ବାଲିପାଟଣା: ନିଲମ୍ବିତ ହେଲେ ବାଲିପାଟଣା ASI ପୁଷ୍ପଲତା ପାଇକରାୟ । ଲାଞ୍ଚ ନେବା ଘଟଣାରେ ନିଲମ୍ବନ କଲେ ଭୁବନେଶ୍ବର ଡିସିପି । ୫ ହଜାର ଟଙ୍କା ଲାଞ୍ଚ ନେବା ଘଟଣାରେ ପୁଷ୍ପଲତାଙ୍କୁ ଗିରଫ କରିଥିଲା ଭୁବନେଶ୍ବର ଭିଜିଲାନ୍ସ ।
୨୦୨୦ର ଏକ ମାମଲାରେ ଅଭିଯୁକ୍ତଙ୍କ ବିରୋଧର ସଙ୍ଗିନୀ ଦଫା ଓ ପୀଡିତଙ୍କ ଠାରୁ ଇଞ୍ଜୁରୀ ରିପୋର୍ଟ ବାବଦକୁ ୫ ହଜାର ଲାଞ୍ଚ ନେବାବେଳେ ରେଡହ୍ୟାଣ୍ଡ ଧରିଥିଲା ଭିଜିଲାନ୍ସ । ସରକାରୀ ବାସଭବନରେ ୫ ହଜାର ଟଙ୍କା ଲାଞ୍ଚ ନେଉଥିବା ବେଳେ ଭୁବନେଶ୍ୱର ଭିଜିଲାନ୍ସ ଟିମ୍ ତାଙ୍କୁ ଗିରଫ କରିଥିଲା । ଭିଜିଲାନ୍ସ ଡିଏସପି ଅମିତା ତ୍ରିପାଠୀ, ଇନ୍ସପେକ୍ଟର ମଦନ ମୋହନ ପ୍ରଧାନଙ୍କ ସହ ୮ ଜଣିଆ ଟିମ ଚଢାଉରେ ସାମିଲ ଥିଲେ । ଘଟଣାରେ କାର୍ଯ୍ୟାନୁଷ୍ଠାନ ନେଇଛି କମିଶନରେଟ୍ ପୋଲିସ । ଲାଞ୍ଚୁଆ ଏଏସଆଇଙ୍କୁ ନିଲମ୍ବିତ କରିଛନ୍ତି ଡିସିପି ।
