ପୁରୀ: ଆଜି ବୈଶାଖ ଶୁକ୍ଳ ତ୍ରୟୋଦଶୀ ତିଥି। ଶ୍ରୀବିଗ୍ରହଙ୍କର ଶ୍ରୀମନ୍ଦିରରେ ପଇତାଲାଗି ନୀତି ଅନୁଷ୍ଠିତ ହେବ। ଏନେଇ ପ୍ରାୟ ୪ ଘଣ୍ଟା ପର୍ଯ୍ୟନ୍ତ ସର୍ବସାଧାରଣ ଦର୍ଶନ ବନ୍ଦ ରହିବ। ଶ୍ରୀଜିଉଙ୍କ ଏହା ଏକ ଗୁପ୍ତ ନୀତି ହୋଇଥିବାରୁ ଶ୍ରୀମନ୍ଦିରରେ ଦ୍ଵିତୀୟ ଭୋଗମଣ୍ଡପ ପୂଜା ବଢିବା ପରେ
ସନ୍ଧ୍ଯା ୬ଟାରୁ ରାତି ୧୦ଟା ପର୍ଯ୍ୟନ୍ତ ଶ୍ରୀମନ୍ଦିରରେ ସର୍ବସାଧାରଣ ଦର୍ଶନ ବନ୍ଦ ରହିବ।ଏହି ଗୁପ୍ତାନୀତିକୁ ଦଇତାପତି ଓ ଅନ୍ୟାନ୍ୟ ସେବାୟତ ମାନେ ସମ୍ପାଦନ କରିବେ।
ନନ୍ଦିଘୋଷ ବ୍ୟୁରୋ: ଦେଶରେ ଲୋକସଭା ନିର୍ବାଚନରେ ବଦଳୁନି ଲିଙ୍ଗଗତ ଅସମାନତା। ମହିଳାଙ୍କ ହୋଇପାରୁନି ଉପଯୁକ୍ତ ପ୍ରତିନିଧିତ୍ବ। ୧୨୦ କୋଟି ଲୋକସଂଖ୍ୟା ବିଶିଷ୍ଟ ଭାରତରେ ମହିଳାଙ୍କ ସଂଖ୍ଯା ୪୮.୫% । ମାତ୍ର ସଂସଦରେ ସେମାନଙ୍କ ପ୍ରତିନିଧିତ୍ବ ଆଶାନୁରୂପକ ନୁହେଁ । ପ୍ରଥମ ଲୋକସଭା ନିର୍ବାଚନ ଅର୍ଥାତ ୧୯୫୨ରେ ୪୮୯ ଲୋକସଭା ଆସନରୁ ମାତ୍ର ୨୨ମହିଳା ପ୍ରାର୍ଥୀ ବିଜୟୀ ହୋଇଥିଲେ। ଏହି ହାର ଥିଲା ୪.୪%।
୧୯୫୭ ନିର୍ବାଚନରେ ୪୯୪ ଆସନରୁ ୨୭ ଥିଲେ ମହିଳା। ଏହି ହାର ଥିଲା ୫.୪%। ୧୯୬୨ ତୃତୀୟ ନିର୍ବାଚନରେ ୪୯୪ ଆସନରୁ ମହିଳା ଥିଲେ ୩୪। ଏହି ହାର ଥିଲା ୬.୭୧। ଚତୁର୍ଥ ନିର୍ବାଚନ ୧୯୬୭ରେ ମହିଳା ଥିଲେ ୩୧। ଏହି ହାର ଥିଲା ୫.୯%। ପଞ୍ଚମ ନିର୍ବାଚନ ୧୯୭୧ରେ ମହିଳାଙ୍କ ସଂଖ୍ୟା ଥିଲା ୨୨। ଅର୍ଥାତ ହାର ଥିଲା ୪.୨। ଷଷ୍ଠ ନିର୍ବାଚନ ୧୯୭୭ରେ ମହିଳାଙ୍କ ସଂଖ୍ୟା ଥିଲା ୧୯। ହାର ଥିଲା ୩.୪। ସପ୍ତମ ନିର୍ବାଚନ ୧୯୮୦ରେ ସଂଖ୍ୟା ଥିଲା ୨୮। ଅର୍ଥାତ ଏହି ହାର ୫.୧ ।
ଅଷ୍ଟମ ନିର୍ବାଚନ ୧୯୮୪ରେ ମହିଳାଙ୍କ ସଂଖ୍ୟା ଥିଲା ୪୪। ଏହି ହାର ଥିଲା ୮.୧%। ନବମ ନିର୍ବାଚନ ୧୯୮୯ରେ ବିଜୟୀ ହୋଇଥିଲେ ୨୮ ଜଣ। ଏହି ହାର ଥିଲା ୫.୩%। ଦଶମ ନିର୍ବାଚନ ୧୯୯୧ରେ ୫୦୯ ଆସନରୁ ମହିଳା ଥିଲେ ୩୬। ହାର ଥିଲା ୭.୦%। ଏକାଦଶ ନିର୍ବାଚନ ୧୯୯୬ରେ ସଂଖ୍ୟା ଥିଲା ୪୦। ଅର୍ଥାତ ହାର ୭.୪%। ଦ୍ବାଦଶ ନିର୍ବାଚନ ୧୯୯୮ରେ ମହିଳାଙ୍କ ସଂଖ୍ୟା ଥିଲା ୪୪। ତ୍ରୟୋଦଶ ନିର୍ବାଚନ ୧୯୯୯ରେ ମହିଳାଙ୍କୁ ମିଳିଥିଲା ୪୮ ଆସନ। ଅର୍ଥାତ ଏହି ହାର ଥିଲା ୮.୮% ।
ଚତୁର୍ଦ୍ଦଶ ନିର୍ବାଚନ ୨୦୦୪ରେ ମହିଳା ଜିତିଥିଲେ ୪୫ ଆସନରେ। ଏହି ହାର ଥିଲା ୮.୧%। ପଞ୍ଚଦଶ ନିର୍ବାଚନ ୨୦୦୯ରେ ବିଜୟୀ ହୋଇଥିଲେ ୫୯ ଜଣ। ସେମାନଙ୍କ ହାର ଥିଲା ୨୦.୯%। ଷୋଡଶ ନିର୍ବାଚନ ୨୦୧୪ରେ ମହିଳା ବିଜୟୀ ହୋଇଥିଲେ ୬୧ ଆସନରେ। ଏହି ହାର ଥିଲା ୧୧.୨% । ସପ୍ତଦଶ ନିର୍ବାଚନ ୨୦୧୯ରେ ୫୪୨ ଆସନରୁ ନିର୍ବାଚିତ ହୋଇଥିଲେ ସର୍ବାଧିକ ୭୮ ମହିଳା । ତେବେ ସୌଭାଗ୍ଯର କଥା ୧୯୫୭ରେ ଲୋକସଭା ନିର୍ବାଚନରେ ମାତ୍ର ୪୫ ମହିଳା ପ୍ରତିଦ୍ବନ୍ଦ୍ବିତା କରିଥିବାବେଳେ ୨୦୧୯ରେ ଲଢିଥିଲେ ୭୨୬ ମହିଳା । ୨୦୨୪ ନିର୍ବାଚନର ଚାରିଟି ପର୍ଯ୍ୟାୟରେ ମୋଟ ୫୮୯୨ ପ୍ରାର୍ଥୀଙ୍କ ମଧ୍ୟରୁ ମହିଳାଙ୍କ ସଂଖ୍ୟା ମାତ୍ର ୫୨୭ ।
ଭୁବନେଶ୍ବର: ପ୍ରାର୍ଥୀଙ୍କ ଲାଗି ପ୍ରଚାର ପାଇଁ ଓଡିଶାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଦୁଇ ଦିନିଆ ଓଡ଼ିଶା ଗସ୍ତରେ ଆସିଛନ୍ତି ମୋଦି। ଗତକାଲି ରାତିରେ ସ୍ବତନ୍ତ୍ର ବିମାନ ଯୋଗେ ଭୁବନେଶ୍ବରରେ ପହଞ୍ଚିଥିଲେ । ଆଜି ସେ ବ୍ରହ୍ମପୁର ଯାଇ ସେଠାରେ ଏକ ସମାବେଶରେ ଯୋଗଦେବେ ।
ବ୍ରହ୍ମପୁର ପରେ ନବରଙ୍ଗପୁରର ଯାଇ ଜନସଭାକୁ ଉଦବୋଧନ ଦେବେ । ଦଳୀୟ ପ୍ରାର୍ଥୀଙ୍କ ପାଇଁ ଭୋଟ ମାଗିବେ ମୋଦି । ଆସନ୍ତା ୧୦ ଓ ୧୧ରେ ପୁଣି ସେ ଓଡ଼ିଶା ଆସିବାର କାର୍ଯ୍ଯକ୍ରମ ରହିଛି। ପ୍ରଧାନମନ୍ତ୍ରୀଙ୍କ ସୁରକ୍ଷା ଦୃଷ୍ଟିରୁ ସୁରକ୍ଷା ବ୍ଯବସ୍ଥା କଡ଼ାକଡ଼ି କରାଯାଇଛି।
ଭୁବନେଶ୍ବର: ନବୀନଙ୍କ ଦକ୍ଷିଣ ବିଜୟ ଅଭିଯାନ । ଆଜି ପୁଣି ଦକ୍ଷିଣ ଓଡ଼ିଶାରେ ନବୀନଙ୍କ ହାଇପ୍ରୋଫାଇଲ କ୍ଯାମ୍ପେନ । କଳାହାଣ୍ଡି ଲୋକସଭା କ୍ଷେତ୍ରରେ ପ୍ରଚାର କରିବେ ବିଜେଡି ସୁପ୍ରିମୋ ନବୀନ ପଟ୍ଟନାୟକ । ଦିନ ୧୧ଟା ୫ରେ କଳାହାଣ୍ଡି ଭବ ଶ୍ରୀକୃଷ୍ଣନଗରରେ ପହଞ୍ଚିବେ ମୁଖ୍ଯମନ୍ତ୍ରୀ । ସେଠାରେ ଦଳୀୟ ପ୍ରାର୍ଥୀଙ୍କ ପାଇଁ ଭୋଟ ମାଗିବେ ।
ଏହି ସମୟରେ କଳାହାଣ୍ଡି ଲୋକସଭା କ୍ଷେତ୍ରର ବିଧାୟକ ଓ ସାଂସଦ ପ୍ରାର୍ଥୀ ଉପସ୍ଥିତ ରହିବେ । ଏହାପରେ ନୂଆପଡ଼ା ଜିଲ୍ଲାର ଖଡ଼ିଆଳରେ ବିଶାଳ ଜନସଭାକୁ ଉଦବୋଧନ ଦେବେ ନବୀନ । ୧୨ଟା ୧୦ରେ ଖଡ଼ିଆଳରେ ପହଞ୍ଚି ଦଳୀୟ ପ୍ରାର୍ଥୀଙ୍କ ପାଇଁ ଭୋଟ ମାଗିବେ । ନବୀନଙ୍କ ଗସ୍ତକୁ ନେଇ ଦଳୀୟ କର୍ମୀ ଉତ୍ସାହିତ ଥିବା ବେଳେ ଲୋକଙ୍କ ମଧ୍ଯରେ ଉତ୍କଣ୍ଠା ଭରିରହିଛି । ରାଜ୍ଯରେ ପ୍ରଥମ ପର୍ଯ୍ୟାୟରେ ଆସନ୍ତା ୧୩ ତାରିଖରେ କଳାହାଣ୍ଡି ସହ ନବରଙ୍ଗପୁର, କୋରାପୁଟ ଓ ବ୍ରହ୍ମପୁର ଲୋକସଭା କ୍ଷେତ୍ରରେ ନିର୍ବାଚନ ଅନୁଷ୍ଠିତ ହେବ ।
ବିଜେପିର ନିର୍ବାଚନୀ ଇସ୍ତାହାରକୁ ତୀର ମାରିଲେ ବରିଷ୍ଠ ବିଜେଡି ନେତା କାର୍ତ୍ତିକ ପାଣ୍ଡିଆନ । ୧୦ ବର୍ଷରେ ଧାନର ଏମଏସପି ବଢାଇପାରିଲେନି। ଏବେ ନିର୍ବାଚନ ଆସିବାରୁ ଓଡ଼ିଶାର ଚାଷୀଙ୍କୁ ଭୁଆଁ ବୁଲାଇବାକୁ ପଳାଇଆସିଛି ବିଜେପି । ୧୦ ବର୍ଷ ହେଲା ବିଜେପି କଣ ଶୋଇଥିଲା କି ବୋଲି ପ୍ରଶ୍ନ କରିବା ସହ ଇସ୍ତାହାରକୁ କଡ଼ା ସମାଲୋଚନା କରିଛନ୍ତି ପାଣ୍ଡିଆନ । ନୟାଗଡ଼ ଓଡଗାଁରେ ପ୍ରଚାର ସଭାରେ ବିଜେପି ପୂର୍ବରୁ ଦେଇଥିବା ଇସ୍ତାହାର କୁଆଡେ ଗଲା ବୋଲି ପ୍ରଶ୍ନ କରିଛନ୍ତି ପାଣ୍ଡିଆନ । ପାଣ୍ଡିଆନ କହିଛନ୍ତି, ଧାନର ଏମଏସପି ଦୁଇଗୁଣ କରିବେ ବୋଲି ବିଜେପି ଗତ ଦୁଇଟି ସାଧାରଣ ନିର୍ବାଚନରେ ଇସ୍ତାହାର ଦେଇଥିଲା । ହେଲେ ନିର୍ବାଚନ ପରେ ଚାଷୀଙ୍କ କଥା ପୂରାପୁରି ଭୁଲିଗଲେ । ହେଲେ ଏବେ ଭୋଟ ଆସିବାରୁ ଚାଷୀଙ୍କୁ ଭୁଆଁ 00ବୁଲାଇବାକୁ ପଳାଇଆସିଛନ୍ତି । ଧାନର ଏମଏସପି ୩୦୦୦ ଟଙ୍କା କରାଯିବ ବୋଲି ସଂକଳ୍ପପତ୍ରରେ ଉଲ୍ଲେଖ କରୁଛନ୍ତି । ଯଦି ଏମଏସପି ବଢାଇବାର ଥିଲା ତେବେ ୧୦ ବର୍ଷ ହେଲା କଣ ଶୋଇଥିଲେ କି ବୋଲି ପାଣ୍ଡିଆନ ପ୍ରଶ୍ନ କରିଛନ୍ତି । ଏହାଛଡ଼ା ଭତ୍ତା ପ୍ରସଙ୍ଗରେ ବି ବିଜେପିର ପ୍ରତିଶୃତିକୁ ଟାର୍ଗେଟ କରିଛନ୍ତି ପାଣ୍ଡିଆନ । ଡବଲ ଇଞ୍ଜିନ ସରକାର ୩୦୦ ଟଙ୍କା ଭତ୍ତା ଦେଉଥିବାବେଳେ ନବୀନ ଇଞ୍ଜିନ ଲୋକଙ୍କୁ ହଜାରେ ଟଙ୍କା ଭତ୍ତା ଦେଉଛି । ଏବେ ବିଜେପି ୩୦୦୦ ଟଙ୍କା ଭତ୍ତା ଦେବାକୁ ପ୍ରତିଶୃତି ଦେଉଛି । ୬ ମାସ ଆଗରୁ କାହିଁକି ଭତ୍ତା ବଢାଇଲନି ବୋଲି ଜବାବ ମାଗିଛନ୍ତି ପାଣ୍ଡିଆନ । ଏହାଛଡ଼ା ପେଟ୍ରୋଲ, ଡିଜେଲ ଓ ଗ୍ଯାସ ଦର ବୃଦ୍ଧି ପ୍ରସଙ୍ଗରେ ବର୍ଷିଛନ୍ତି ପାଣ୍ଡିଆନ । ବର୍ଷକୁ ୨ କୋଟି ଚାକିରି ଦେବାକୁ ପ୍ରତିଶୃତି ଦେଇଥିବା ବିଜେପି ୧୦ ବର୍ଷରେ ୨୦ କୋଟି ଚାକିରି ଦେବାକଥା । ଓଡ଼ିଶା ଭାଗରେ ୮୦ ଲକ୍ଷ ଚାକିରି ପଡ଼ିବା କଥା । ହେଲେ ଆଜିଯାଏ କେତେ ଲୋକଙ୍କୁ ଚାକିରି ଦେଇଛ ବୋଲି ଜବାବ ମାଗି ବିଜେପି ଉପରେ ବର୍ଷିଛନ୍ତି କାର୍ତ୍ତିକ ପାଣ୍ଡିଆନ ।
ସମ୍ବଲପୁର : କେନ୍ଦ୍ରର ବିଜେପି ସରକାର କେବଳ କଥା କହି ଜାଣନ୍ତି କାମକୁ ନୁହେଁ । ଏହାର ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି ସମ୍ବଲପୁ ଜିଲ୍ଲାରେ । ସମ୍ବଲପୁର ଜିଲ୍ଲା ରେଙ୍ଗାଲି ଗାଁ ଯେଉଁଠି ପୂରା ଅଞ୍ଚଳରେ ଫେଲ୍ ମାରିଛି କେନ୍ଦ୍ର ସରକାରଙ୍କ ଉଜ୍ଵଳା ଯୋଜନା l ପାଖରେ ନା ଅଛି ଗ୍ୟାସ୍ ଚୁଲା ନା ପାଇଛନ୍ତି ରୋଷେଇ ଉପକରଣ। କେବଳ କଥା କହି ଲୋକଙ୍କୁ ବିଜେପି ସରକାର ଭୁଆଁ ବୁଲାଉଛନ୍ତି ବୋଲି ଅଭିଯୋଗ କରିଛନ୍ତି ଲୋକେ। କେନ୍ଦ୍ରରେ ଧର୍ମେନ୍ଦ୍ର ପ୍ରଧାନ ପେଟ୍ରୋଲିୟମ ମନ୍ତ୍ରୀ ଥିବା ସମୟରେ ବି ଏ ଅଞ୍ଚଳ ପାଇଁ କିଛି କରିପାରିନାହାନ୍ତି। ଏହାର କଡା ଜବାବ ଭୋଟରେ ଦେବେ ବୋଲି କହୁଛନ୍ତି ଅଞ୍ଚଳବାସୀ।
ଭୁବନେଶ୍ୱର : ଶଙ୍ଖ ଭବନରେ ବିଜେଡିର ମିଶ୍ରଣ ପର୍ବ । ବିଜେଡିରେ ସାମିଲ ହେଲେ ବରିଷ୍ଠ ବିଜେପି ନେତା ଯୁଗାଂଶୁ ଶେଖର ପଣ୍ଡା । ମୁଖ୍ୟମନ୍ତ୍ରୀର ବିକାଶ ମୂଳକ କାର୍ଯ୍ୟରେ ଅନୁପ୍ରାଣିତ ହୋଇ ନିଜର ଶତାଧିକ କର୍ମୀଙ୍କ ଗହଣରେ ସାମିଲ ହୋଇଛନ୍ତି । ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସଙ୍କ ତରଫରୁ ସ୍ୱାଗତ ଜଣାଇଲେ ସାଂସଦ ସସ୍ମିତ ପାତ୍ର । ଅନ୍ୟପଟେ ରାଜ୍ୟର ବିଭିନ୍ନ ସ୍ଥାନରେ ଦେଖିବାକୁ ମିଳିଛି ବିଜେଡିରେ ସାମିଲ ହେବାର ଦୃଶ୍ୟ । ଶଙ୍ଖ ଭବନରେ ସକାଳୁ ସନ୍ଧ୍ୟା ଯାଏ ଚାଲିଛି ବିଜେଡିର ମିଶ୍ରଣ ପର୍ବ । ମୁଖ୍ୟମନ୍ତ୍ରୀଙ୍କ ବିକାଶ ମୂଳକ କାର୍ଯ୍ୟରେ ଅନୁପ୍ରାଣିତ ହୋ ବିରୋଧୀ ବିଜେପି ଏବଂ କଂଗ୍ରେସରୁ ବହୁ ନେତା ଓ କର୍ମି ବିଜେଡିରେ ସାମିଲ ହୋଇଥବା କହିଛନ୍ତି ।
ଭୁବନେଶ୍ୱର : ଶଙ୍ଖ ଭବନରେ ବିଜେଡିର ମିଶ୍ରଣ ପର୍ବ । କଣ୍ଟାବାଞ୍ଜି ନିର୍ବାଚନ ମଣ୍ଡଳୀର ବହୁ ବିଜେପି ଓ କଂଗ୍ରେସ ନେତା ବିଜେଡିରେ ହେଲେ ସାମିଲ । ମୁଖ୍ୟମନ୍ତ୍ରୀଙ୍କ ସ୍ୱଚ୍ଛ ନିର୍ମଳ ଭାବମୂର୍ତ୍ତୀ ଓ ଜନକଲ୍ୟାଣ ଯୋଜନା ଦ୍ୱାରା ପ୍ରଭାବିତ ହୋଇଥବା କହିଛନ୍ତି ଦଳରେ ମିଶିଥିବା ନେତା ଓ କର୍ମୀ । ବିଜୁ ଜନତା ଦଳରେ ମିଶିଥିବା ସମସ୍ତ ନେତା ଓ କର୍ମୀଙ୍କୁ ପ୍ରିୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସଙ୍କ ତରଫରୁ ସ୍ୱାଗତ ଜଣାଇଥିଲେ ସାଂସଦ ସସ୍ମିତ ପାତ୍ର । ସସ୍ମିତ ପାତ୍ର କହିଥିଲେ ଅାଜି ଏକ ଖୁସିର ଦିନା କାରଣ ଯେଉଁ ନିର୍ବାଚନ ମଣ୍ଡଳୀରୁ ମୁଖ୍ୟମନ୍ତ୍ରୀ ନିର୍ବାଚନ ଲଢୁଛନ୍ତି ସେହି ନିର୍ବାଚନ ମଣ୍ଡଳୀ କଣ୍ଟାବାଞ୍ଜିର ବିକାଶ ଧାରାକୁ ଆହୁରି ଆଗକୁ ନେବା ପାଇଁ ସମସ୍ତଙ୍କର ଅବଦାନ ରହିବ । ପ୍ରିୟ ମୁଖ୍ୟମନ୍ତ୍ରୀ କଣ୍ଟାବାଞ୍ଜିରୁ ନିର୍ବାଚନ ଲଢୁଥିବାରୁ କଣ୍ଟାବାଞ୍ଜିରେ ବିରୋଧୀ କ୍ୟାମ୍ପ ଶୂନ୍ୟ ହେବାକୁ ବସିଲାଣି ।
ଭୁବନେଶ୍ୱର : ନିର୍ବାଚନ ପୂର୍ବରୁ ରାତି ଚେକିଂ ବେଳେ ରାଜଧାନୀରୁ ପୁଣି ମିଳିଲା ଟଙ୍କା। ପୋଖରୀପୁଟ ଅଂଚଳରୁ ମିଳିଲା ୩ ଲକ୍ଷ ୫୦ ହଜାର ଟଙ୍କା। ଏକ ସ୍କର୍ପିଓ ରେ ଟଙ୍କା ଯାଉଥିବା ବେଳେ ଧରିଛି Statistics surveillance team । ଟିମ ଏହାକୁ ଧରିବା ପରେ ଏୟାରପୋର୍ଟ ଥାନାକୁ ହସ୍ତାନ୍ତର କରିଛି । ତଦନ୍ତ ପାଇଁ ଟଙ୍କାକୁ ଏଡିଏମଙ୍କ ନିକଟକୁ ପଠାଇ ଦିଆଯାଇଛି। ଆବଶ୍ୟକୀୟ ପ୍ରମାଣ ନଦେଖାଇବାରୁ ଟଙ୍କା ସିଜର କରାଯାଇଛି । କାରଣ ଯେହେତୁ ଆଚରଣବିଧି ଲାଗୁ ହୋଇଛି, ତେଣୁ ୫୦ ହଜାର ଟଙ୍କାରୁ ଅଧିକ ଗାଡ଼ିରେ ନେବାର ଅନୁମତି ନଥିବା କହିଛନ୍ତି ଡିସିପି । ପୂର୍ବରୁ ଚେକିଂ ବେଳେ ଚନ୍ଦ୍ରଶେଖରପୁର ଓ ନନ୍ଦନକାନନ ଥାନା ପକ୍ଷରୁ ମଧ୍ୟ ବିପୁଳ ପରିମାଣର ଟଙ୍କା ଗାଡିରୁ ଜବତ ହୋଇଥିଲା ।
କେନ୍ଦୁଝର : କେନ୍ଦୁଝରରେ ଚାକିରି ଦେବା ନାଁରେ ଲକ୍ଷାଧିକ ଟଙ୍କାର ଠକେଇ। ଠକେଇ ଅଭିଯୋଗରେ ଗତକାଲି ଟାଉନ ଥାନା ପୋଲିସ ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ଗିରଫ ବ୍ୟକ୍ତି ହେଲେ ଟୁଲୁ ମଲ୍ଲିକ , ଜୀବନାନନ୍ଦ ସାମଲ, ଯଶୋବନ୍ତ ସିଂ ସାମଲ। ଗିରଫ ଟୁଲୁ ମଲ୍ଲିକଙ୍କ ଘର ପୁରୀ ମରାଳ ଗାଁରେ ହୋଇଥିବା ବେଳେ ଅନ୍ୟ ଦୁଇ ଜଣଙ୍କ ଘର ଆନନ୍ଦପୁର ଆଞ୍ଚଳର ବୋଲି ସୂଚନା ଦେଇଛି କେନ୍ଦୁଝର ପୋଲିସ । ବିଭିନ୍ନ ସଂସ୍ଥାରେ ଚାକିରି କରାଇଦେବା ନାଁରେ ୧୭ ଲକ୍ଷରୁ ଉର୍ଦ୍ଧ୍ବ ଟଙ୍କା ଠକି ନେଇଥିବା ପ୍ରାଥମିକ ତଦନ୍ତରୁ ଜଣାପଡିଛି । ପୋଲିସ ତଦନ୍ତ ବେଳେ ବିଭିନ୍ନ କମ୍ପାନୀର ଜାଲ ନିଯୁକ୍ତି ପତ୍ର ଜବତ୍ ହେବା ସହିତ ଅନେକ ଜାଲ ଦସ୍ତାବିଜ ଏବଂ ଏକ ଲାପଟପ, ଦୁଇଟି ମୋବାଇଲ , ଗୋଟିଏ ମୋଟର ସାଇକେଲ, ନଗଦ ୨୫ହଜାର ଟଙ୍କା ଆଦି ଜବତ କରିଛି।
