ନନ୍ଦିଘୋଷ ବ୍ୟୁରୋ: ଧାନର କଟନି ଛଟନି ନେଇ ଗୃହରେ ବର୍ଷିଲେ ବିଜେଡି ବିଧାୟକ ଗଣେଶ୍ୱର ବେହେରା । ଧାନର କଟନି ଛଟନି ଜାରି ରହିଛି । ଯୋଗାଣ ମନ୍ତ୍ରୀ କହିଲେ ଆଇଏଏସ କହୁଛନ୍ତି କଟନି ଛଟନିରେ ମୁଣ୍ଡ ପରlନ୍ତୁନାହିଁ । ତେବେ ମନ୍ତ୍ରୀ କୁହନ୍ତୁ କିଏ ସେ ଆଇଏଏସ ଅଧିକାରୀ । ସରକାର ତେବେ କାହା କଥାରେ ଚାଲିଛି । ସରକାର ଚାଷୀଙ୍କ ସ୍ୱାର୍ଥରେ ନା ମିଲରଙ୍କ ସ୍ୱାର୍ଥରେ ବୋଲି ପ୍ରଶ୍ନ କରିଛନ୍ତି ଗଣେଶ୍ଵର ବେହେରା । ସେପଟେ ଧାନର କଟନି ଛଟନି ପ୍ରସଙ୍ଗରେ ବିଜେଡି ସହିତ ତାଳ ମିଳାଇଛି କଂଗ୍ରେସ । ଗୃହରେ ଯୋଗାଣ ମନ୍ତ୍ରୀଙ୍କୁ ଘେରିଲେ କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତି । ମନ୍ତ୍ରୀଙ୍କ ନିର୍ଦ୍ଦେଶରେ ପୁରା ରାଜ୍ୟରେ କଟନି ଛଟନି ଚାଲିଛି । ଯୋଗାଣ ମନ୍ତ୍ରୀ ମିଲ ପିଛା ୧ ଲକ୍ଷ ଟଙ୍କା ନେଇଥିବା ସେ ଅଭିଯୋଗ କରିଛନ୍ତି । ସିିଡି, ଫୋଟୋ, ମନ୍ତ୍ରୀଙ୍କ ଦସଖତ ଥିବା ଚିଠି ଦେଖାଇ ଗୃହରେ ଯୋଗାଣ ମନ୍ତ୍ରୀଙ୍କ ଧାନ କିଣାରେ ଟଙ୍କା ନେଉଥିବା ଅଭିଯୋଗ କରିଛନ୍ତି ବରିଷ୍ଠ କଂଗ୍ରେସ ବିଧାୟକ ତାରା ପ୍ରସାଦ ବାହିନୀ ପତି । ଧାନ କିଣାରେ କଟନି ଛଟନିରେ ମନ୍ତ୍ରୀ ଟଙ୍କା ନେଉଥିବାର ପ୍ରମାଣ ମାଗିଥିଲେ ଓ ମୁଁ ଦେଲି ବୋଲି କହିଛନ୍ତି ତାରା । ଧାନ କିଣାରେ ୪ କୋଟି ଟଙ୍କା ହେରଫେର ହୋଇଛି । ଧାନ କିଣାରେ ଚାଷୀଙ୍କୁ ଲୁଟୁଛନ୍ତି ସରକାର । ମୁଁ ଆଉ କେଉଁ ମନ୍ତ୍ରୀଙ୍କ ନାଁରେ ଅଭିଯୋଗ କରୁନି ମନ୍ତ୍ରୀ ଏହି ଯେଉଁ ଟଙ୍କା ଖାଉଛନ୍ତି । ତାହାର କ୍ରାଇମବ୍ରାଞ୍ଚ ତଦନ୍ତ କରାଯାଉ ବୋଲି ଦାବି କରିଛନ୍ତି ତାରା ।
ମାଙ୍କଡ଼ର ମୃତ୍ୟୁକୁ ନେଇ ଗାଁରେ ଶୋକାକୁଳ ପରିବେଶ
ନନ୍ଦିଘୋଷ ବ୍ୟୁରୋ: ମାଙ୍କଡ଼ର ମୃତ୍ୟୁକୁ ନେଇ ଗାଁରେ ଶୋକାକୁଳ ପରିବେଶ । ମଣିଷ ମୃତ୍ୟୁ ପରେ ଯେପରି ଶବ ସତ୍କାର କରାଯାଇଥାଏ, ଠିକ ସେହିପରି ଗ୍ରାମବାସୀ ଓ ସ୍କୁଲର ଶିକ୍ଷକ ମାନେ ମିଶି ମାଙ୍କଡ଼ର ଶବ ସତ୍କାର କରିଛନ୍ତି । ଏହିଭଳି ଘଟଣା ଦେଖିବାକୁ ମିଳିଛି ଭଦ୍ରକ ପୌରପାଳିକା ଅଧିନସ୍ଥ ଏଲଖା ଗାଁରେ । ଟ୍ରଲିକୁ ଫୁଲରେ ସଜାଇ ମାଙ୍କଡ଼ର ମୃତଦେହରେ ଘଣ୍ଟ ମୃଦଙ୍ଗ ସହ କୀର୍ତ୍ତନ କରି ହରିବୋଲ ଓ ଜୟ ବଜାରଙ୍ଗିବାଲି ନାରାରେ ଗାଁ ବୁଲାଇ ମଶାଣିକୁ ନେଇଥିଲେ । ଶେଷରେ ମଶାଣିରେ ମାଟି ଖୋଳି ଗ୍ରାମବାସୀମାନେ ମାଙ୍କଡ଼ର ମୃତଦେହକୁ ପୋତି ଦେଇଥିଲେ। ମାଙ୍କଡ଼ଟି ଏହି ଗାଁରେ ଦୀର୍ଘ ବର୍ଷ ହେବ ରହିଆସୁଥିଲା ଗାଁର ଲୋକମାନେ ମାଙ୍କଡ଼କୁ ଖାଇବାକୁ ଦେଉଥିଲେ । ମାଙ୍କଡ଼କୁ ଭଗବାନ ହନୁମାନଙ୍କ ରୂପ ଭାବି ଗ୍ରାମବାସୀମାନେ ପୂଜା କରୁଥିଲେ । ଗତକାଲି ମାଙ୍କଡ଼ଟିର ମୃତ୍ୟୁ ଘଟିଥିଲା । ସ୍କୁଲ ପଛ ପାଖରେ ମାଙ୍କଡ଼ଟି ମରି ପଡ଼ିଥିବା ଦେଖିଥିଲେ । ମାଙ୍କଡ଼ର ମୃତ୍ୟୁକୁ ନେଇ ଗ୍ରାମବାସୀ ଦୁଃଖ ପ୍ରକାଶ କରିଛନ୍ତି । ମାଙ୍କଡ଼ର ଶବ ସତ୍କାର କରିବା ସହ ଦଶାହ କ୍ରିୟା କରିବେ ବୋଲି କହିଛନ୍ତି ।
ଆସନ୍ତାକାଲି ବନକଲାଗି ନୀତି, ୫ ଘଣ୍ଟା ବନ୍ଦ ରହିବ ସାଧାରଣ ଦର୍ଶନ
ଆସନ୍ତାକାଲି ଶ୍ରୀମନ୍ଦିରରେ ଅନୁଷ୍ଠିତ ହେବ ବନକଲାଗି ନୀତି। ଫାଲଗୁନ କୃଷ୍ଣ ଷଷ୍ଠୀ ତିଥିରେ ଶ୍ରୀବିଗ୍ରହମାନଙ୍କର ଅନୁଷ୍ଠିତ ହେବ ବନକଲାଗି ନୀତି। ଦ୍ୱିତୀୟ ଭୋଗମଣ୍ଡପ ଭୋଗ ନୀତି ଶେଷ ହେବାପରେ ଏହି ଗୁପ୍ତ ନୀତି ଅନୁଷ୍ଠିତ ହେବ। ଏଥିପାଇଁ ଅପରାହ୍ଣ ୫ଟାରୁ ରାତି ୧୦ଟା ପର୍ଯ୍ୟନ୍ତ ପ୍ରାୟ ୫ଘଣ୍ଟା ପାଇଁ ସର୍ବସାଧାରଣ ଦର୍ଶନ ବନ୍ଦ ରହିବ। ଶ୍ରୀମନ୍ଦିର ପ୍ରଶାସନ ପକ୍ଷରୁ ସୂଚନା ଦିଆଯାଇଛି।

