ନୂଆଦିଲ୍ଲୀ: ସାଧାରଣ ନିର୍ବାଚନ ଲାଗି ଜୋର ଧରିଲା ପ୍ରଚାର। ପ୍ରଧାମନମନ୍ତ୍ରୀ ମୋଦିଙ୍କ ସହ ବିରୋଧୀ ଦଳର ନେତା ରାହୁଲ ଗାନ୍ଧୀ ଆଜି ଜୋରଦାର ପ୍ରଚାର କରିଛନ୍ତି। ଛତିଶଗଡ଼ ଓ ମହାରାଷ୍ଟ୍ରରେ ପ୍ରଚାର କରିଛନ୍ତି ପ୍ରଧାନମନ୍ତ୍ରୀ। ବିରୋଧୀ କଂଗ୍ରେସକୁ ପ୍ରଧାନମନ୍ତ୍ରୀ କଡ଼ା ସମାଲୋଚନା କରିବା ସହ ବିଜେପି ସପକ୍ଷରେ ଭୋଟ ମାଗିଛନ୍ତି।
ଛତିଶଗଡ଼ର ବସ୍ତର ଓ ମହାରାଷ୍ଟ୍ରର ଚନ୍ଦ୍ରପୁରରେ ଆୟୋଜିତ ସାଧାରଣ ସଭାକୁ ସମ୍ବୋଧିତ କରିଥିଲେ ପ୍ରଧାନମନ୍ତ୍ରୀ। ବସ୍ତର ଭାନପୁରୀର ଅମ୍ବାଲ ଗାଁରେ ଆୟୋଜିତ ସାଧାରଣ ସଭାକୁ ସମ୍ବୋଧିତ କରିଥିଲେ ପ୍ରଧାନମନ୍ତ୍ରୀ। ମହାରାଷ୍ଟ୍ର ଚନ୍ଦ୍ରପୁରରେ ବିଜେପି ଲୋକସଭା ପ୍ରାର୍ଥୀ ସୁଧୀର ମୁଙ୍ଗତିୱାରଙ୍କ ଲାଗି ସେ ଭୋଟ ମାଗିଥିଲେ ।
ସେପଟେ କଂଗ୍ରେସ ଯୁବରାଜ ରାହୁଲ ଗାନ୍ଧି ଆଜି ମଧ୍ୟପ୍ରଦେଶରେ ପ୍ରଚାର କରିଛନ୍ତି। ମଧ୍ୟପ୍ରଦେଶର ସିଓନିରେ ଦଳୀୟ ନେତାଙ୍କ ସପକ୍ଷରେ ଭୋଟ ମାଗିଛନ୍ତି ରାହୁଲ। ସରକାରୀ ଦଳକୁ କଡ଼ା ସମାଲୋଚନା କରିବା ସହ ରାଜନୀତିର ବିଜେପି ଓ କଂଗ୍ରେସ ମଧ୍ୟରେ ଏ ନୀତି ଆଦର୍ଶର ଲଢେଇ ବୋଲି କହିଛନ୍ତି ରାହୁଲ। ନିକଟରେ ଶେଷ ହୋଇଥିବା ବିଧାନସଭା ନିର୍ବାଚନରେ ମଧ୍ୟପ୍ରଦେଶର ଆଦିବାସୀ ଅଂଚଳରେ କଂଗ୍ରେସକୁ ଅନେକ ସମର୍ଥନ ମିଳିଛି। ଅନୁସୂଚିତ ଜନଜାତିଙ୍କ ଲାଗି ସଂରକ୍ଷିତ ଥିବା ୪୭ ବିଧାନସଭା ଆସନରୁ ୨୨ ଆସନରେ ବିଜୟୀ ହୋଇଥିଲା କଂଗ୍ରେସ। ଆସନ୍ତା ସପ୍ତାହରେ ପ୍ରିୟଙ୍କା ମଧ୍ୟ ଏଠାରେ ନିର୍ବାଚନୀ ପ୍ରଚାର କରିବେ ବୋଲି ଜଣାପଡିଛି।
ଅପରପକ୍ଷେ ଦିଲ୍ଲୀରେ ନିର୍ବାଚନୀ ପ୍ରଚାର ଆରମ୍ଭ କରିଛି ଆମ ଆଦମୀ ପାର୍ଟି। ଦିଲ୍ଲୀର ଆନନ୍ଦପୁର ସାହିବରୁ ଆମ ଆଦମୀ ପାର୍ଟି ପ୍ରଚାର ଆରମ୍ଭ କରିଛି। ଜେଲ କା ଜବାବ ଭୋଟରେ ନାରା ଦେଇ ଏହି ପ୍ରଚାର ଆରମ୍ଭ କରିଛି ଦଳ। ନାରା ଦେଇଛି ଜେଲର ଜବାବ ଭୋଟରେ ଦିଆଯିବ। ଏହି ଅଭିଯାନ ଜରିଆରେ ଦିଲ୍ଲୀର ପ୍ରତି ଘରକୁ ଯିବ ଆମ ଆଦମୀ ପାର୍ଟି। ଦିଲ୍ଲୀର ୪ ଲୋକସଭା ଆସନରେ ଆମ ଆଦମୀ ପାର୍ଟି ଏହି କ୍ଯାମ୍ପେନ୍ ଆରମ୍ଭ କରିଛି। ଏହି ଅଭିଯାନରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ଗିରଫକୁ ବିରୋଧ କରିଛନ୍ତି ଆମ ଆଦମୀ ପାର୍ଟିର ନେତା ।
