ଭୁବନେଶ୍ବର: ଆଗରେ ସ୍ପା ସେଣ୍ଟର, ଭିତରେ ଚାଲିଥିଲା ସେକ୍ସ ରାକେଟ । ରାଜଧାନୀ ଭୁବନେଶ୍ବରରେ ସେକ୍ସ ରାକେଟ ଠାବ । ସତ୍ୟନଗର ଅଞ୍ଚଳରୁ ଠାବ ହେଲା ସେକ୍ସ ରାକେଟ । ୪ଜଣ ଯୁବତୀଙ୍କ ସହ ୨ ଯୁବକ ଅଟକ । ସତ୍ୟନଗର ପ୍ଲଟ ନମ୍ବର ୧୬ରେ ଚାଲିଥିଲା ସେକ୍ସ ରାକେଟ । ଘର ବାହାରେ ଏକ ମେଡ଼ିସିନ ସଂସ୍ଥାର ବୋର୍ଡ ଲଗାଇ ଚାଲିଥିଲା ଧନ୍ଦା । ଖବର ପାଇ ଚଢାଉ କରିଥିଲା ପୋଲିସ୍ । ଚଢ଼ାଉ ବେଳେ ଅନେକ ଆପତ୍ତିଜନକ ସାମଗ୍ରୀ ଜବତ କରିଛି ପୋଲିସ୍ । ରାତିକୁ ୮ରୁ ୧୨ ହଜାର ଟଙ୍କା ଦେଇ ଯୁବତୀଙ୍କୁ ଆଣୁଥିଲେ କଷ୍ଟମର । ଓଡ଼ିଶା ଓ ଓଡ଼ଶା ବାହାରୁ ଆସୁଥିଲେ ଯୁବତୀ । ଆଗକୁ ନୂଆବର୍ଷ ଓ ବଡ଼ଦିନ ଥିବାରୁ ସେକ୍ସ ରାକେଟ ଉପରେ ଚାଲିଥିଲା ଅପରେସନ । ଇମୋରାଲ ଟ୍ରାଫିକିଙ୍ଗ ଆକ୍ଟ ଅନୁଯାୟୀ ୪ ଜଣ ଯୁବତୀ ଓ ୨ ଜଣ ଯୁବକଙ୍କୁ ଅଟକ ରଖି ତଦନ୍ତ କରୁଛି ପୋଲିସ୍ ।
ମରଣା ଯନ୍ତ୍ରା ପାଲଟିଛି ୫୩ ନମ୍ବର ଜାତୀୟ ରାଜପଥ
ଢ଼େଙ୍କାନାଳ: ସାଧାରଣଲୋକଙ୍କ ଗମନାଗମନ ପାଇଁ ନିର୍ମାଣ ହୋଇଛି ନୂତନ ଜାତୀୟ ରାଜପଥ । କାମାକ୍ଷାନଗର ସହର ଦେଇ ଯାଇଥିବା ୫୩ ନମ୍ବର ଜାତୀୟ ରାଜପଥର ବାଇପାସ ରାସ୍ତା ଏବେ ପାଲଟିଛି ମରଣ ଯନ୍ତା । ଦୁଇମାସ ଭିତରେ ଗଲାଣି ୧୦ରୁ ଅଧିକ ଜୀବନ। ଜାତୀୟ ରାଜପଥ ବିଭାଗ ତରଫରୁ କୌଣସି ସୁରକ୍ଷା ଚି଼ହ୍ନ, ବ୍ୟାରିକେଡ଼, ଲାଇଟ ବ୍ୟବସ୍ଥା ନଥିବାରୁ ଅକାଳରେ ଯାଉଛି ନିରୀହ ଜୀବନ।
ବାଇପାସ ପାଲଟିଛି ମରଣଯନ୍ତା । ୨ ମାସରେ ଗଲାଣି ୧୦ ଜୀବନ। ଯାଜପୁରର ଡ଼ୁବୁରୀ ଠାରୁ କାମାକ୍ଷାନଗର ସହର ଦେଇ ରାଉରକେଲା, ସମ୍ବଲପୁର, ଅନଗୁଳ, ତାଳଚେରକୁ ସଂଯୋଗ କରୁଛି ଜାତୀୟ ରାଜପଥ ୫୩ । ଗତ ୩ ମାସ ତଳେ ଏହି ରାସ୍ତାର ଉଦଘାଟନ ହୋଇଥିଲା l ଦୈନିକ ହଜାର ହଜାର ଭାରିଜାନ ରାସ୍ତା ଦେଇ ସୁବିଧାରେ ଚଳାଚଳ କରି ପାରୁଛନ୍ତିl କିନ୍ତୁ ଜାତୀୟ ରାଜପଥ ବିଭାଗ ତରଫରୁ କୌଣସି ସୁରକ୍ଷା ଚି଼ହ୍ନ, ବ୍ୟାରିକେଡ଼, ଲାଇଟ ବ୍ୟବସ୍ଥା ନଥିବାରୁ ଅକାଳରେ ଯାଉଛି ନିରୀହ ଜୀବନ । କାମାକ୍ଷାନଗର ସହର ଦେଇ ଯାଇଥିବା ବାଇପାସ୍ ରାସ୍ତା ଏବେ ପାଲଟିଛି ଡେଥ୍ ଜୋନ୍।
ବାଇପାସର ଆଉ ଏକ ଦୁର୍ଘଟଣା ପ୍ରବଣ ସ୍ଥାନ ହେଉଛି ଜିରିଡାମାଳି ଏଣ୍ଟ୍ରି ପଏଣ୍ଟ l ଏହି ରାସ୍ତା ଦେଇ କାମାକ୍ଷାନଗରରୁ ଶହଶହ ଗାଡି ଯାତାୟାତ କରିଥାଏl ଛକଟି ଏକ ବ୍ୟସ୍ତବହୁଳ ସ୍ଥାନ ହେବା ସହ ଏହା ଛଅଥାକିଆ ରାସ୍ତାl କଙ୍କଡାହାଡ଼ ପଟୁ କାମାକ୍ଷାନଗର ସହରକୁ ଆସିବାକୁ ହେଲେ ଏହି ସ୍ଥାନରେ ଜାତୀୟ ରାଜପଥକୁ ପାର ହେବାକୁ ପଡିଥାଏl ଏଠି ମଧ୍ୟ କୌଣସି ସୁରକ୍ଷା ଚି଼ହ୍ନ, ଆଲୋକୀକରଣ ବ୍ୟବସ୍ଥା, ପୋଲିସ ପେଟ୍ରୋଲିଂ ନଥିବାରୁ ପ୍ରତ୍ୟେକ ଦିନ ଦୁର୍ଘଟଣା ଘଟୁଛିl ଯାହାକୁ ନେଇ ଅସନ୍ତୋଷ ଲୋକେ । ତୁରନ୍ତ ସମସ୍ୟାର ସମାଧାନ ନେଇ ହୋଇଛି ଦାବି ।
ଆସନ୍ତା ଜାନୁଆରୀ ୨ରୁ ଯୁକ୍ତ ଦୁଇ ପ୍ରାକ୍ଟିକାଲ ପରୀକ୍ଷା
ଭୁବନେଶ୍ବର: ଆସନ୍ତା ଜାନୁଆରୀ ୨ରୁ ଯୁକ୍ତ ଦୁଇ ପ୍ରାକ୍ଟିକାଲ ପରୀକ୍ଷା । ଜାନୁଆରୀ ୨ରୁ ପ୍ରାକ୍ଟିକାଲ ପରୀକ୍ଷା ଆରମ୍ଭ ହୋଇ ଫେବ୍ରୁଆରୀ ୧୨ ତାରିଖରେ ଶେଷ ହେବ । ଯୁକ୍ତ ୨ ବିଜ୍ଞାନ, କଳା ଓ ବାଣିଜ୍ୟ ପ୍ରାକ୍ଟିକାଲ ସହ ଧନ୍ଦାମୂଳକ ପାଠ୍ୟକ୍ରମର ପ୍ରାକ୍ଟିକାଲ ପରୀକ୍ଷା ଅନୁଷ୍ଠିତ ହେବ। ଫେବୃଆରୀ ୧୬ ତାରିଖରୁ ଯୁକ୍ତ ଦୁଇ ଥିଓରୀ ପରୀକ୍ଷା ହେବା ଆଶା କରାଯାଉଛି। ଯୁକ୍ତ ଦୁଇ ପ୍ରାକ୍ଟିକାଲ ପରୀକ୍ଷା ନେଇ ସୂଚନା ଦେଇଛନ୍ତି ପରୀକ୍ଷା ନିୟନ୍ତ୍ରଣ ଅଶୋକ କୁମାର ନାୟକ।ତେବେ ପରୀକ୍ଷା କେବେଠାରୁ ଆରମ୍ଭ ହେବ ଏ ନେଇ ଖୁବଶୀଘ୍ର ସବିଶେଷ କାର୍ଯ୍ୟକ୍ରମ ନେଇ ବିଜ୍ଞପ୍ତି ପ୍ରକାଶ ପାଇବ ବୋଲି ସୂଚନା ଦେଇଛନ୍ତି ପରୀକ୍ଷା ନିୟନ୍ତ୍ରକ।…
ଭୁବନେଶ୍ୱର ବରମୁଣ୍ଡା ବସ ଟର୍ମିନାଲ ପରିଦର୍ଶନ କରି ଶୀଘ୍ର କାମ ଶେଷ କରିବାକୁ ନିର୍ଦ୍ଦେଶ ଦେଲେ 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ୍
ଭୁବନେଶ୍ବର: ୩୧ ଡିସେମ୍ବର ସୁଦ୍ଧା ଶେଷ ହେବ ବରମୁଣ୍ଡା ବସ ଟର୍ମିନାଲ। ଭୁବନେଶ୍ୱର ବରମୁଣ୍ଡା ବସ ଟର୍ମିନାଲ ପରିଦର୍ଶନ କରି ଅତିଶୀଘ୍ର କାମ ଶେଷ କରିବାକୁ ନିର୍ଦ୍ଦେଶ ଦେଇଛନ୍ତି 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ୍ । ପରିଦର୍ଶନ ବେଳେ ନିର୍ମାଣକାରୀ ସଂସ୍ଥା ସହ ଆଲୋଚନା କଲେ 5T ଅଧ୍ୟକ୍ଷ । ଆଇଟି ଭିତ୍ତିଭୂମି, ଯାତ୍ରୀଙ୍କ ସୁବିଧା ସହ ସୃଜନଶୀଳ ପରିବେଶ ସୃଷ୍ଟିକୁ ଗୁରୁତ୍ୱ ଦେଇଛନ୍ତି ପାଣ୍ଡିଆନ୍ ।
ଯାତ୍ରୀଙ୍କ ପାଇଁ ପର୍ଯ୍ୟାପ୍ତ ସୁବିଧା ସୃଷ୍ଟି କରିବାକୁ ନିର୍ମାଣକାରୀ ସଂସ୍ଥାକୁ ନିର୍ଦ୍ଦେଶ ଦିଆଯାଇଛି । ଯାତ୍ରୀ ବିଶ୍ରାମାଗାର, ସଠିକ ପରିମଳ ବ୍ୟବସ୍ଥା, ବସ୍ ରହିବାକୁ ପର୍ଯ୍ୟାପ୍ତ ସ୍ଥାନ, ଆହାର କେନ୍ଦ୍ର, ବିଦ୍ୟୁତ ଓ ଶୌଚାଳୟ ବ୍ୟବସ୍ଥାର ଅନୁଧ୍ୟାନ କରିଛନ୍ତି 5T ଅଧ୍ୟକ୍ଷ । ଟ୍ୟାକ୍ସି ସଂଘ, ବସ୍ ମାଲିକ ସଂଘ, OSRTCର ଅଧିକାରୀଙ୍କୁ ନିର୍ମାଣ କାମରେ ସାମିଲ କରିବାକୁ ନିର୍ଦ୍ଦେଶ ଦେଇଛନ୍ତି ।
ପରିଦର୍ଶନ ସମୟରେ 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନଙ୍କ ସହ ବିଡିଏ ଉପାଧ୍ୟକ୍ଷ ବଲବନ୍ତ ସିଂ, ବିଏମସି ଅଧିକାରୀ, ବିଡିଏ ଅଧିକାରୀ ଉପସ୍ଥିତ ରହିଥିଲେ । ବରମୁଣ୍ଡା ବସ ଟର୍ମିନାଲ ୧୫.୫ଏକର ଜାଗାରେ ନିର୍ମାଣାଧୀନ ରହିଛି ।
ନବୀନଙ୍କୁ ଭେଟିଲେ ୪ ଓଡ଼ିଆ ଶ୍ରମିକ, ପ୍ରତ୍ୟେକଙ୍କୁ ୨ ଲକ୍ଷ ଟଙ୍କାର ସହାୟତା ଦେଲେ ମୁଖ୍ୟମନ୍ତ୍ରୀ
ଭୁବନେଶ୍ବର: ଉତ୍ତରାଖଣ୍ଡ ଟନେଲରୁ ଉଦ୍ଧାର ହୋଇଥିବା ଓଡ଼ିଆ ଶ୍ରମିକ ମାନେ ଶୁକ୍ରବାର ଭୁବନେଶ୍ୱରରେ ପହଞ୍ଚି ନବୀନ ନିବାସ ଠାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟିଛନ୍ତି। ଏହି ଅବସରରେ ସେମାନଙ୍କୁ ଅଭିନନ୍ଦନ ଜଣାଇ ମୁଖ୍ୟମନ୍ତ୍ରୀ ସେମାନଙ୍କ ସ୍ବାସ୍ଥ୍ୟ ଅବସ୍ଥା ବିଷୟରେ ପଚାରି ବୁଝିଥିଲେ। ସେମାନେ ସମସ୍ତେ ଭଲ ଅଛନ୍ତି ବୋଲି ସୂଚନା ଦେଇ ମୁଖ୍ୟମନ୍ତ୍ରୀଙ୍କ ସହୃଦୟତା ପାଇଁ ଧନ୍ୟବାଦ୍ ଦେଇଥିଲେ। ତେବେ ପ୍ରତ୍ୟେକ ଶ୍ରମିକଙ୍କୁ ୨ ଲକ୍ଷ ଟଙ୍କା ଲେଖାଏଁ ସହାୟତା ପ୍ରଦାନ କଲେ ମୁଖ୍ୟମନ୍ତ୍ରୀ ।
ଟନେଲ୍ ଭିତରେ ସେମାନଙ୍କ ସଂଘର୍ଷ ପୂର୍ଣ୍ଣ ଜୀବନ ବିଷୟରେ ମଧ୍ୟ ମୁଖ୍ୟମନ୍ତ୍ରୀ ସେମାନଙ୍କ ଠାରୁ ଶୁଣିଥିଲେ। ସେମାନେ ବାସ୍ତବରେ ଜଣେ ଜଣେ ହିରୋ ବୋଲି ମୁଖ୍ୟମନ୍ତ୍ରୀ କହିଥିଲେ। ପ୍ରତିକୂଳ ପରିସ୍ଥିତିରେ ସେମାନେ ଯେପରି ଜୀବନ ପାଇଁ ସଂଗ୍ରାମ କରି ବିଜୟୀ ହୋଇଛନ୍ତି ତାହା ବାସ୍ତବିକ୍ ପ୍ରେରଣା ଦାୟକ ବୋଲି ସେ କହିଥିଲେ। ଯେଉଁ ଶ୍ରମିକ ମାନେ ଆଜି ମୁଖ୍ୟମନ୍ତ୍ରୀଙ୍କୁ ଭେଟିଲେ ସେମାନେ ହେଲେ ମୟୂରଭଞ୍ଜର ରାଜୁ ନାୟକ, ଧିରେନ୍ ନାୟକ ଓ ବିଶେଶ୍ୱର ନାୟକ ଏବଂ ନବରଙ୍ଗପୁରର ଭଗବାନ ଭତ୍ରା। ସେମାନଙ୍କ ସହିତ ସେମାନଙ୍କ ପରିବାର ଲୋକମାନେ ମଧ୍ୟ ଉପସ୍ଥିତ ଥିଲେ।
ସୂଚନା ଥାଉକି, 5T ଅଧ୍ୟକ୍ଷ କାର୍ତ୍ତକ ପାଣ୍ଡିଆନ ଗୁରୁବାର ସେମାନଙ୍କ ସହ ଭିଡ଼ିଓ ଜରିଆରେ ଆଲୋଚନା କରି ସେମାନଙ୍କ ସ୍ବାସ୍ଥ୍ୟ ଅବସ୍ଥା ବିଷୟରେ ପଚାରି ବୁଝିଥିଲେ। ଏହି ସାକ୍ଷାତ ସମୟରେ ଶ୍ରମ ମନ୍ତ୍ରୀ ଶ୍ରୀ ସାରଦା ପ୍ରସାଦ ନାୟକ ଉପସ୍ଥିତ ଥିଲେ। ମନ୍ତ୍ରୀ ସେମାନଙ୍କ ଉଦ୍ଧାର କାର୍ଯ୍ୟ ସମ୍ପର୍କରେ ଖବର ରଖିବା ପାଇଁ ଉତ୍ତରାଖଣ୍ଡ ଯାଇ ଥିଲେ ଓ ସମସ୍ତଙ୍କୁ ଧରି ଓଡ଼ିଶା ଫେରି ଥିଲେ।
ଝାରସୁଗୁଡ଼ା ଜିଲ୍ଲା ଲଖନପୁରରେ ITI ପ୍ରତିଷ୍ଠାକୁ ମୁଖ୍ୟମନ୍ତ୍ରୀଙ୍କ ଅନୁମୋଦନ
ଭୁବନେଶ୍ବର: ଝାରସୁଗୁଡ଼ା ଜିଲ୍ଲା ଲଖନପୁରରେ ପ୍ରତିଷ୍ଠା ହେବ ITI । ମୁଖ୍ୟମନ୍ତ୍ରୀ ନବୀନ ପଟ୍ଯନାୟକ ଏହାକୁ ଅନୁମୋଦନ କରିଛନ୍ତି । ଏଥିପାଇଁ ୨୪ କୋଟି ୪୮ ଲକ୍ଷ ଟଙ୍କା ମଞ୍ଜୁର କରାଯାଇଥିବାବେଳେ ଏହି ଅର୍ଥ ଜିଲ୍ଲା ଖଣିଜ ପାଣ୍ଠିରୁ ବିନିଯୋଗ କରାଯିବ । ଝାରସୁଗୁଡା ଜିଲ୍ଲା ଏକ ଖଣିବହୁଳ ଅଞ୍ଚଳ । ଏଠାରେ ଖଣି ଉତ୍ତୋଳନ ଓ ଅନ୍ୟାନ୍ୟ ଆନୁସାଙ୍ଗିକ କାମ ପାଇଁ ଦକ୍ଷ ମାନବସମ୍ବଳର ଆବଶ୍ୟକତା ରହିଛି । ଏହାକୁ ଦୃଷ୍ଟିରେ ରଖି ମୁଖ୍ୟମନ୍ତ୍ରୀ ଏଠାରେ ITI ପ୍ରତିଷ୍ଠା କରିବା ପାଇଁ ନିଷ୍ପତ୍ତି ନେଇଛନ୍ତି । ଏହି ନୂତନ ITIରେ ୯ଟି ବିଷୟରେ ପ୍ରଶିକ୍ଷଣ ଦିଆଯିବ । ମଞ୍ଜୁର ହୋଇଥିବା ଅର୍ଥରେ Acadiic ଓ Workshop Building ନିର୍ମାଣ କରାଯିବା ସହିତ ବିଭିନ୍ନ ଉପକରଣ ଓ ଯନ୍ତ୍ରପାତି କିଣାଯିବ।
ଏଣିକି CBSE ଘୋଷଣା କରିବନି ମାର୍କ ଓ ଡିଭିଜନ
ଭୁବନେଶ୍ବର: ଏଣିକି ସିବିଏସଇ ଦଶମ ଓ ଦ୍ବାଦଶ ଶ୍ରେଣୀ ଛାତ୍ରଛାତ୍ରୀ ପରୀକ୍ଷାର୍ଥୀ ରଖିଥିବା ମାର୍କ କିମ୍ବା ଡିଭିଜନ ଘୋଷଣା କରିବ ନାହିଁ । ଏପରିକି ଦଶମ ଓ ଦ୍ବାଦଶ ଶ୍ରେଣୀ ପାସ୍ କରିଥିବା ଛାତ୍ରଛାତ୍ରୀଙ୍କୁ ଗ୍ରେଡ, ଡିଭିଜନ କି ଡିସ୍ଟିକସନ ଦିଆଯିବ ନାହିଁ । ଏଭଳି ନିଷ୍ପତ୍ତି ଛାତ୍ରଛାତ୍ରୀଙ୍କ ଠାରୁ ଆସିଥିବା ଆପତ୍ତି ଅଭିଯୋଗ ଶୁଣିବା ପରେ, ପରୀକ୍ଷା ବାଇ-ଲ ଚାପଟର-୭ର ସବସେକ୍ସନ ୪୦.୧ ଅନୁଯାୟୀ ଗ୍ରହଣ କରାଯାଇଛି ବୋଲି କହିଛନ୍ତି ସିବିଏସଇ ପରୀକ୍ଷା ନିୟନ୍ତ୍ରକ ଡାକ୍ତର ସନ୍ୟାମ ଭରଦ୍ବାଜ । ଏଭଳି ନିଷ୍ପତି ଛାତ୍ରଛାତ୍ରୀଙ୍କ ପରୀକ୍ଷା ବୋଝକୁ ହାଲୁକା କରିବାରେ ସହାୟକ ହେବ । ପୂର୍ବରୁ ଛାତ୍ରଛାତ୍ରୀଙ୍କୁ ସିବିଏସଇ ପକ୍ଷରୁ ଦଶମ ଓ ଦ୍ବାଦଶ ଶ୍ରେଣୀ ପାସ୍ କରିଥିବା ଛାତ୍ରଛାତ୍ରୀଙ୍କୁ ଡିଭିଜନ, ଏଗ୍ରୀଗେଟ କିମ୍ବା ଡିସ୍ଟିଙ୍କ୍ସନ ଦିଆଯାଉନଥିଲା । କେବଳ ଗ୍ରେଡ୍ ଦିଆଯାଉଥିଲା । ଯାହାକୁ ନେଇ ଛାତ୍ରଛାତ୍ରୀ ମାନେ ଉଚ୍ଚଶିକ୍ଷା ଗ୍ରହଣ କରିପାରୁଥିଲେ । ସିବିଏଇର ଏହି ନିଷ୍ପତ୍ତି ଛାତ୍ରଛାତ୍ରୀ କେବଳ ପରୀକ୍ଷା ପାଇଁ ପାଠ ନପଢି ଜ୍ଞାନ ଆହରଣ କରିବା ଉଦ୍ଦେଶ୍ୟରେ ପାଠ ପଢିପାରିବେ ବୋଲି ସିବିଏସଇ ପକ୍ଷରୁ କୁହାଯାଇଛି
ପଡୋଶୀ ସହ ଫେରାର ହେଲେ ୫୦ ବର୍ଷୀୟା ମହିଳା, ସ୍ବାମୀ କହିଲେ..
ଉତ୍ତରପ୍ରଦେଶ: ପ୍ରେମ ଏମିତି ବି ହୁଏ । ୫୦ ବର୍ଷର ମହିଳାଙ୍କୁ ନେଇ ଫେରାର ହେଲା ପଡ଼ୋଶୀ । ସ୍ବାମୀ ଝିଅର ଶାଶୁଘରକୁ ଯାଇଥିବାବେଳେ ସ୍ତ୍ରୀ ଫେରାର ହୋଇଯାଇଛନ୍ତି । ୟୁପିରୁ ଆସିଛି ଏଭଳି ଖବର । ସ୍ବାମୀ ଏନେଇ ପୋଲିସ ନିକଟରେ ଅଭିଯୋଗ କରିଛନ୍ତି। ଗାଁର ଦୁଇଜଣ ଯୁବକ ତାଙ୍କ ସ୍ତ୍ରୀଙ୍କୁ ନେଇ ପଳାଇଥିବା ସେ ଅଭିଯୋଗ କରିଛନ୍ତି । ଏହାସହ ସେ କହିଛନ୍ତି କି, ମୁଁ ମୋ ସ୍ତ୍ରୀକୁ ବହୁତ ଭଲପାଏ । ତାଛଡ଼ା ରହିପାରିବିନି । ତାକୁ ଶୀଘ୍ର ଖୋଜିଆଣ । ଗାଁର ଦୁଇଜଣ ଯୁବକ ତାଙ୍କୁ ନେଇ ଯାଇଥିବା କହିଛନ୍ତି । ପୋଲିସ ସିସିଟିଭି ଆଧାରରେ ଘଟଣାର ତଦନ୍ତ ଆରମ୍ଭ କରିଥିବାବେଳେ ମହିଳାଙ୍କୁ ଖୋଜାଖୋଜି ଆରମ୍ଭ କରିଛି । ସେପଟେ ସ୍ବାମୀ ଅଭିଯୋଗ କରିଛନ୍ତି କି, ମୋ ସ୍ତ୍ରୀଙ୍କୁ ଗାଁର ଦୁଇଜଣ ଯୁବକ ନେଇଯାଇଛନ୍ତି । ଏହାସହ ପଡ଼େଶୀ ଅଭିଯୋଗ ଆଣିଛନ୍ତି କି, ମହିଳା ଜଣକ ଫେରାର ହୋଇଯାଇଛନ୍ତି ।
ଦକ୍ଷିଣଆଫ୍ରିକା ବିପକ୍ଷ ଦିନିକିଆ ସିରିଜରେ କମାଲ କରିବେ ଏହି ୩ ନୂଆ ଖେଳାଳି
ନୂଆଦିଲ୍ଲୀ: ଅଷ୍ଟ୍ରେଲିଆ ବିପକ୍ଷ ସିରିଜ ପରେ ଦକ୍ଷିଣ ଆଫ୍ରିକା ଗସ୍ତରେ ଯିବ ଟିମ ଇଣ୍ଡିଆ । ଟି-୨୦ ମ୍ୟାଚରେ ବିରାଟ ଏବଂ ରୋହିତ ଶର୍ମା ଖେଳିବେ ନାହିଁ । ଯୁବ ଖେଳାଳିଙ୍କୁ ନେଇ ଦଳ ମଇଦାନକୁ ଓହ୍ଲାଉଥିବାବେଳେ ଦଳର ବିଦେଶୀ ମାଟିରେ ପ୍ରଦର୍ଶନ କିଭଳି ରହିବ ତାକୁ ନେଇ ଆରମ୍ଭ ହୋଇଛି ଚର୍ଚ୍ଚା । ସେପଟେ ଦିନିକିଆରେ ତିନି ଜଣ ନୂଆ ଖେଳାଳି ଡେବ୍ୟୁ କରିବା ପାଇଁ ଯାଉଛନ୍ତି । ରିଙ୍କୁ ସିଂ, ସାଇ ସୁଦର୍ଶନ ଏବଂ ରଜତ ପଟିଦାର ଦଳରେ ସ୍ଥାନ ପାଇଛନ୍ତି । ଦୀର୍ଘଦିନ ପରେ ପୁଣିଥରେ ଦଳରେ ସାମିଲ ହୋଇଛନ୍ତି ସଞ୍ଜୁ ସାମସନ। ସାଇ ସୁଦର୍ଶନ ଜଣେ ବାମହାତୀ ବ୍ୟାଟ୍ସମ୍ୟାନ ହୋଇଥିବାବେଳେ ଘରୋଇ ମାଟିରେ ତାଙ୍କ ଭଲ ରେକର୍ଡ ରହିଛି । ଏପରକି ବୋଲିଂ ମଧ୍ୟ କରିବାର ଦକ୍ଷତା ରହିଛି ।
ରିଙ୍କୁ ସିଂଙ୍କ କଥା ଯଦି କହିବା ତାହେଲେ ସେ ଆଇପିଏଲ ,ବଂ ଟି-୨୦ କ୍ରିକେଟରେ ଅନେକ ରେକର୍ଡ କରିଛନ୍ତି । ସୀମିତ ଓଭର ମ୍ୟାଚରେ ସେ ବଡ଼ ପାଳି ଖେଳିବା ସହ ଭଲ ଫିଲ୍ଡିଂ କରନ୍ତି । ଜଣେ ଭଲ ମ୍ୟାଚ ଫିନିସରଭାବେ ତାଙ୍କର ରେକର୍ଡ ରହିଛି । ୮ଟି ଆନ୍ତର୍ଜାତୀୟ ଟି-୨୦ ମ୍ୟାଚ ଖେଳିଥିବାବେବଳେ ରିଙ୍କୁଙ୍କ ଷ୍ଟ୍ରାଇକ ରେଟ୍ ୨୦୦ ରହିଛି । ବଲକୁ ସାମନା କରିବାବେଳେ ସବୁବେଳେ ଆକ୍ରମଣାତ୍କକ ଢ଼ଙ୍ଗରେ ଖେଳିଥାନ୍ତି । ସେପଟେ ରଜତ ପଟିଦାରଙ୍କ କଥା ଯଦି କହିବା ତାହେଲେ ସେ ମଧ୍ୟ ଜଣେ ଭଲ ଖେଳାଳି । ଘରୋଇ କ୍ରିକେଟରେ ଦମଦାର ପ୍ରଦର୍ଶନ କରିଛନ୍ତି । ଲିଷ୍ଟ ଏ ରେ ତାଙ୍କ ରେକର୍ଡ ଭଲ ରହିଛି । ଦକ୍ଷିଣ ଆଫ୍ରିକା ବିପକ୍ଷ ଦିନିକିଆରେ ଦଳରେ ସାମିଲ ହୋଇଥିବାବେଳେ ତାଙ୍କ ପ୍ରଦର୍ଶନ କିଭଳି ରହିବ ତାଉପରେ ରହିଛି ନଜର ।
ରୂପାନ୍ତରିତ ହେବ ରାଜଧାନୀର ସବୁ ଶ୍ମଶାନ
ଭୁବନେଶ୍ୱର: ଭୁବନେଶ୍ୱରରେ ବଦଳିବ ଶ୍ମଶାନର ରୂପରେଖ। ରୂପାନ୍ତରିତ ହେବ ରାଜଧାନୀର ସବୁ ଶ୍ମଶାନ। ସତ୍ୟନଗର ଶ୍ମଶାନର ହେବ ନବକଳେବର। ଇଲେକ୍ଟ୍ରିକ ଚୁଲା ଉଠାଯିବା ସହ ପାରମ୍ପରିକ ଓ ଗ୍ୟାସ ଚୁଲାରେ ଶବଦାହ ପାଇଁ ବ୍ୟବସ୍ଥା କରିବ ବିଏମସି। ଏଥିପାଇଁ ସତ୍ୟନଗର ଶ୍ମଶାନରେ ଭିତ୍ତିସ୍ଥାପନ କରିଛନ୍ତି ମଧ୍ୟ ବିଧାୟକ ଅନନ୍ତ ନାରାୟଣ ଜେନା ଓ ମେୟର ସୁଲୋଚନା ଦାସ।
୨ କୋଟି ୩୪ ଲକ୍ଷ ଟଙ୍କା ବ୍ୟୟରେ ଶ୍ମଶାନର ପୁନରୁଦ୍ଧାର କରିବାକୁ ବିଏମସି ଯୋଜନା ରଖିଛି। ଶ୍ମଶାନକୁ ଆସୁଥିବା ଲୋକ ଯେପରି ସମସ୍ତ ସୁବିଧା ପାଇପାରିବେ ସେଥିପ୍ରତି ଗୁରୁତ୍ବ ଦିଆଯାଉଛି। ଏହାସହ କବର ସ୍ଥାନର ମଧ୍ୟ ନବୀକରଣ କରାଯିବ। ଶ୍ମଶାନ ଭିତରେ ଅଧିକ ଗଛ ଲଗାଇବା, ପୋଖରୀ ଓ ସୌନ୍ଦର୍ଯ୍ୟକରଣ ପାଇଁ ସବୁ ବ୍ୟବସ୍ଥା ଗ୍ରହଣ କରିବାକୁ ଲକ୍ଷ୍ୟ ରଖିଛି ବିଏମସି।