ତେଲେଙ୍ଗାନା: ୧୫ ଫୁଟ୍ ଗୁମ୍ଫାରେ ଫସିଛି ଜୀବନ । ତେଲେଙ୍ଗାନା କାମାରେଡି ଜିଲ୍ଲାରେ ରାଜୁ ନାମକ ଜଣେ ବ୍ୟକ୍ତି ଗୁମ୍ଫାରେ ଫସି ରହିଛନ୍ତି । ରାଜୁଙ୍କୁ ଉଦ୍ଧାର କରିବାକୁ ପ୍ରଶାସନ ପକ୍ଷରୁ ଉଦ୍ୟମ ଚାଲିଛି । ଜେସିବି ମେସିନ ସାହାଯ୍ୟରେ ରେସ୍କ୍ୟୁ ଅପରେସନ ଜାରି ରହିଛି ।
ଗତ ୩୦ ଘଣ୍ଟା ଧରି ରାଜୁ ଗୁମ୍ଫା ମଧ୍ୟରେ ଫସି ରହିଥିବା ଜଣାପଡ଼ିଛି। ଗତକାଲି ସନ୍ଧ୍ୟାରେ ରାଜୁଙ୍କ ମୋବାଇଲ ଗୁମ୍ଫା ଭିତରକୁ ଖସି ପଡ଼ିଥିଲା । ମୋବାଇଲ ଆଣିବାକୁ ଚେଷ୍ଟା କରୁଥିବା ବେଳେ ସେ ଦୁଇ ପଥର ମଝିରେ ଫସି ରହିଯାଇଥିଲେ। ଗୁମ୍ଫା ଭିତରେ ହିଁ ତାଙ୍କୁ ଖାଦ୍ୟ ପାଣି ଦିଆଯାଉଥିବା ବେଳେ ସିନିୟର ପୋଲିସ ଅଫିସର ଘଟଣାସ୍ଥଳରେ ପହଞ୍ଚି ସ୍ଥିତି ପରଖିଛନ୍ତି।
ସ୍ଥାନୀୟ ଡିଏସପିଙ୍କ ସୂଚନା ଅନୁଯାୟୀ, ମଙ୍ଗଳବାର ସନ୍ଧ୍ୟା ବେଳେ ରାଜୁ ତା’ ସାଙ୍ଗ ସହିତ ବୁଲିବାକୁ ଯାଇଥିଲା । ପଥର ଉପରେ ଚାଲୁଥିବା ବେଳେ ରାଜୁର ମୋବାଇଲ୍ ଫୋନ୍ ଖସି ପଡିଥିଲା । ପରେ ଫୋନ୍ ଆଣିବାକୁ ଯାଇ ନିଜେ ପଥର କନ୍ଦିରେ ଫସିଯାଇଥିଲେ ରାଜୁ । ପରିବାର ବର୍ଗ ବହୁ ଖାେଜାଖୋଜି ପରେ ମଧ୍ୟ ରାଜୁକୁ ପାଇନଥିଲେ ।
