ନୂଆଦିଲ୍ଲୀ: ଅଷ୍ଟ୍ରେଲିଆ ବିପକ୍ଷ ୩ ମ୍ୟାଚ ବିଶିଷ୍ଟ ଦିନିକିଆ ସିରିଜ ପାଇଁ ସୋମବାର ଭାରତୀୟ ଦଳ ଘୋଷଣା ହୋଇଛି । ଅଲରାଉଣ୍ଡର ଆ.ର ଅଶ୍ବିନୀ ଦଳକୁ ଫେରିଥିବାବେଳେ ଯୁବ ଓ୍ବିକେଟ କିପର ବ୍ୟାଟ୍ସମ୍ୟାନ ସଞ୍ଜୁ ସାମସନଙ୍କୁ ସ୍ଥାନ ମିଳିନାହିଁ । କିଛିଦିନ ହେବ ସେ ଦଳରେ ସ୍ଥାନ ପାଉନଥିବାବେଳେ ତାଙ୍କୁ ଅବହେଳା କରାଯାଉଥିବା ମଧ୍ୟ ତାଙ୍କ ପ୍ରଂଶସକମାନେ ପ୍ରଶ୍ନ ଉଠାଇଛନ୍ତି । ତେବେ ଅଷ୍ଟ୍ରେଲିଆ ବିପକ୍ଷ ସିରିଜରେ ତାଙ୍କୁ ସ୍ଥାନ ନମିଳିବା ପରେ ସେ ସୋସିଆଲ ମିଡିଆରେ ଏକ ପୋଷ୍ଟ କରିଛନ୍ତି । ଯାହାକି ତାଙ୍କ ଯନ୍ତ୍ରଣାଭରା କଥାକୁ ସୂଚାଉଥିବା ଜଣାପଡ଼ିଛି । ଫେସବୁକରେ ସେ ହସିବାର ଏକ ଇମୋଜି ସେୟାର କରିଥିବାବେଳେ ୟୁଜର୍ସମାନେ ବହୁ କମେଣ୍ଟମାନ ଦେଉଛନ୍ତି । କେହି କେହି କହୁଛନ୍ତି କି, ନିଜର ଦୁଃଖ ଲୁଚାଇବାକୁ ସେ ଏଭଳି ହସ ଇମୋଜି ପୋଷ୍ଟ କରିଛନ୍ତି ।
ସୂଚନା ଥାଉକି, ଚଳିତ ମାସ ୨୨, ୨୪, ୨୭ ତାରିଖରେ ଖେଳାଯିବାକୁ ଥିବା ଏହି ୩ ମ୍ୟାଚ୍ ଲାଗି ଘୋଷିତ ଦଳକୁ ଭେଟେରାନ ଅଫ୍ ସ୍ପିନର ରବିଚନ୍ଦ୍ରନ ଅଶ୍ବିନ ଫେରିଛନ୍ତି। ନିୟମିତ ଅଧିନାୟକ ରୋହିତ ଶର୍ମା ଏବଂ ଅନ୍ୟ ବରିଷ୍ଠ ଖେଳାଳି ବିରାଟ କୋହଲି, ହାର୍ଦିକ ପାଣ୍ଡ୍ୟା ଓ କୁଲଦୀପ ଯାଦବଙ୍କୁ ପ୍ରଥମ ୨ ମ୍ୟାଚ୍ରେ ବିଶ୍ରାମ ଦିଆଯାଇଛି। ରୋହିତଙ୍କ ଅନୁପସ୍ଥିତରେ କେଏଲ୍ ରାହୁଲ ପ୍ରଥମ ଦୁଇ ମ୍ୟାଚ୍ର ନେତୃତ୍ବ ନେବେ। ଶେଷ ମ୍ୟାଚ୍ରେ ରୋହିତ ଫେରିବା ସହ ଦଳର ନେତୃତ୍ବ ନେବେ। ପ୍ରଥମ ଦୁଇ ମ୍ୟାଚ୍ ଲାଗି ଭାରତୀୟ ଦଳ: କେଏଲ୍ ରାହୁଲ (ଅଧିନାୟକ), ଶୁବମନ ଗିଲ, ଋତୁରାଜ ଗାଏକ୍ବାଡ, ଶ୍ରେୟସ ଆୟର, ଈଶାନ କିଶନ, ସୂର୍ଯ୍ୟକୁମାର ଯାଦବ, ରବୀନ୍ଦ୍ର ଜାଦେଜା, ଶାର୍ଦୁଳ ଠାକୁର, ଯଶପ୍ରୀତ ବୁମ୍ରା, ମହମ୍ମଦ ସିରାଜ, ମହମ୍ମଦ ସାମି, ତିଳକ ବର୍ମା, ପ୍ରସିଦ୍ଧ କୃଷ୍ଣ, ରବିଚନ୍ଦ୍ରନ ଅଶ୍ବିନ, ୱାସିଂଟନ ସୁନ୍ଦର।
ତୃତୀୟ ଦିନିକିଆ ଦଳ: ରୋହିତ ଶର୍ମା (ଅଧିନାୟକ), ଶୁବମନ ଗିଲ, ଶ୍ରେୟସ ଆୟର, କେଏଲ୍ ରାହୁଲ, ଈଶାନ କିଶନ, ସୂର୍ଯ୍ୟକୁମାର ଯାଦବ, ରବୀନ୍ଦ୍ର ଜାଦେଜା, ଶାର୍ଦୁଳ ଠାକୁର, ଯଶପ୍ରୀତ ବୁମ୍ରା, ମହମ୍ମଦ ସିରାଜ, ମହମ୍ମଦ ସାମି, ହାର୍ଦିକ ପାଣ୍ଡ୍ୟା, ବିରାଟ କୋହଲି, କୁଲଦୀପ ଯାଦବ, ଅକ୍ଷର ପଟେଲ (ଫିଟ୍ ହେଲେ), ରବିଚନ୍ଦ୍ରନ ଅଶ୍ବିନ, ୱାସିଂଟନ ସୁନ୍ଦର।
