spot_img
Home Blog Page 2633

ଶୁକ୍ରବାର ୬୪ ତମ ପ୍ରତିଷ୍ଠା ଦିବସ ପାଳିବ ନନ୍ଦନକାନନ ପ୍ରାଣୀଉଦ୍ୟାନ

ଭୁବନେଶ୍ୱର: ଆସନ୍ତାକାଲି ନନ୍ଦନକାନନ ପ୍ରାଣୀଉଦ୍ୟାନର ୬୪ ତମ ପ୍ରତିଷ୍ଠା ଉତ୍ସବ। ଏହି ଅବସରରେ ଉଦଘାଟିତ ହେବ ବଟନିକାଲ ଗାର୍ଡେନରେ ନବନିର୍ମିତ ବାଉଁଶ ଉଦ୍ୟାନ, ମୋଗଲ ଗାର୍ଡେନ। ଏହାସହ ନନ୍ଦନକାନନର ଓ୍ବାଲିଭ ଖୁଆଡ଼ ଉଦଘାଟନ ସହ ଗୋଟିଏ ସିଂଘ ଶାବକ ଓ ୨ଟି ବାଘ ଶାବକର ନାମକରଣ କରାଯିବ। ଜଳଜ ଉଦ୍ଭିଦର ବିଭିନ୍ନ ପ୍ରଜାତିର ଜଲଜ ଘାସ, ଜଳମଗ୍ନ, ଭାସମାନ, ୪୪ ପ୍ରକାର କଇଁ, ପଦ୍ମ ଆଦି ୨୨୫ ପ୍ରଜାତିର ଜଲଜ ଉଦ୍ଭିଦ ମୋଗଲ ଗାର୍ଡେନରେ ଦେଖିପାରିବେ ପର୍ଯ୍ୟଟକ।

ଏହାସହ ୪.୪ ଏକର ଜାଗାରେ ବାଉଁଶ ଉଦ୍ୟାନ ନିର୍ମିତ କରାଯାଇଛି। ୭୦ ପ୍ରକାରର ବାଉଁଶ ଏହି ଉଦ୍ୟାନରେ ଦେଖିବାକୁ ମିଳିବ। ଏହାସହ ହାଇଦ୍ରାବାଦର ଏକ ଘରୋଇ ଫାର୍ମରୁ ଚିଡ଼ିଆଖାନାକୁ ଆସିଥିବା ବିରଳ ପ୍ରଜାତିର ଏକହଳ ଓ୍ବାଲିବ ଓ ଏକହଳ ଲିଭିଙ୍ଗଷ୍ଟୋନ ଟୁରକେକୁ ସ୍ବତନ୍ତ୍ର ଖୁଆଡ଼ରେ ଛଡାଯିବ। ଏହି ଉତ୍ସବରେ ମୁଖ୍ୟ ଅତିଥି ଭାବେ ଜଙ୍ଗଲ ବିଭାଗ ମନ୍ତ୍ରୀ ପ୍ରଦୀପ ଅମାତ, ପିସିସିଫ ଓ ବିଧାୟକ ଯୋଗଦେବାର କାର୍ଯ୍ୟକ୍ରମ ରହିଛି।

ଜୋମାଟୋ କୁ ମିଳିଛି ୪୦୧.୭ କୋଟିର ଟ୍ୟାକ୍ସ ଫାଙ୍କିବା ନୋଟିସ୍

ନୂଆଦିଲ୍ଲୀ: ଟ୍ୟାକ୍ସ ଫାଙ୍କୁଛି ଜୋମାଟୋ । ଦେଶର ଲୋକପ୍ରିୟ ଫୁଡ୍ ଡେଲିଭରୀ କମ୍ପାନୀ ଜୋମାଟୋ ନାଁରେ ଆସିଛି  ଏକ ସାଙ୍ଘାତିକ ଅଭିଯୋଗ  । ଜୋମାଟୋ ୪୦୧.୭ କୋଟି ଟଙ୍କାର ଟ୍ୟାକ୍ସ ଦେଇନଥିବା ଅଭିଯୋଗ ହୋଇଛି  । ଜିଏସଟି ଇଣ୍ଟଲିଜେନ୍ସି ର ମହାନିର୍ଦେଶାଳୟ ଜୋମାଟୋ ଏବଂ ସ୍ବିଗିକୁ ଡେଲିଭରୀ ଚାର୍ଜରେ ଜିଏସଟି ଫାଙ୍କିଥିବା ନେଇ ନୋଟିସ୍ ପଠେଇଛି  । ଏହି ନୋଟିସ୍ ରେ କୁହାଯାଇଛି ଯେ, ଡେଲିଭରୀ ଚାର୍ଜ ସେବା ବିଭାଗର ଅର୍ନ୍ତଭୁକ୍ତ  । ଏହା ଉପରେ ଏହି ସବୁ କମ୍ପାନୀ ୧୮ ପ୍ରତିଶତ ଜିଏସଟି ଦେବା ବାଧ୍ୟତାମୂଳକ  । ଆଉ ମଧ୍ୟ ଜିଏସଟି ଇଣ୍ଟଲିଜେନ୍ସି ର ମହାନିର୍ଦେଶାଳୟ (DGGI) ଦ୍ବାରା ଜୋମାଟୋ କୁ କାରଣ ଦର୍ଶାଅ ନୋଟିସ୍ ପଠାଯାଇଛି  । କାରଣ ଦର୍ଶାଅ ନୋଟିସ୍ ର ଉତ୍ତର ଦେବାକୁ ଯାଇ ଜୋମାଟୋ କହିଛି ଯେ, ସେ କୌଣସି ଟ୍ୟାକ୍ସ ଦେବାକୁ ଉତ୍ତରଦାୟୀ ନୁହେଁ  । ଏହା ଛଡା ପରସ୍ପର ସହମତିରେ ଚୁକ୍ତିନାମାର ନିୟମ ଏବଂ ସର୍ତାବଳୀ ଅନୁସାରେ , ଫୁଡ୍ ଡେଲଭରୀ କମ୍ପାନୀ କହିଛି ଯେ, ଡେଲିଭରୀ ପାର୍ଟନର ମାନେ ଗ୍ରାହକ ମାନଙ୍କୁ  ଖାଇବା ଡେଲିଭରୀ କରିଥାନ୍ତି  । କମ୍ପାନୀ ଡେଲିଭରୀ କରିନଥାଏ  । ଜୋମାଟା ଏହା ମଧ୍ୟ କହିଛି ଯେ ଆମର ଏକ୍ସଟରନାଲ୍ ଲିଗାଲ୍ ଏବଂ ଟ୍ୟାକ୍ସ ଏକ୍ସପର୍ଟସ୍ ମାନଙ୍କ ରାୟ ବି ଜୋମାଟୋର ରାୟ ସହ ମିଶୁଛି  । ଏବଂ କାରଣ ଦର୍ଶାଅ ନୋଟିସ୍ ର ଉଚିତ୍ ଉତ୍ତର ରଖିବ ବୋଲି ଜୋମାଟା  କହିଛି  ।

ସୂଚନା ଅନୁସାରେ , ଟ୍ୟାକ୍ସି ଅଥରିଟି ଜୋମାଟୋ କୁ ଅକ୍ଟୋବର ୨୦୧୯ରୁ ଜାନୁୟାରୀ  ୨୦୨୨ ଯାଏଁ ଟ୍ୟାକ୍ସ ନଦେଇଥିବାରୁ  ଜୋରିମାନା , ସୁଧ ସହ ସମସ୍ତ ଟଙ୍କା ଦେବାକୁ ନିର୍ଦ୍ଦେଶ ଦେଇଛନ୍ତି  । ଜାନୁୟାରୀ ୨୦୨୨ ରେ ଜିଏସଟି ପରିଷଦ ଫୁଡ୍ ଡେଲିଭରୀ ସର୍ଭିସ୍ ପାଇଁ ୫ ପ୍ରତିଶତ ଟ୍ୟାକ୍ସର ଘୋଷଣା କରିଛନ୍ତି  । ଏବଂ ରେଷ୍ଟୋରାଣ୍ଟ ସର୍ଭିସ୍ କୁ ଜିଏସଟିରେ ଅର୍ନ୍ତଭୁକ୍ତ କରାଯାଇଛି  ।

ବିଜେଡିରେ ମିଶିଲେ କଂଗ୍ରେସର ବହୁ ନେତା ଓ କର୍ମୀ

ଭୁବନେଶ୍ୱର: ବାଲେଶ୍ୱରରେ ଆହୁରି ସଶକ୍ତ ହେଲା ବିଜୁ ଜନତା ଦଳ। ବିଜେଡିରେ ମିଶିଲେ ବସ୍ତା ନିର୍ବାଚନମଣ୍ଡଳୀର କଂଗ୍ରେସ କର୍ମୀ । ଭୁବନେଶ୍ୱର ଶଙ୍ଖ ଭବନରେ ଆୟୋଜିତ ମିଶ୍ରଣ ପର୍ବରେ ବିଜେଡି ସାଂସଦ ମାନସ ମଙ୍ଗରାଜଙ୍କ ଉପସ୍ଥିତିରେ ମିଶ୍ରଣ ପର୍ବ ଅନୁଷ୍ଠିତ ହୋଇଛି। ମିଶ୍ରଣ ପର୍ବରେ ବାଲେଶ୍ୱର ଜିଲ୍ଲା ବିଜେଡି ପର୍ଯ୍ୟବେକ୍ଷକ ପ୍ରତାପଦେବ, ପୂର୍ବତନ ସାଂସଦ ରବୀନ୍ଦ୍ର ଜେନା ଓ ବସ୍ତା ନିର୍ବାଚନ ମଣ୍ଡଳୀର ମହିଳା ସଭାନେତ୍ରୀ ସୁବାସିନୀ ଜେନା ଉପସ୍ଥିତ ଥିଲେ।

ସମସ୍ତଙ୍କ ଉପସ୍ଥିତିରେ କଂଗ୍ରେସ ଛାଡି ବିଜେଡିରେ ମିଶିଛନ୍ତି ବାଲିଆପାଳ ବ୍ଲକର ବରିଷ୍ଠ କଂଗ୍ରେସ ନେତା ତଥା କଂଗ୍ରେସ କମିଟି ସାଧାରଣ ସମ୍ପାଦକ ଦେବ କୁମାର ଦେ, ଝାଡ଼େଶ୍ୱର ବେହେରା ଓ ନିତ୍ୟାନନ୍ଦ ପାତ୍ରଙ୍କ ସମେତ ଶତାଧିକ କଂଗ୍ରେସ କର୍ମକର୍ତ୍ତା। ମୁଖ୍ୟମନ୍ତ୍ରୀଙ୍କ ଆଦର୍ଶ ଏବଂ ରାଜ୍ୟର ବିକାଶରେ ପ୍ରଭାବିତ ହୋଇ ସମସ୍ତେ ବିଜେଡିରେ ସାମିଲ ହୋଇଥିବା କହିଛନ୍ତି। ସମସ୍ତଙ୍କ ଯୋଗଦାନ ଫଳରେ ବିଜୁ ଜନତା ଦଳ ଆହୁରି ସଂଗଠିତ ହେବ। ବସ୍ତା ନିର୍ବାଚନ ମଣ୍ଡଳୀରେ ଦଳକୁ ଆହୁରି ସୃଦୁଢ କରିବା ପାଇଁ ସମସ୍ତେ ଶପଥ ନେଇଛନ୍ତି।

ସେଦିନର ମେଧାବୀ ନବୀନ ଆଜି ସାଜିଛନ୍ତି ଡାକ୍ତର ନବୀନ, ମୁଖ୍ୟମନ୍ତ୍ରୀଙ୍କ ଠାରୁ ଗ୍ରହଣ କଲେ ନିଯୁକ୍ତି ପତ୍ର

ଭୁବନେଶ୍ୱର: ପ୍ରସ୍ଫୁଟିତ ହୋଇଛି ୨୦ ବର୍ଷ ତଳର ପ୍ରତିଭା। ସେଦିନର ମେଧାବୀ ନବୀନ ଆଜି ସାଜିଛନ୍ତି ଡାକ୍ତର ନବୀନ । ୨୦ ବର୍ଷ ତଳେ ପ୍ରବନ୍ଧ ପ୍ରତିଯୋଗିତାରେ ଶ୍ରେଷ୍ଠ ବିବେଚିତ ହୋଇ କଟକ ବାରବାଟୀ ଷ୍ଟାଡିୟମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କଠୁ ପୁରସ୍କାର ଗ୍ରହଣ କରିଥିବା ନବୀନ କୁମାର ପରିଡ଼ା ଆଜି ମୁଖ୍ୟମନ୍ତ୍ରୀଙ୍କଠାରୁ ଗ୍ରହଣ କରୁଛନ୍ତି ଡାକ୍ତର ଭାବେ ନିଯୁକ୍ତି ପତ୍ର।

ଏହାକୁ ଆପଣ ସଂଯୋଗ କି ସୌଭାଗ୍ୟ ବି କହିପାରିବେ। ସେଦିନର ସେଇ ସାନ ପିଲା ଆଜି ଡାକ୍ତର ନବୀନ କୁମାର ପରିଡ଼ା ଭାବେ ପରିଚିତ ହୋଇଛି । କେନ୍ଦ୍ରାପଡ଼ାର ଏକ ମଫସଲ ଗାଁରେ ଜନ୍ମ ହୋଇଥିଲେ ନବୀନ। ସପ୍ତମ ବୋର୍ଡ ପରୀକ୍ଷାରେ ଜିଲ୍ଲା ଟପ୍ପର ହେବା ପରେ ନେତାଜୀ ସୁଭାଷ ଚନ୍ଦ୍ର ବୋଷ୍ ଓ ବିଜୁ ବାବୁ ପଢ଼ିଥିବା ରେଭେନ୍ସା କଲେଜିଏଟ୍ ସ୍କୁଲରେ ପଢିବା ପାଇଁ କଟକ ଆସିଥିଲେ। ମାତ୍ର ଏହି ସମୟରେ ସେ ଅନେକ ବାଧାବିଘ୍ନ ଦେଇ ଗତି କରିଥିଲେ। ପ୍ରବନ୍ଧ ପ୍ରତିଯୋଗିତାରେ ଶ୍ରେଷ୍ଠ ବିବେଚିତ ହୋଇ ମୁଖ୍ୟମନ୍ତ୍ରୀଙ୍କଠାରୁ ପୁରସ୍କାର ନେବା ସମୟରେ ସେ ମୁଖ୍ୟମନ୍ତ୍ରୀଙ୍କ ଦ୍ୱାରା ଅନୁପ୍ରାଣିତ ହୋଇଥିଲେ। ତାଙ୍କ ନାମ ସହ ନିଜ ନାମର ସମାନତା ଯୋଗୁଁ ସେ ଅଧିକ ଉତ୍ସାହିତ ହୋଇଥିଲେ।

ମୁଖ୍ୟମନ୍ତ୍ରୀଙ୍କ ହାତରୁ ଲଗାତାର ୨୦୦୨ ଓ ୨୦୦୩ରେ ପୁରସ୍କାର ପାଇ ନବୀନ କୁମାର ପରିଡ଼ା ଆଗକୁ ବଢ଼ିବା ପାଇଁ ପ୍ରେରଣା ପାଇଥିଲେ। ପାରିବାରିକ ଅଭାବ ଅନଟନ, ବାପାଙ୍କ ଅସୁସ୍ଥତାରେ ଭାଙ୍ଗି ନ ପଡି ନିଜର ଯାତ୍ରା ଜାରି ରଖିଥିଲେ। ସ୍କୁଲ ଶିକ୍ଷା ସାରିବା ପରେ ଯୁକ୍ତ ଦୁଇ ଓ ପରେ ଏମକେସିଜି ମେଡିକାଲ କଲେଜରୁ ଏମବିବିଏସ୍ ପାଠ ଶେଷ କରିଥିଲେ। ମେଡିକାଲ୍ ଅଫିସର ନିଯୁକ୍ତି ପ୍ରକ୍ରିୟାରେ ସଫଳତା ହାସଲ କରି ଆଜି ମୁଖ୍ୟମନ୍ତ୍ରୀଙ୍କଠାରୁ ନିଯୁକ୍ତି ପତ୍ର ଗ୍ରହଣ କରୁଛନ୍ତି ।

ବିରୂପା ନଦୀ ଉପରେ ନିର୍ମାଣ ହେବାକୁ ଯାଉଛି ସେତୁ, ଦୂର ହେବ ଗମନାଗମନ ସମସ୍ୟା

ସାଲେପୁର: ଦୀର୍ଘ ଦିନର ସମସ୍ୟା ହେବ ଦୂର। ଗମନାଗମନ ସୁବିଧା ପାଇଁ ରାସ୍ତା ଏବଂ ସେତୁ ନିର୍ମାଣ ଉପରେ ଗୁରୁତ୍ଵ ଦେଉଛନ୍ତି ରାଜ୍ୟ ସରକାର। କଟକ ସାଲେପୁର ନରଦା ଠାରେ ବିରୂପା ନଦୀ ଉପରେ ନିର୍ମାଣ ହେବାକୁ ଯାଉଛି ସେତୁ। ସାଲେପୁର ଓ ଟାଙ୍ଗୀକୁ ଏହା ସଂଯୋଗ କରିବ । ୩୦ କୋଟି ୧୨ ଲକ୍ଷ ୧୪ ହଜାର ବ୍ୟୟ ଅଟକଳରେ ନିର୍ମାଣ ହେବାକୁ ଯାଉଛି ସେତୁ। ଯେଉଁଥିପାଇଁ ପ୍ରସ୍ତୁତି ଚୂଡାନ୍ତ ପର୍ଯ୍ୟାୟରେ ପହଞ୍ଚିଛି। ଏଥିପାଇଁ ମୁଖ୍ୟମନ୍ତ୍ରୀଙ୍କ ପାଖରେ କୃତଜ୍ଞତା ଜଣାଇଛନ୍ତି ଅଞ୍ଚଳବାସୀ।

ଏହି ବ୍ରିଜ୍ ସ୍ଥାପନ ଦ୍ଵାରା ଗମନା ଗମନ ସୁବିଧା ହେବା ସହ ଚାଷୀ ମାନେ ଉତ୍ପାଦିତ ଦ୍ରବ୍ୟ ବିକ୍ରୟ ପାଇଁ ସହଜରେ ଯାତାୟତ କରିପାରିବେ। ଏହି ଅଞ୍ଚଳର ଅର୍ଥନୈତିକ ବିକାଶ ହୋଇପାରିବ। ସେତୁ ନଥିବା ଯୋଗୁ ବହୁ ସମସ୍ୟା ସୃଷ୍ଟି ହେଉଥିଲା। ଏଥିପାଇଁ ବାରମ୍ବାର ସରକାରଙ୍କୁ ଦାବି କରିଆସିଥିଲେ ସ୍ଥାନୀୟ ବାସିନ୍ଦା। ଶେଷରେ ଲୋକଙ୍କର ସମସ୍ୟା ଦୂର ହେବାକୁ ଯାଉଛି।

ତାଜ ହୋଟେଲ୍ ଠୁ ଆରମ୍ଭ କରି କ୍ରିକେଟର୍, ସମସ୍ତଙ୍କୁ ଚୁନା ଲଗାଇଛନ୍ତି ଏହି ଯୁବ କ୍ରିକେଟର

ନୂଆଦିଲ୍ଲୀ: କ୍ରିକେଟର ଋଷଭ ପନ୍ତଙ୍କୁ ଦେଢ କୋଟି ଟଙ୍କାର ଠକେଇ। ଆଉ ଜଣେ ଜାତୀୟ ସ୍ତରର କ୍ରିକେଟର ଋଶଭ ପନ୍ତଙ୍କୁ ଏହି ଠକେଇ କରିଛନ୍ତି। ମୃଣାଙ୍କ ସିଂ ନାମକ ଅଣ୍ଡର ୧୯ କ୍ରିକେଟର ଋଷଭ ପନ୍ତଙ୍କୁ ଠକେଇ କରିଛନ୍ତି । ଋଷଭଙ୍କ ଠାରୁ ୧ କୋଟି ୬୩ ଲକ୍ଷ ଟଙ୍କା ଠକି ନେଇଛି ମୃଣାଙ୍କ। ଏହି ଠକେଇ ୨୦୨୦ରେ ହୋଇଥିଲା ।

କେବଳ ଋଷଭ ନୁହନ୍ତି ଅନେକ ଲୋକଙ୍କୁ ଠକିଛି  ମୃଣାଙ୍କ। ସେମାନଙ୍କ ମଧ୍ୟରେ କ୍ୟାବ ଡ୍ରାଇଭର, ହୋଟେଲ ମାଲିକଙ୍କ ସହ ଅନେକ ମହିଳା ମଧ୍ୟ ଅଛନ୍ତି। ସାମାଜିକ ଗଣମାଧ୍ୟମରେ ମଧ୍ୟ ସେ ସକ୍ରିୟ ଥିଲେ। ମୃଣାଙ୍କର ପ୍ରାୟ ୪୦ ହଜାରରୁ ଅଧିକ ଫଲୋଅର ରହିଛନ୍ତି । ଦିଲ୍ଲୀ ହିନ୍ଦୁ କଲେଜରୁ ସ୍ନାତକ ସହ ରାଜସ୍ଥାନରୁ ଏମବିଏ କରିଛନ୍ତି ମୃଣାଙ୍କ। ବିଳାସମୟ ଜୀବନ ଅତିବାହିତ କରିବାକୁ ସେ ଏଭଳି ଠକେଇ କରି ଚାଲିଥିଲେ । ଫାଇଭ ଷ୍ଟାର ହୋଟେଲରେ ରହିବା, ଦାମି ରେଷ୍ଟୁରାଣ୍ଟରେ ଖାଇବା ମୃଣାଙ୍କର ସଉକ। ବିଳାସମୟ ଜୀବନ ବିତେଇବାକୁ ଏହି ଯୁବ କ୍ରିକେଟର ବିଭିନ୍ନ ଉପାୟ ଆପଣାଉଥିଲେ। ନିଜକୁ ଖେଳାଳି କହି ଅନେକ ହୋଟେଲରେ ମାଗଣା ରହୁଥିଲେ।

ମୃଣାଙ୍କ ସିଂ ନିଜକୁ ଆଇପିଏଲ ଖେଳାଳି ଭାବେ ମଧ୍ୟ ପରିଚୟ ଦେଉଥିଲା। ଆଇପିଏଲ ଖେଳାଳି ପରିଚୟ ଦେଇ ସେ ଅନେକ ମହିଳାଙ୍କୁ ଠକିଛି । ମୁମ୍ବାଇ ଇଣ୍ଡିଆନସ ପକ୍ଷରୁ ସେ ଖେଳୁଥିବା କହୁଥିଲା । କ୍ରୀଡା ସଂରଜାମ ଯୋଗାଉଥିବା ଅନେକ ଆନ୍ତର୍ଜାତିକ ସ୍ତରର କମ୍ପାନୀକୁ ମଧ୍ୟ ସେ ଠକିଛି । ୨୦୨୨ରେ ସେ ଦିଲ୍ଲୀର ତାଜ ପ୍ୟାଲେସ ହୋଟେଲରେ ସପ୍ତାହକ ଧରି ରହିଥିଲା। ହୋଟେଲର ପ୍ରାୟ ସାଢେ ୫ ଲକ୍ଷ ଟଙ୍କାର ବିଲ୍ ନଦେଇ ଚାଲିଯାଇଥିଲା । ନିଜକୁ ଅନ୍ତର୍ଜାତୀୟ କ୍ରିକେଟ କହିବା ସହ ଏକ ଆନ୍ତର୍ଜାତିକ କମ୍ପାନୀ ଏହି ବିଲ୍ ଦେବ ବୋଲି କହିଥିଲେ। ଠକେଇ କରିବା ପରେ ପୋଲିସ ପିଛା କରିବ ଜାଣି ସେ ତାର ଫୋନ ସ୍ବିଚ୍ ଅଫ୍ କରି ରଖୁଥିଲା। ଗତ ୨୫ ତାରିଖରେ ହଂକଂକୁ ଫେରାର ଉଦ୍ୟମ ବେଳେ ଦିଲ୍ଲୀ ବିମାନବନ୍ଦରରେ ତାକୁ ଅଟକାଇଥିଲା ଇମିଗ୍ରେସନ ଅଧିକାରୀ। ଧରାପଡିଲେ କେତେବେଳେ ନିଜକୁ ଆଇପିଏସ ଅଫିସରର ମଧ୍ୟ ପରିଚୟ ଦେଉଥିଲା । ପୋଲିସ ଏହି ହାଇ ପ୍ରୋଫାଇଲ ଠକକୁ ଗିରଫ କରିଛି।

ମୋବାଇଲ ମାୟା : ସ୍ୱାମୀ ଆଖି କଣା କଲା ସ୍ତ୍ରୀ !

ଉତ୍ତରପ୍ରଦେଶ : ମୋବାଇଲ୍ ଦେଖିବାକୁ ମନା କରିବାରୁ  ସ୍ବାମୀର ଆଖି ଫୁଟାଇଦେଲା ସ୍ତ୍ରୀ । ଉତ୍ତରପ୍ରଦେଶର ବାଗପତରେ ଜଣେ ଯୁବତୀ ଘଣ୍ଟା ଘଣ୍ଟା  ଧରି ମୋବାଇଲ୍ ଫୋନ୍ ଦେଖୁଥିବାରୁ ସ୍ବାମୀ ବାରଣ କରିଥିଲେ । ଏଥିରେ ରାଗି ଯାଇ ଯୁବତୀ ଜଣକ ସ୍ବାମୀଙ୍କ ଆଖି କଣା କରିଦେଇଛନ୍ତି  । ଫଳରେ ବ୍ୟକ୍ତି ଜଣକ ସଙ୍ଗେସଙ୍ଗେ ଚେତାଶୂନ୍ୟ ହୋଇ ତଳେ ପଡିଯାଇଥିଲେ  । ଏହି ଘଟଣା ପରେ ପୀଡିତ ସ୍ବାମୀ ଜଣକ ପୋଲିସ୍ ଷ୍ଟେସନ୍ ରେ ପହଞ୍ଚି ପତ୍ନୀଙ୍କ ବିରୁଦ୍ଧ ରେ ଅଭିଯୋଗ କରିଛନ୍ତି  । ବ୍ୟକ୍ତି ଜଣକ ଅଭିଯୋଗ କରିଛନ୍ତି ଯେ , ତାଙ୍କ ପତ୍ନୀ ମୋବାଇଲ୍ ଦେଖୁଥିଲା ବେଳେ ସେ ତାଙ୍କୁ ଅଟକେଇଥିଲେ । ଏଥିରେ  ରାଗି ଯାଇ ତାଙ୍କ ପତ୍ନୀ ଘରେ ଥିବା କଇଁଞ୍ଚି ଆଣି ସ୍ବାମୀଙ୍କ ଆଖିରେ ଭୁସି ଦେଇଥିଲେ । ଭୁସି ଦେଇଥିବା ଯୋଗୁଁ ତାଙ୍କ ଆଖିରେ ଗଭୀର ଆଘାତ ଲାଗିଥିଲା  । ଯାହା ପାଇଁ ସେ ଚିକିତ୍ସିତ ମଧ୍ୟ ହେଉଛନ୍ତି ।

ଏହି ଘଟଣା ଉପରେ ବଡୈାତ୍ ସିଇଓ ସବିରତ୍ନ ଗୌତମ କହିଛନ୍ତି ଯେ , ସ୍ବାମୀ ସ୍ତ୍ରୀଙ୍କ ମଧ୍ୟରେ ମୋବାଇଲ୍ ଚଲେଇବାକୁ ନେଇ ଝଗଡା ହୋଇଥିଲା । ଯେଉଁଥିରେ ଉତକ୍ଷିପ୍ତ ହୋଇ ମହିଳା ଜଣକ ତାଙ୍କ ସ୍ବାମୀଙ୍କ ଆଖିରେ  କଇଁଞ୍ଚି ଭୁସି ଦେଇଛନ୍ତି । ଏହି ଘଟଣାରେ  ପୋଲିସ୍ ମାମଲା ରୁଜୁ କରିଛି  । ଅଧିକ ତଦନ୍ତ କରାଯାଇ ମହିଳା ଙ୍କ ନାମରେ କାର୍ଯ୍ୟାନୁଷ୍ଠାନ ନିଆଯିବ  । ସୂଚନା ଅନୁସାରେ , ବାରୁତ ରେ ରହୁଥିବା ଅଙ୍କିତ ତିନି ବର୍ଷ ପୂର୍ବେ ସୁପ୍ ଗାଁର ଜଣେ ଯୁବତୀଙ୍କ ସହ ହୋଇଥିଲା  ।ବାହାଘରର କିଛି ଦିନ ଉଭୟଙ୍କ ଭିତରେ ସବୁ କିଛି ଠିକ୍ ଚାଲିଥିଲା । କିନ୍ତୁ  ଲଗାତର ଦେଢ ବର୍ଷ ହେଲା ଉଭୟଙ୍କ ଭିତରେ ସବୁବେଳେ କୌଣସି ନା କୌଣସି କଥାକୁ ନେଇ ଯୁକ୍ତି ତର୍କ ଲାଗୁ ରହୁଥିଲା । ଆଜି ମଧ୍ୟ ସମାନ ଘଟଣା ଘଟିଛି  । ଯେତେବେଳେ ଅଙ୍କିତ ତାଙ୍କ ପତ୍ନୀଙ୍କୁ ମୋବାଇଲ୍ ବ୍ୟବହାରରୁ ବାରଣ କରିଥିଲେ  ।  ସେ ରାଗିଯାଇ ଭିତରକୁ ଯାଇ କଇଁଞ୍ଚି ଆଣି ଖଟରେ ବସିଥିବା ସ୍ବାମୀଙ୍କ ଆଖିକୁ କଇଁଞ୍ଚିରେ ଭୁସି ଦେଇଥିଲେ  । ଏହା ପରେ ଅଙ୍କିତଙ୍କ ଆଖିରୁ ରକ୍ତସ୍ରାବ ହୋଇଥିଲା ଏବଂ ସେ ତଳେ ପଡିଯାଇଥିଲା  । ଶଦ୍ଦ ଶୁଣି ଅଙ୍କିତଙ୍କର ଭାଉଜ ଏବଂ ଭଣଜା ଦୌଡି ଆସିଥିଲେ  । ଏହା ପରେ ତାଙ୍କୁ ହସ୍ପିଟାଲ୍ ରେ ଭର୍ତ୍ତି କରାଯାଇଥିଲା  ।

ଫୁଲବାଣୀରେ ଚାଞ୍ଚଲ୍ୟ, ୩ ଜଣଙ୍କୁ ଏସିଡ୍ ମାଡ଼ କଲା ଅଭିଯୁକ୍ତ

ଫୁଲବାଣୀ: ଫୁଲବାଣୀ ଟାଉନ ଥାନା ଶଶୀ ପାନଦୋକାନ ଛକରେ ଏସିଡ ଆକ୍ରମଣ । ବାପା,ପୁଅ ଓ ସାଙ୍ଗକୁ ଏସିଡ ମାରିଛି ଅଭିଯୁକ୍ତ । ଏସିଡ ଆକ୍ରମଣରେ ୩ ଜଣ ଆହତ ହୋଇଛନ୍ତି। ଆହତ ବ୍ୟକ୍ତି ହେଲେ ବାପା ଚନ୍ଦ୍ର ମହାନ୍ତି ଏବଂ ପୁଅ ସୁରଜ ମହାନ୍ତି । ଅନ୍ୟ ଜଣକ ହେଉଛନ୍ତି ସାଙ୍ଗ ରାକେଶ ମିଶ୍ର। ସୁରଜ ଏବଂ ରାକେଶ ବାଇକ ଉପରେ ବସିଥିବା ବେଳେ ହଠାତ ପ୍ରମୋଦ ସାହୁ ଏସିଡ ଆଣି ସୁରଜର ମୁହଁକୁ ଫିଙ୍ଗିଥିଲା।

ସେଥିରୁ କିଛି ଏସିଡ ରାକେଶ ଉପରେ ମଧ୍ୟ ପଡ଼ିଥିଲା । ସୁରଜର ବାପା ଚନ୍ଦ୍ର ମହାନ୍ତି ଘଟଣାସ୍ଥଳକୁ ଆସିବାରୁ ତାଙ୍କ ଉପରକୁ ମଧ୍ୟ ଏସିଡ ଫିଙ୍ଗିଥିଲା ଅଭିଯୁକ୍ତ। ଅଭିଯୁକ୍ତ ପ୍ରମୋଦକୁ ସ୍ଥାନୀୟ ଲୋକ କାବୁ କରି ମାଡ଼ ମାରିଛନ୍ତି। ସମସ୍ତଙ୍କୁ ଫୁଲବାଣୀ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ପୂର୍ବ ଶତ୍ରୁତାରୁ ଏସିଡ ଆକ୍ରମଣ ହୋଇଥିବା ସନ୍ଦେହ କରାଯାଉଛି। ପୋଲିସ ଘଟଣାସ୍ଥଳରେ ପହଞ୍ଚି ମାମଲାର ତଦନ୍ତ କରୁଛି।

ବେଆଇନ ମୋରମ ଚାଲାଣ ଅଭିଯୋଗ; ବିଜେପି ନେତାଙ୍କୁ ୨୨୮ କୋଟିରୁ ଅଧିକ ଟଙ୍କାର ଫାଇନ

ଧର୍ମଶାଳା: ବେଆଇନ ମୋରମ ଚାଲାଣ ଅଭିଯୋଗରେ ବିଜେପି ନେତାଙ୍କୁ ଜୋରିମାନା। ଯାଜପୁର ଜିଲ୍ଲା ଧର୍ମଶାଳାର ବିଜେପି ନେତା ତଥା ସୂଚନା ଅଧିକାର କର୍ମୀ ସର୍ବେଶ୍ବର ବେହୁରାଙ୍କ ଉପରେ ୨୨୮ କୋଟିରୁ ଅଧିକ ଟଙ୍କା ଜୋରିମାନା କରିଛି ଜିଲ୍ଲା ପ୍ରଶାସନ। ଦର୍ପଣ ତହସିଲ ଅଧିନ ମାଣ୍ଡୁକା ପାହାଡ଼ରେ ବେଆଇନ ମୋରମ ଚାଲାଣ ହେଉଥିବାବେଳେ ଜିଲ୍ଲା ପ୍ରଶାସନ ରେଡ୍ କରିଥିଲା।

ମୋରମ ଉତ୍ତୋଳନ କରୁଥିବା ଏସ୍କକା ଭେଟର ମେସିନ ଜବତ କରାଯାଇଥିଲା। ମେସିନଟି ବିଜେପି ନେତା ସର୍ବେଶ୍ବର ବେହୁରାଙ୍କ ବୋଲି ଜଣାପଡିଥିଲା। ବେଆଇନ ବାବେ ୨ ଲକ୍ଷ ୫୩ ହଜାର ୨୭୩ ଘନମିଟର ଅଞ୍ଚଳରୁ ମୋରମ ଉତ୍ତୋଳନ ହୋଇଥିବା ତଦନ୍ତରୁ ଜଣାପଡ଼ିଥିଲା । ରୟାଲଟି, ଅତିରିକ୍ତ ଶୁଳ୍କ, ଡିଏମଏଫ, ଇଏମଏଫ ଓ ପରିବେଶ କ୍ଷତିପୂରଣ ବାବଦକୁ ମୋଟ ୨୨୮ କୋଟି ୨୫ ଲକ୍ଷ ୬୧ ହଜାର ୭୮ ଟଙ୍କାର ଡିମାଣ୍ଡ ନୋଟିସ ପଠାଇବାକୁ ଜିଲ୍ଲାପାଳ ତହସିଲଦାରଙ୍କୁ ନିର୍ଦ୍ଦେଶ ଦେଇଥିଲେ।

ପ୍ରେମିକ ସହ ମିଶି ସ୍ବାମୀକୁ ହତ୍ୟା କଲା ସ୍ତ୍ରୀ

ଗାଜିଆବାଦ୍: ପ୍ରେମିକ ସହ ମିଶି ସ୍ବାମୀକୁ ହତ୍ୟା କଲା ସ୍ତ୍ରୀ  । ୟୁପି ଗାଜିଆବାଦ୍ ର ଜଣେ ମହିଳା ନିଜ ପ୍ରେମିକ ସହ ମିଶି ତାଙ୍କ ସ୍ବାମୀଙ୍କୁ ହତ୍ୟା କରିଛନ୍ତି  । ହତ୍ୟା କରିବା ପରେ ସ୍ବାମୀର ଶବକୁ ଚାଦରରେ ଗୁଡାଇ ପରିତ୍ୟକ୍ତ ଘରେ ଫୋପାଡିଦେଇ ଚାଲିଯାଇଛନ୍ତି  । ଅପରାଧ ଘଟାଇବା ପରେ ମହିଳା ଏବଂ ତାଙ୍କର ପ୍ରେମିକ ଏଥିରୁ ବଞ୍ଚିବା ପାଇଁ  ବହୁତ କିଛି ପ୍ଲାନ୍ ମଧ୍ୟ କରିଥିଲେ  । କିନ୍ତୁ ଶେଷରେ ସେମାନଙ୍କର ସବୁ ଯୋଜନା ଫେଲ୍ ମାରିଛି  ।  ପୋଲିସ୍ ଏହି ଦୁଇ ଜଣଙ୍କୁ ଗିରଫ କରିଛି  । ପୋଲିସ୍ ଉଭୟଙ୍କୁ ପଚରାଉଚାର କରିବା ପରେ ଏକ ଆଶ୍ଚର୍ଯ୍ୟଜନକ ତଥ୍ୟ ସାମ୍ନାକୁ ଆସିଛି । ବାସ୍ତବରେ ତାଙ୍କ ସ୍ବାମୀ ଜାଣିବାକୁ ପାଇଥିଲେ ଯେ, ମହିଳା ଜଣକ ତାଙ୍କ ପ୍ରେମିକ ସହ ପ୍ରେମ ସମ୍ପର୍କ ରଖିଛନ୍ତି  । ସ୍ବାମୀ ଜାଣିବା ପରେ  ମହିଳାଙ୍କୁ ଏସବୁ କରିବାକୁ ମନା କରିଥିଲେ  । କିନ୍ତୁ ମହିଳା ଜଣକ ସ୍ବାମୀଙ୍କ କଥା ଶୁଣିନଥିଲେ ଏବଂ ସ୍ବାମୀଙ୍କ ଠାରୁ ଅଲଗା ହେବାକୁ ଚାହୁଁଥିଲେ । ବ୍ୟକ୍ତି ଜଣକ ନିଜର ଝିଅ କୁ ବହୁତ ଭଲପାଉଥିବାରୁ ସ୍ତ୍ରୀଙ୍କ ଠାରୁ ଅଲଗା ହେବାକୁ ଚାହୁଁ ନଥିଲେ । ପରେ  ମହିଳା ଜଣକ ଝିଅକୁ ନେଇ ସ୍ବାମୀଙ୍କ ସହ ଝଗଡା କରି ପ୍ରେମିକ ସହ ରହିବାକୁ ଘର ଛାଡି ପଳାଇଥିଲେ  । ବ୍ୟକ୍ତି ଜଣକ ସ୍ତ୍ରୀ ଏବଂ ଝିଅକୁ ଖୋଜି ଖୋଜି ଯାଇ ମହିଳା ରହୁଥିବା ଘରେ ପହଞ୍ଚିଥିଲେ  । ମହିଳାଙ୍କ ଗୋଡ ହାତ ଧରି ତାଙ୍କୁ ବୁଝା ସୁଝା କରିବାରୁ ମହିଳା ଜଣକ ଝିଅ ସହ ପ୍ରେମିକକୁ ନିଜ ଘରକୁ ନେଇଆସିଥିଲେ  । ସ୍ବାମୀଙ୍କ ଘରେ ମହିଳା  ପ୍ରେମିକ ସହ ମିଶି ରହୁଥିବାରୁ ସ୍ବାମୀ ସ୍ତ୍ରୀଙ୍କ ବିଷୟରେ ପ୍ରାୟ ସବୁବେଳେ ଝଗଡା ଲାଗି ରହୁଥିଲା । ଯାହାକି ତାଙ୍କ ହତ୍ୟାର କାରଣ ସାଜିଲା  । ଶେଷରେ ମହିଳା ନିଜ ପ୍ରେମିକ ସହ ମିଶି ସ୍ବାମୀଙ୍କୁ ହତ୍ୟା କଲେ  । ବର୍ତ୍ତମାନ ତଦନ୍ତ ପରେ ପୋଲିସ୍ ହତ୍ୟାକାରୀ ମହିଳା ଏବଂ ତାଙ୍କ  ପ୍ରେମିକ କୁ ଗିରଫ କରିଛି  । ହତ୍ୟାରେ ବ୍ୟବହୃତ ଛୁରୀ ମଧ୍ୟ ଜବତ କରାଯାଇଛି   ।

ସୂଚନାଅନୁସାରେ, ଡିସେମ୍ବର ୨୨ ରେ ଲେବଲ୍ କ୍ରସିଂ ରିପବ୍ଲିକ୍ ପୋଲିସ୍ କୁ ସୂଚନା ମିଳିଥିଲା ଯେ, ବହରାମପୁର ପାଖରେ ଏକ ଅଜ୍ଞାତ ବ୍ୟକ୍ତିଙ୍କର ଶବ ପଡି ରହିଛି  । ଏହି ସୂଚନା ପାଇବା ପରେ ପୋଲିସ୍ ଘଟଣାସ୍ଥଳରେ ପହଞ୍ଚିଥିଲା  । ଶବକୁ ଚିହ୍ନଟ କରିବା ପାଇଁ ଏବଂ ହତ୍ୟାକାରୀ କୁ ଗିରଫ କରିବା ପାଇଁ ପୋଲିସ୍ ତଦନ୍ତ ଚଳାଇଥିଲା  । ଯେଉଁଥିରେ ଖବର ମିଳିଥିଲା ଯେ, ମୃତକ ହେଉଛନ୍ତି ଶିବମ୍ ଛଦ୍ମନାମ ସୋନୁ  । ଯିଏ କି ଜାଳୌନ ଜିଲ୍ଲାର ନାବର୍ ଗାଁର ଅଧିବାସୀ ଥିଲା  । ବର୍ତ୍ତମାନ କିନ୍ତୁ ସେ ଗାଜିୟାବାଦ୍ ର ଏକ ଭଡା ଘରେ ରହୁଥିଲା  । ସେହି ଅଞ୍ଚଳର ସିସିଟିଭି ଫୁଟେଜ୍, ଶିବମ୍ ଙ୍କ ଫୋନ୍ ରେକର୍ଡ ଯାଞ୍ଚ କରିଥିଲେ   । ଯେଉଁଥିରୁ ପୁରା ଘଟଣାର ସତ୍ୟତା ଜଣାପଡିଥିଲା  ।