuma Vihari, Cheteshwar Pujara, Rishabh Pant (wk), KS Bharat (wk), R Jadeja, R Ashwin, Shardul Thakur, Mohd Shami, Jasprit Bumrah, Mohd Siraj, Umesh Yadav, Prasidh Krishna #ENGvIND
— BCCI (@BCCI) May 22, 2022
ଅନ୍ୟପଟେ ଦଳରେ କେଏସ ଭାରତ, ଜାଡେଜା, ଆର ଅଷ୍ୱିନୀ, ସ୍ରାଦୁଳ ଠାକୁର, ମହମ୍ମଦ ସାମୀ, ବୁମରା, ସିରାଜ, ଉମେଶ ଯାଦବ ଏବଂ ରିଷିଦ୍ଧ କ୍ରିଷ୍ଣାଙ୍କୁ ଇଂଲଣ୍ଡ ବିପକ୍ଷ ଟେଷ୍ଟ ସିରିଜରେ ଖେଳିବା ପାଇଁ ଚୟନ କରିଛି ବିସିସିଆଇ ।
ଭୁବନେଶ୍ୱର: ହୀରାକୁଦ ଜଳଭଣ୍ଡାରରେ ଆବଦ୍ଧ ମାଛ ଚାଷ (କେଜ୍ ଫିସ୍ କଲ୍ଚର) ଏକ ସଫଳ ମୋଡେଲ୍ ଏବଂ ଏହା ଖୁବ୍ ଶିଘ୍ର ରାଜ୍ୟର ମଧୁର ପାଣି ମାଛ ଉତ୍ପାଦନକୁ ବହୁପରିମାଣରେ ବୃଦ୍ଧି କରିବ ବୋଲି ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର କହିଛନ୍ତି । ଉଭୟ କ୍ଷେତ୍ର ପରିଦର୍ଶନ ଏବଂ ଉଚ୍ଚସ୍ତରୀୟ ସମୀକ୍ଷାପରେ ଏହା କହିଛନ୍ତି । ଇତି ମଧ୍ୟରେ ମୁଖ୍ୟ ଶାସନ ସଚିବ ହୀରାକୁଦ ଜଳଭଣ୍ଡାରରେ ସ୍ଥାପିତ କେଜ୍ ଗୁଡିକରେ ମାଛ ଚାଷ ସ୍ଥିତି ପ୍ରତ୍ୟକ୍ଷ ଅନୁଧ୍ୟାନ କରିବା ସହ ମାଛଚାଷୀ, ଉଦ୍ୟୋଗୀ ଏବଂ ବିଭାଗୀୟ ଅଧିକାରୀମାନଙ୍କ ସହ ଆଲୋଚନା କରିଥିଲେ ।
କ୍ଷେତ୍ରସ୍ତରୀୟ ମାଛଚାଷ କାର୍ଯ୍ୟର ଅଗ୍ରଗତି ବିଷୟରେ ସନ୍ତୋଷ ପ୍ରକାଶ କରି ମୁଖ୍ୟ ସାସନ ସଚିବ କମନ୍ ଫେସିଲିଟି ସେଣ୍ଟର, ପରୀକ୍ଷାଗାର ଏବଂ ମାଛ ପହୁଞ୍ଚାଣ ନିମନ୍ତେ ଭାସମାନ ଜେଟ୍ଟି ଆଦି ଭିତ୍ତିଭୂମିକୁ ଶିଘ୍ର କାର୍ଯ୍ୟକାରୀ କରିବା ପାଇଁ ବିଭାଗୀୟ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଥିଲେ । କେଜ୍-ଫିସ୍-କଲ୍ଚର ବିକାଶ ନିମନ୍ତେ ସରକାର ଆବଶ୍ୟକୀୟ ଭିତ୍ତିଭୂମି ଓ ସହଯୋଗ ଯୋଗାଇଦେବେ ବୋଲି ସୁରେଶ ଚନ୍ଦ୍ର ମହାପାତ୍ର ଉଦ୍ୟୋଗୀମାନଙ୍କୁ ପ୍ରତିଶୃତି ଦେଇଥିଲେ । କମନ୍ ଫେସିଲିଟି ସେଣ୍ଟରରେ ଚାଷୀମାନେ କେଜ ରୁ ମାଛ ଧରି ବିପଣୀ ନିମନ୍ତେ ବର୍ଗୀକରଣ, ଓଜନ, ଓ ପ୍ରସ୍ତୁତ କରିପାରିବେ । ଏଠାରେ ଚାଷୀମାନଙ୍କ ପାଇଁ ପାଣି, ବିଦ୍ୟୁତ, ପରିଚ୍ଛନ୍ନତା ଓ ଶୌଚାଳୟ ଆଦିର ବ୍ୟବସ୍ଥା ରହିବ । ସେହିପରି ମତ୍ସ୍ୟଚାଷ ଗବେଷଣା ପରୀକ୍ଷାଗାର ଜଳ-ଜୀବ ସ୍ୱାସ୍ଥ୍ୟ ନିରୀକ୍ଷଣ ଏବଂ ପରିବେଶ ସନ୍ତୁଳନ ଅନୁଧ୍ୟାନ ଆଦିରେ ସହାୟକ ହେବ । ମାଛଚାଷୀମାନେ କେଜ୍ର ରେ ବଢ଼ୁଥିବା ମାଛଙ୍କର ସ୍ୱାସ୍ଥ୍ୟ ପରୀକ୍ଷା କରି ଗୁଣାତ୍ମାକମାନର ଉତ୍ପାଦନ ନିମନ୍ତେ ଆବଶ୍ୟକୀୟ ପଦକ୍ଷେପ ନେଇପାରିବେ ।
ଜଳଭଣ୍ଡାର ଉପରିଭାଗର ୧ ପ୍ରତିଶତ ଅଂଚଳରେ ଏହି କେଜ୍-କଲ୍ଚର ସିମୀତ ରଖିବା ଲାଗି ମୁଖ୍ୟ ଶାସନ ସଚିବ ବିଭାଗୀୟ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଥିଲେ । ହୀରାକୁଦର ମତ୍ସ୍ୟ ଓ ପଶୁସଂପଦ ବିକାଶ ଉପ ନିର୍ଦ୍ଦେଶକ ଜଣାଇଥିଲେ ଯେ ଜାତୀୟ ନୀୟମାବଳୀ ଦ୍ୱାରା ନିର୍ଦ୍ଧାରିତ ସୀମାଠାରୁ ବହୁ କମ୍ ଅଂଚଳରେ ବର୍ତ୍ତମାନ ପର୍ଯ୍ୟନ୍ତ ୩୨ ଟି କେଜ୍ ମାଛଚାଷ ଜୋନ୍ ଏବଂ ୬୨୫ ଟି ସବ୍- ଜୋନ ଚିହ୍ନଟ କରାଯାଇଛି । ଏହା ମଧ୍ୟରୁ ୧୦୧ ଟି ସବ୍- ଜୋନ କୁ ପୁଞ୍ଜିନିବେଶ ଆଗ୍ରହ ଭିତ୍ତିରେ ଚୟନ ହୋଇଥିବା ଉଦ୍ୟୋଗୀମାନଙ୍କୁ ଲିଜ୍ ଦିଆଯାଇଛି । ବର୍ତ୍ତମାନ ସୁଦ୍ଧା ସେମାନଙ୍କ ମଧ୍ୟରୁ ୭୧ ଜଣ ଉଦ୍ୟୋଗୀ ବିଭାଗସହ ବୁଝାମଣାପତ୍ର ସ୍ୱାକ୍ଷର କରି କ୍ଷେତ୍ରସ୍ତରୀୟ କାମ ଆରମ୍ଭ କରିଛନ୍ତି । ୩୦ ଟି ସବ୍- ଜୋନ ରେ କେଜ୍ ସ୍ଥାପନ କାର୍ଯ୍ୟ ସରିଛି । ଉଦ୍ୟୋଗୀମାନଙ୍କୁ ନିୟମିତ ଯୋଗାଯୋଗ ଓ ବୈଷୟିକ ଜ୍ଞାନ କୌଶଳ ସଂପ୍ରସାରଣ ମାଧ୍ୟମରେ ଉତ୍ସାହିତ କରି ଆଗାମୀ ୬ ମାସରେ ଅବଶିଷ୍ଟ ସବ୍- ଜୋନ ମାନଙ୍କରେ କେଜ୍ ସ୍ଥାପନ କାର୍ଯ୍ୟ ଶେଷ କରିବାକୁ ମୁଖ୍ୟ ଶାସନ ସଚିବ ନିର୍ଦ୍ଦେଶ ଦେଇଥିଲେ ।
ସୂଚନାଯୋଗ୍ୟ, ଗୋଟିଏ ସବ୍- ଜୋନ ରେ ୧୬ ମି ବ୍ୟାସ ଏବଂ ୫ ମି ଗଭୀରତାର ୩ ଟି ଗୋଲାକାର କେଜ୍ କିମ୍ବା ୪ x ୬ x ୪ ମିଟରର ୨୪ ଟି ଆୟତଘନାକାର କେଜ୍ ସ୍ଥାପନ କରାଯାଇ ପାରିବ । ପ୍ରତି ଗୋଲାକାର କେଜ୍ ରୁ ଥରକେ ୨୫ ରୁ ୩୦ ଟନ୍ ମାଛ ଅମଳ କରାଯାଇ ପାରିବ । ଆବଣ୍ଟିତ ସବ୍- ଜୋନ ଗୁଡିକରେ ଉତ୍ପାଦନ ଆରମ୍ଭ ହେଲେ ଥରକେ ପ୍ରାୟ ୧୪୫୦୦ ଟନ୍ ରୁ ଅଧିକ ମାଛ ଅମଳ ହେବ । ହୀରାକୁଦ ଜଳଭଣ୍ଡାର ଉପରିଭାଗରେ ୧୮୭୫ ଟି ଗୋଲାକାର କେଜ୍ କିମ୍ବା ୧୫୦୦୦ ଆୟତଘନାକାର କେଜ୍ ପ୍ରତିଷ୍ଠା କରାଯାଇପାରିବ । ଏସବୁରୁ ଥରକେ ପ୍ରାୟ ୪୫୦୦୦ ଟନ୍ ରୁ ଅଧିକ ମଧୁର ପାଣି ମାଛ ଅମଳ କରାଯାଇପାରିବ । ଉଦ୍ୟୋଗୀମାନଙ୍କୁ ଅମଳ ମାଛର ବିପଣୀ ନିମନ୍ତେ ବଜାର- ସଂଯୋଗ ପରାମର୍ଶ ଦେବା ପାଇଁ ରାଜ୍ୟ ସରକାର ପଦକ୍ଷେପ ନେଉଛନ୍ତି ବୋଲି ମୁଖ୍ୟ ଶାସନ ସଚିବ କହିଥିଲେ ।
ବୈଷୟିକ କୌଶଳର ପ୍ରୟୋଗ, ଜନସାଧାରଣଙ୍କ ସହଭାଗିତା ଏବଂ ଘରୋଇ ପୁଞ୍ଜିନିବେଶ ମାଧ୍ୟମରେ ମଧୁର ପାଣି ମାଛ ଚାଷ ଆର୍ଥିକ ଅବିବୃଦ୍ଧିରେ ସହାୟକ ହେବ ବୋଲି ବିଶେଷଜ୍ଞ ଓ ବୁଦ୍ଧିଜିବୀମାନେ ଆଶା ପ୍ରକାଶ କରିଛନ୍ତି । ସମ୍ବଲପୁରର ଜିଲ୍ଲାପାଳ ଦିବ୍ୟଜ୍ୟୋତି ପରିଡ଼ା ଏବଂ ମତ୍ସ୍ୟ ଓ ପଶୁ ସଂପଦ ବିକାଶ ଉପ ନିର୍ଦ୍ଦେଶକ ବିରଜା ପ୍ରକାଶ ଦ୍ୱିବେଦୀଙ୍କ ସମେତ ସଂପୃକ୍ତ ବିଭାଗର ବରିଷ୍ଠ ଅଧିକାରୀମାନେ ସମୀକ୍ଷା ନିମନ୍ତେ ସଦ୍ୟତନ ତଥ୍ୟ ଉପସ୍ଥାପନ କରିଥିଲେ ।
ଭୁବନେଶ୍ୱର: ସେଲିବ୍ରିଟ ଦମ୍ପତ୍ତିଙ୍କ ବିବାହ-ବିବାଦ ଓ ବିଛେଦ । ପାରିବାରିକ ବିବାଦର ଭିତିରି କଥା ଏବେ ସୋସିଆଲ ମିଡିଆରେ ଭାଇରାଲ ହେଉଛି । ସାସଂଦ ତଥା ଅଭିନେତା ଅନୁଭବ ମହାନ୍ତି ଏବଂ ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କ ବିବାହ ବିବାଦ ଘଟଣା ଏବେ ଚର୍ଚ୍ଚା ପାଲଟିଛି । ଏବଂ ସୋସିଆଲ ମିଡିଆରେ ହିଁ ୟୁଜର ଉଭୟଙ୍କୁ ସମାଲୋଚନା ଏବଂ ସମର୍ଥନ କରିବା ଆରମ୍ଭ କରିଦେଇଛନ୍ତି । ଖୋଦ ଅନୁଭବ ମହାନ୍ତି ସାମାଜିକ ଗଣମାଧ୍ୟମରେ ମୁହଁ ଖୋଲି କହିଛନ୍ତି ଦାମ୍ପତ୍ୟ ଜୀବନରେ ସୃଷ୍ଟି ହୋଇଥିବା ଝଡ଼ର କାହାଣୀ । କାହିଁକି ସେ ବିଛେଦ ଚାହୁଛନ୍ତି ତାହାର ଏକ ଭିଡିଓ ପୋଷ୍ଟ କରିଛନ୍ତି ଅନୁଭବ ।
ଅନୁଭବ ୨୧ ତାରିଖରେ ପ୍ରଥମ ଭିଡିଓ ପୋଷ୍ଟ କରି ବର୍ଷା ଏବଂ ତାଙ୍କ ଭିତରେ ଗଢି ଉଠିଥିବା ପ୍ରେମ ସମ୍ପର୍କକୁ ନେଇ ଉଲ୍ଲେଖ କରିଥିଲେ । ଭଲ ପାଇଁ ଜୀବନରେ ମସ୍ତ ବଡ଼ ଭୁଲ କରିଦେଇଥିବା ସେ ପ୍ରକାଶ କରିଥିଲେ । ପରଦିନ ଅର୍ଥାତ ମେ ୨୨ ତାରିଖରେ ଆଉ ଏକ ଭିଡିଓ ପୋଷ୍ଟ କରିଥିଲେ ଅନୁଭବ ମହାନ୍ତି । ପ୍ରାୟ ୧ ଘଣ୍ଟାରୁ ଅଧିକ ସମୟ ଧରି ଏହି ଭିଡିଓରେ ଅନୁଭବ ମହାନ୍ତି ପାରିବାରିକ ବିବାଦ ଓ ଦାମ୍ପତ୍ୟ ଜୀବନରେ ସୃଷ୍ଟି ହୋଇଥିବା ଝଡ଼କୁ ନେଇ ବିଭିନ୍ନ ପ୍ରସଙ୍ଗ ଉଲ୍ଲେଖ କରିଛନ୍ତି ।
ଅନୁଭବଙ୍କ ଏହି ଭିଡିଓ ଭାଇରାଲ ପରେ ସୋସିଆଲ ମିଡିଆରେ ଅନୁଭବଙ୍କ ସମର୍ଥନରେ ବାହାରିଛନ୍ତି ଅନେକ ୟୁଜର । ଏମିତିକି ପେସବୁକରେ ଥିବା ଅନୁଭବ-ବର୍ଷା ନାମକ ଏକ ପେଜ୍ ର ନାମ ପରିବର୍ତ୍ତନ ହୋଇଥିବା ଦେଖିବାକୁ ମିଳିଛି । ଯେଉଁ ପେଜର ନାମକୁ ପରିବର୍ତ୍ତନ କରାଯାଇ Justice For Anubhav ବୋଲି ପରିବର୍ତ୍ତନ କରିଦିଆଯାଇଛି ।
