ନୂଆଦିଲ୍ଲୀ: ସରୁନି ମହା’ନାଟକ’ । ନୂଆ ସରକାର ଗଠନ ପରେ ବିଧାୟକଙ୍କ ଅଯୋଗ୍ୟତା ମାମଲାର ଶୁଣାଣି କରିଛନ୍ତି ସୁପ୍ରିମକୋର୍ଟ । ଶିବସେନା ବିଦ୍ରୋହୀ ବିଧାୟକଙ୍କୁ ଅଯୋଗ୍ୟ ଘୋଷଣା ଉପରେ ସୁପ୍ରିମକୋର୍ଟ ରୋକ୍ ଲଗାଇଛନ୍ତି । ଶିବସେନା ସଦସ୍ୟଙ୍କ ବିରୋଧରେ ଆସିଥିବା ଅଯୋଗ୍ୟତା ପ୍ରସ୍ତାବ ଉପରେ ମହାରାଷ୍ଟ୍ରର ନୂଆ ସ୍ପିକର କୌଣସି କାର୍ଯ୍ୟାନୁଷ୍ଠାନ ନକରିବାକୁ ନିର୍ଦ୍ଦେଶ ଦେଇଛନ୍ତି ସର୍ବୋଚ୍ଚ ଅଦାଲତ । ପୂର୍ବତନ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ଗୋଷ୍ଠୀରେ ଥିବା ବିଧାୟକ ଓ ମୁଖ୍ୟମନ୍ତ୍ରୀ ସିନ୍ଦେଙ୍କ ଗୋଷ୍ଠୀର ବିଧାୟକଙ୍କୁ ଅଯୋଗ୍ୟ ଘୋଷଣା ପାଇଁ ଦୁଇ ପକ୍ଷରୁ ପିଟିସନ ଦାଏର ହୋଇଥିଲା । ତେବେ ମାମଲାର ଶୁଣାଣି ପାଇଁ ସୁପ୍ରିମକୋର୍ଟ ସ୍ୱତନ୍ତ୍ର ବେଞ୍ଚ ଗଠନ କରିବେ । ଏଥିପାଇଁ ସମୟର ଆବଶ୍ୟକତା ରହିଛି । କୋର୍ଟ ରାୟ ନଦେବା ପର୍ଯ୍ୟନ୍ତ ସ୍ପିକର କୌଣସି କାର୍ଯ୍ୟାନୁଷ୍ଠାନ ନକରିବାକୁ ପ୍ରଧାନ ବିଚାରପତି ଏନଭି ରମଣା କହିଛନ୍ତି ।
ଶ୍ରୀଲଙ୍କା ପ୍ରଧାନମନ୍ତ୍ରୀଙ୍କ ପଲଙ୍କରେ ବିକ୍ଷୋଭକାରୀଙ୍କ କୁସ୍ତି
କଲୋମ୍ବୋ: ଶ୍ରୀଲଙ୍କାରେ ଆର୍ଥିକ ସଙ୍କଟ ଜାରି ରହିଥିବା ବେଳେ ବିକ୍ଷୋଭ ଜାରି ରଖିଛନ୍ତି ଅତିଷ୍ଠ ଦେଶବାସୀ। ଏହାଭିତରେ ରାଷ୍ଟ୍ରପତି ଭବନକୁ କବଜା କରିଛନ୍ତି ଜନସାଧାରଣ । ସଙ୍କଟ ଭିତରେ ସୋସିଆଲ୍ ମିଡିଆରେ ଭାଇରାଲ୍ ହେଉଥିବା ଫଟୋକୁ ଦେଖିଲେ ହସି ହସି ବେଦମ ହୋଇଯିବେ।
ରାଷ୍ଟ୍ରପତିଙ୍କ ପରେ ପ୍ରଧାନମନ୍ତ୍ରୀଙ୍କ ବାସଭବନକୁ ନିଜ ଅକ୍ତିଆରରେ ନେଇଛନ୍ତି ବିକ୍ଷୋଭକାରୀ । ସେଠାରେ ମଉଜ କରିବା ସହ ତାସ୍ ଖେଳୁଛନ୍ତି । ଭାଇରାଲ୍ ହେଉଥିବା ଭିଡ଼ିଓ ଓ ଫଟୋକୁ ଦେଖିଲେ ଯେକେହିବି ଏହାକୁ ଟୁରିଷ୍ଟ ସ୍ପଟ୍ ବୋଲି ଭାବିନେବେ । ଖାଲି ଏତିକି ନୁହେଁ ଶ୍ରୀଲଙ୍କା ପ୍ରଧାନମନ୍ତ୍ରୀଙ୍କ ପଲଙ୍କରେ ବିକ୍ଷୋଭକାରୀ କୁସ୍ତି କରୁଥିବା ନଜର ଆସିଛି।
This is hilarious…WWE on srilankan prime minister bed..🤣 pic.twitter.com/JT7t287K76
— भाई साहब (@Bhai_saheb) July 10, 2022
ଭିଡ଼ିଓଟିରେ ଆପଣ ଦେଖିପାରିବେ କିଭଳି କିଛି ବିକ୍ଷୋଭକାରୀ ଦଳ ପରସ୍ପର ମଧ୍ୟରେ WWE ଖେଳୁଛନ୍ତି । ଜଣେ ବ୍ୟକ୍ତି ଅନ୍ୟଜଣେ ବ୍ୟକ୍ତିଙ୍କୁ ଉଠାଇ ପଲଙ୍କରେ ଫେପାଡୁଛନ୍ତି । ସେପଟେ ଅନ୍ୟଜଣେ ବ୍ୟକ୍ତି ରେଫ୍ରି ସାଜି କୁସ୍ତି ଖେଳକୁ ଆଗେଇ ନେଉଛନ୍ତି ।
ଏହି ଭିଡ଼ିଓ ଭାଇରାଲ୍ ହେବା ପରେ ୟୁଜର୍ସ ଖୁବ୍ କମେଣ୍ଟ କରିବାରେ ଲାଗିଛନ୍ତି ।
#WATCH | Protestors tour grounds, have lunches, enjoy gym-time at Presidential palace in Colombo, Sri Lanka pic.twitter.com/yUqtracq8t
— ANI (@ANI) July 10, 2022
କେବଳ ଏତିକି ନୁହେଁ ନିକଟରେ ହଜାର ହଜାର ସଂଖ୍ୟାରେ ଜନତା ରାଷ୍ଟ୍ରପତିଙ୍କ ବାସଭବନରେ ଧସେଇ ପଶିଥିଲେ। ଦେଖୁ ଦେଖୁ ପୂରା ବାସଭବନକୁ କବଜା କରିନେଇଥିଲେ ବିକ୍ଷୋଭକାରୀ। ଯାହାର ଭିଡ଼ିଓ ସୋସିଆଲ୍ ମିଡିଆରେ ଭାଇରାଲ୍ ହେଉଛି। ସୁଇମିଂ ପୁଲରେ ଲୋକମାନେ ଗାଧୋଉଥିବାର ନଜର ଆସିଥିଲେ। ତ ଆଉ କେହି କେହି ରୋଷେଇ ଘରେ ପଶି ଖାଉଥିବା ବେଳେ ଆଉ କେହି ବେଡରୁମରେ ପଶି ନାଚୁଥିଲେ।
ଜିମରେ ପଶି କସରତ ମଧ୍ୟ କରୁଛନ୍ତି । ମନ ଖୁସିରେ ତାସ୍ ବି ଖେଳୁଛନ୍ତି । ତ ଆଉ କେହି ସେଲଫି ନେଉଛନ୍ତି । ଖଟରେ ଶୋଇ ଅଏସ୍ କରୁଛନ୍ତି । ରାଷ୍ଟ୍ରପତିଙ୍କ ଆଲମାରିରେ ଥିବା ପୋଷାକ ଏଣେତେଣେ ପଡିଛି, ଯାହାକୁ ଧରି ସେଲଫି ମଧ୍ୟ ନେଉଛନ୍ତି ।
ପତ୍ନୀ ଖୋଜୁଛନ୍ତି ବିଜେପି ନେତା! ଭାଇରାଲ୍ ହେଲା ପୋଷ୍ଟ
କୋହିମା: ପତ୍ନୀ ଖୋଜୁଛି, ପ୍ରୟାସ ବି ଜାରି ରହିଛି । ଏଭଳି ଏକ ପୋଷ୍ଟ ସୋସିଆଲ୍ ମିଡିଆରେ ଝଡ଼ ସୃଷ୍ଟି କରିଛି । ଏହି ପୋଷ୍ଟ କରିଛନ୍ତି ବିଜେପି ମନ୍ତ୍ରୀ । ମାଟ୍ରିମୋନି ଆପ୍ ‘ସାଦି ଡଟ୍ କମ୍’ର ଫାଉଣ୍ଡର ମଧ୍ୟ ଏହି ପୋଷ୍ଟରେ କମେଣ୍ଟ କରିଛନ୍ତି । ଯାହାର ଜବାବ ବି କୁ୍ୟଟ୍ ଅନ୍ଦାଜରେ ଦେଇଛନ୍ତି ମନ୍ତ୍ରୀ ।
Ayalee, @Google search excites me.😆
I am still looking for her! pic.twitter.com/RzmmgyFFeq
— Temjen Imna Along (@AlongImna) July 10, 2022
ନାଗାଲାଣ୍ଡର ଉଚ୍ଚ ଶିକ୍ଷା ଓ ଆଦିବାସୀ ବ୍ୟାପାର ମନ୍ତ୍ରୀ ତଥା ନାଗାଲାଣ୍ଡ ବିଜେପି ରାଷ୍ଟ୍ରୀୟ ସଭାପତି ତେମଜେନ୍ ଇମନା ଅଲାଂ ଗୁଗୁଲ ସର୍ଚ୍ଚ ରିକମେଣ୍ଡେସନ୍ ର ଏକ ସ୍କ୍ରିନସଟ୍ ଶେୟାର କରିଛନ୍ତି । ସେ ଗୁଗୁଲ୍ ସର୍ଚ୍ଚ ବକ୍ସରେ ନିଜ ନାମର ୫ଟି ଲେଟର୍ ଟାଇପ୍ କରିଥିଲେ । ଯାହା ପରେ ଗୁଗୁଲ୍ ତରଫରୁ ତତ୍ ସମ୍ପର୍କିତ କିଛି କଣ୍ଟେଣ୍ଟ ଲିଷ୍ଟ ଦେଖାଯାଇଥିଲା ।
ଯେଉଁ ଲିଷ୍ଟର ପ୍ରଥମରେ ରହିଥିଲା- Temjen Imna Alongଙ୍କ ନାମ । ଦ୍ୱିତୀୟରେ- Temjen Imna Alongtwitter, ତୃତୀୟରେ Temjen Imna Along Age, ଚତୁର୍ଥରେ Temjen Imna Along Wife ଶୋ କରିଥିଲା । ଏହା ପରେ ସେ ପୋଷ୍ଟରେ ଲେଖିଥିଲେ- ଗୁଗୁଲ୍ ସର୍ଚ୍ଚ ଇଞ୍ଜିନ ମୋତେ ଏକ୍ସାଇଟ୍ କରୁଛି, ମୁଁ ଏବେବି ପତ୍ନୀ ଖୋଜୁଛି ।
Bhai filhal hum bindas hai😉
Waiting for Salman Bhai 😎
— Temjen Imna Along (@AlongImna) July 10, 2022
ଏହି ପୋଷ୍ଟ ସୋସିଆଲ୍ ମିଡିଆରେ ଭାଇରାଲ୍ ହେଉଥିବା ବେଳେ ମାଟ୍ରିମୋନି ଆପ୍ ‘ସାଦି ଡଟ୍ କମ୍’ର ଫାଉଣ୍ଡର ଅନୁପମ୍ ମିତ୍ତଲ ଏହି ପୋଷ୍ଟରେ କମେଣ୍ଟ କରିଛନ୍ତି । ସେ କମେଣ୍ଟ କରିଛନ୍ତି- କିଛି କରିବାକୁ ପଡିବ ‘ସାଦି ଡଟ୍ କମ୍’ । ଯାହାର ଜବାବ ଭିନ୍ନ ଅନ୍ଦାଜରେ ଦେଇଛନ୍ତି ମନ୍ତ୍ରୀ । ଆଉ କହିଛନ୍ତି- ‘‘ଭାଇ ମୁଁ ବିନ୍ଦାସ ଅଛି, ସଲମାନ୍ ଭାଇର ବାହାଘର ଅପେକ୍ଷାରେ ରହିଛି’’ ।
ପୁରୀ-ଭୁବନେଶ୍ୱର ଜାତୀୟ ରାଜପଥରେ ଓଲଟିଲା ବସ୍, ବସରେ ଥିଲେ ୧୦୦ରୁ ଅଧିକ ଯାତ୍ରୀ
ପୁରୀ: ପୁରୀ ଭୁବନେଶ୍ୱର ଜାତୀୟ ରାଜପଥ ସାତଶଙ୍ଖ ନିକଟରେ ବସ୍ ଦୁର୍ଘଟଣାଗ୍ରସ୍ଥ ହୋଇଛି । ଜସୁଆପୁର ନିକଟରେ ଓଲଟିଲା ଶାରଳା ନାମକ ଘରୋଇ ଯାତ୍ରୀବାହୀ ବସ୍ । ବସରେ ସିଟ୍ ସଂଖ୍ୟା ୪୦ ଥିବା ବେଳେ, ଶହେରୁ ଅଧିକ ଯାତ୍ରୀ ଥିଲେ ବୋଲି ଜଣାପଡ଼ିଛି । ସମସ୍ତ ଆହତଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି ।
ସୂଚନା ଅନୁସାରେ ଶାରଳା ନାମକ ଏକ ବସ୍ ପୁରୀରୁ ଭୁବନେଶ୍ୱର ଅଭିମୁଖେ ଆସୁଥିଲା । ତେବେ ବସଟି ଓଭରଲୋଡିଂ ଓ ଦ୍ରୁତ ଗତି ଯୋଗୁଁ ଭାରସାମ୍ୟ ହରାଇ ସାତଶଙ୍ଖ ନିକଟରେ ଓଲଟି ପଡ଼ିଥିଲା । ବସରେ ୧୦୦ରୁ ଉର୍ଦ୍ଧ୍ୱ ଯାତ୍ରୀ ଥିଲେ । ଦୁର୍ଘଟଣା ପରେ ଘଟଣାସ୍ଥଳରେ ପୋଲିସ୍ ଓ ଅଗ୍ନିଶମ ବାହିନୀ ପହଞ୍ଚି ଉଦ୍ଧାରକାର୍ଯ୍ୟ ଆରମ୍ଭ କରିଛି ।
ନୂଆ ସଂସଦ ଭବନରେ ଲୋକର୍ପିତ ହେଲା ରାଷ୍ଟ୍ରୀୟ ପ୍ରତୀକ
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୋମବାର ନୂତନ ସଂସଦ ଭବନ ଛାତରେ ଜାତୀୟ ପ୍ରତୀକ ଅଶୋକ ସ୍ତମ୍ଭକୁ ଉନ୍ମୋଚନ କରିଛନ୍ତି । ଶୌର୍ଯ୍ୟ ଓ ସାହସିକତାର ଏହି ପ୍ରତୀକ ତମ୍ବାରେ ନିର୍ମିତ ଅଟେ । ଜାତୀୟ ପ୍ରତୀକ ଏହି ଅଶୋକ ସ୍ତମ୍ଭର ଉଚ୍ଚତା ୬.୫ ମିଟର ହୋଇଥିବାବେଳେ, ଏହାର ଓଜନ ୯ ହଜାର ୫୦୦ କିଲୋଗ୍ରାମ ଅଟେ । ଆଠଟି ଭିନ୍ନ ଭିନ୍ନ ପର୍ଯ୍ୟାୟରେ ଏହାକୁ ତିଆରି କରାଯାଇଛି ।
ନୂତନ ସଂସଦ ଭବନର ଛାତ ଉପରେ ଜାତୀୟ ପ୍ରତୀକର ଉନ୍ମୋଚନ ଅବସରରେ ବିଦ୍ଧି ଭାବରେ ପୂଜାର୍ଚ୍ଚନା ହୋଇଥିଲା । ଏଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଲୋକସଭା ବାଚସ୍ପତି ଓମ୍ ବିର୍ଲା, ରାଜ୍ୟସଭା ଉପବାଚସ୍ପତି ହରିବଂଶ ନାରାୟଣ ସିଂ, କେନ୍ଦ୍ରମନ୍ତ୍ରୀ ହରଦୀପ ସିଂ ପୁରୀ ଉପସ୍ଥିତ ରହିଥିଲେ ।
ନୂତନ ସଂସଦ ଭବନର ଛାତ ଉପରେ ଜାତୀୟ ପ୍ରତୀକ ଅଶୋକ ସ୍ତମ୍ଭର ଉଦଘାଟନ କରିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହାକୁ ନିର୍ମାଣ କରିଥିବା ଶ୍ରମିକଙ୍କୁ ଭେଟିଥିଲେ ଓ ସେମାନଙ୍କ ସହ ଆଲୋଚନା କରିଥିଲେ ।
ପିପିଇ କିଟ୍ ପିନ୍ଧି କୋଭିଡ୍ ହସ୍ପିଟାଲର ସ୍ଥିତି ପରଖିଲେ ବିଏମସି କମିଶନର
ଭୁବନେଶ୍ୱର: ରାଜ୍ୟରେ ବୃଦ୍ଧି ପାଉଛି କରୋନା ଆକ୍ରାନ୍ତଙ୍କ ସଂଖ୍ୟା । ରାଜ୍ୟରେ ଚିହ୍ନଟ ହେଉଥିବା ଆକ୍ରାନ୍ତଙ୍କ ମଧ୍ୟରୁ ୫୦ ପ୍ରତିଶତ ରାଜଧାନୀରୁ ଚିହ୍ନଟ ହେଉଛନ୍ତି । ଭୁବନେଶ୍ୱରରେ କୋଭିଡ ପଜିଟିଭ ସଂଖ୍ୟା ବୃଦ୍ଧିକୁ ନଜରରେ ରଖି ଏକମାତ୍ର କୋଭିଡ ହସ୍ପିଟାଲ କାର୍ଯ୍ୟକ୍ଷମ ହୋଇଛି । କିଛିଦିନ ତଳେ ସମ୍ କୋଭି ହସ୍ପିଟାଲରେ ଶଯ୍ୟା ସଂଖ୍ୟ ୨୫ ରୁ ୯୦କୁ ବୃଦ୍ଧି ହୋଇଥିଲା । ଆଜି କୋଭିଡ ହସ୍ପିଟାଲ ପରିଦର୍ଶନ କଲେ ବିଏମସି କମିଶନର ବିଜୟ ଅମୃତା କୁଲାଙ୍ଗେ । ସମ୍ କୋଭିଡ ହସ୍ପିଟାଲ ଯାଇ ସ୍ଥିତି ପରଖିଲେ ବିଏମସି କମିଶନର । କୋଭିଡ ହସ୍ପିଟାଲ ବୁଲିବା ସହ ପିପିଇ କିଟ୍ ପିନ୍ଧି ରୋଗୀଙ୍କ କଥାହେବା ସହ ସ୍ୱାସ୍ଥ୍ୟବସ୍ଥା ପଚାରି ବୁଝିଛନ୍ତି ବିଜୟ ଅମୃତା କୁଲାଙ୍ଗେ । ହସ୍ପିଟାଲରେ ଥିବା ଡାକ୍ତର ଓ ଷ୍ଟାଫଙ୍କ ସହ ବର୍ତ୍ତମାନ ସ୍ଥିତି ଓ ରୋଗୀଙ୍କ ସଂଖ୍ୟା ପଚାରି ବୁଝିଛନ୍ତି । ଶଯ୍ୟା ସଂଖ୍ୟା ବଢ଼ିବା ଉଚିତ କି ନାହିଁ ତା’ର ଅନୁଧ୍ୟାନ କରିଛନ୍ତି । ଆବଶ୍ୟକ ସ୍ଥଳେ ଆହୁରି ବେଡ୍ ସଂଖ୍ୟା ବୃଦ୍ଧି ପାଇବ ବୋଲି କହିଛନ୍ତି ବିଏମସି କମିଶନର ।
ସ୍ତ୍ରୀ-ଝିଅକୁ ବନ୍ଦୀ କରିରଖିଥିଲେ CRPF ଯବାନ, ଏବେ ଜୀବନ ହାରିଲେ
ଯୋଧପୁର: ରାଜସ୍ଥାନର ଯୋଧପୁରରେ ନିଜ ପରିବାରକୁ ବନ୍ଦୀ କରି ରଖିଥିବା ସିଆରପିଏଫ୍ ଯବାନ ନିଜକୁ ଗୁଳି କରି ଆତ୍ମହତ୍ୟା କରିଛନ୍ତି । ଏନେଇ ପୋଲିସ କମିଶନର ରବିଦତ୍ତ ଗୌଡ ସ୍ପଷ୍ଟ କରିଛନ୍ତି । ଏହି ଯବାନ ଜଣଙ୍କ ପ୍ରାୟ ୧୮ ଘଣ୍ଟା ଧରି ନିଜ ପତ୍ନୀ ଓ ୮ ମାସର ଝିଅକୁ ଘରେ ବନ୍ଦ କରି ରଖିଥିଲେ । ଖାଲି ଏତିକି ନୁହେଁ ବାଲକୋନିକୁ ଯାଇ ବାରମ୍ବାର ଫାଙ୍କା ଗୁଳି ଚାଳନା କରୁଥିଲେ । ଫଳରେ ସ୍ଥାନୀୟ ଅଞ୍ଚଳରେ ଆତଙ୍କ ଖେଳିଯାଇଥିଲା ।
ସୂଚନା ଅନୁଯାୟୀ, ଯୋଧପୁରର ସିଆରପିଏଫ୍ ଟ୍ରେନିଂ ସେଣ୍ଟରରେ ଅବସ୍ଥାପିତ ନରେଶ ଜାଟ୍ ରବିବାର ସନ୍ଧ୍ୟା ୫ଟା ସମୟରେ ପରିବାର ସମେତ ନିଜକୁ ସରକାରୀ କ୍ୱାଟରରେ ବନ୍ଦ କରି ଦେଇଥିଲେ । ଏପରିକି ୧୭ ଘଣ୍ଟା ଯାଏଁ କାହା ସହିତ କଥାବାର୍ତ୍ତା କରିନଥିଲେ । ବରଂ ବାଲକୋନିକୁ ଯାଇ ବାରମ୍ବାର ଫାଙ୍କା ଗୁଳି ଚାଳନା କରିଥିଲେ । ପରିବାର ସଦସ୍ୟ ଓ ଅଧିକାରୀମାନେ ବୁଝାସୁଝା କରିଥିଲେ ବି କୌଣସି ରେସପୋନ୍ସ ମିଳିନଥିଲା ।
ଯବାନ ନରେଶ କହିଥିଲେ- ତାଙ୍କର କାହା ଉପରେ ଭରସା ନାହିଁ । କେବଳ ସିଆରପିଏଫ୍ ଆଇଜିଙ୍କ ସହ କଥା ହେବେ, ଯିଏକି ଦିଲ୍ଲୀରେ ନିୟୋଜିତ ଅଛନ୍ତି। ତୁରନ୍ତ ଦିଲ୍ଲୀ ଫୋନ୍ କରାଯିବା ପରେ କାଳବିଳମ୍ବ ନକରି ଆଇଜି ବିକ୍ରମ ସେହଗଲ୍ ଯୋଧପୁର ଅଭିମୁଖେ ବାହାରିଥିଲେ । କିନ୍ତୁ ସେତେବେଳେକୁ ସବୁ ସରି ଯାଇଥିଲା ।
ତେବେ ସେ ଏଭଳି କ’ଣ ପାଇଁ କଲେ ସେନେଇ କାରଣ ଜଣାପଡିନାହିଁ ।
Sri Lanka Crisis: ରାଷ୍ଟ୍ରପତି ଇସ୍ତଫା ନଦେଲା ଯାଏଁ ବାସଭବନ ଛାଡିବୁନାହିଁ ବୋଲି କହିଲେ ବିକ୍ଷୋଭକାରୀ
କଲୋମ୍ବୋ: ଶ୍ରୀଲଙ୍କାରେ ଟଳୁନି ସଙ୍କଟ। ରାଷ୍ଟ୍ରପତିଙ୍କ ଇସ୍ତଫା ଘୋଷଣା ପରେ ବି ଥମୁନି ଜନ ଆକ୍ରୋଶ । ନେତାଙ୍କ ଉପରୁ ଭରସା ତୁଟାଇଛନ୍ତି ଶ୍ରୀଲଙ୍କାବାସୀ । ରାଷ୍ଟ୍ରପତି ଗୋଟାବାୟା ରାଜପକ୍ଷ ଇସ୍ତଫା ନଦେବା ପର୍ଯ୍ୟନ୍ତ ବିକ୍ଷୋଭ ଜାରି ରହିବ ବୋଲି ଆନ୍ଦୋଳନକାରୀ କହିଛନ୍ତି । ରାଷ୍ଟ୍ରପତି ଭବନକୁ ଆନ୍ଦୋଳନକାରୀ କବଜା କରିଥିବା ବେଳେ ଏହାକୁ ଖାଲି କରିବାକୁ ମନା କରିଦେଇଛନ୍ତି ।
ସାରାଦେଶରେ ଅରାଜକତା ଜାରି ରହିଥିବା ବେଳେ ସ୍ଥିତି ନିୟନ୍ତ୍ରଣ କରିବାକୁ ପୋଲିସ ଓ ସେନା କର୍ମଚାରୀ ନିୟୋଜିତ ହୋଇଛନ୍ତି। ସେପଟେ ଶ୍ରୀଲଙ୍କା ସଙ୍କଟ ସୁଧୁରିବାର ଆଶା ଦେଖାଯାଉନି ବୋଲି ବିଶେଷଜ୍ଞ ମତ ଦେଇଛନ୍ତି । ଘୋର ଆର୍ଥିକ ସଙ୍କଟ ଦେଇ ଗତି କରୁଥିବା ସିଂହଳ ରାଷ୍ଟ୍ରରେ ଦୈନନ୍ଦିନ ସାମଗ୍ରୀର ମୂଲ୍ୟ ଆକାଶ ଛୁଆଁ ହୋଇଥିବା ବେଳେ ମେଡିସିନ, ପେଟ୍ରୋଲ, ଡିଜେଲ ଆଦିର ଘୋର ଅଭାବ ଜନ ଅସନ୍ତୋଷକୁ ଉଗ୍ର ରୂପ ଦେଇଛି ।
ନିକଟରେ ହଜାର ହଜାର ସଂଖ୍ୟାରେ ଜନତା ରାଷ୍ଟ୍ରପତିଙ୍କ ବାସଭବନରେ ଧସେଇ ପଶିଥିଲେ। ଦେଖୁ ଦେଖୁ ପୂରା ବାସଭବନକୁ କବଜା କରିନେଇଥିଲେ ବିକ୍ଷୋଭକାରୀ। ଯାହାର ଭିଡ଼ିଓ ସୋସିଆଲ୍ ମିଡିଆରେ ଭାଇରାଲ୍ ହୋଇଥିଲା । ଯେଉଁଥିରେ ସୁଇମିଂ ପୁଲରେ ଲୋକମାନେ ଗାଧୋଉଥିବାର ନଜର ଆସିଥିଲେ। ତ ଆଉ କେହି କେହି ରୋଷେଇ ଘରେ ପଶି ଖାଉଥିବା ବେଳେ ଆଉ କେହି ବେଡରୁମରେ ପଶି ନାଚୁଥିଲେ।
After storming Gotabaya Rajapaksa’s official house, protestors taking a dip in President’s swimming pool in Colombo. Lakhs of people have hit the streets today. Sri Lanka is officially bankrupt. #SriLankaCrisis pic.twitter.com/BhAZRNU31k
— DP SATISH (@dp_satish) July 9, 2022
ତେବେ ରାଜପକ୍ଷ ପରିବାର ଉପରେ ଥିବା ଆକ୍ରୋଶ ଚରମ ସୀମାରେ ପହଞ୍ଚିଛି। ଏକ ସର୍ବଦଳୀୟ ସରକାର ଗଠନ ନହେବା ପର୍ଯ୍ୟନ୍ତ ଏ ସ୍ଥିତି ସୁଧୁରିବାର ସମ୍ଭାବନା ଦେଖାଯାଉନି ବୋଲି ବିଶେଷଜ୍ଞ ମତ ଦେଇଛନ୍ତି ।
ରୁଚିକା ମହାନ୍ତି ଆତ୍ମହତ୍ୟା ମାମଲା; ଧାରଣାରେ ବସିଥିବା ରୁଚିକାଙ୍କ ମା’ଙ୍କୁ ଉଠାଇନେଲା ପୋଲିସ୍
ଭୁବନେଶ୍ୱର: ବିଜେବି କଲେଜ ଛାତ୍ରୀ ରୁଚିକା ମହାନ୍ତି ଆତ୍ମହତ୍ୟା ଘଟଣାକୁ ୧୦ ଦିନ ବିତିଲାଣି । କିନ୍ତୁ ଏପର୍ଯ୍ୟନ୍ତ ସସପେନ୍ସ ଉପରୁ ହଟୁନି ପରଦା । ହଷ୍ଟେଲ ଯାଇ ଜଣକ ପରେ ଜଣଙ୍କୁ ପୋଲିସର ସ୍ୱତନ୍ତ୍ର ଟିମ୍ ପଚରାଉଚରା କରିଛି । ସତ ଉପରୁ ପରଦା ହଟାଇବା ପାଇଁ ମନସ୍ତତ୍ତ୍ୱବିତ୍ ମଧ୍ୟ ଲାଗିଛନ୍ତି । ହେଲେ କିଏ ସେହି ଅଭିଯୁକ୍ତ, ସେ ବିଷୟରେ ଟେର ପାଉନି ପୋଲିସ । ଅନ୍ୟପକ୍ଷରେ ନ୍ୟାୟ ଦାବିରେ ଧାରଣାରେ ବସିଥିବା ରୁଚିକାଙ୍କ ମାଆଙ୍କୁ ଉଠାଇ ନେଇଛି ପୋଲିସ । କେବଳ ସେତିକି ନୁହେଁ, ଧାରଣାସ୍ଥଳରେ ଥିବା ଟେଣ୍ଟକୁ ମଧ୍ୟ ପୋଲିସ ଭାଙ୍ଗି ଦେଇଛି । ଘଟଣାକୁ ୧୦ ଦିନ ବିତିଥିବା ବେଳେ, ପୋଲିସ ନ୍ୟାୟ ଦେବା ବିଫଳ ହୋଇଥିବା କହିଛନ୍ତି ରୁଚିକାଙ୍କ ମା’ ।
ସେପଟେ କଲେଜରେ ଶୈକ୍ଷିକ ବାତାବରଣକୁ ନଷ୍ଟ କରାଯାଉଥିବା ଅଭିଯୋଗ ଆଣି ବଡଗଡ଼ ଥାନା ଘେରାଉ କରିଛନ୍ତି ଛାତ୍ରଛାତ୍ରୀ । କଲେଜରେ ପାଠପଢାକୁ ସ୍ୱାଭାବିକ କରିବାକୁ ଦାବି କରିଛନ୍ତି ଛାତ୍ରଛାତ୍ରୀ । ରୁଚିକା ଆତ୍ମହତ୍ୟା ଘଟଣାରେ ଯିଏ ଅଭିଯୁକ୍ତ ତା ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ବୋଲି ଦାବି କରିଛନ୍ତି ଛାତ୍ରଛାତ୍ରୀ । କିନ୍ତୁ ଘଟଣାରେ ରାଜନୈତିକ ରଙ୍ଗ ନଦେବାକୁ ଦାବି ହୋଇଛି । ସେହିଭଳି ଲେଡିଜ ବାଥରୁମରେ କ୍ୟାମେରା ଲାଗିବା, କଲେଜରେ ସେକ୍ସ ରାକେଟ ଚାଲିବା ଭଳି ବିଭାନ୍ତକାରୀ ମନ୍ତବ୍ୟ ଦେଉଥିବା ଲୋକଙ୍କ ବିରୋଧରେ ଏତଲା ଦିଆଯିବ ବୋଲି କହିଛନ୍ତି ଛାତ୍ରଛାତ୍ରୀ ।
ବିଜୟ ମାଲ୍ୟାଙ୍କୁ ୪ ମାସ ଦଣ୍ଡାଦେଶ ଓ ୨ ହଜାର ଜୋରିମାନା
ନୂଆଦିଲ୍ଲୀ: କୋର୍ଟଙ୍କ ଅବମାନନା ଅଗଭିଯୋଗରେ ବିଜୟ ମାଲ୍ୟାଙ୍କୁ ୪ ମାସର ଦଣ୍ଡାଦେଶ ଶୁଣାଇଛନ୍ତି ସୁପ୍ରିମକୋର୍ଟ। ଏହାବ୍ୟତୀତ ଦୁଇ ହଜାର ଟଙ୍କାର ଜୋରିମାନା ଲଗାଇଛନ୍ତି । ଜୋରିମାନା ନଦେଲେ ୨ ମାସର ଅତିରିକ୍ତ ଜେଲ୍ ଦଣ୍ଡ ଭୋଗିବାକୁ ପଡିବ।
ଅପରପକ୍ଷେ ମାଲ୍ୟା ବିଦେଶରେ କରିଥିବା ୪୦ ମିଲିୟନ୍ ଡଲାରକୁ ୪ ସପ୍ତାହ ମଧ୍ୟରେ ଫେରାଇବା ନେଇ ନିର୍ଦ୍ଦେଶ ରହିଛି। ଜଷ୍ଟିସ୍ ୟୁ ୟୁ ଲଳିତ, ଜଷ୍ଟିସ୍ ଏସ୍ ରବିନ୍ଦ୍ର ଭଟ୍ଟ ଓ ଜଷ୍ଟିସ୍ ସୁଧାଂଶୁ ଧୁଲିଆଙ୍କ ଖଣ୍ଡପୀଠ ଏହି ରାୟ ଶୁଣାଇଛନ୍ତି।
ଶୁଣାଣି ସମୟରେ କୋର୍ଟଙ୍କ ତରଫରୁ ନିଯୁକ୍ତ ବରିଷ୍ଠ ବିଚାରପତି ଜୟଦୀପ ଗୁପ୍ତା ଖଣ୍ଡପୀଠ ଆଗରେ କହିଥିଲେ ଯେ, ମାଲ୍ୟା ଦୁଇଟି ମାମଲାରେ ଦୋଷୀ ସାବ୍ୟସ୍ତ ହୋଇସାରିଛନ୍ତି । ପ୍ରଥମତଃ ସମସ୍ତ ସମ୍ପତ୍ତିର ସୂଚନା ନଦେବା ଏବଂ ଦ୍ୱୀତିୟଟି ହେଉଛି- କର୍ଣ୍ଣାଟକ ହାଇକୋର୍ଟଙ୍କ ଆଦେଶର ଅବମାନନା କରିବା । ଯେଉଁଥିରେ କୋର୍ଟଙ୍କ ନିର୍ଦ୍ଦେଶକୁ ଉଲ୍ଲଂଘନ କରି ୪୦ କୋଟି ଡଲାର ନିଜ ସନ୍ତାନ ମାନଙ୍କୁ ଟ୍ରାନ୍ସଫର କରିଥିଲେ।
୧୦ ମାର୍ଚ୍ଚରେ ମାଲ୍ୟାଙ୍କ ଅନୁପସ୍ଥିତିରେ ମାମଲାର ଶୁଣାଣି ସରିଥିବା ବେଳେ ରାୟ ସଂରକ୍ଷିତ ରଖିଥିଲେ କୋର୍ଟ । ମାମଲାର ଶୁଣାଣି ବେଳେ କୋର୍ଟରେ ହାଜର ପାଇଁ କୋର୍ଟ ଏକାଧିକ ଥର ନିର୍ଦ୍ଦେଶ ଦେଇଥିଲେ ବି ମାଲ୍ୟା ହାଜର ହୋଇନଥିଲେ । ସୂଚନା ଅନୁଯାୟୀ, ୫ ବର୍ଷ ପୂର୍ବେ ଅର୍ଥାତ୍ ୨୦୧୭ ମସିହା ମେ ୯ରେ ମାଲ୍ୟା କୋର୍ଟଙ୍କ ଆଦେଶକୁ ଅବମାନନା କରିଥିବା ନେଇ ଦୋଷୀ ସାବ୍ୟସ୍ତ ହୋଇଥିଲେ । ବିଶେଷତଃ ସେ ନିଜ ସମ୍ପତ୍ତିର ପୂରା ସୂଚନା ବ୍ୟାଙ୍କ ଓ ତତ୍ ସମ୍ବନ୍ଧୀୟ ପ୍ରାଧୀକରଣକୁ ଦେଇନଥିଲେ, ଯେଉଁଠୁ ସେ କୋଟିକୋଟି ଟଙ୍କାର ଋଣ ନେଇଥିଲେ । ତେବେ ବିଜୟ ମାଲ୍ୟାଙ୍କ ନାମରେ ୯ହଜାର କୋଟିର ଋଣ ଠକେଇ ମାମଲା ରହିଛି ।