ନନ୍ଦିଘୋଷ ବ୍ୟୁରୋ: ମହର୍ଷି ଦୟାନନ୍ଦଙ୍କ ପ୍ରତିଷ୍ଠିତ ଆର୍ଯ୍ୟସମାଜ ମାନଙ୍କରେ ବୈଦିକ ଶ୍ରାବଣୀ ଉପାକର୍ମ ପର୍ବ ସାରା ଓଡ଼ିଶାରେ ଚାଲିଛି । ଶନିବାର ପୂର୍ବାହ୍ନରେ ଶହୀଦନଗର ଆର୍ଯ୍ୟସମାଜ ସଭା ମଣ୍ଡପରେ ଶ୍ରାବଣୀ ପର୍ବର ଷଷ୍ଠ ଦିବସରେ ଡଃ ଇଞ୍ଜିନିୟର ପ୍ରିୟବ୍ରତ ଦାସଙ୍କ ପୌରହିତ୍ୟ ଅନୁଷ୍ଠିତ ହୋଇଥିଲା । “ବେଦ” ଅପୌରେତେୟ, ଏହା ସ୍ୱୟଂ ପରମାତ୍ମାଙ୍କର ବାଣୀ । ଏହା ବିଶ୍ୱର ପ୍ରତ୍ୟେକ ଜୀବ ଜଗତର କଲ୍ୟାଣ ପାଇଁ ଉଦ୍ଦିଷ୍ଟ । ଏଭଳି କହିଥିଲେ ପ୍ରିୟବ୍ରତ ।
କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗଦେଇଥିଲେ ଆର୍ଯ୍ୟସମାଜ ଓଡ଼ିଶାର ଅଧ୍ୟକ୍ଷ ଡଃ ଆର୍ଯ୍ୟ କୁମାର ଜ୍ଞାନେନ୍ଦ୍ର । ସେ ନିଜର ବକ୍ତବ୍ୟରେ କହିଲେ ଯେ, ଭଗବାନ ତଥାଗତ ବୁଦ୍ଧଙ୍କ ଜନ୍ମର ୩୦୦ ବର୍ଷ ପରେ, ଅଚାର୍ଯ୍ୟ ଶଙ୍କରଙ୍କର ପ୍ରକଟ ହୋଇଥିଲେ । ଏହାପରେ ହିନ୍ଦୁଧର୍ମର ସୁରକ୍ଷା ପାଇଁ ତାଙ୍କର ୩୨ବର୍ଷ ଜୀବନକାଳ ଥିଲା ଭାରତ ବର୍ଷ ପାଇଁ ଆଶୀର୍ବାଦର ବର୍ଷ । କିନ୍ତୁ ଆଚାର୍ଯ୍ୟ ଶଙ୍କର ବେଦର ବାଣୀକୁ ସାଧାରଣ ଜନତାଙ୍କ ନିକଟରେ ପହାଇବା ପରିର୍ବେ ସେ ପ୍ରସ୍ଥାନତ୍ରୟୀ, ଗୀତା ବ୍ରହ୍ମସୂତ୍ର ଓ ଉପନିଷଦ ଉପରେ ଗୁରୁତ୍ୱ ଦେଲେ । ୬୦୦ ବର୍ଷ ତଳେ ଆଚାର୍ଯ୍ୟ ସାୟାଣ, ମହିଧର ଏପରିକି ଜର୍ମାନୀ ବିଦ୍ୱାନ ମ୍ୟାକ୍ସମୁଲାର ବେଦର ବାଖ୍ୟା କରିଛନ୍ତି । କିନ୍ତୁ ୨୦୦ ବର୍ଷ ତଳେ ମହର୍ଷି ଦୟାନନ୍ଦଙ୍କ ଆବିର୍ଭାବ ହେବା ପରେ ସେ, ହିଁ ଗୁରୁ ବିରଜାନନ୍ଦଙ୍କ ଠାରୁ ବେଦଜ୍ଞାନ ପ୍ରାପ୍ତ ହୋଇ, ବେଦକୁ ସାଧାରଣ ଜନତାଙ୍କ ବୁଝିବା ଭାଷାରେ ବେଦଭାଷ୍ୟ କଲେ, ଯାହା ର୍ବମାନ ସୁଦ୍ଧା ଭାରତ ବର୍ଷରେ ସର୍ବମାନ୍ୟ ହୋଇ ରହିଛି । ଏହି ଅବସରରେ ଡଃ ଜ୍ଞାନେନ୍ଦ୍ରଙ୍କୁ ବିଶିଷ୍ଟ ବୈଦିକ ବିଦ୍ୱାନ ଡଃ ଇଞ୍ଜିନିୟର ପ୍ରିୟବ୍ରତ ଦାସ ଉରୀୟ ଦେଇ ସମ୍ବର୍ଦ୍ଧିତ କରିଥିଲେ ।
ଅନ୍ୟତମ ଅତିଥି ଗାୟକ ଆହ୍ଲାଦ ସୁରେନ୍ଦ୍ର ନାଥ ଛୋଟରାୟ ଆଜିର ସମାଜରେ ଶିକ୍ଷିତ ମଣିଷଙ୍କ ଭିତରେ ଚାଲିଥିବା କୁସଂସ୍କାରର ନମୁନା ଦେଇଥିଲେ । ସେ ଆହୁରି କହିଲେ ଯେ, ବେଦ, ଜ୍ଞାନ ବିଜ୍ଞାନର ଗ୍ରନ୍ଥ । ପ୍ରତ୍ୟେକ ବ୍ୟକ୍ତି ନିଜର କଲ୍ୟାଣ ଓ ବିଶ୍ୱର କଲ୍ୟାଣ ପାଇଁ ଏହା ଅଧ୍ୟୟନ କରିବା ଉଚିତ୍ ।
କାର୍ଯ୍ୟକ୍ରମ ପ୍ରାରମ୍ଭରେ ପଣ୍ଡିତ ବୀରେନ୍ଦ୍ର କୁମାର କର ସ୍ୱାଗତ ଭାଷଣ ଓ ସୁନିଲ କୁମାର ଦେ ଧନ୍ୟବାଦ ଅର୍ପଣ କରିଥିଲେ । ଗୁରୁକୁଳ ଆମସେନାର ବ୍ରହ୍ମଚାରୀମାନେ ଭଜନ ଓ ଶାନ୍ତିପାଠ କରିଥିଲେ । ଅନ୍ୟମାନଙ୍କ ମଧ୍ୟରେ ଆର୍ଯ୍ୟସମାଜ, ଶହୀଦ ନଗରର ବରିଷ୍ଠ ସଦସ୍ୟ ସୁଧାକର ପତ୍ରୀ, ଅନିରୁଦ୍ଧ ପଟ୍ଟନାୟକ, ଶ୍ରୀମତୀ ସୁପ୍ରିୟା ରଥ, ଜୟନ୍ତ ଦେ, ସିଦ୍ଧାର୍ଥ ରଥ ପ୍ରମୁଖ ବହୁ ସଦସ୍ୟ ଉପସ୍ଥିତ ଥିଲେ । ଏହି ଶ୍ରାବଣୀ ପର୍ବ ଆସନ୍ତା ଶ୍ରୀକୃଷ୍ଣ ଜନ୍ମାଷ୍ଟମୀରେ ଉଦ୍ଯାପିତ ହେବ ବୋଲି ଉପସଭାପତି ଇଂ ବ୍ରଜବନ୍ଧୁ ପଣ୍ଡା ଜଣାଇଛନ୍ତି ।
