spot_img
Home Blog Page 1311

ଗଣମାଧ୍ୟକୁ ନେଇ ସୁପ୍ରିମକୋର୍ଟଙ୍କ ବଡ ରାୟ: କୌଣସି ଖବର ପ୍ରକାଶ କରିବା ପୂର୍ବରୁ ଏହାର ସତ୍ୟତା ଏବଂ ନିରପେକ୍ଷତାକୁ ସୁନିଶ୍ଚିତ କରନ୍ତୁ

ନୂଆଦିଲ୍ଲୀ: ଗଣମାଧ୍ୟକୁ ନେଇ ସୁପ୍ରିମକୋର୍ଟ ବଡ ରାୟ ଶୁଣାଇଛନ୍ତି । ସୁପ୍ରିମକୋର୍ଟ ବିଚାରପତି ଜେ.ବି. ପାର୍ଡିଓ୍ବାଲା ଏବଂ ଜଷ୍ଟିସ୍‌ ଜେ.ବି. ଆର୍‌ ମହାଦେବନଙ୍କ ଖଣ୍ଡପୀଠରେ ଏକ ମାମଲାର ଶୁଣାଣି କରି କହିଛନ୍ତି ଯେ, ଜନମତ ଗଠନରେ ଗଣମାଧ୍ୟମର ଶକ୍ତି ଗୁରୁତ୍ୱପୂର୍ଣ୍ଣ। ପ୍ରେସର ଜନସାଧାରଣଙ୍କ ଭାବନାକୁ ପ୍ରଭାବିତ କରିବା ଏବଂ ଚିନ୍ତାଧାରା ପରିବର୍ତ୍ତନ କରିବାର କ୍ଷମତା ଅଛି। “କଲମ ଖଣ୍ଡା ଅପେକ୍ଷା ଅଧିକ ଶକ୍ତିଶାଳୀ ବୋଲି ସୁପ୍ରିମକୋର୍ଟ କହିଛନ୍ତି ।

ସୂଚନା ଅନୁଯାୟୀ, ସୁପ୍ରିମକୋର୍ଟ ବୁଧବାର ଏକ ମାମଲାର ଶୁଣାଣି କରି ସମାଜରେ ଗଣମାଧ୍ୟମର ଗୁରୁତ୍ୱପୂର୍ଣ୍ଣ ଭୂମିକା ସମ୍ପର୍କରେ ଗୁରୁତ୍ୱାରୋପ କରିଛନ୍ତି। ୨୦୧୪ ଜୁନ୍‌ ୨୭ରେ ଏକ ପେଣ୍ଟିଂ ନିଲାମକାରୀ ସଂସ୍ଥାକୁ ନେଇ ଜାତୀୟ ସ୍ତରୀୟ ଖବରକାଗଜ ଟାଇମ୍ସ ଇଣ୍ଡିଆର ସମ୍ପାଦକୀୟରେ ଅପମାନଜନକ ଲେଖା ପ୍ରକାଶିତ କରାଯାଇଥିବା ଅଭିଯୋଗକରି ଖବରକାଗଜର ସମ୍ପାଦକୀୟ ନିର୍ଦ୍ଦେଶକ ଜୟଦୀପ ବୋଷ ଏବଂ ଅନ୍ୟ ସାମ୍ବାଦିକଙ୍କ ବିରୋଧରେ ଆପରାଧିକ ମାନହାନି ମାମଲା ରୁଜୁ କରାଯାଇଥିଲା।

ବୁଧବାର ସୁପ୍ରିମକୋର୍ଟ ଉକ୍ତ ମାନହାନି ମାମଲାକୁ ଖାରଜ କରିଦେଇଛନ୍ତି। ଶୁଣାଣି ବେଳେ ଷ୍ଟିସ୍‌ ଜେ.ବି. ପାର୍ଡିଓ୍ବାଲା ଏବଂ ଜଷ୍ଟିସ୍‌ ଜେ.ବି. ଆର୍‌ ମହାଦେବନଙ୍କ ଖଣ୍ଡପୀଠ କହିଛନ୍ତି, ଜନତାଙ୍କର ମତକୁ ଆକାର ଦେବାରେ ଗଣମାଧ୍ୟମର ପ୍ରମୁଖ ଭୂମିକା ରହିଛି। ତେଣୁ ବେପରୁଆ ସାମ୍ବାଦିକତା ସମାଜ ପାଇଁ ଭୟାବହ ଏବଂ ଏହାର ଦୀର୍ଘକାଳୀନ ପାରିଣାମ ପଡ଼ିପାରେ। ଖବରଦାତାମାନଙ୍କୁ କୌଣସି ଖବର କିମ୍ବା ମନ୍ତବ୍ୟ ପ୍ରକାଶ କରିବା ପୂର୍ବରୁ ଏହାର ସତ୍ୟତା ଏବଂ ନିରପେକ୍ଷତାକୁ ସୁନିଶ୍ଚିତ କରିବା ଆବଶ୍ୟକ।

ସୁପ୍ରିମକୋର୍ଟ କହିଛନ୍ତି ଯେ, ଗୋଟିଏ ଲେଖା କିମ୍ବା ରିପୋର୍ଟ ଲକ୍ଷ ଲକ୍ଷ ଲୋକଙ୍କୁ ପ୍ରଭାବିତ କରିପାରିବ, ସେମାନଙ୍କର ବିଶ୍ୱାସ ଏବଂ ନିଷ୍ପତ୍ତିକୁ ଆକାର ଦେଇପାରିବ। ଏହା ସମ୍ପୃକ୍ତ ବ୍ୟକ୍ତିଙ୍କ ପ୍ରତିଷ୍ଠାକୁ ଗୁରୁତର କ୍ଷତି ପହଞ୍ଚାଇବାର ସମ୍ଭାବନା ରଖେ, ଯାହାର ପରିଣାମ ସୁଦୂରପ୍ରସାରୀ ଏବଂ ସ୍ଥାୟୀ ହୋଇପାରେ। ତେଣୁ, ଜନହିତ ଏବଂ ସଦିଚ୍ଛା ପାଇଁ ସମ୍ବାଦ ଲେଖା ପ୍ରକାଶିତ ହେବା ଉଚିତ।

ସ୍ପାଇଡର ସତୀଶକୁ ଆଣି କ୍ରାଇମ ସ୍ପଟରେ ସିନ ରିକ୍ରିଏସନ କରିଛି ସ୍ପେଶାଲ ସ୍କ୍ବାଡ

ଭୁବନେଶ୍ବର : ସିନ ରିକ୍ରିଏସନ କରିଛି ସ୍ପାଇଡର ସତୀଶ । ନୟାପଲ୍ଲୀ N-1ରେ କଲା ସିନ ରିକ୍ରିଏସନ। ସ୍ପାଇଡର ସତୀଶକୁ ଆଣି କ୍ରାଇମ ସ୍ପଟରେ ସିନ ରିକ୍ରିଏସନ କରିଛି ସ୍ପେଶାଲ ସ୍କ୍ବାଡ। କେମିତି ଚଢୁଥିଲା କାନ୍ଥ, କେମିତି ଲୁଟୁଥିଲା ଟଙ୍କା, ତାର ଡେମୋ ଦେଖାଉଛି ସ୍ପାଇଡର ସତୀଶ । ବରିଷ୍ଠ କଂଗ୍ରେସ ନେତା ନିରଞ୍ଜନ ପଟ୍ଟନାୟକଙ୍କ ଘରୁ ଲୁଟ ସହ ୨୦୨୩ ମସିହାରେ ଜଣେ ଠିକାଦାର ସଂସ୍ଥାର ମାଲିକଙ୍କ ଘରୁ ଲୁଟିଥିଲା ସତୀଶ। ପୋଲିସ ତାକୁ ଗିରଫ ପରେ ତା ଠାରୁ ହୀରା, ସୁନା ଗହଣା, ନଗଦ ଟଙ୍କା ଜବତ କରିଥିଲା । ଲୁଟ ଟଙ୍କାରେ ମଉଜ କରୁଥିଲା ଲୁଟେରା। ଲକ୍ଷ ଲକ୍ଷ ଟଙ୍କା ଦେଇ ତାଇୱାନରୁ କୁକୁର କିଣୁଥିଲା। କୁକୁର ଖେଳିବା ପାଇଁ ଇଣ୍ଡୋନେସିଆରୁ ବଲ ମଗାଉଥିଲା । କୁକୁରର ସ୍ପା ଓ ଷ୍ଟିମ ବାଥ ପାଇଁ ଖର୍ଚ୍ଚ କରୁଥିଲା ପୁଳା ପୁଳା ଟଙ୍କା । କେବଳ ସେତିକି ନୁହେଁ, ନିଜେ ମଧ୍ୟ ଫିଜିକାଲ ଫିଟ ରହିବା ପାଇଁ ପର୍ସନାଲ ଟ୍ରେନର ନିଯୁକ୍ତ କରିଥିଲା। ଡାଏଟ ପ୍ଲାନ ସହ ଟ୍ରେନରଙ୍କୁ ଦେଉଥିଲା ଦିନକୁ ୪ ହଜାର ଟଙ୍କା । ଲୁଟ ଟଙ୍କାରେ ବାଙ୍ଗାଲୋର, ବିଜୟନଗରମ, ହାଇଦ୍ରାବାଦରେ କିଣିଥିଲା ୪ ଟି ଫ୍ଲାଟ। ଲୁଟ ଟଙ୍କାରେ ୩ ଜଣ ଗାର୍ଲଫ୍ରେଣ୍ଡଙ୍କ ସହ ରୋମାନ୍ସ କରୁଥିଲା ଏହି ସୌଖିନ ଚୋର । ଗାର୍ଲଫ୍ରେଣ୍ଡ ମାନଙ୍କୁ ଡାଇମଣ୍ଡ ଗିଫ୍ଟ କରୁଥିଲା। କେରଳ ଓ ଦାର୍ଜିଲିଂ ବୁଲାଉଥିଲା । ତେବେ କେମିତି ଏକାକୀ ଏହି ଚୋର, ସୁରକ୍ଷା କର୍ମୀଙ୍କୁ ମାତ୍ ଦେଇ ହାଇ ସିକ୍ୟୁରିଟି ଜୋନରୁ ଚୋରି କରୁଥିଲା, ତାର ଦେଖାଇଛି ଡେମୋ ।

ଦିଲ୍ଲୀ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ରେଖା ଗୁପ୍ତା

ନୂଆଦିଲ୍ଲୀ :  ଦିଲ୍ଲୀକୁ ମିଳିଲା ୪ର୍ଥ ମହିଳା ମୁଖ୍ୟମନ୍ତ୍ରୀ  । ଶାଲିମାର ବାଗର ବିଧାୟିକା ରେଖା ଗୁପ୍ତା ରାମଲୀଳା ମୈଦାନରେ ମୁଖ୍ୟମନ୍ତ୍ରୀଭାବେ ଶପଥ ନେଇଛନ୍ତି । ତାଙ୍କ ୬ ଜଣ କ୍ୟାବିନେଟ୍ ମନ୍ତ୍ରୀ ହେବାକୁ ଯାଉଛନ୍ତି ।  ସେମାନେ ହେଲେ ପ୍ରବେଶ ବର୍ମା, ଆଶିଷ ସୁଦ, ମଞ୍ଜିନ୍ଦର ସିଂହ ସିରସା, କପିଲ ମିଶ୍ରା, ରବିନ୍ଦ୍ର ଇନ୍ଦ୍ରରାଜ ସିଂହ ଓ ପଙ୍କଜ କୁମାର ।

ଉତ୍ସବ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପସ୍ଥିତିରେ ଶପଥ ଗ୍ରହଣ ସମାରୋହ ଅନୁଷ୍ଠିତ ହୋଇଥିଲା। ଗୃହମନ୍ତ୍ରୀ ଅମିତ ଶାହ, ଜେପି ନଡ୍ଡା, ଚନ୍ଦ୍ରବାବୁ ନାଇଡୁ, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ, ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍, ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ମୋହନ ଯାଦବ, ଆନ୍ଧ୍ର ପ୍ରଦେଶ ଉପମୁଖ୍ୟମନ୍ତ୍ରୀ ପବନ କଲ୍ୟାଣ, ରାଜସ୍ଥାନ ମୁଖ୍ୟମନ୍ତ୍ରୀ ଭଜନ ଲାଲ, ଛତିଶଗଡ଼ ମୁଖ୍ୟମନ୍ତ୍ରୀ ବିଷ୍ଣୁ ଦେବ ସାଇ, ହରିୟାଣା ମୁଖ୍ୟମନ୍ତ୍ରୀ ନାଇବ ସିଂହ ସୈନି, ୟୁପିର ଉଭୟ ଉପମୁଖ୍ୟମନ୍ତ୍ରୀ କେଶବ ପ୍ରସାଦ ମୌର୍ଯ୍ୟ, ବ୍ରଜେଶ ପାଠକ, ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଏକନାଥ ସିନ୍ଦେ ମଧ୍ୟ ଉତ୍ସବରେ ଯୋଗଦେବାକୁ ପହଞ୍ଚିଥିଲେ। ମଜାଦାର କଥା ହେଉଛି ଆମ ଆଦମୀ ପାର୍ଟିର ରାଜ୍ୟସଭା ସାଂସଦ ସ୍ୱାତୀ ମାଲିୱାଲ ମଧ୍ୟ ମଞ୍ଚରେ ଉପସ୍ଥିତ ଥିଲେ।

ପ୍ରାୟ ଦଶ ବର୍ଷ ଧରି ଏବିଭିପିର ସଦସ୍ୟ ରହିବା ପରେ, ସେ ୨୦୦୨ ମସିହାରେ ବିଜେପିରେ ଯୋଗ ଦେଇଥିଲେ। ସେ ଦିଲ୍ଲୀ ବିଜେପି ମହିଳା ମୋର୍ଚ୍ଚାର ସାଧାରଣ ସମ୍ପାଦକ ଏବଂ ବିଜେପି ମହିଳା ମୋର୍ଚ୍ଚାର ରାଷ୍ଟ୍ରୀୟ ଉପାଧ୍ୟକ୍ଷ ମଧ୍ୟ ଥିଲେ। ରେଖା ଗୁପ୍ତା ଜଣେ ଅଭିଜ୍ଞ କାଉନସିଲର ଥିଲେ। ସେ ଶାଲିମାର ବାଗରୁ ଆମ ଆଦମୀ ପାର୍ଟି ପ୍ରାର୍ଥୀଙ୍କୁ ୨୯ ହଜାର ୫୯୫ ଭୋଟରେ ପରାସ୍ତ କରିଥିଲେ।

 

ଭାରତର ଏହି ଛୋଟ ଗାଁ କୁ ‘ୟୁଟ୍ୟୁବ ରାଜଧାନୀ’ ବୋଲି କୁହାଯାଏ

ନନ୍ଦିଘୋଷ ବ୍ୟୁରୋ : ଭାରତରେ ଏମିତି ଏକ ଗାଁ ଅଛି ଯାହା ଦେଶର ୟୁଟ୍ୟୁବ ରାଜଧାନୀ ନାମରେ ପରିଚିତ । ଏହି ଗାଁରେ ୪ ହଜାର ଲୋକ ବାସ କରନ୍ତି ଏବଂ ସେମାନଙ୍କ ମଧ୍ୟରୁ ୧୦୦୦ ଲୋକ ୟୁଟ୍ୟୁବର ଅଛନ୍ତି । ସେଥିରେ ପୁରୁଷ ଏବଂ ମହିଳାଙ୍କ ଠାରୁ ଆରମ୍ଭ କରି ଛୋଟ ପିଲା ମଧ୍ୟ ସାମିଲ ଅଛନ୍ତି । ସେମାନେ ପ୍ରତିଦିନ ୟୁଟ୍ୟୁବରେ ନିଜ କଣ୍ଟଣ୍ଟେ ଅପଲୋଡ୍ କରନ୍ତି । ଏବଂ ୟୁଟ୍ୟୁବରୁ ଭଲ ରୋଜଗାର କରିବା ସହ ଗାଁର ଅର୍ଥନୀତିକୁ ମଧ୍ୟ ବଦଳାଇ ପାରିଛନ୍ତି । ୟୁଟ୍ୟୁବ୍ ସେମାନଙ୍କୁ ଏବଂ ସେମାନଙ୍କ ଗାଁକୁ ଗୋଚେ ସୁନ୍ଦର ପରିଚୟ ଦେଇପାରିଛି । ଏହା ଛତିଶଗଡ଼ର ରାୟପୁର ଅବସ୍ଥିତ ।

ତୁଳସୀ ଗ୍ରାମରେ ୧୦୦୦ ୟୁଟ୍ୟୁବର । ଏହି ଗାଁକୁ କୁହାଯାଏ ୟୁଟ୍ୟବ୍ ରାଜଧାନୀ। ବିବିସି ୱାର୍ଲ୍ଡ ଏହି ଗାଁ ଉପରେ ଏକ ଆକର୍ଷଣୀୟ ରିପୋର୍ଟ ପ୍ରକାଶ କରିଛି। ୟୁଟ୍ୟୁବ ଜରିଆରେ ଗାଁରେ ଅନେକ ପରିବର୍ତ୍ତନ ହୋଇପାରିଛି । କିଛି ଲୋକ ନିଜର ପ୍ରଡକ୍ସନ ସେଟ୍ ତିଆରି କରିଛନ୍ତି। କେତେକ ଲୋକ ସେମାନଙ୍କର ମୋବାଇଲ୍ ଏବଂ ଟ୍ରାଇପଡ୍ ବ୍ୟବହାର କରି ଭିଡିଓ କରିଥାନ୍ତି। ୟୁଟ୍ୟୁବ୍‌ରେ ବିଭିନ୍ନ କାର୍ଯ୍ୟକ୍ରମରେ ଗାଁର ଅନେକ ସ୍ଥାନ ବ୍ୟବହୃତ ହୁଏ। ଏହି ଗାଁକୁ ଭାରତର “YouTube ଗ୍ରାମ” ଭାବରେ ମାନ୍ୟତା ମିଳିବା ଆରମ୍ଭ ହୋଇଛି।

BBC ରିପୋର୍ଟରେ କୁହାଯାଇଛି ଯେ YouTube ରୁ ରୋଜଗାର ହୋଇଥିବା ଟଙ୍କା ସ୍ଥାନୀୟ ଅର୍ଥନୀତିକୁ ବଦଳାଇ ଦେଇଛି। ଆର୍ଥିକ ଲାଭ ବ୍ୟତୀତ, ସାମାଜିକ ପରିବର୍ତ୍ତନର ଏକ ଉଦାହରଣ ପାଲଟିଛି। ଗାଁର ଅନେକ ଲୋକଙ୍କର ସଫଳ YouTube ଚ୍ୟାନେଲ ଅଛି। ୟୁଟ୍ୟୁବ୍ ସେମାନଙ୍କୁ ଆୟର ଏକ ନୂତନ ଉତ୍ସ ଦେଇଛି। ଏନେଇ ରାଜ୍ୟ ସରକାର ଗାଁରେ ଅତ୍ୟାଧୁନିକ ଷ୍ଟୁଡିଓ ସ୍ଥାପନା କରିଛନ୍ତି ।

୧୯ ବର୍ଷ ବୟସରେ ଚନ୍ଦା, ଡିପ୍ରେସନକୁ ଚାଲିଯାଇଥିଲେ ଏହି ଷ୍ଟାର

ମୁମ୍ବାଇ : ବଲିଉଡ ଅଭିନେତା ଅକ୍ଷୟ ଖାନ୍ନା ଜଣେ ଜଣାଶୁଣା ଅଭିନେତା । ସେ ଅନେକ ଫିଲ୍ମ ଦର୍ଶକଙ୍କୁ ଭାଟି ଦେଇଛନ୍ତି । ସେ ୧୯ ବର୍ଷ ବୟସରେ ଚନ୍ଦା ହୋଇ ଡିପ୍ରେସନକୁ ଚାଲିଯାଇଥିଲେ । ଅକ୍ଷୟ ଖାନ୍ନା ନିକଟରେ ରିଲିଜ୍ ହୋଇଥିବା ଚଳଚ୍ଚିତ୍ର ଛାଭା ପାଇଁ ଚର୍ଚ୍ଚାରେ ଅଛନ୍ତି। ଏହି ଚଳଚ୍ଚିତ୍ରରେ ସେ ନିଷ୍ଠୁର ଶାସକ ଔରଙ୍ଗଜେବଙ୍କ ଭୂମିକାରେ ଅଭିନୟ କରିଛନ୍ତି, ଯେଉଁଥିପାଇଁ ତାଙ୍କୁ ବହୁତ ପ୍ରଶଂସା ମିଳୁଛି। ଅକ୍ଷୟଙ୍କ ଅନସ୍କ୍ରିନ ଲୁକ୍ ଏକ ହଟ ପ୍ରସଙ୍ଗ ପାଲଟିଥିବାବେଳେ ତାଙ୍କର ପ୍ରକୃତ ଜୀବନ ଲୁକ୍ ତାଙ୍କୁ ଅସୁବିଧାରେ ପକାଇଛି  । ସେ ନିଜ ଚନ୍ଦାପଣକୁ ନେଇ ଚାପରେ ରହିଛନ୍ତି ।  ଅବଶ୍ୟ, ଏହା ସତ୍ତ୍ବେ ଅକ୍ଷୟ ନିଜ ଚୁଟିକୁ ଲୁଚାଇବା ପାଇଁ ୱିଗ୍ କିମ୍ବା କେଶ ପ୍ରତିରୋପଣ କରିନାହାନ୍ତି । ସେ ସେମିତି ଚନ୍ଦାମୁଣ୍ଡରେ ହିଁ ଜୀବନଯାପନ କରିଥିଲେ ।  ସେ କହିଛନ୍ତି, ମୋ ସହ ଏତେ କମ ବୟସରେ ଏମିତି ଘଟିଲା । ସତେ ଯେପରି ଜଣେ ପଆନୋ ବଜାଳି ତାର ଆଙ୍ଗୁଠି ହରାଇଲା । ମୁଁ ସେତେବେଳେ ଏପରି ଅନୁଭବ କରୁଥିଲି । ଯେଉଁ ପର୍ଯ୍ୟନ୍ତ ଆପଣ ଏହାକୁ ଗ୍ରହଣ ନ କରନ୍ତି । ଏହା ଆପଣଙ୍କୁ ଅସୁବିଧାରେ ପକାଇବ । ଦିନେ ତୁମେ ହଠାତ୍ ଉଠି ଖବରକାଗଜ ଉଠାଇ ଅନୁଭବ କର ଯେ ମୁଁ ପଢିବାକୁ ସକ୍ଷମ ନୁହଁ  । ଚଷମା ଦରକାର  । ଅକ୍ଷୟ କହିଲେ ତୁମ ସହିତ କ’ଣ ଘଟୁଛି ବୋଲି ଭାବୁଛ? ଏହା ହୃଦୟ ଭାଙ୍ଗୁଛି । ଏଥିରେ ତୁମେ ତୁମର କ୍ୟାରିୟରର ଏକ ବର୍ଷ କିମ୍ବା ଦୁଇ ବର୍ଷ ହରାଇ ପାରିବ  । କାରଣ ଜଣେ ଅଭିନେତା ହେବା ଠାରୁ ତୁମେ କିପରି ଦେଖାଯିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ  । ମୁଁ ମୋ ଶରୀରକୁ ଆଚ୍ଛାଦନ କରିପାରିବି, କିନ୍ତୁ ମୋ କେଶ ବିଷୟରେ କିପରି କରିବି ? ଅକ୍ଷୟ ଆହୁରି କହିଛନ୍ତି,୧୯-୨୦ ବର୍ଷ ବୟସରେ ଏହା ନିରାଶାଜନକ  । ଏହା ଆପଣଙ୍କୁ ମାନସିକ ସ୍ତରରେ କ୍ଷତି ପହଞ୍ଚାଇପାରେ ଏବଂ ଆପଣଙ୍କୁ ମାରିପାରେ ।

କିଶୋର ଓ କିଶୋରୀଙ୍କ ପ୍ରେମରେ ପ୍ରତିବନ୍ଧକ ପଡିବା ଉଚିତ୍ ନୁହେଁ: ଦିଲ୍ଲୀ ହାଇକୋର୍ଟ

ନୂଆଦିଲ୍ଲୀ: ବର୍ତ୍ତମାନ କିଶୋର ଓ କିଶୋରୀଙ୍କ ପ୍ରେମ ସମ୍ପର୍କକୁ ସାହାର୍ଯ୍ୟ କରିବେ ହାଇକୋର୍ଟ । ପ୍ରେମ ସମ୍ପର୍କରେ ଆଉ ଆସିବନି ବାଧାବିଘ୍ନ । ଯୁବକ ଓ ଯୁବତୀଙ୍କ ପ୍ରେମ ସପକ୍ଷରେ ରାୟ ଶୁଣାଇଲେ ଦିଲ୍ଲୀ ହାଇକୋର୍ଟ । କିଶୋର ଓ କିଶୋରୀଙ୍କ ପ୍ରେମରେ ପ୍ରତିବନ୍ଧକ ପଡିବା ଉଚିତ୍ ନୁହେଁ ବୋଲି କହିଛନ୍ତି ଦିଲ୍ଲୀ ହାଇକୋର୍ଟ । କିଶୋର ଓ କିଶୋରୀଙ୍କ ସହମତିରେ ପ୍ରେମ ସମ୍ପର୍କକୁ ଅପରାଧୀକ କରାଯାଇପାରିବ ନାହିଁ । ଦିଲ୍ଲୀ ହାଇକୋର୍ଟ ଏକ ମାମଲାର ଶୁଣାଣି କରି ଏହି ନିଷ୍ପତ୍ତି ଶୁଣାଇଛନ୍ତି । ଜଷ୍ଟିସ୍ ଜସମିତ ସିଂହଙ୍କ ଖଣ୍ଡପୀଠରେ ଏହି ଶୁଣାଣି କରାଯାଇଛି ।

ସୂଚନା ଅନୁଯାୟୀ, ନିକଟରେ, ଏକ ମାମଲାର ଶୁଣାଣି ସମୟରେ, ଦିଲ୍ଲୀ ହାଇକୋର୍ଟ କିଶୋର ଓ କିଶୋରୀଙ୍କ ପ୍ରେମ ସମ୍ପର୍କରେ ସ୍ୱାଧୀନତା ରହିବା ଉଚିତ ବୋଲି କହିଥିଲେ। ଏହି ବିଷୟରେ ଆଲୋଚନା କରି ଜଷ୍ଟିସ୍ ଜସମିତ ସିଂହଙ୍କ ଖଣ୍ଡପୀଠ କହିଛନ୍ତି ଯେ, କିଶୋର ଅବସ୍ଥାରେ ପୁଅ ଏବଂ ଝିଅଙ୍କ ମଧ୍ୟରେ ସହମତିରେ ଶାରୀରିକ ସମ୍ପର୍କ ସ୍ଥାପନକୁ ମଧ୍ୟ ଏକ ଅପରାଧ ବୋଲି କୁହାଯାଏ ଏହାସହ POCSO ଆଇନ ଅନୁଯାୟୀ ଏହାକୁ ଅପରାଧ ବୋଲି ବିବେଚନା କରାଯାଏ। ଏହି ପ୍ରସଙ୍ଗରେ ବିଚାରପତି ମତ ଦେଇଥିଲେ ଯେ, ଯୁବାବସ୍ଥାରେ ପୁଅ ଏବଂ ଝିଅଙ୍କ ମଧ୍ୟରେ ପ୍ରେମକୁ ଗ୍ରହଣ କରିବା ପାଇଁ ଆଇନ ବିକଶିତ ହେବା ଉଚିତ ।

ବିଚାରପତି କହିଥିଲେ, ମୁଁ ବିଶ୍ୱାସ କରେ ଯେ ସମାଜ ଏବଂ ଆଇନ ଉଭୟ ଯୁବକ ଯୁବତୀଙ୍କ ପ୍ରେମ ସମ୍ପର୍କରେ ରହିବାର ଅଧିକାର ଉପରେ ଗୁରୁତ୍ୱ ଦେବା ଉଚିତ। ସେ ଆହୁରି କହିଥିଲେ ଯେ ଏହି ସମ୍ପର୍କଗୁଡ଼ିକ ଏପରି ହେବା ଉଚିତ ଯେ ସମ୍ପର୍କରେ କୌଣସି ପ୍ରକାରର ଶୋଷଣ କିମ୍ୱା ଦୁର୍ବ୍ୟବହାର ନହୁଏ ।

ଯୁବକମାନଙ୍କ ପ୍ରେମକୁ ସମର୍ଥନ କରି ବିଚାରପତି କହିଥିଲେ, ପ୍ରେମ ଏକ ଅଭିଜ୍ଞତା ଯାହା ପ୍ରତ୍ୟେକଙ୍କ ପାଖରେ ରହିବା ଉଚିତ, ଏହା ଏକ ମୌଳିକ ଅଭିଜ୍ଞତା। କିଶୋରମାନଙ୍କର ଭାବପ୍ରବଣ ସମ୍ପର୍କ ଗଠନ କରିବାର ଅଧିକାର ଅଛି। ଏହି ସମ୍ପର୍କଗୁଡ଼ିକୁ ସ୍ୱୀକାର ଏବଂ ସମ୍ମାନ କରିବା ପାଇଁ ଆଇନକୁ ବିକଶିତ ହେବାକୁ ପଡିବ। ଏହି ସମ୍ପର୍କଗୁଡ଼ିକୁ ଗ୍ରହଣ କରିବାର ସର୍ତ୍ତ ହେଉଛି ଯେ ସେଗୁଡ଼ିକ ସହମତିରେ ଗଠିତ ହେବା ଉଚିତ ଏବଂ ଏଥିରେ କୌଣସି ପ୍ରକାରର ଜବରଦସ୍ତି ହେବା ଉଚିତ୍ ନୁହେଁ। କିଶୋର ସମ୍ପର୍କ ସହ ଜଡିତ ମାମଲାରେ, ଦଣ୍ଡ ଅପେକ୍ଷା ବୁଝାମଣାକୁ ଗୁରୁତ୍ୱ ଦିଆଯିବା ଉଚିତ ବୋଲି ହାଇକୋର୍ଟ କହିଛନ୍ତି।

ବାଂଲାଦେଶରୁ ଦୁବାଇ ଯାଉଥିବା ବିମାନ କାହିଁକି ନାଗପୁରରେ ଅବତରଣ କଲା ?

ନାଗପୁର : ବାଂଲାଦେଶରୁ ଦୁବାଇ ଯାଉଥିବା ଏକ ବିମାନ ବିଳମ୍ବିତ ରାତିରେ ନାଗପୁର ବିମାନବନ୍ଦରରେ ଜରୁରୀକାଳୀନ ଅବତରଣ କରିଥିଲା। ସୂଚନା ଅନୁଯାୟୀ, ବାଂଲାଦେଶ ଏୟାରଲାଇନ୍ସର ଏହି ବିମାନଟିରେ ଯାନ୍ତ୍ରିକ ତ୍ରୁଟି ଦେଖାଦେଇଥିଲା, ଯାହା ଯୋଗୁଁ ଏହାକୁ ନାଗପୁର ବିମାନବନ୍ଦରରେ ଅବତରଣ କରିବାକୁ ପଡିଥିଲା।

ଆଜି ଭାରତ ଚାମ୍ପିଅନ୍ସ ଟ୍ରଫିରେ ବାଂଲାଦେଶ ବିପକ୍ଷରେ ଖେଳିବ। ଏହି ମ୍ୟାଚ୍ ଦୁବାଇରେ ଖେଳାଯିବ। କୁହାଯାଉଛି ଯେ ବିମାନରେ ଏହି ମ୍ୟାଚ୍ ଦେଖିବାକୁ ଯାଉଥିବା ଅନେକ ଲୋକ  ଥିଲେ। ଚାମ୍ପିଅନ୍ସ ଟ୍ରଫିର ପ୍ରଥମ ମ୍ୟାଚ୍‌ରେ ପାକିସ୍ତାନ ଶୋଚନୀୟ ପରାଜୟ ବରଣ କରିଛି। ନ୍ୟୁଜିଲାଣ୍ଡ ପାକିସ୍ତାନକୁ ୬୦ ରନରେ ପରାସ୍ତ କରିଛି।

ନାଗପୁରର ଜଣେ ବରିଷ୍ଠ ଅଧିକାରୀଙ୍କ କହିବାନୁସାରେ, ଯାନ୍ତ୍ରୀକ ତ୍ରୁଟି କରଣରୁ ବୁଧବାର ରାତିରେ ବିମାନକୁ ଅବତରଣ କରିବାକୁ ପଡିଲା । ବିମାନରେ ୩୯୬ ଜଣ ଯାତ୍ରୀ ଓ ୧୨ ଜଣ କ୍ରୁ ମେମ୍ବର ଥିଲେ ।

 

ଟେଲିଗ୍ରାମ, ଇଷ୍ଟାଗ୍ରାମ ଓ ଫେସବୁକରେ ବିକ୍ରି ହେଉଛି ମହାକୁମ୍ଭରେ ମହିଳାଙ୍କ ଗାଧୋଉଥିବା ଭିଡିଓ

ଲକ୍ଷ୍ନୌ : ମହାକୁମ୍ଭ ପାଇଁ ଲୋକ ପ୍ରୟାଗରାଜ ଅଭିମୁଖେ ଯାତ୍ରା କରୁଛନ୍ତି । ଏ ଯାଏଁ ୫୫ କୋଟିରୁ ଅଧିକ ଶ୍ରଦ୍ଧାଳୁ ବୁଡ ପକାଇ ସାରିଲେଣି । କିନ୍ତୁ ଏମିତି କିଛି ଲୋକ ଅଛନ୍ତି, ଯେଉଁମାନେ ଛବିକୁ ଖରାପ କରିବାରେ ଲାଗିଛନ୍ତି । କିଛି ଲୋକ ମହିଳାମାନଙ୍କ ସଙ୍ଗମ ସ୍ଥାନରେ ସ୍ନାନ କରୁଥିବାର ଭିଡିଓକୁ ସୋସିଆଲ ମିଡିଆରେ ପୋଷ୍ଟ କରୁଛନ୍ତି । ଆଉ କିଛି ଲୋକ ଏହାକୁ ବିକ୍ରି କରିବାରେ ଲାଗିଛନ୍ତି । ୟୁପି ପୋଲିସ ଏଭଳି ଲୋକଙ୍କ ଉପରେ ଆକ୍ସନ ନେବା ଆରମ୍ଭ କରିସାରିଲାଣି ।

ପ୍ରୟାଗରାଜ ପୋଲିସ ମହିଳାମାନଙ୍କ ସ୍ନାନ କରୁଥିବା କି ପୋଷାକ ବଦଳାଉଥିବା ଭିଡିଓ ଭାଇରାଲ କରାଯାଉଥିବା ଆକାଉଣ୍ଟ ଉପରେ ମାମଲା ରୁଜୁ କରିବା ଆରମ୍ଭ କରିଛି । ପୋଲିସ ମହାନିର୍ଦ୍ଦେଶକ ପ୍ରଶାନ୍ତ କୁମାର କହିଛନ୍ତି, ମହିଳାଙ୍କ ଅଶ୍ଲୀଳ ଭିଡିଓ ସୋସିଆଲ ମିଡିଆରେ ସେୟାର କରୁଥିବା ଓ ଟେଲିଗ୍ରାମରେ ବିକ୍ରି କରୁଥିବା ଲୋକଙ୍କ ବିରୁଦ୍ଧରେ ମାମଲା ରୁଜୁ କରାଯାଉଛି । ଏବେ ସେମାନଙ୍କ ଚିହ୍ନଟ କରାଯିବା ପରେ ଗିରଫ କରାଯିବ । ପୋଲିସର ସାଇବର ଟିମ୍ ଇଣ୍ଟରନେଟର ବିଭିନ୍ନ ପ୍ଲଟଫର୍ମ ଉପରେ ଯାଞ୍ଚ ଚାରି ରଖିଛି । ଆପତ୍ତିଜନକ ପୋଷ୍ଟ ଓ ଗୁଜବ କରୁଥିବା ଲୋକଙ୍କ ବିରୁଦ୍ଧରେ କାର୍ଯ୍ୟନୁଷ୍ଠାନ ଗ୍ରହଣ କରାଯାଉଛି । ସାଇବର ତଦନ୍ତରୁ ଜଣାପଡିଛି କି, ମହାକୁମ୍ଭକୁ ଆସୁଥିବା ମହିଳାଙ୍କ ସ୍ନାନ କରୁଥିବା ଓ ପୋଷାକ ବଦଳାଉଥିବର ଭିଡିଓ ସୋସିଆଲ ମଡିଆରେ ଅପଲୋଡ କରାଯାଉଛି ।

ପୋଲିସ ଏକ ଇନଷ୍ଟାଗ୍ରାମ ଆକାଉଣ୍ଟ @neha1224872024 ବିରୁଦ୍ଧରେ ଏକ ମାମଲା ରୁଜୁ କରିଛି। ଏହି ଆକାଉଣ୍ଟ ମାଧ୍ୟମରେ ମହିଳା ସ୍ନାନକାରୀଙ୍କ ଅଶ୍ଳୀଳ ଭିଡିଓ ପୋଷ୍ଟ କରାଯାଇଥିଲା। ଆକାଉଣ୍ଟ ସମ୍ପର୍କରେ ମେଟା କମ୍ପାନୀଠାରୁ ସୂଚନା ମଗାଯାଇଛି ଏବଂ ଅଭିଯୁକ୍ତଙ୍କ ଗିରଫଦାରୀ ଖୁବ୍ ଶୀଘ୍ର ସୁନିଶ୍ଚିତ କରାଯିବ।

ବସଷ୍ଟପରେ ପୋଲିସ ବାବୁଙ୍କ ରୋମାନ୍ସ, ଭିଡିଓ ହେଲା ଭାଇରାଲ

ଲକ୍ଷ୍ନୌ : ଉତ୍ତର ପ୍ରଦେଶରେ ଜଣେ ପୋଲିସ ବାବୁଙ୍କ ରୋମାନ୍ସ କରୁଥିବାର ଭିଡିଓ ଏବେ ସାମ୍ନାକୁ ଆସିଛି । ମଦ୍ୟପାନ କରି ଜଣେ ଯୁବତୀଙ୍କ ସହ ଅସଦାଚରଣ କରୁଥିବା ଦେଖାଯାଇଛି । ଭିଡିଓ ଭାଇରାଲ ହେବା ପରେ କାର୍ଯ୍ୟନୁଷ୍ଠାନ ଗ୍ରହଣ କରାଯିବା ସହ ଇନ୍ସପେକ୍ଟରଙ୍କୁ ନିଲମ୍ବିତ କରାଯାଇଛି । ଜଣେ ଇନ୍ସପେକ୍ଟର ଏସ୍ପି ଅଫଇସ ଠାରୁ କିଛି ଦୂରରେ ଜଣେ ମହିଳାଙ୍କ ସହ ଅନୁପଯୁକ୍ତ ବ୍ୟବହାରା କରୁଥିବା ଦେଖାଯାଇଛି । ତାଙ୍କ ଟଷାନି ରାସ୍ତାରେ ପଡିଛି ଓ ସେ ମଦ୍ୟପାନ କରି ଆଇନ ଭଙ୍ଗ କରୁଛନ୍ତି । ଯେତେବେଳେ ଇନ୍ସପେକ୍ଟରଙ୍କୁ ପଚାରାଯାଇଥିଲା । ସେ କହିଥିଲେ, ବରେଲିର ବାସିନ୍ଦା ଓ ନକଲି ୟୁନିଫର୍ମ ପିନ୍ଧିଛନ୍ତି ।

ଏସ୍ପି ରାଜେଶ ଭାରତୀ କହିଛନ୍ତି, ଏହି ଭିଡିଓ ଆମ ନଜରକୁ ଆସିଛି । ଅଭିଯୁକ୍ତ ଏଏସଆଇ ପୋଲିସ ଲାଇନରେ ନିଜୁକ୍ତ ଥିଲେ । ତାଙ୍କ ସହ ତାଙ୍କ ପତ୍ନୀ ମଧ୍ୟ ଥିଲେ । ଏସ୍ପି କାଶଗଞ୍ଜ ଅଙ୍କିତା ଶର୍ମା ଏହି ମାମଲାକୁ ଭମ୍ଭୀରତାର ସହ ନେଇଛନ୍ତି । ଅଭିଯୁକ୍ତଙ୍କୁ ନିଲମ୍ବିତ କରିବା ସହ ବିଚାର ବିଭାଗୀୟ ତଦନ୍ତ ଲାଗି ଆଦେଶ ଦେଇଛନ୍ତି ।

ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯାହା ପୋଲିସ ଛବିକୁ ଖରାପ କରୁଛି । ଏଠାରେ ପ୍ରଶ୍ନ ଉଠୁଛି ଯଦି ରକ୍ଷବ ଏପରି ନିୟମ ଭଙ୍ଗ କରନ୍ତି, ତେବେ ସାଧାରଣ ଲୋକଙ୍କୁ ନିୟମ ମାନିବାକୁ କିଏ ପ୍ରେରଣା ଦେବ ?

ଜିଓ ହଟଷ୍ଟାର ଉପରେ କାହିଁକି ରାଗିଛନ୍ତି କ୍ରିକେଟ ପ୍ରେମୀ ?

ନୂଆଦିଲ୍ଲୀ : ଯେତେବେଳେ ମୁକେଶ ଅମ୍ବାନୀଙ୍କ କମ୍ପାନୀ ଜିଓ ଏବଂ ହଟଷ୍ଟାର ହାତ ମିଳାଇଲେ, ଲୋକମାନେ ଅନୁଭବ କଲେ ଯେ ଏହି ଦୁଇ ବଡ଼ କମ୍ପାନୀର ହାତ ମିଳାଇବା ପରେ, ଷ୍ଟ୍ରିମିଂ ପ୍ଲାଟଫର୍ମରେ କିଛି ବଡ଼ ପରିବର୍ତ୍ତନ ଦେଖାଯିବ  । ଷ୍ଟ୍ରିମିଂ ପ୍ଲାଟଫର୍ମରେ ଅଭିଜ୍ଞତା ମଧ୍ୟ ପୂର୍ବ ଅପେକ୍ଷା ଭଲ ହେବ। କିନ୍ତୁ ଆଇସିସି ପୁରୁଷ ଚାମ୍ପିଅନ୍ସ ଟ୍ରଫିର ପ୍ରଥମ ଦିନରେ, ଜିଓ ହଟଷ୍ଟାର ଦେଶର ଲକ୍ଷ ଲକ୍ଷ ଲୋକଙ୍କୁ ନିରାଶ କରିଛି। ପ୍ରକୃତରେ, ମ୍ୟାଚ୍ ସମୟରେ, ଷ୍ଟ୍ରିମିଂ ପ୍ଲାଟଫର୍ମ ଜିଓ ହଟଷ୍ଟାରରେ ଯାନ୍ତ୍ରିକ ସମସ୍ୟା ଯୋଗୁଁ, ଲୋକମାନେ ମ୍ୟାଚ୍ ଦେଖିବାରେ ଅସୁବିଧାର ସମ୍ମୁଖୀନ ହୋଇଥିଲେ।

ଷ୍ଟ୍ରିମିଂ ପ୍ଲାଟଫର୍ମ ଜିଓ ହଟଷ୍ଟାରରେ ପ୍ରାଇମ-ଟାଇମ୍ କ୍ରୀଡା ଇଭେଣ୍ଟ ସମୟରେ ଆଇସିସି ପୁରୁଷ ଚାମ୍ପିଅନ୍ସ ଟ୍ରଫି ୨୦୨୫ ଅନଲାଇନରେ ଦେଖିବାକୁ ଚେଷ୍ଟା କରୁଥିବା କ୍ରିକେଟ ପ୍ରେମୀମାନେ ବାଧାପ୍ରାପ୍ତ ହୋଇଥିଲେ । ଯାହା ଫଳରେ ଲକ୍ଷ ଲକ୍ଷ ଲୋକଙ୍କୁ ଅସୁବିଧା ହୋଇଥିଲା। କ୍ରିକେଟ୍ ମ୍ୟାଚ୍ ସମୟରେ, ଷ୍ଟ୍ରିମିଂ ପ୍ଲାଟଫର୍ମରେ ଲେଖାଯାଇଥିଲା ଯେ ପ୍ରସାରଣ ପ୍ରଦାନକାରୀଙ୍କ ସହିତ ଏକ ଯାନ୍ତ୍ରିକ ସମସ୍ୟା ଯୋଗୁଁ, ଆମେ ସମସ୍ୟାର ସମ୍ମୁଖୀନ ହେଉଛୁ, ଦୟାକରି ଦେଖୁଥାଆନ୍ତୁ ! ରିଲାଏନ୍ସ ଜିଓ ଏବଂ ଡିଜନି ପ୍ଲସ ହଟଷ୍ଟାର ମଧ୍ୟରେ ସହଭାଗୀତା, ଜିଓ ହଟଷ୍ଟାର ଆପ୍, କ୍ରିକେଟ୍ ସମେତ ଲାଇଭ୍ କ୍ରୀଡା ଇଭେଣ୍ଟ ଷ୍ଟ୍ରିମିଂ ପାଇଁ ସର୍ବାଧିକ ଦେଖାଯାଉଥିବା ପ୍ଲାଟଫର୍ମ ମଧ୍ୟରୁ ଗୋଟିଏ। କିନ୍ତୁ ଜିଓ ହଟଷ୍ଟାର ଲାଇଭ୍ ଷ୍ଟ୍ରିମିଂ ସମୟରେ ଲକ୍ଷ ଲକ୍ଷ ଉପଭୋକ୍ତାଙ୍କୁ ନିରାଶ କରିଥିଲା । କିଛି ଉପଭୋକ୍ତା ଲାଗିଂ କରିଥିଲେ, କିଛି ବଫରିଂ କରିଥିଲେ । ଯେତେବେଳେ କିଛି କ୍ଷେତ୍ରରେ ଖେଳର ଗୁରୁତ୍ୱପୂର୍ଣ୍ଣ ମୁହୂର୍ତ୍ତରେ ଉପଭୋକ୍ତା ସମ୍ପୂର୍ଣ୍ଣ ବ୍ଲାକଆଉଟ୍ ଅନୁଭବ କରିଥିଲେ।

ମ୍ୟାଚ୍ ସମୟରେ ସାମ୍ନା ହୋଇଥିବା ସମସ୍ୟା ଉପରେ, ଜଣେ ଏକ୍ସ ବ୍ୟବହାରକାରୀ ଲେଖିଛନ୍ତି, ଯେପର୍ଯ୍ୟନ୍ତ ଏହା ହଟଷ୍ଟାର ଥିଲା, ପ୍ରସାରଣ ବହୁତ ଭଲ ଥିଲା । କିନ୍ତୁ ଏବେ ଜିଓ ସହିତ ମିଶ୍ରଣ ପରେ, ଜିଓ ହଟଷ୍ଟାର ଅକାମୀ। ଚାମ୍ପିଅନ୍ସ ଟ୍ରଫିକୁ ଡାଏଲ୍ ଅପ୍ ଇଣ୍ଟରନେଟ୍ ପରି ଖଣ୍ଡ ଖଣ୍ଡ କରି ଉପସ୍ଥାପିତ କରାଯାଉଛି । ଦୟାକରି ଏହାକୁ ସଜାଡ଼ନ୍ତୁ ।

ଏହି ଟୁର୍ଣ୍ଣାମେଣ୍ଟର ଫାଇନାଲ ମ୍ୟାଚ୍ ୯ମାର୍ଚ୍ଚ ୨୦୨୫ରେ ଖେଳାଯିବ। ଆଇସିସି ପୁରୁଷ ଚାମ୍ପିଅନ୍ସ ଟ୍ରଫି ସମୟରେ ଖେଳାଯାଉଥିବା ସମସ୍ତ ମ୍ୟାଚ୍ ଜିଓଷ୍ଟାର ନେଟୱାର୍କରେ ପ୍ରସାରିତ ହେବ ଏବଂ ଜିଓ ହଟଷ୍ଟାରରେ ଲାଇଭ୍ ଷ୍ଟ୍ରିମିଂ ହେବ।