ମୋହନା: ଗଜପତି ମୋହନା ରାଇସିଂ ଘାଟିରେ ଓଲଟିଲା ଯାତ୍ରୀବାହୀ ବସ୍ । ଅଳ୍ପକେ ବର୍ତ୍ତିଲେ ୨୪ ଜଣ ଯାତ୍ରୀ । ଆଜି ଭୋର୍ ୩ଟା ବେଳେ କାମଧେନୁ ନାମକ ଏକ ଯାତ୍ରୀବାହୀ ବସ ରାୟଗଡ଼ା ଜିଲ୍ଲା ମୁନିଗୁଡାରୁ ବ୍ରହ୍ମପୁର ଯାଉଥିଲା । ତେବେ ବସଟି ଭାରସାମ୍ୟ ହରାଇ ରାଇସିଂ ଘାଟିରେ ରାସ୍ତା କଡକୁ ଓଲଟି ପଡ଼ିଥିଲା । ମୋହନା ପୋଲିସ ଓ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ସମସ୍ତ ଯାତ୍ରୀଙ୍କୁ ଉଦ୍ଧାର କରି ଅନ୍ୟ ବସରେ ପଠାଇଥିଲା । ଘନ କୁହୁଡି ଓ ଡ୍ରାଇଭରର ଅସାବଧାନତା କାରଣରୁ ଦୁର୍ଘଟଣା ଘଟିଥିବା ଅନୁମାନ କରାଯାଉଛି ।
ମହଙ୍ଗା ପଡ଼ିଲା ପ୍ରେମବ୍ୟାପାର ଗୁଇନ୍ଦାଗିରି, ଝିଅ ସାଙ୍ଗଙ୍କୁ ପ୍ରେମୀ ଯୁଗଳଙ୍କୁ ଆକ୍ରମଣ
ଭୁବନେଶ୍ୱର: ରାଜଧାନୀରେ ମହଙ୍ଗା ପଡିଲା ପ୍ରେମବ୍ୟାପାରରେ ଗୁଇନ୍ଦାଗିରି । ଝିଅ ସାଙ୍ଗଙ୍କୁ ପ୍ରେମୀ ଯୁଗଳଙ୍କ ଆକ୍ରମଣ । ନୟାପଲ୍ଲୀ ତ୍ରିନାଥ ସାହିରେ ଘଟିଛି ଏଭଳି ଘଟଣା । ସୂଚନା ଅନୁସାରେ, ଜଣେ ଝିଅ ତାର ବୟ ଫ୍ରେଣ୍ଡ ଉପରେ ନଜର ରଖିବାକୁ ସାଙ୍ଗଙ୍କୁ କହିଥିଲା । ବୟ ଫ୍ରେଣ୍ଡ ଜଣକ ଅନ୍ୟ ଜଣେ ଝିଅ ସହିତ କଥା ହେବାରୁ ଯୁବତୀ ଜଣକ ତାର ସାଙ୍ଗକୁ କହିଥିଲା ।
ଯାହାକୁ ନେଇ ପ୍ରେମିକ ଓ ପ୍ରେମିକାଙ୍କ ମଧ୍ୟରେ ଝଗଡା ହୋଇଥିଲା । ପରେ ଉଭୟ ପ୍ରେମିକ ଓ ପ୍ରେମିକା ମଧ୍ୟରେ ମିଳାମିଶା ହୋଇଥିଲା । ତେବେ ଉଭୟଙ୍କ ସମ୍ପର୍କ ଭାଙ୍ଗୁ ଥିବା ନେଇ ସନ୍ଦେହ କରି ଖବର ଦେଇଥିବା ସାଙ୍ଗକୁ ନିସ୍ତୁକ ମାଡ଼ ମାରିଥିଲେ ପ୍ରେମୀ ଯୁଗଳ । ରକ୍ତାକ୍ତ ଅବସ୍ଥାରେ ସାଙ୍ଗକୁ ପିସିଆର ଉଦ୍ଧାର କରିଥିଲା । ଏନେଇ ନୟାପଲ୍ଲୀ ଥାନାରେ ଏତଲା ଦିଆଯାଇଥିବା ବେଳେ ପୋଲିସ ଘଟଣାର ତଦନ୍ତ କରୁଛି ।
ରାତିରେ ତାତି ବଢାଉଛି ରାଜସ୍ଥାନ ରାଜନୀତି, ସିପି ଯୋଶୀଙ୍କୁ ମୁଖ୍ୟମନ୍ତ୍ରୀ କରିବାକୁ ଦାବି
ଜୟପୁର: ରାଜସ୍ଥାନ କଂଗ୍ରେସରେ ହଟଚମଟ। 82 ଜଣ କଂଗ୍ରେସ ବିଧାୟକ ଦେଇଛନ୍ତି ଇସ୍ତଫା । ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ ଏଆଇସିସି ସଭାପତି ପାଇଁ ନାମାଙ୍କନ ଦାଖଲ ପୂର୍ବରୁ ଦଳରେ ପ୍ରବଳ ଅସନ୍ତୋଷ । ବିଧାୟକମାନେ ବିଧାନସଭା ବାଚସ୍ପତି ସିପି ଯୋଶୀଙ୍କୁ ଭେଟି ସେମାନଙ୍କ ଇସ୍ତଫାପତ୍ର ଦେଇଛନ୍ତି । ଫଳରେ ଦଳ ପାଇଁ ନୂଆ ସଙ୍କଟ ଉପୁଜିଛି ।
ଗେହଲଟଙ୍କ ସ୍ଥାନରେ କିଏ ହେବେ ମୁଖ୍ୟମନ୍ତ୍ରୀ ତାକୁ ନେଇ କସରତ ଚାଲିଥିବା ବେଳେ ଦଳରେ ଫାଟ ଚରମ ସୀମାରେ ପହଞ୍ଚିଛି । ଯଦି ଅଶୋକ କଂଗ୍ରେସ ସଭାପତି ହୁଅନ୍ତି ରାଜ୍ୟରେ ପରବର୍ତ୍ତୀ ମୁଖ୍ୟମନ୍ତ୍ରୀ ସିପି ଯୋଶୀ ହୁଅନ୍ତୁ ବୋଲି ଦାବି କରିଛନ୍ତି । ପ୍ରମୁଖ ଦାବିଦାର ମାନେ ସଚିନ ପାଇଲଟଙ୍କୁ ସମର୍ଥନ କରୁନାହାନ୍ତି। ଗେହଲଟଙ୍କ ସମର୍ଥନରେ ଥିବା ପ୍ରାୟ ୮୨ ବିଧାୟକ ସଚିନ ପାଇଟଙ୍କ ମୁଖ୍ୟମନ୍ତ୍ରୀ ସପକ୍ଷରେ ନାହାନ୍ତି। ଯାହାକୁ ନେଇ ଦଳୀୟ କନ୍ଦଳ ତେଜିବାରେ ଲାଗିଛି।
ପାଇଲଟଙ୍କ ଖୁଲମଖୋଲା ବିଦ୍ରୋହ ବେଳେ ଯେଉଁମାନେ ଗେହଲଟଙ୍କ ସମର୍ଥନରେ ଛିଡ଼ା ହୋଇଥିଲେ ସେମାନଙ୍କ ମଧ୍ୟରୁ କେହି ଜଣେ ମୁଖ୍ୟମନ୍ତ୍ରୀ ହୁଅନ୍ତୁ ବୋଲି ଦାବି ଉଠିଛି। ଗେହଲଟଙ୍କ ପାଖରେ ଏକ ବଡ଼ ଗୋଷ୍ଠୀ ଥିବାରୁ ମୁଖ୍ୟମନ୍ତ୍ରୀ ହେବା ପାଇଁ ପାଇଲଟଙ୍କ ଲାଗି ଏକ ବଡ଼ ଚ୍ୟାଲେଞ୍ଜ ହୋଇଛି। ଆଜି ସନ୍ଧ୍ୟାରେ ରାଜସ୍ଥାନ କ୍ୟାବିନେଟ ମନ୍ତ୍ରୀ ଶାନ୍ତି ଧରିୱାଲ ୮୦ ଜଣ ବିଧାୟକଙ୍କୁ ଏକ ବସରେ ଧରି ବାଚସ୍ପତି ସିପି ଜୋଶୀଙ୍କ ବାସଭବନକୁ ଯାଇଥିଲେ। ସେଠାରେ ଏହି ବିଧାୟକମାନେ ସମୂହ ଇସ୍ତଫା ଦେଇଥିବା ଜଣାପଡ଼ିଛି।
ମ୍ୟାଚ ଜିତିଲା- ସିରିଜ କବ୍ଜା କଲା
ହାଇଦ୍ରାବାଦ: ୨-୧ ସିରିଜ କବ୍ଜା କଲା ଭାରତ । ତୃତୀୟ ଟି୨୦ ମ୍ୟାଚ ଜିତିଲା ଭାରତ । ୬ ୱିକେଟରେ ହାରିଛି କଙ୍ଗାରୁ ବାହୀନୀ । ପ୍ରଥମେ ବ୍ୟାଟିଂ କରି ଅଷ୍ଟ୍ରେଲିଆ ନିର୍ଦ୍ଧାରିତ ୨୦ ଓଭରରେ ୭ ୱିକେଟ ହରାଇ ୧୮୬ ରନ କରିଥିଲରା । ସେପଟେ ଦ୍ୱିତୀୟ ଇଂନିସରେ ଖେଳି ଭାରତ ୧୯.୫ ଓଭରରେ ୪ ୱିକେଟ ହରାଇ ୧୮୭ ରନ କରିଛି । ଏହା ସହିତ ୨-୧ ରେ ସିରିଜ ଜିତି ନେଇଛି ଟିମ୍ ଇଣ୍ଡିଆ ।
ଟସ ହାରି ଅଷ୍ଟ୍ରେଲିଆ ପ୍ରଥମେ ବ୍ୟାଟିଂ ପାଇଁ ଆସିଥିଲା । ଓପନର କେମରନ ଗ୍ରୀନଙ୍କ ଧୂଆଁଧାର ବ୍ୟାଟିଂ ବଳରେ ଦଳୀୟ ସ୍କୋର ୪ ଓଭରରେ ୫୦ ରନ ଅତିକ୍ରମ କରିଥିଲା । ସେ ୨୧ ବଲରୁ ୭ଟି ଚୌକା ଏବଂ ୩ଟି ଛକା ସହିତ ୫୨ ରନର ଇନିଂସ ଖେଳି ଆଉଟ୍ ହୋଇଥିଲେ । ସେପଟେ ଅଧିନାୟକ ଆରୋନ ଫିଞ୍ଚ ଅକ୍ଷର ପଟେଲଙ୍କ ବଲରେ ବଡ ସଟ୍ ଖେଳିବାକୁ ଯାଇ ହାର୍ଦ୍ଦିକ ପାଣ୍ଡ୍ୟା ଦ୍ବାରା କ୍ୟାଚ୍ ଆଉଟ ହୋଇ ୭ ରନ କରି ପାଭଲିୟନ ଫେରିଥିଲେ । ସେହିପରି ଟିମ ଡେଭିଡ ବିସ୍ଫୋରକ ଅର୍ଦ୍ଧଶତକ ହାସଲ କରିଛନ୍ତି । ସେପଟେ କୋହଲି ଏବଂ ସୂର୍ଯ୍ୟ କୁମାରଙ୍କ ଦମଦାର ବ୍ଯାଟିଂ ଭାରତକ ବିଜୟ ପଥକୁ ସୁଗମ କରିଥିଲା । ଉଭୟେ ଅର୍ଦ୍ଧ ଶତକ ହାସଲ କରିଥିଲେ ।
ମୁଖ୍ୟମନ୍ତ୍ରୀଙ୍କୁ ଭେଟିଲେ ଲିଜେଣ୍ଡସ୍ କ୍ରିକେଟର
ଭୁବନେଶ୍ୱର: ମୁଖ୍ୟମନ୍ତ୍ରୀଙ୍କୁ ଭେଟିଲେ ଲିଜେଣ୍ଡସ୍ କ୍ରିକେଟର । ସମସ୍ତ ଖେଳାଳିଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓଡ଼ିଶା ଲେଖାଥିବା ଜର୍ସି ପ୍ରଦାନ କରିଛନ୍ତି । ନବୀନଙ୍କୁ ଭେଟି ଖୁସି ପ୍ରକାଶ କରିଛନ୍ତି ଖେଳାଳି । ମୁଖ୍ୟମନ୍ତ୍ରୀ ମଧ୍ୟ ସମସ୍ତଙ୍କ ସହ ଆଲୋଚନା କରିଛନ୍ତି । ଆସନ୍ତାକାଲିଠାରୁ କଟକର ଐତିହାସିକ ବାରବାଟୀ ଷ୍ଟାଡିୟମରେ ଲିଜେଣ୍ଡସ ଲିଗ୍ କ୍ରିକେଟର ଲିଗ୍ ମ୍ୟାଚ ଖେଳାଯିବ । ଏଥିପାଇଁ ବାରବାଟୀ ପ୍ରସ୍ତୁତ ହୋଇଯାଇଥିବା ବେଳେ ଆଜି ଅପରାହ୍ଣରେ ଭୁବନେଶ୍ବରରେ ୨ଟି ଟିମ୍ ଆସି ପହଞ୍ଚିଛନ୍ତି ।
ଲିଜେଣ୍ଡସ୍ ଲିଗ କ୍ରିକେଟର ୨ଟି ଟିମ୍ ଭିଲ୍ୱାରା କିଙ୍ଗସ ଓ ମଣିପାଲ ଟାଇଗର୍ସର ଖେଳାଳି ଭୁବନେଶ୍ୱର ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦରରେ ପହଞ୍ଚିବା ପରେ ସିଧାସଳଖ ହୋଲେଟ ମେ ଫାୟାରକୁ ଯାଇଥିଲେ । ହୋଟେଲରେ ଖେଳାଳିମାନଙ୍କୁ ଭବ୍ୟ ସ୍ୱାଗତ କରାଯାଇଥିଲା । ବାରବାଟୀରେ ୨୬ରୁ ୨୯ ତାରିଖ ପର୍ଯ୍ୟନ୍ତ ତିନୋଟି ଲିଗ୍ ପର୍ଯ୍ୟାୟ ମ୍ୟାଚ ଖେଳାଯିବ ।
୨୬ ତାରିଖରେ ମଣିପାଲ ଟାଇଗର୍ସ ଓ ଭିଲୱାରା କିଙ୍ଗ୍ସ ମଧ୍ୟରେ ପ୍ରଥମ ମ୍ୟାଚ ଖେଳାଯିବାକୁ ଥିବାବେଳେ ୨୭ ତାରିଖରେ ଗୁଜୁରାଟ ଜିଆଣ୍ଟସ ଓ ଭିଲଓ୍ବାରା କିଙ୍ଗ୍ସ ମଧ୍ୟରେ ଦ୍ବିତୀୟ ମ୍ୟାଚ ଏବଂ ୨୯ ତାରିଖରେ ଇଣ୍ଡିଆ କ୍ୟାପିଟାଲ୍ସ ଓ ମଣିପାଲ ଟାଇଗର୍ସ ମଧ୍ୟରେ ତୃତୀୟ ଲିଗ୍ ମ୍ୟାଚ ହେବ । ସେହିପରି ଅକ୍ଟୋବର ୫ ତାରିଖରେ ବାରବାଟୀ ଷ୍ଟାଡିୟମରେ ଲିଜେଣ୍ଡସ ଲିଗ୍ କ୍ରିକେଟ ଟ୍ବେଣ୍ଟି-୨୦ର ଫାଇନାଲ୍ ମ୍ୟାଚ ଖେଳାଯିବା
ମିଶନ ଶକ୍ତି ଏବେ ବିରାଟ ବୃକ୍ଷ, ପ୍ରତିଘରେ ମିଶନ ଶକ୍ତି ମାଆ..
ଭୁବନେଶ୍ୱର: ମିଶନ୍ ଶକ୍ତି କହିଲେ ବଡ଼ି, ପାମ୍ପଡ ଆଚାର ନୁହେଁ.. ମିଶନ ଶକ୍ତି ରାଜ୍ୟରେ ଏକ ବିପ୍ଲବ । ଏମିତି କୌଣସି ସହର, ବ୍ଲକ, ପଞ୍ଚାୟତ, ଗାଁ ନାହିଁ । ଯେଉଁଠି ମିଶନ ଶକ୍ତିର ସଦସ୍ୟା ନାହାଁନ୍ତି । ସାରା ରାଜ୍ୟରେ ମିଶନ ଶକ୍ତି ସଦସ୍ୟା ମାନେ ସକ୍ରିୟ ରହିଛନ୍ତି । କେନ୍ଦୁଝରରୁ ମାଲକାନଗିରି, ମୟୁରଭଞ୍ଜରୁ ଗଞ୍ଜାମ ସବୁଠି ଅଛନ୍ତି ମିଶନ ଶକ୍ତି ସଦସ୍ୟା । ପ୍ରତି ପରିବାରରେ ମିଶନ ସଦସ୍ୟା ଅଛନ୍ତି କହିଲେ ଭୁଲ ହେବନାହିଁ ବୋଲି କହିଛନ୍ତି ମିଶନ ଶକ୍ତି ସଚିବ ସୁଜାତା କାର୍ତ୍ତିକେୟନ ।
ଶକ୍ତିର ପ୍ରତୀକ ମା..
ପବିତ୍ର ମହାଳୟାରେ ମାଆଙ୍କ ଅବଦାନକୁ ବଖାଣିଲେ ମିଶନ ଶକ୍ତି ସଚିବ । ୨୦୦୧ରେ ପୋତା ଯାଇଥିବା ଚାରା ବିରାଟ ଦ୍ରୁମରେ ପରିଣିତ ହୋଇଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସେତେବେଳର ଚାରା ଏବେ ବିରାଟ ବୃକ୍ଷ ଭାବେ ଠିଆ ହୋଇଛି । ଏହି ଗଛ ପାଖକୁ ଯିଏ ବି ଆସୁଛି ତାକୁ ସମସ୍ତ ପ୍ରକାର ସହାୟତା ମିଳୁଛି । ପ୍ରତ୍ୟେକ ମହିଳାଙ୍କୁ ରୋଷେଇ ଘରର ଚାରିକାନ୍ଥ ଭିତରୁ ବାହାରକୁ ବାହାର କରି ସେମାନଙ୍କର ନିଜସ୍ବ ସ୍ବତନ୍ତ୍ର ପରିଚୟ ସୃଷ୍ଟି କରିବା ଥିଲା ମିଶନ ଶକ୍ତି ପଛରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଭିଜନ ।
ଆନ୍ଦୋଳନରେ ପରିଣତ ହୋଇଛି..
ସର୍ବଦା ସବୁ ସମୟରେ ଠିଆ ହୋଇଛି ମିଶନ ଶକ୍ତି । ଯେତେବେଳେ କୋଭିଡ଼ ଆସିଥିଲା, ସେତେବେଳେ ମଧ୍ୟ ମିଶନ ଶକ୍ତି ସଦସ୍ୟା ଘରେ ରହିନଥିଲେ । ରୋଗକୁ ଡରି ଲୁଚି ନଥିଲେ । ଗାଁ ଗାଁରେ ଲୋକଙ୍କୁ ସଚେତନ କରାଇଥିଲା । ଦେଶ ସ୍ୱାଧିନତାର ୭୫ ବର୍ଷ ପୂର୍ତ୍ତୀରେ ମିଶନ ଶକ୍ତି ମାଆ ମାନେ ଜାତୀୟ ପତାକା ନିର୍ମାଣ କରି ସମଗ୍ର ରାଜ୍ୟରେ ପ୍ରଦାନ କରିଥିଲେ । ଧାନ ଠାରୁ ମାଣ୍ଡିଆ ଉତ୍ପାଦନ ସବୁଥିରେ ପାରଙ୍ଗମ ଦେଖାଇଛନ୍ତି ମିଶନ ଶକ୍ତି ମାଆ । ସଶକ୍ତିକରଣ ଅର୍ଥ ସର୍ବଗଣ । ସମସ୍ତଙ୍କ ପାଖରେ ପହଁଚିବା ।
ମୟୁରଭଞ୍ଜର ମାଆ ପ୍ରସ୍ତୁତ କରୁଥିବା ସାମଗ୍ରୀ ଲଣ୍ଡନ ଟୋକିଓରେ ପହଁଚିବା ଆମର ଲକ୍ଷ୍ୟ । ମିଶନ ଶକ୍ତି ବଜାର ଖୁବ ଶୀଘ୍ର ଉଦଘାଟନ୍ ହେବାକୁ ଯାଉଛି । ମିଶନ ଶକ୍ତି ଦ୍ୱାରା ପ୍ରସ୍ତୁତ ହେଉଥିବା ସାମଗ୍ରୀ ଏହି ବଜାରରେ ଉପଲବ୍ଧ ହେବ । ଓଡିଶାର ବିଭିନ୍ନ ପ୍ରାନ୍ତରେ ପ୍ରସ୍ତୁତ ହେଉଥିବା ସାମଗ୍ରୀର ଡିମାଣ୍ଡ ଅନ୍ୟ ରାଜ୍ୟରେ ରହିବା ଆବଶ୍ୟକ । ଏବଂ ତାହା ମଧ୍ୟ ଆରମ୍ଭ ହୋଇଛି ।
ଖୁବ ଶୀଘ୍ର ଭୁବନେଶ୍ୱରରେ ମିଶନ ଶକ୍ତି ବଜାର
ଖୁବ ଶୀଘ୍ର ଭୁବନେଶ୍ୱରରେ ମିଶନ ଶକ୍ତି ବଜାର ଉଦଘାଟନ ହେବାକୁ ଯାଉଛି । ମିଶନ ଶକ୍ତିର ମାଆ ମାନେ ଯେଉଁ ଯେଉଁ ସାମଗ୍ରୀ ନିର୍ମାଣ ଏବଂ ପ୍ରସ୍ତୁତ କରୁଛନ୍ତି । ସେହି ମାର୍କେଟରେ ଉପଲବ୍ଧ କରାଯିବ । ସମ୍ମାନର ସହ ମହିଳା ବଞ୍ଚିବା ଏବଂ ପରିଚୟ ହାସଲ କରିବା ହିଁ ମିଶନ ଶକ୍ତି ଶିଖାଇଛି । ଖୁବ ଶୀଘ୍ର ରାଜ୍ୟ ସ୍ତରୀୟ ଫେଡେରେସନ ଗଠନ ହେବ । News18 Odia ତରଫରୁ ଆୟୋଜିତ ବିଜନେଶ ଲିଡରସିପ୍ ଆଓ୍ବାର୍ଡରେ ଯୋଗଦେଇ ମିଶନ ଶକ୍ତିର ସଫଳତାକୁ ବଖାଣିଛନ୍ତି ମିଶନ ଶକ୍ତି ସଚିବ ସୁଜାତା କାର୍ତ୍ତିକେୟନ ।
ଦୟାନଦୀ ମଝିରେ ମେସିନରେ ଲାଗିଲା ନିଆଁ
ପୁରୀ: କଣାସ ବୋଟଳମାଠାରେ ଅଘଟଣ । ଦୟାନଦୀ ମଝିରେ ନଦୀଖୋଳା ମେସିନରେ ଲାଗିଲା ନିଆଁ । ନଦୀରୁ ମାଟି ଖୋଳିବା ବେଳେ ନିଆଁ ଲାଗିଲା । ନିଆଁରେ ମେସିନ ଡ୍ରାଇଭରଙ୍କ କୌଣସି କ୍ଷତି ହୋଇନଥିବା ସୂଚନା ମିଳିଛି । ନିଆଁ ଲାଗିବା ଦ୍ବାରା ସ୍ଥାନୀୟ ଅଞ୍ଚଳରେ ଭୟର ବାତାବରଣ ସୃଷ୍ଟି ହୋଇଥିଲା ।
ସେପଟେ ଅଗ୍ନିକାଣ୍ଡ ବିଷେୟରେ ଖବର ପାଇ ସ୍ଥାନୀୟ ଅଗ୍ନିଶମ କର୍ମଚାରୀ ପହଁଚିଥିଲେ । ପ୍ରଥମେ ନିଆଁକୁ ଆୟତ୍ତ କରିଥିଲେ । ଅଧିକ ସମୟ ମେସିନ ଚାଲିବାରୁ ନିଆଁ ଲାଗିଥିବା ଅନୁମାନ କରାଯାଉଛି ।
ବାବା ବିଶ୍ୱନାଥଙ୍କ ମନ୍ଦିରରେ ଠକେଇ: PMOରେ ଅଭିଯୋଗ, ଆକ୍ସନରେ ପୋଲିସ
ବାରଣାସୀ: କାଶୀ ବିଶ୍ୱନାଥ ମନ୍ଦିରରେ ଟକେଇ ଅଭିଯୋଗ । ଅଭିଯୋଗ ଯାଇ ଦିଲ୍ଲୀରେ ପହଁଚିଛି । ପୁଣି ପ୍ରଧାନମନ୍ତ୍ରୀଙ୍କ ପାଖରେ । କାଶୀ ବିଶ୍ୱନାଥ ମନ୍ଦିର କରିଡର ପ୍ରଶସ୍ତ ହୋଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ଐତିହାସିକ ମନ୍ଦିରର ଉନ୍ନତି କରଣକୁ ଉଦଘାଟନ କରିଛନ୍ତି । ଏହାପରେ ସେଠାରେ ଶ୍ରଦ୍ଧାଳୁଙ୍କ ସଂଖ୍ୟା ବୃଦ୍ଧି ଘଟିଛି ।
କିନ୍ତୁ ଏହାରି ଭିତରେ ଠିଆ ହୋଇଛି ଏକ ବିବାଦ । ଆସୁଥିବା ଶ୍ରଦ୍ଧାଳୁଙ୍କୁ ଆଖି ବୁଜି ଠକା ଯାଉଥିବା ଅଭିଯୋଗ ହୋଇଛି । ଯେଉଁ ଅଭିଯୋଗ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରେ ପହଁଚିଛି । ଯାହା ପରେ ଆକ୍ତିଭ ମୋଡକୁ ଆସିଯାଇଛି ସ୍ଥାନୀୟ ପ୍ରଶାସନ । ଫୁଲ ମାଳରୁ ଆରମ୍ଭ କରି ଭୋଗ ଏବଂ ପ୍ରସାଦ । ସବୁଥିରେ ଲୁଟର ଶିକାର ହେଉଛନ୍ତି ଆସୁଥିବା ଭକ୍ତ ।
ବିଶ୍ୱନାଥ ମନ୍ଦିର ପ୍ରାଙ୍ଗଣରେ ଥିବା ଫୁଲ ବ୍ୟବସାୟୀ, ପ୍ରସାଦ ଦୋକାନ ଉପରେ ନଜର ରଖିଛି ବାରଣାସୀ ପୋଲିସ । ସାମାନଙ୍କ ସହ ବୈଠକ କରିବା ସହ ଏକ ନିର୍ଦ୍ଧିଷ୍ଟ ରେଟ ଚାଟ କରିବାକୁ ନିଷ୍ପତ୍ତି ନିଆଯାଇଛି । ନଚେତ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଚେତାଇ ଦିଆଯାଇଛି । ଜଣେ ଭକ୍ତ ବାବା ବିଶ୍ୱନାଥଙ୍କ ଦର୍ଶନ ପାଇଁ ଆସିଥିବା ବେଳେ ତାଙ୍କୁ ଦର୍ଶନ ନିମନ୍ତେ ଠକି ନେଇଛନ୍ତି ମନ୍ଦିର ପୁରୋହିତ ।
ଦର୍ଶନ କରାଇବା ପାଇଁ ଜଣେ ନନା ଉକ୍ତ ବ୍ୟକ୍ତିଙ୍କ ଠାରୁ ୫ ହଜାର ଟଙ୍କା ନେଇଥିବା ସେ ଅଭିଯୋଗ କରିଛନ୍ତି । ସଠିକ କାର୍ଯ୍ୟାନୁଷ୍ଠା କରିବା ନିମନ୍ତେ ଉକ୍ତ ବ୍ୟକ୍ତି ଜଣଙ୍କ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟକୁ ଏନେଇ ଏକ ଅଭିଯୋଗ ପତ୍ର ଲେଖିଛନ୍ତି । ଯାହା ବାରଣାସୀ ପୋଲିସ ଆଖିରୁ ନିଦ ହଜାଇଦେଇଛି ।
ମହାଲକ୍ଷ୍ମୀଙ୍କ ପ୍ରତିଶ୍ରୁତି ରଖିଲେ ମହାପ୍ରଭୁ, କଲେ ଗୁପ୍ତ ଗୁଣ୍ଡିଚା ଯାତ୍ରା
ପୁରୀ: ନୀଳାଦ୍ରୀବିଜେ ଦିନ ମା ମହାଲକ୍ଷ୍ମୀଙ୍କୁ ଦେଇଥିବା ପ୍ରତିଶ୍ରୁତି ପାଳନ କରି ମହାପ୍ରଭୁ କରୁଛନ୍ତି ଗୁପ୍ତ ଗୁଣ୍ଡିଚା ଯାତ୍ରା । ଦୁର୍ଗାମାଧବ ଉପାସନାର ପ୍ରତୀକ ସ୍ବରୂପ ଶ୍ରୀଜଗନ୍ନାଥ ମାଧବ ଓ ମା’ ମହାଲକ୍ଷ୍ମୀ ମା’ ଦୁର୍ଗା ରୂପରେ ଦୋଳମଣ୍ଡପ ସାହି ନାରାୟଣୀ ମନ୍ଦିରକୁ ଆଜି ବିଜେ କରିଛନ୍ତି । ପରମ୍ପରା ସଂସ୍କୃତି ଓ ଵିଧି ମୁତାବକ ଏହି ନିଆରା ଓ ଅନନ୍ୟ ଯାତ୍ରା ଗୁପ୍ତ ଗୁଣ୍ଡିଚା ରୂପେ ପରିଚିତ ହୋଇଥିବା ବେଳେ 16 ପୂଜା ସମୟରେ ଏହି ଉପାସନା ଶ୍ରୀକ୍ଷେତ୍ରରେ ବେଶ ମହତ୍ହ ବହନ କରିଥାଏ ।
ରଥଯାତ୍ରା ସମୟରେ ମହାପ୍ରଭୁ ଶ୍ରୀଜଗନ୍ନାଥ, ବଡ଼ଭାଇ ଶ୍ରୀବଳଭଦ୍ର ଓ ଭଉଣୀ ସୁଭଦ୍ରାଙ୍କୁ ସାଥିରେ ନେଇ ରଥାରୁଢ଼ ହୋଇ ଶ୍ରୀଗୁଣ୍ଡିଚା ଯାତ୍ରା କରିଥିଲେ । ତେବେ ପତ୍ନୀ ମହାଲକ୍ଷ୍ମୀଙ୍କୁ ସାଙ୍ଗରେ ନେଇନଥିଲେ । ନୀଳାଦ୍ରିବିଜେ ସମୟରେ ମହାଲକ୍ଷ୍ମୀଙ୍କୁ ଶାରଦୀୟ ପୂଜା ସମୟରେ ଗୁପ୍ତ ଗୁଣ୍ଡିଚା ଯାତ୍ରାରେ ନେବା ପାଇଁ ମହାପ୍ରଭୁ ପ୍ରତିଶୃତି ଦେଇଥିଲେ । ସେହି ପ୍ରତିଶୃତିକୁ ରକ୍ଷାକରି ଆଜିର ଦିନରେ ପରମ୍ପରା ଅନୁସାରେ ମହାପ୍ରଭୁ ମାଧବ ଓ ମା’ ମହାଲକ୍ଷ୍ମୀ ମା’ ଦୁର୍ଗା ସ୍ୱରୂପ ଦୁର୍ଗା ମାଧବ ରୂପରେ ବିମାନରେ ଦୋଳମଣ୍ଡପ ସାହି ନାରାୟଣୀ ମନ୍ଦିରକୁ ବିଜେ କରିଥିବା ବେଳେ ଗୁପ୍ତ ଗୁଣ୍ଡିଚା ଯାତ୍ରା ଅନୁଷ୍ଠିତ ହୋଇଛି ।
ଭୁବନେଶ୍ବରରେ ପହଁଚିଲେ ଲିଜେଣ୍ଡସ କ୍ରିକେଟର
ଭୁବନେଶ୍ବର: ପହଁଚିଲେ ଲିଜେଣ୍ଡସ କ୍ରିକେଟର । ଆସନ୍ତାକାଲି, 27 ଓ ୨୯ ତାରିଖରେ କଟକ ବାରବାଟୀ ଷ୍ଟାଡିୟମରେ ଖେଳାଯିବ ଲିଜେଣ୍ଡ୍ସ ଲିଗ କ୍ରିକେଟ। କାଲି ପ୍ରଥମ ମ୍ୟାଚ ଖେଳିବାକୁ ଆଜି 2ଟି ଟିମ ମଣିପାଲ ଟାଇଗରସ ଓ ଭିଲଓ୍ବାରା କିଙ୍ଗସର ଖେଳାଳି ଭୁବନେଶ୍ବର ଆସିଛନ୍ତି ।
ଭୁବନେଶ୍ୱର ବିମାନବନ୍ଦରରେ ପହଞ୍ଚିବା ପରେ ଖେଳାଳିଙ୍କୁ ସ୍ବାଗତ କରାଯାଇଛି । ଏୟାରପୋର୍ଟରୁ କଡା ସୁରକ୍ଷା ବଳୟ ମଧ୍ୟରେ ଖେଳାଳିଙ୍କୁ ହୋଟେଲକୁ ନିଆଯାଇଛି ।
ସେପଟେ କଟକର ବାରବାଟୀ ଷ୍ଟା଼ିୟମରେ କ୍ରିକେଟ ମ୍ୟାଚ ହେବାକୁ ଥିବାବେଳେ ଆଇନ ଶୃଙ୍କଳା ବ୍ୟବସ୍ଥାକୁ ନେଇ ପୋଲିସ ବେସ ସତର୍କ ରହିଛି । କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରିଛି ।