ଭୁବନେଶ୍ୱର: ହକ ଦାବିରେ ରାସ୍ତାକୁ ଓହ୍ଲାଇବେ ଅଧ୍ୟାପକ। ଆସନ୍ତା ୧୪ରୁ ରାଜରାସ୍ତାରେ ଆନ୍ଦୋଳନ କରିବେ ୬୬୨ ବର୍ଗ ଅଧ୍ୟାପକ । କଲେଜ ଛାଡି ଲୋୟର ପିଏମଜିରେ କରିବେ ଆନ୍ଦୋଳନ । ପେନସନ, ପ୍ରମୋସନ ଏବଂ ସର୍ଭିସ କଣ୍ଡିସନ ପାଇଁ ଜୋରଦାର ଆନ୍ଦୋଳନ କରିବେ ବୋଲି କହିଛି ସଂଘ। ୮ ମାସ ହେବ ରାଜ୍ୟ ସରକାର ଆଲୋଚନା କରୁନାହାନ୍ତି ।
ମୁଖ୍ୟମନ୍ତ୍ରୀ କହୁଛନ୍ତି ଅଧ୍ୟାପକଙ୍କ ପାଇଁ ସରକାର ଗଭୀର ଭାବରେ ଚିନ୍ତା କରୁଛନ୍ତି । ଗତ ବିଧାନସଭା ଅଧିବେଶନରୁ ଆଉ ଏକ ଅଧିବେଶନ ଆରମ୍ଭ ହେବାକୁ ଯାଉଛି । କିନ୍ତୁ ଛାତ୍ରଛାତ୍ରୀଙ୍କ ଭବିଷ୍ୟତ ଗଢୁଥିବା ଅଧ୍ୟାପକଙ୍କ ବିଷୟରେ ଚିନ୍ତା କରିବା ପାଇଁ ସରକାରଙ୍କର ସମୟ ନାହିଁ । ତେଣୁ ପରୀକ୍ଷାରେ ସହଯୋଗ କରିବେ । ଦାବି ପୂରଣ ନହେଲେ ଅଧ୍ଯାପକ ମୂଲ୍ୟାୟନ କରିବେନି ବୋଲି କହିଛି ସଂଘ । ପୂର୍ବ ନବୀନ ସରକାର ଅଧ୍ୟାପକଙ୍କ ପାଇଁ ଅନେକ ଗୁରତ୍ବପୂର୍ଣ୍ଣ ପଦକ୍ଷେପ ନେଇଥିଲେ । ଏବେ ବିଜେପି ସରକାରର ଉଚ୍ଚଶିକ୍ଷା ମନ୍ତ୍ରୀ ଶୁଣୁ ନାହାଁନ୍ତି । ଚାକିରି ସରିଲେ ବିନା ପେନସନରେ କେମିତି ଚଳିବେ ଅଧ୍ୟାପକ ବୋଲି ପ୍ରଶ୍ନ କରିଛନ୍ତି ସଂଘ ।
