spot_img
Home Blog Page 3074

ଚନ୍ଦ୍ରଯାନ ୨ ଅପେକ୍ଷା ଚନ୍ଦ୍ରଯାନ ୩ ଶକ୍ତିଶାଳୀ, ଅର୍ବିଟର ବଦଳରେ ରହିଛି ପ୍ରପଲସନ ମଡ୍ୟୁଲ

ବେଙ୍ଗାଲୁରୁ: ପୂର୍ବାପେକ୍ଷା ଚନ୍ଦ୍ରଯାନ-୩ର ଲେଗ୍‌ ଗୁଡିକ ଅଧିକ ଶକ୍ତିଶାଳୀ । ବିକ୍ରମ ଲ୍ଯାଣ୍ଡରକୁ କରାଯାଇଛି ଅଧିକ ଉନ୍ନତ । ସେକେଣ୍ଡକୁ ୩ ମିଟର ଗତିକୁ ସମ୍ଭାଳିବା କ୍ଷମତା ଲ୍ଯାଣ୍ଡର ଲେଗର ରହିଛି । ଚନ୍ଦ୍ରଯାନ-୨ରେ ସେକଣ୍ଡକୁ ୨ ମିଟର ଗତିକୁ ସମ୍ଭାଳିବା କ୍ଷମତା ଥିଲା । ଚନ୍ଦ୍ରଯାନ-୨ରେ ଥିଲା ୩ଟି କମ୍ପୋନେଣ୍ଟ, ଗୋଟିଏ ଅର୍ବିଟର, ଗୋଟିଏ ଲ୍ଯାଣ୍ଡର ଓ ଗୋଟିଏ ରୋଭର ।

ଚନ୍ଦ୍ରଯାନ-୩ରେ ୨ଟି କମ୍ପୋନେଣ୍ଟ ରହିଛି । ଲ୍ଯାଣ୍ଡର ବିକ୍ରମ ଓ ରୋଭର ପ୍ରଜ୍ଞାନ । ଅର୍ବିଟର ବଦଳରେ ଖଞ୍ଜାଯାଇଛି ପ୍ରପଲସନ ମଡ୍ଯୁଲ । ଚନ୍ଦ୍ରଯାନ-୩ରେ ରହିଛି ଲୁନାର ସିସେମିକ ଆକ୍ଟିଭିଟି । ଏହା ଜରିଆରେ ଚନ୍ଦ୍ରର ପ୍ଲାଜମା ଡେନସିଟି ଆକଳନ ହୋଇପାରିବ । ଲ୍ଯାଣ୍ଡର ବିକ୍ରମରେ ପୂର୍ବଠାରୁ ଅଧିକ ଇନ୍ଧନ ରଖାଯାଇଛି । ଅଧିକ ପ୍ରତିବନ୍ଧକ ଦୂର କରିବା କ୍ଷମତା ଲ୍ଯାଣ୍ଡରର ରହିଛି । ଚନ୍ଦ୍ରପୃଷ୍ଠରୁ ସ୍ଥିତିର ମୁକାବିଲା ଲାଗି ନୂଆ ସେନସର ଲାଗିଛି । ତାହାହେଲା ଲେଜର ଡପଲର ଭେଲୋସିଟି ମିଟର ।

ଲେଜର ଡପଲର ଜରିଆରେ ଶବ୍ଦ ଆହରଣ କରାଯାଇପାରିବ । କୌଣସି ପ୍ରକାର ତ୍ରୁଟି ଦୂର କରିବା ଲାଗି ଉନ୍ନତ ସେନସର ବ୍ଯବସ୍ଥା । ଲ୍ଯାଣ୍ଡିଂ ସମୟରେ ଦୁଇଟି ଇଞ୍ଜିନ ଚାଲିବାର ବ୍ଯବସ୍ଥା ରହିଛି । ଚନ୍ଦ୍ରଯାନ-୩ରେ ସେଣ୍ଟ୍ରାଲ ଇଞ୍ଜିନକୁ ବାହାର କରିଦିଆଯାଇଛି । ଖଞ୍ଜାଯାଇଛି ଅଧିକ ସୋଲାର ପ୍ଯାନେଲ । ସୂର୍ଯ୍ଯ ଦିଗକୁ ନ ମୁହାଁଇଲେ ବି କାର୍ଯ୍ୟକ୍ଷମ ହୋଇପାରିବ ସୋଲାର ପ୍ଯାନେଲ । ଟ୍ରାକିଂ, ଟେଲିମେଟ୍ରି ଓ କମାଣ୍ଡ(TTC) ଆଣ୍ଟେନା ରହିଛି ।

ଭାରତ-ଆୟର୍ଲାଣ୍ଡ ଶେଷ ଟି-ଟ୍ବେଣ୍ଟି, କ୍ଲିନ ସୁଇପ୍‌ ଲକ୍ଷ୍ୟରେ ଟିମ ଇଣ୍ଡିଆ

ନନ୍ଦିଘୋଷ ବ୍ୟୁରୋ: ଆଜି ଭାରତ-ଆୟର୍ଲାଣ୍ଡ ଶେଷ ଟି-ଟ୍ବେଣ୍ଟି । ସନ୍ଧ୍ୟା ସାଢେ ୭ଟାରେ ମ୍ୟାଚ୍ ଅନୁଷ୍ଠିତ ହେବ । ତିନି ଟିକିଆ ସିରିଜରେ ପ୍ରଥମ ଦୁଇଟି ମ୍ୟାଚ ସହିତ ସିରିଜ ଜିତିସାରିଛି ଟିମ ଇଣ୍ଡିଆ । ଆଜିର ମ୍ୟାଚ ଜିତି ସିରିଜ କ୍ଲିନ ସୁଇପ୍ ଲକ୍ଷ୍ୟରେ ରହିଛି ଭାରତ । ପ୍ରଥମ ମ୍ୟାଚରେ ଡିଏଲଏସ ନିୟମ ଆଧାରରେ ୨ରନରେ ବିଜୟୀ ହୋଇଥିଲା ଟିମ୍ ଇଣ୍ଡିଆ ।

ସେହିପରି ଦ୍ବିତୀୟ ମ୍ୟାଚକୁ ୩୩ ରନରେ ଭାରତ ଜିତିନେଇଥିଲା । ଆଜି ମ୍ୟାଚ ଜିତି ସିରିଜ କ୍ଲିନ ସୁଇପ କଭାରତ-ଆୟର୍ଲାଣ୍ଡ ଶେଷ ଟି-ଟ୍ବେଣ୍ଟିରିବା ଲକ୍ଷ୍ୟରେ ରହିଛି ଭାରତ । ସେପଟେ ପୂର୍ବ ଦୁଇଟି ମ୍ୟାଚରେ ଆୟର୍ଲାଣ୍ଡ ଭଲ ପ୍ରଦର୍ଶନ କରିଥିଲେ ମଧ୍ୟ ବିଜୟ ସ୍ବାଦ ଚାଖିପାରିନି । ଆଜିର ମ୍ୟାଚ ଜିତି ସମ୍ମାନ ରକ୍ଷା ପାଇଁ ଉଦ୍ୟମ କରିବ ଆୟର୍ଲାଣ୍ଡ ।

Chandrayan 3: ନିଜର ସହାୟତା କରିବ ଖୋଦ ଚନ୍ଦ୍ରାୟନ ୩, ଏମିତି ହେବ ଅବତରଣ

ବେଙ୍ଗାଲୁରୁ: ସନ୍ଧ୍ୟା ୬ଟା ୪ ମିନିଟରେ ଚନ୍ଦ୍ର ପୃଷ୍ଠରେ ସଫ୍ଟ ଲ୍ୟାଣ୍ଡିଂ କରିବ ଚନ୍ଦ୍ରଯାନ-୩ । ମହାକାଶ ବିଜ୍ଞାନୀଙ୍କ ମତରେ ଚନ୍ଦ୍ରଯାନ ୩ର ସଫଳତା କେବଳ କିଛି ମିନିଟର ଖେଳ ଅଟେ  । ଏହି ସମୟରେ ମହାକାଶ ଯାନକୁ ଗୁରୁତ୍ବାକର୍ଷଣ ସାଇକେଲ ଦେଇ ଗତି କରିବାକୁ ପଡିଥାଏ  । ଚନ୍ଦ୍ରର କକ୍ଷ ଚାରିପଟେ ଘୁରି ସୁରକ୍ଷିତ ରୁପେ ଲ୍ୟାଣ୍ଡିଂ କରିବାକୁ ପଡିଥାଏ  । ମହାକାଶ ବିଜ୍ଞାନରେ ଏହାକୁ ଆତଙ୍କର ସାତ ମିନିଟ କୁହାଯାଏ  । ଏହି ସମୟରେ ମହାକାଶ ଯାନ କେବଳ ନିଜ ଉପରେ ନିର୍ଭର କରିଥାଏ  । ମହାକାଶ ବିଜ୍ଞାନୀ ଓ ଗବେଷକ ସେତେବେଳେ କେବଳ ଦର୍ଶକ ସାଜିଥାନ୍ତି  ।

୨୦୧୯ରେ ଚନ୍ଦ୍ରଯାନ ୨ ସଫ୍ଟ ଲ୍ୟାଣ୍ଡିଂ ସମୟରେ ଇସ୍ରୋ ଏଭଳି କିୁଛି ସମସ୍ୟାର ସାମନା କରିଥିଲା  । ଯେତେବେଳେ ଶେଷ ସମୟରେ ଚନ୍ଦ୍ରଯାନ ୨ ଚନ୍ଦ୍ର ଉପରେ କ୍ରାଶ କରିଥିଲା  । ଏବେ ବଡ ପ୍ରଶ୍ନ ଉଠୁଛି ଯେ ଚନ୍ଦ୍ରଯାନ ୩ କେମିତି ସଫଳ ଲ୍ୟାଣ୍ଡିଂ କରିବ ? ୨୩ ଅଗଷ୍ଟ ସନ୍ଧ୍ୟା ୬ଟା ୪ ମିନିଟରେ ଚନ୍ଦ୍ରଯାନ ୩ ଲ୍ୟାଣ୍ଡିଂ କରିବାକୁ ଥିବାବେଳେ ଶେଷ ୧୮ ମିନିଟ ଗୁରୁତ୍ବପୂର୍ଣ୍ଣ ରହିବ  । ବିକ୍ରମ ଲ୍ୟାଣ୍ଡର ସେତେବେଳେ ଚନ୍ଦ୍ର ଠାରୁ ୩୦ କିଲୋମିଟର ଉପରେ ସେକେଣ୍ଡ ପ୍ରତି ୧.୬ କିଲେମିଟର ଗତିରେ ପରିକ୍ରମା କରୁଥିବ  ।

ଚନ୍ଦ୍ରଯାନ ୩ର ଇଞ୍ଜିନ କରିବ ବ୍ରେକର କାମ

ଶେଷ ୧୧.୫ ମିନିଟରେ ଚନ୍ଦ୍ରଯାନ ୩ର ଇଞ୍ଜିନ ଚାଲୁ ହେବ  । ଯାହାକି ବ୍ରେକ ଭଳି କାମ କରିବ  । ଏହାଦ୍ବାରା ଚନ୍ଦ୍ରଯାନ ଧୀରେ ଧୀରେ ଚନ୍ଦ୍ର ଆଡକୁ ଗତି କରିବ  । ଏହା ଚନ୍ଦ୍ରଯାନର ଗତିକୁ ଏକ ଚତୁର୍ଥାଂଶ ପର୍ଯ୍ୟନ୍ତ ହ୍ରାସ କରିବ  । ଚନ୍ଦ୍ରର ଗୁରୁତ୍ବାକର୍ଷଣ ଶକ୍ତି ବିକ୍ରମ ଲ୍ୟାଣ୍ଡରକୁ ପାଖାପାଖି ୬୦ ମିଟର ପ୍ରତି ସେକେଣ୍ଡ ଗତିରେ ତଳକୁ ତଳ ଟାଣିବ  । ଗତି ହ୍ରାସ ହେବା ବେଳକୁ ଚନ୍ଦ୍ରଯାନ ୩ ସାମାନ୍ୟ ବୁଲିବ, ଯେପରି ଆମେ ସାଇକେଲକୁ ବୁଲାଇଥାଉ। ଏହି ଅନୁକୂଳ ମୋଡ଼ ଚନ୍ଦ୍ରଯାନ-୩କୁ ଅବତରଣ ସ୍ଥାନ ସହିତ ସମ୍ପୂର୍ଣ୍ଣ ରୂପେ ଆଲାଇନ୍ କରିବାକୁ ଅନୁମତି ଦେବ।

ଲ୍ୟାଣ୍ଡିଂର ୩୨ କିମି ପୂର୍ବରୁ ହେବ ଶେଷ ଯାଞ୍ଚ

ଏହି ପ୍ରକ୍ରିୟା ଶେଷ ହେବା ପର୍ଯ୍ୟନ୍ତ, ଏହା ଚନ୍ଦ୍ରପୃଷ୍ଠଠାରୁ ପ୍ରାୟ ୭.୫ କିଲୋମିଟର ଉଚ୍ଚରେ ନିର୍ଦ୍ଧାରିତ ଅବତରଣ କ୍ଷେତ୍ରଠାରୁ ୩୨ କିଲୋମିଟର ଦୂରରେ ଚକ୍କର କାଟିବ। ଅବତରଣ ସ୍ଥାନ ସୁରକ୍ଷିତ ଅଛି କି ନାହିଁ ଦୁଇଥର ଯାଞ୍ଚ କରିବାର ଏହା ହେଉଛି ସମୟ।

ଏହି ପର୍ଯ୍ୟାୟରେ ବିକ୍ରମ ଲ୍ୟାଣ୍ଡରର ସମସ୍ତ ସେନ୍ସର ସୂକ୍ଷ୍ମ ଭାବରେ ସମନ୍ବିତ ହେବ ଏବଂ ନିଶ୍ଚିତ ହେବ ଯେ ସବୁକିଛି ଅବତରଣ ମୁହୂର୍ତ୍ତ ପାଇଁ ଠିକ୍‌ଠାକ୍ ଅଛି।

 

ଆଜି ଶ୍ରୀମନ୍ଦିରରେ ଅନୁଷ୍ଠିତ ହେବ ମହାପ୍ରଭୁଙ୍କ ବନକଲାଗି ନୀତି

ପୁରୀ: ଆଜି ଶ୍ରୀମନ୍ଦିରରେ ଅନୁଷ୍ଠିତ ହେବ ମହାପ୍ରଭୁଙ୍କ ବନକଲାଗି ନୀତି । ଶ୍ରାବଣ-ଶୁକ୍ଳ ସପ୍ତମୀ ତିଥିରେ ଶ୍ରୀବିଗ୍ରହମାନଙ୍କ ବନକଲାଗି ନୀତି ଅନୁଷ୍ଠିତ ହେବ । ଦ୍ବିତୀୟ ଭୋଗମଣ୍ଡପ ଭୋଗ ଶେଷ ହେବାପରେ ଦତ୍ତମହାପାତ୍ର ସେବକମାନେ ମହାପ୍ରଭୁଙ୍କ ଶ୍ରୀମୁଖ ଶୃଙ୍ଗାର କରିବେ । ପ୍ରାକୃତିକ ପ୍ରଣାଳୀରେ ପ୍ରସ୍ତୁତ ପ୍ରସାଧାନରେ ଶ୍ରୀବିଗ୍ରହମାନଙ୍କ ଶ୍ରୀମୁଖକୁ ଶୃଙ୍ଗାର କରାଯିବ ।

ହିଙ୍ଗୁଳ, ହରିତାଳ, କସ୍ତୁରୀ, ନାଲି, ଧଳା ଓ କଳା ଭଳି ପାରମ୍ପରିକ ରଙ୍ଗରେ ମହାପ୍ରଭୁଙ୍କ ଶ୍ରୀମୁଖ ଶୃଙ୍ଗାର କରିବେ ଦତ୍ତମହାପାତ୍ର ସେବାୟତ । ଏହା ଏକ ଗୁପ୍ତ ସେବା ନୀତି ହୋଇଥିବାରୁ ଆପାତତଃ ସନ୍ଧ୍ୟା ୬ଟାରୁ ରାତି ୧୦ଟା ଯାଏଁ ସର୍ବସାଧାରଣ ଦର୍ଶନ ବନ୍ଦ ରହିବ।

ପ୍ରବଳ ବର୍ଷା ନେଇ ଆଭ୍ୟନ୍ତରୀଣ ଓଡ଼ିଶାର ୯ ଜିଲ୍ଲାକୁ ସତର୍କତା, ୭୦ରୁ ୧୧୦ ମିଲିମିଟର ପର୍ଯ୍ୟନ୍ତ ବର୍ଷା

ଭୁବନେଶ୍ବର: ଆଜିଠୁ ରାଜ୍ୟରେ ବଢିବ ବର୍ଷାର ପରିମାଣ । ବର୍ତ୍ତମାନ ଓଡ଼ିଶା ଉପରେ କୌଣସି ପାଣିପାଗ ନିୟାମକ ବା ସିଷ୍ଟମର ପ୍ରଭାବ ନାହିଁ । ସେପଟେ ମୌସୁମୀ ନିମ୍ନ ଚାପରେଖା ବି ସ୍ବାଭାବିକ ଅବସ୍ଥାନରୁ ଉତ୍ତରକୁ ଢଳିକି ରହିଛି । ଏହାଦ୍ବାରା ରାଜ୍ୟ ମଧ୍ୟକୁ ପ୍ରଚୁର ମାତ୍ରାରେ ଜଳୀୟବାଷ୍ପ ପ୍ରବେଶ କରୁଛି । ପ୍ରଭାବରେ ଆସନ୍ତା ୩ ଦିନ ପର୍ଯ୍ୟନ୍ତ ରାଜ୍ୟରେ ପ୍ରଚଣ୍ଡ ବିଜୁଳି ଘଡଘଡି ସହ ବର୍ଷା ନେଇ ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର ।

ଆଜି ପ୍ରବଳ ବର୍ଷା ନେଇ ଉପକୂଳ ଏବଂ ଆଭ୍ୟନ୍ତରୀଣ ଓଡ଼ିଶାର ୯ଟି ଜିଲ୍ଲାକୁ ସତର୍କତା ଜାରି କରାଯାଇଛି । ଏହି ସବୁ ଜିଲ୍ଲାରେ ୭୦ ରୁ ୧୧୦ ମିଲିମିଟର ପର୍ଯ୍ୟନ୍ତ ବର୍ଷା ହୋଇପାରେ । ବର୍ଷା ହେଲେ ବି ଉପକୂଳ ଓଡ଼ିଶାରେ ଗରମ ଗୁଳୁଗୁଳି ଜାରି ରହିବ ବୋଲି ପାଣିପାଗ କେନ୍ଦ୍ର ଆକଳନ କରିଛି ।

ଆଜି ଚନ୍ଦ୍ରରେ ପହଞ୍ଚିବ ଚନ୍ଦ୍ରଯାନ-୩, ବାଲୁକା କଳାରେ ଇସ୍ରୋକୁ ଶୁଭକାମନା ଜଣାଇଲେ ସୁଦର୍ଶନ ପଟ୍ଟନାୟକ

ପୁରୀ: ଆଜି ଚନ୍ଦ୍ରର ଦକ୍ଷିଣ ମେରୁରେ ଅବତରଣ କରିବ ଚନ୍ଦ୍ରଯାନ-୩ । ଏଥିପାଇଁ ବାଲୁକା କଳାରେ ଇସ୍ରୋକୁ ଶୁଭକାମନା ଜଣାଇଛନ୍ତି ଅନ୍ତର୍ଜାତୀୟ ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକ ।

ଚନ୍ଦ୍ରଯାନ ୩କୁ ମଧ୍ୟ ଶୁଭେଚ୍ଛା ଜଣାଇଛନ୍ତି ବାଲୁକା ଶିଳ୍ପୀ । ପୁରୀ ନିଳାଦ୍ରୀ ବେଳାଭୂମିରେ ପ୍ରାୟ ୧୦ଟନ୍ ବାଲିରେ ୧୫ ଫୁଟ୍ ଲମ୍ବ ଓ ୧୦ ଫୁଟ ଉଚ୍ଚତାର ଆକର୍ଷଣୀୟ ବାଲୁକାକୃତି  ସେ ନିର୍ମାଣ କରିଛନ୍ତି । ଏଥିରେ ଚନ୍ଦ୍ରାୟନ-୩ କକ୍ଷ ପଥ ଅତିକ୍ରମ କରି କିଭଳି ଚନ୍ଦ୍ରରେ ଅବତରଣ କରିବ ତାହାର ନିଖୁଣ ଭାବେ ପ୍ରଦର୍ଶିତ କରାଯାଇଛି।

ମହାକାଶ ବିଜ୍ଞାନ ଇତିହାସରେ ଯୋଡ଼ି ହେବ ନୂଆ ଫର୍ଦ୍ଦ, ସନ୍ଧ୍ୟା ୬ଟାରେ ଚନ୍ଦ୍ରପୃଷ୍ଠରେ ସଫ୍ଟ ଲ୍ୟାଣ୍ଡିଂ

ବେଙ୍ଗାଲୁରୁ: ଆଉ କେଇ ଘଣ୍ଟାର ଅପେକ୍ଷା । ଭାରତ ଲେଖିବ ଚନ୍ଦ୍ର କାହାଣୀ । ଚନ୍ଦ୍ରରେ ଗୃହପ୍ରବେଶ କରିବ ଚନ୍ଦ୍ରୟାନ-୩ । ମହାକାଶ ବିଜ୍ଞାନ ଇତିହାସରେ ଯୋଡ଼ି ହେବ ନୂଆ ଫର୍ଦ୍ଦ । ସନ୍ଧ୍ୟା ୬ଟା ୪ ମିନିଟରେ ଚନ୍ଦ୍ର ପୃଷ୍ଠରେ ସଫ୍ଟ ଲ୍ୟାଣ୍ଡିଂ କରିବ ଚନ୍ଦ୍ରଯାନ-୩ । ଏଥିପାଇଁ ସବୁ ପ୍ରସ୍ତୁତି ଶେଷ ହୋଇଛି । ପାର୍ଟସ ଚେକିଂ ସହ ଚାଲିଛି ସିଷ୍ଟମ ଭେରିଫେକେସନ ।

କଣ୍ଟ୍ରୋଲ ରୁମରେ ଅନବରତ ପ୍ରଚେଷ୍ଟା କରାଯାଉଛି । ପ୍ରତିକୂଳ ପରିସ୍ଥିତି ପାଇଁ ପ୍ଲାନ-ବି ମଧ୍ୟ ପ୍ରସ୍ତୁତ ରହିଛି । ପ୍ରତିକୂଳ ପରିସ୍ଥିତିରେ ଲ୍ୟାଣ୍ଡିଂ ପ୍ରକ୍ରିୟା ଘୁଞ୍ଚାଇବାକୁ ଯୋଜନା ରଖିଛି ଇସ୍ରୋ । ସମସ୍ୟା ଉପୁଜିଲେ ଆସନ୍ତା ୨୭ ତାରିଖରେ ଲ୍ୟାଣ୍ଡିଂ କରାଯିବାକୁ ଯୋଜନା କରାଯାଇଛି । ଆଜି ସଫ୍ଟ ଲ୍ୟାଣ୍ଡିଂ କରିବାରେ ଭାରତ ସଫଳ ହେଲେ ଋଷ, ଆମେରିକା, ଚୀନ ପରେ ଭାରତ ସାଜିବ ଚତୁର୍ଥ ସୁପର ପାଓ୍ବାର ।

ମୁନ ମିଶନର ସଫଳତା ପାଇଁ ସାରା ଦେଶରେ ହୋମଯଜ୍ଞ କରାଯାଉଛି । ମନ୍ଦିରରେ ଜଳଲାଗି ସହ ହୋମଯଜ୍ଞ କରି ଐତିହାସିକ ମିଶନର ସଫଳତା କାମନା କରିଛନ୍ତି ଦେଶବାସୀ । ବାରାଣସୀର କାମାକ୍ଷା ମନ୍ଦିରରେ ପୂଜାର୍ଚ୍ଚନା କରାଯାଇ ଇସ୍ରୋ ପ୍ରୋଜେକ୍ଟର ସଫଳତା କାମନା କରାଯାଉଛି ।

ରାସନ କାର୍ଡରେ ନାଁ ଚଢ଼େଇବାକୁ ଡାକି ଦୁଷ୍କର୍ମ, କଏଦ ଭିଡିଓକୁ ଦେଖାଇ ମହିଳାଙ୍କୁ ବ୍ଲାକମେଲ ଅଭିଯୋଗ

ପାରାଦୀପ: ଲଜ୍ଜା । ପୁଣି ସାମନାକୁ ଆସିଲା ଲଜ୍ଜା ଖବର ।  ରାସନ୍ କାର୍ଡରେ ପୁଅର ନାଁ ଚଢାଇବାକୁ ଡାକି ମହିଳାଙ୍କୁ ଦୁଷ୍କର୍ମ ଅଭିଯୋଗ । ଦୁଷ୍କର୍ମର ଭିଡିଓ କରି ଦେଢ ବର୍ଷରୁ ଅଧିକ ସମୟ ଧରି ବ୍ଲାକମେଲ କରୁଥିଲା ଅଭିଯୁକ୍ତ । ଏନେଇ ପାରାଦୀପ ଆଦର୍ଶ ଥାନାରେ ଅଭିଯୋଗ କରିଛନ୍ତି ପୀଡିତା  । ଅଭିଯୁକ୍ତ ବ୍ଲାକମେଲ କରି ବିଭିନ୍ନ ସମୟରେ ଦୁଷ୍କର୍ମ କରିବା ସହିତ ବିଭିନ୍ନ ପର୍ଯ୍ୟାୟରେ ୬ ଲକ୍ଷ ଟଙ୍କା ନେଇଥିବା ଅଭିଯୋଗ ହୋଇଛି । ଅଭିଯୋଗ ପରେ ପୀଡିତାଙ୍କ ଡାକ୍ତରୀ ମାଇନା କରିବା ସହ ଅଭିଯୁକ୍ତକୁ ଅଟକ ରଖି ପୋଲିସ ପଚରାଉଚରା କରୁଛି  ।

ଛାତ୍ରୀଙ୍କ ଝୁଲନ୍ତା ମୃତଦେହ ଉଦ୍ଧାର

ପାଲଲହଡ଼ା: ଅନୁଗୁଳ ଜିଲ୍ଲା ପାଳଲହଡା ଉପଖଣ୍ଡ ଖମାର ସ୍ଥିତ ଉତ୍କଳମଣୀ ଗୋପବନ୍ଧୁ ମହାବିଦ୍ୟାଳୟ ଛାତ୍ରୀ ନିବାସରୁ ଜଣେ ଛାତ୍ରୀଙ୍କ ଝୁଲନ୍ତା ମୃତଦେହ ଉଦ୍ଧାର । ମୃତ ଛାତ୍ରୀ ହେଲେ ବିଦୁଶ୍ମିତା ଖିଲାର । ତାଙ୍କ ଘର ତାଳଚେର ରାଧାରମଣ ଅଞ୍ଚଳରେ । ସେ ଯୁକ୍ତଦୁଇ ବିଜ୍ଞାନର ଦ୍ଵିତୀୟ ବର୍ଷରେ ପଢନ୍ତି । ଗତ ଦୁଇଦିନ ତଳେ ଛାତ୍ରୀଙ୍କ ବାପା ମା ଛାତ୍ରୀଙ୍କୁ ଦେଖା କରିବାକୁ ଆସିଥିବା ବେଳେ କୌଣସି କଥାକୁ ନେଇ ଯୁକ୍ତିତର୍କ ହୋଇଥିବା ତାଙ୍କ ସହପାଠୀ କହିଛନ୍ତି I ଖମାର ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିବା ସହ ତଦନ୍ତ ଆରମ୍ଭ କରିଛି I

ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଲେ ଚାଷୀ

ବରଗଡ଼: ବରଗତ ବ୍ଲକ ଅନ୍ତର୍ଗତ ବେହେରା ବଜାରଠାରେ ନବ ନିର୍ମିତ ଶୀତଳ ଭଣ୍ଡାର ଲୋକାର୍ପଣ ହୋଇଯାଇଛି । ଉତ୍ସବରେ ବରଗଡ଼ ବିଧାୟକ ଦେବେଶ ଆଚାର୍ଯ୍ୟ, ଜିଲ୍ଲାପାଳ ମନୀଷା ବାନାର୍ଜୀ ଯୋଗଦେଇ ଏହାର ଲୋକାର୍ପଣ କରିଥିଲେ । ୧୦ ମେଟ୍ରିକ୍ ଟନ୍ କ୍ଷମତା ବିଶିଷ୍ଟ ଏହି ଭଣ୍ଡାରଟି ଚାଷୀମାନଙ୍କ ଆର୍ଥିକ ବିକାଶ କରିବ । RMC ପକ୍ଷରୁ ଏହାକୁ ନିର୍ମାଣ କରାଯାଇଥିବା ବେଳେ ଆଗାମୀ ଦିନରେ ଜିଲ୍ଲାର ବିଭିନ୍ନ ସ୍ଥାନରେ ଶୀତଳ ଭଣ୍ଡାର ନିର୍ମାଣ କରାଯିବ ବୋଲି କୁହାଯାଇଛି । ଚାଷୀ ମାନେ ନିଜ ଅଞ୍ଚଳରେ ଶୀତଳ ଭଣ୍ଡାର ପାଇଥିବାରୁ ନବୀନ ପଟ୍ଟନାୟକଙ୍କୁ କୃତଜ୍ଞତା ଜଣାଇଛନ୍ତି ।