ନୂଆଦିଲ୍ଲୀ: ଆସୁଛି ବହୁ ପ୍ରତିକ୍ଷୀତ ଫିଲ୍ମ ପୁଷ୍ପା-୨ । ଏହି ଫିଲ୍ମ ସବୁବେଳେ ଚର୍ଚ୍ଚା ସାଉଁଟିଥାଏ । ଏବେ ଏହି ଫିଲ୍ମକୁ ନେଇ ଆଉ ଏକ ରୋଚକ ତଥ୍ୟ ଆସି ପହଞ୍ଚିଛି । ଏହି ତଥ୍ୟ ଦର୍ଶକଙ୍କ ମନରେ ଆହୁରି ଉତ୍କଣ୍ଠା ଭରିଦେବ । ଫିଲ୍ମର ଗୋଟିଏ ସିନ ରହିଛି ଯାହାର ନାଁ ହେଉଛି ‘ଗଗନଥଲ୍ଲୀ ଜଥାରା ସିନ୍’ । ଏହି ସିନର ସୁଟିଂ ପୂରା ହୋଇଛି । ଏହି ସିନ ପାଇଁ ଫିଲ୍ମ ନିର୍ମାତା ପୂରା ୫୦ କୋଟି ଟଙ୍କା ଖର୍ଚ୍ଚ କରି ଦେଇଛନ୍ତି । ଏହି ସିନ ହେଉଛି ଏକ ଗୀତ ଯେଉଁଥିରେ ଫାଇଟିଂ ରହିଛି ଏବଂ ଇମୋସନାଲ ସିନ୍ ରହିଛି । ୩୦ ମିନିଟର ଏହି ସିନ ପାଇଁ ମୋଟ ୩୫ ଦିନ ସମୟ ଲାଗିଛି । ଏଥିପାଇଁ ଖର୍ଚ୍ଚ ହୋଇଛି ୫୦ କୋଟି ଟଙ୍କା । ଯେଉଁ ଟଙ୍କାରେ କି ଆଉ ଏକ ଫିଲ୍ମ ତିଆରି ହୋଇ ପାରିବ ।

ସାରା ଦେଶରେ ପ୍ରଶଂସକମାନେ ଆଲୁ ଅର୍ଜୁନଙ୍କ ଆଗାମୀ ଚଳଚ୍ଚିତ୍ର ’ପୁଷ୍ପା ୨’ ପାଇଁ ଉତ୍ସାହର ସହିତ ଅପେକ୍ଷା କରିଛନ୍ତି। ଏହି ସମୟରେ, ଫିଲ୍ମର ନିର୍ମାତା ଏହାର ସିକ୍ୱେଲର ରିଲିଜ୍ ତାରିଖ ଘୋଷଣା କରିଛନ୍ତି ଏବଂ ଏହି ଚଳଚ୍ଚିତ୍ର ଆଗାମୀ ୨୦୦ ଦିନ ମଧ୍ୟରେ ପ୍ରେକ୍ଷାଳୟକୁ ଆସିବ ବୋଲି ଜଣାପଡିଛି ।

ଆଲୁ ଅର୍ଜୁନଙ୍କ ଉତ୍ସାହିତ ପ୍ରଶଂସକମାନେ ଉତ୍ସାହର ସହିତ ‘ପୁଷ୍ପା-୨ ରିଲିଜକୁ ଅପେକ୍ଷା କରିଛନ୍ତି । ଜାନୁଆରୀ ୨୯ ରେ, ନିର୍ମାତାମାନେ ଏକ ବିଶେଷ ପୋଷ୍ଟର ସହିତ ଦ୍ୱିତୀୟ ଭାଗର ରିଲିଜ୍ ତାରିଖକୁ ପୁନଃ ନିଶ୍ଚିତ କରିଛନ୍ତି ।  ନୂତନ ଅପଡେଟ ଅନୁଯାୟୀ, ଆଲୁ ଅର୍ଜୁନ ଅଭିନୀତ ‘ପୁଷ୍ପା ୨’ ଅଗଷ୍ଟ ୧୫, ୨୦୨୪  ରେ ଏକାଧିକ ଭାଷାରେ ପ୍ରେକ୍ଷାଳୟରେ ମୁକ୍ତିଲାଭ କରିବ । ନିର୍ମାତାମାନେ ଏକ ପୋଷ୍ଟର ସେୟାର କରିଛନ୍ତି ଯେଉଁଥିରେ ଲେଖା ଅଛି, ପୁଷ୍ପା-୨,  ୨୦୦ ଦିନ ଭିତରେ ରିଲିଜ ହେବ । ସମ୍ପ୍ରତି ଏହାର ସୁଟିଂ ଚାଲିଛି ।

ନୂଆଦିଲ୍ଲୀ: ନୂଆଦିଲ୍ଲୀରୁ ନର୍ବାଚନ ଲଢ଼ିବେ କି ଖିଲାଡି କୁମାର । ଏବେ ବିଜେପି ଲୋକସଭା ଆସନକୁ ନେଇ ଜୋରଦାର୍ ଚର୍ଚ୍ଚା ହେଉଛି । ଆମ ଆଦମୀ ପାର୍ଟି ସହ କଂଗ୍ରେସର ମେଣ୍ଟ ପରେ ବିଜେପି ଏବେ ପ୍ରତିନିଧିଙ୍କ ନାଁ ସର୍ଟଲିଷ୍ଟ କରୁଛି । ପାର୍ଟିର ନେତାମାନେ ବିଭିନ୍ନ ରାଜ୍ୟରୁ ଆଶାୟୀ ଥିବା ଲୋକଙ୍କ ନାଁ ଏକାଠି କରୁଛି । ଏ ନେଇ ବହୁତ ବୈଠକ ବି ହୋଇଛି । ସମସ୍ତଙ୍କ ନାଁ ଫାଇନାଲ କରିବାକୁ ଆଜି ମିଟିଂ ହେବ । ଉତ୍ତର ଦିଲ୍ଲୀର ୭ଟି ଲୋକସଭା ଆସନ ପାଇଁ ଦିଲ୍ଲୀ ବିଜେପି ମୁଖ୍ୟ ବିରେନ୍ଦ୍ର ସଚ୍ଚଦେବ ଏବଂ ବାଂସୁରୀ ସ୍ବରାଜଙ୍କ ନାଁ ରହିଛି । ବାଂସୁରୀ ହେଉଛନ୍ତି ନୂର୍ବତନ ବୈଦେଶୀକ ବ୍ୟାପାର ମନ୍ତ୍ରୀ ସୁଷମା ସ୍ବରାଜଙ୍କ ଝିଅ । ବଲିଉଡ ସୁପରଷ୍ଟାର ଅକ୍ଷୟ କୁମାରଙ୍କ ନାଁ ବି ରେସରେ ରହିଛି । ଆଗାମୀ କିଛି ଦିନ ମଧ୍ୟରେ ପ୍ରାର୍ଥୀଙ୍କ ନାଁ ଘୋଷଣା ହୋଇପାରେ ।

ବିଜେପିର ଦିଲ୍ଲୀ ୟୁନିଟ୍ ଅତି କମରେ ଦୁଇଟି ସିଟ୍ ପାଇଁ କିଛି ନାମ ପଠାଇଛି। ଏହି ସପ୍ତାହ ଶେଷ ସୁଦ୍ଧା ବିଜେପିର ପ୍ରଥମ ତାଲିକା ଘୋଷଣା କରାଯାଇପାରେ । ଦଳର ମୁଖ୍ୟ ଜେପି ନାଡ୍ଡାଙ୍କ ନେତୃତ୍ୱରେ ବିଜେପିର ରାଜ୍ୟ ନିର୍ବାଚନ କମିଟି ନାଁ ଠିକ କରିବ। ଏହି ସଭାରେ ପ୍ରାୟ ୨୮ ଜଣଙ୍କ ନାମକୁ ନେଇ ବିଚାର କରାଯିବ। ଦିଲ୍ଲୀର ଜଣେ ବରିଷ୍ଠ ନେତା କହିଛନ୍ତି ଯେ ରାଜ୍ୟ ବିଜେପି କେନ୍ଦ୍ରୀୟ ନିର୍ବାଚନ କମିଟିକୁ ମତାମତ ଦେବେ। ଏହି ସଭାକୁ ନିଜେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପରିଚାଳନା କରିବେ। ପାର୍ଟି ତରଫରୁ ଜଣାପଡିଛି ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ହୋଇଥିବା ବୈଠକରେ ଦିଲ୍ଲୀର ଅଧିକାଂଶ ଆସନ ପାଇଁ ନାମ ଚୟନ ହେବ।