ଭୁବନେଶ୍ବର: ପ୍ରବଳ ଥଣ୍ଡାରେ କଲବଲ ସମଗ୍ର ଦେଶ । ଅଧିକାଂଶ ରାଜ୍ୟରେ ତାପମାତ୍ରା ୨ ରୁ ୩ ଡିଗ୍ରୀ ଛୁଇଁଛି । ଚଳିତ ସିଜିନର ସବୁଠାରୁ ଥଣ୍ଡା ଦିନ ଗତ ୧୦ ଓ ୧୧ ଡିସେମ୍ବର ରେକର୍ଡ ହୋଇଛି । ଉତ୍ତର ଭାରତରେ ତାପମାତ୍ରା ଡିସେମ୍ବର ୧୫ ପର୍ଯ୍ୟନ୍ତ ଆହୁରି କମିବ ବୋଲି ପାଣିପାଗ ବିଭାଗ କହିଛି । ସେହିପରି ପୂର୍ବୋତ୍ତର ରାଜ୍ୟରେ ଘନ କୁହୁଡି ହେବା ସହ ତାପମାତ୍ରା ଖସିବା ନେଇ ଆଶଙ୍କା କରିଛି ପାଣିପାଗ ବିଭାଗ ।
ଆସାମ, ମେଘାଳୟ, ନାଗାଲାଣ୍ଡ, ମଣିପୁର, ମିଜୋରାମ ଓ ତ୍ରିପୁରାରେ ଡିସେମ୍ବର ୧୨ରେ ଘନ କୁହୁଡି ଦେଖାଦେଇଛି । ସେହିପରି ଉତ୍ତର ପ୍ରଦେଶ, ବିହାର, ଝାଡଖଣ୍ଡ, ମଧ୍ୟ ପ୍ରଦେଶ, ରାଜସ୍ଥାନରେ ଶୀତ ଲହରୀ ପ୍ରବାହିତ ହେବ । ରାଜଧାନୀ ଦିଲ୍ଲୀରେ ଚଳିତ ସପ୍ତାହରେ କୁହୁଡି ଲାଗି ରହିବ ବୋଲି ପାଣିପାଗ ବିଭାଗ କହିଛି ।
ରବିବାର ପାରଦ ଖସି ୬.୫ ଡିଗ୍ରୀ ସେଲସିୟସରେ ପହଞ୍ଚିଛି । ଯାହାକି ପାଖାପାଖି ୩ ଡିଗ୍ରୀ ସେଲସିୟସରୁ କମ । ଗତ କିଛି ଦିନ ମଧ୍ୟରେ ପୂର୍ବୋତ୍ତର ମୌସୁମୀ କିଛି ଅଞ୍ଚଳରେ ଅଗ୍ରସର ହେଉଛି । କେରଳ ଓ ଏହାର ଆଖପାଖ ଦକ୍ଷିଣାଞ୍ଚଳରେ ବାୟୁ ସକ୍ରିୟ ରହିବା ନେଇ ଆଶଙ୍କା କରାଯାଉଛି । ଫଳରେ ଆହୁରି ଏକ ସପ୍ତାହ ଧରି ପାରଦ ଖସିବା ନେଇ ପୂର୍ବାନୁମାନ କରିଛି ପାଣିପାଗ ବିଭାଗ ।
