spot_img
Home Blog Page 1065

ଆଜି ପ୍ରକାଶ ପାଇବ ମାଟ୍ରିକ୍ ରେଜଲ୍ଟ

ଭୁବନେଶ୍ୱର: ଆଜି ପ୍ରକାଶ ପାଇବ ମାଟ୍ରିକ୍ ରେଜଲ୍ଟ । ଅପରାହ୍ନରେ ପ୍ରକାଶ ପାଇବ ମାଟ୍ରିକ ରେଜଲ୍ଟ। ରେଜଲ୍ଟ ପ୍ରକାଶ ନେଇ ବୋର୍ଡ ପକ୍ଷରୁ ପ୍ରସ୍ତୁତି ଚୂଡାନ୍ତ।
ସନ୍ଧ୍ୟା ୬ଟା ପରେ ଓ୍ୱେବସାଇଟରେ ଉପଲବ୍ଧ ହେବ ରେଜଲ୍ଟ। www.bseodisha.ac.inରେ ଉପଲବ୍ଧ ହେବ ଫଳାଫଳ। ଇଣ୍ଟରନେଟ ନଥିବା ଅଞ୍ଚଳରେ SMS ମାଧ୍ୟମରେ ମିଳିବ ରେଜଲ୍ଟ ।

ଚଳିତବର୍ଷ ପରୀକ୍ଷା ଦେଇଥିଲେ ୫ ଲକ୍ଷରୁ ଅଧିକ ପରୀକ୍ଷାର୍ଥୀ। ୩ ହଜାର ୧୩୩ଟି କେନ୍ଦ୍ରରେ ହୋଇଥିଲା ମାଟ୍ରିକ ପରୀକ୍ଷା। ୩୧୪ ନୋଡାଲ ସେଣ୍ଟର ସମେତ ୬ଶହ ସମ୍ବେଦନଶୀଳ ପରୀକ୍ଷା କେନ୍ଦ୍ରରେ ଲାଇଭ୍ ଭିଡିଓ ବ୍ୟବସ୍ଥା କରାଯାଇଥିଲା।

ଭାରତକୁ ଧମକ ଦେଲେ ୟୁନୁସଙ୍କ ସହଯୋଗୀ,ପାକିସ୍ତାନ ଉପରେ ଆକ୍ରମଣ କଲେ ଆସାମ ସହିତ 6 ରାଜ୍ୟକୁ କରିବୁ ଅଧିକାର

ନନ୍ଦିଘୋଷ ବ୍ୟୁରୋ: ଭାରତକୁ ଧମକ ଦେଲେ ୟୁନୁସଙ୍କ ସହଯୋଗୀ । କହିଲେ ଯଦି ପାକିସ୍ତାନ ଉପରେ ଭାରତ ଆକ୍ରମଣ କରେ ତାହାଲେ ବାଂଲାଦେଶ ଭାରତର ୭  ଉତ୍ତର ପୂର୍ବ ରାଜ୍ୟକୁ ଦଖଲ କରିବ ।  ତାଙ୍କ ନାଁ ହେଉଛି ଫଜଲୁର ରହମାନ । ସେ କହିଛନ୍ତି, ଯଦି ଭାରତ ପାକିସ୍ତାନ ଉପରେ ଆକ୍ରମଣ କରେ, ତେବେ ବାଂଲାଦେଶ ଉତ୍ତର-ପୂର୍ବ ଭାରତର ସାତଟି ରାଜ୍ୟ ଦଖଲ କରିବା ଉଚିତ। ଏହି ପରିପ୍ରେକ୍ଷୀରେ, ମୁଁ ଭାବୁଛି ଚୀନ୍ ସହିତ ଏକ ମିଳିତ ସାମରିକ ବ୍ୟବସ୍ଥା ଉପରେ ଆଲୋଚନା ଆରମ୍ଭ କରିବା ଆବଶ୍ୟକ ।

ଫଜଲୁର ରହମାନ କିଏ?

ଫଜଲୁର ରହମାନ, ଜଣେ ଅବସରପ୍ରାପ୍ତ ସେନା ଅଧିକାରୀ, ୨୦୦୧ ମସିହାରେ ଭାରତ ସହିତ ସୀମା ସଂଘର୍ଷ ସମୟରେ ବାଂଲାଦେଶ ରାଇଫଲ୍ସ (BDR)ର ନେତୃତ୍ୱ ନେଇଥିଲେ, ଯେଉଁଥିରେ ୧୬ ଜଣ BSF କର୍ମଚାରୀ ନିହତ ହୋଇଥିଲେ।

ବରିଷ୍ଠ କଂଗ୍ରେସ ନେତା ଏବଂ ପୂର୍ବତନ କେନ୍ଦ୍ରମନ୍ତ୍ରୀ ଡକ୍ଟର ଗିରିଜା ବ୍ୟାସଙ୍କର ପରଲୋକ

ନନ୍ଦିଘୋଷ ବ୍ୟୁରୋ: ବରିଷ୍ଠ କଂଗ୍ରେସ ନେତା ଏବଂ ପୂର୍ବତନ କେନ୍ଦ୍ରମନ୍ତ୍ରୀ ଡକ୍ଟର ଗିରିଜା ବ୍ୟାସଙ୍କର  ଅହମଦାବାଦରେ ପରଲୋକ ହୋଇଯାଇଛି। ସେ ଗତ ଗୋଟିଏ ମାସ ଧରି ହସ୍ପିଟାଲରେ ଭର୍ତ୍ତି ଥିଲେ। କୁହାଯାଏ ଯେ ଗଙ୍ଗୌର ପୂଜା ସମୟରେ ତାଙ୍କ ସ୍କାର୍ଫରେ ନିଆଁ ଲାଗିଯିବାରୁ ସେ ଗୁରୁତର ଭାବରେ ପୋଡ଼ି ଯାଇଥିଲେ। ପ୍ରାୟ ୯୦ ପ୍ରତିଶତ ପୋଡ଼ିଯିବା ଯୋଗୁଁ, ତାଙ୍କ ଅବସ୍ଥା ଖରାପ ହେବାକୁ ଲାଗିଥିଲା ଏବଂ ଶେଷରେ ସେ ଅହମଦାବାଦର ଜାଇଡସ୍ ହସ୍ପିଟାଲରେ ଶେଷ ନିଶ୍ୱାସ ତ୍ୟାଗ କରିଛନ୍ତି। ପରିବାର ସଦସ୍ୟଙ୍କ କହିବା ଅନୁଯାୟୀ, ତାଙ୍କ ମୃତଦେହକୁ ଉଦୟପୁର ଅଣାଯାଉଛି, ଯେଉଁଠାରେ ତାଙ୍କର ଶେଷକୃତ୍ୟ ଏବଂ ଅନ୍ତିମ ସଂସ୍କାର ପାଇଁ ବ୍ୟବସ୍ଥା ହୋଇଛି

ଆସନ୍ତାକାଲି ପ୍ରକାଶ ପାଇବ ମାଟ୍ରିକ୍ ରେଜଲ୍ଟ

କଟକ: ଆସନ୍ତାକାଲି ପ୍ରକାଶ ପାଇବ ମାଟ୍ରିକ୍ ରେଜଲ୍ଟ । କାଲି ଅପରାହ୍ନରେ ପ୍ରକାଶ ପାଇବ ମାଟ୍ରିକ ରେଜଲ୍ଟ। ରେଜଲ୍ଟ ପ୍ରକାଶ ନେଇ ବୋର୍ଡ ପକ୍ଷରୁ ପ୍ରସ୍ତୁତି ଚୂଡାନ୍ତ।
ଆସନ୍ତାକାଲି ସନ୍ଧ୍ୟା ୬ଟା ପରେ ଓ୍ୱେବସାଇଟରେ ଉପଲବ୍ଧ ହେବ ରେଜଲ୍ଟ। www.bseodisha.ac.inରେ ଉପଲବ୍ଧ ହେବ ଫଳାଫଳ। ଇଣ୍ଟରନେଟ ନଥିବା ଅଞ୍ଚଳରେ SMS ମାଧ୍ୟମରେ ମିଳିବ ରେଜଲ୍ଟ । ଚଳିତବର୍ଷ ପରୀକ୍ଷା ଦେଇଥିଲେ ୫ ଲକ୍ଷ ୨୨ ହଜାର ୩୬୬ ପରୀକ୍ଷାର୍ଥୀ । ୩ ହଜାର ୧୩୩ଟି କେନ୍ଦ୍ରରେ ହୋଇଥିଲା ମାଟ୍ରିକ ପରୀକ୍ଷା ।

ଭାରତରେ ରହୁଥିବା ପାକିସ୍ତାନୀ ନାଗରିକଙ୍କୁ ଲିଭ-ଇଣ୍ଡିଆ ନୋଟିସକୁ ନେଇ ସୁପ୍ରିମକୋର୍ଟରେ ମାମଲା

ନନ୍ଦିଘୋଷ ବ୍ୟୁରୋ: ଭାରତରେ ରହୁଥିବା କିଛି ପାକିସ୍ତାନୀ ନାଗରିକଙ୍କୁ ଲିଭ-ଇଣ୍ଡିଆ ନୋଟିସକୁ ନେଇ ସୁପ୍ରିମକୋର୍ଟରେ ପହଁଚିଛି ମାମଲା । କାଶ୍ମୀରରେ ରହୁଥିବା ଏକ ପରିବାରର ଛଅ ଜଣ ସଦସ୍ୟଙ୍କୁ ନୋଟିସ ଦିଆଯାଇଛି । କିନ୍ତୁ ସେମାନଙ୍କରୁ କୋର୍ଟରେ ମାମଲା ଦାୟର କରିଥିବା ଓକିଲଙ୍କ କହିବା ଅନୁଯାୟୀ ସମ୍ପୃକ୍ତ ବ୍ୟକ୍ତିଙ୍କୁ ଭାରତୀୟ ପାର୍ସପୋର୍ଟ ମିଳିଛି । ସେମାନଙ୍କୁ ଆଧାର କାର୍ଡ ଓ ଭୋଟର ପରିଚୟପତ୍ର ବି ମିଳିଛି । ସେମାନଙ୍କ ମଧ୍ୟରୁ ଦୁଇ ଜଣ ବାଙ୍ଗାଲୋରରେ ଇଂଜିନିୟର ଭାବେ କାମ କରୁଛନ୍ତି । ଭାରତର ନାଗରିକ ଭାବେ ସେମାନଙ୍କ ପାଖରେ ସବୁ ପ୍ରକାର ଦସ୍ତବେଜ ଥିବା ବେଳେ ସେମାନଙ୍କୁ ଭାରତ ଛାଡିବାକୁ ନୋଟିସ ଜାରି କରାଯାଇଛି । ଏହି ପରିବାର ଏବେ ସୀମାରେ କୋର୍ଟ ନିର୍ଦ୍ଦେଶକୁ ଅପେକ୍ଷା କରିଥିବା କହିଛନ୍ତି ତାଙ୍କ ଓକିଲ କ୍ରାନ୍ତି କୁମାର। …

ଘନ ଘନ ବୈଠକ ସତ୍ତ୍ବେ ସସପେନ୍ସରେ ପାକିସ୍ତାନ ପ୍ରତି ଆକ୍ସନ

ନନ୍ଦିଘୋଷ ବ୍ୟୁରୋ: ପହଲଗାଓଁ ଆତଙ୍କୀ ହମଲା ହୋଇଥିଲା ୨୨ ତାରିଖରେ । ୟା ଭିତରେ ୮ ଦିନ ବିତି ଆଜି ୯ ଦିନରେ ପହଞ୍ଚିଲାଣି । ଆତଙ୍କୀ ହମଲା ପଛରେ ସମ୍ପୂର୍ଣ୍ଣ ଭାବେ ପାକିସ୍ତାନର ହାତ ରହିଥିବା ସ୍ପଷ୍ଟ ହୋଇଥିଲେ ସୁଦ୍ଧା ପାକିସ୍ତାନ ବିରୁଦ୍ଧରେ ଏଯାଏଁ ହୋଇନି କୌଣସି ସାମରିକ କାର୍ଯ୍ୟାନୁଷ୍ଠାନ ।ପହଲଗାଁଓ ଆତଙ୍କୀ ହମଲା ପରେ କେନ୍ଦ୍ର ସରକାର ତତ୍ପର ହୋଇଉଠିଥିଲେ । ତୁରନ୍ତ କୂଟନୈତିକ ପଦକ୍ଷେପ ହିସାବରେ ସିନ୍ଧୁ ଜଳ ଚୁକ୍ତିକୁ ବାତିଲ କରିବା ସହ ୫ଟି ଗୁରୁତ୍ଵପୂର୍ଣ୍ଣ ପଦକ୍ଷେପ ନେଇଥିଲେ ।ଗତକାଲି ଭାରତୀୟ ବାୟୁ ସୀମାରେ ପାକିସ୍ତାନ ପାଇଁ କଟକଣା ଜାରି ହୋଇଛି । କାଶ୍ମୀର ଉପତ୍ୟକାରେ ଆତଙ୍କବାଦୀଙ୍କ ୯ଟି ଘରକୁ ସେନା ଭାଙ୍ଗି ଚୁରମାର କରିଛି । ଘଟଣାରେ ସଂପୃକ୍ତ ୪ ଆତଙ୍କବାଦୀଙ୍କ ସ୍କେଚ୍ ଜାରି କରିବା ସହ ସେମାନଙ୍କ ଲୋକେସନ ଟ୍ରାକ୍ କରାଯାଇଛି । ଆତଙ୍କୀକୁ ସହଯୋଗ କରିଥିବା ଅଭିଯୋଗରେ ୨୦୦ ସ୍ଥାନୀୟ ସଂଦିଗ୍ଧ ବାସିନ୍ଦାଙ୍କୁ ଅଟକ ରଖାଯାଇଛି ।ଦେଶର ୧୦୦ ସ୍ଥାନରେ NIAର ତଦନ୍ତ ଜାରି ରହିଛି । ଆଜି NIA ଡିଜି ପହଲଗାଁଓ ଗସ୍ତ କରିଛନ୍ତି । ଗତକାଲି ତିନି ଜଣଙ୍କୁ ଗିରଫ କରାଯାଇଛି । ଏପଟେ ଆରବସାଗରରେ ନୌସେନା ସମରାଭ୍ୟାସ କରୁଥିବାବେଳେ ଗୋପନ ସ୍ଥାନରେ ସ୍ଥଳ ସେନା ସମରାଭ୍ୟାସ ଜାରି ରଖିଛି । ପଞ୍ଜାବ ସୀମାରେ ଆଣ୍ଟିଡ୍ରୋନ ସିଷ୍ଟମ କାର୍ଯ୍ୟକାରୀ କରାଯାଇଛି ।

ଭାରତର ଘୋଷଣା ମୁତାବକ ଭାରତରେ ଥିବା ପାକିସ୍ତାନୀ ୱାଘା-ଅଟ୍ରି ସୀମା ଦେଇ ପାକିସ୍ତାନ ପ୍ରତ୍ୟାବର୍ତ୍ତନ କରୁଛନ୍ତି । ସେହିଭଳି ପାକିସ୍ତାନରେ ଥିବା ଭାରତୀୟ ନାଗରିକ ମଧ୍ୟ ଭାରତ ଫେରୁଛନ୍ତି । ଗତ ତିନି ଦିନ ହେଲା ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ସିସିଏସ ବୈଠକ ସମେତ ଅନେକ ଗୁରୁତ୍ଵପୂର୍ଣ୍ଣ ବୈଠକ ଅନୁଷ୍ଠିତ ହୋଇଯାଇଛି । ଏପଟେ ଗତ ୯ ଦିନ ହେଲା ଅନ୍ଧାର ହେବା ମାତ୍ରେ ସୀମା ସେପଟୁ ପାକିସ୍ତାନ କମାଣ ଗର୍ଜୁଛି । ଭାରତୀୟ ସୀମା ସୁରକ୍ଷା ବଳ ଏବଂ ସେନା ତା’ର ଜବାବ ଦେଉଛନ୍ତି । ଦୁଇ ଦିନ ତଳେ ଏହାକୁ ନେଇ ଭାରତ ଓ ପାକିସ୍ତାନ ମଧ୍ୟରେ ସେନା ସ୍ତରୀୟ ଆଲୋଚନା ହୋଇଥିଲେ ମଧ୍ୟ ପରିସ୍ଥିତିରେ କୌଣସି ସୁଧାର ଆସିନାହିଁ । ବିଶ୍ଵର ବିଭିନ୍ନ ରାଷ୍ଟ୍ର ଆତଙ୍କବାଦ ବିରୁଦ୍ଧରେ ଭାରତର ଅଭିଯାନକୁ ସମର୍ଥନ ଜଣାଇଛନ୍ତି ।ଆମେରିକା ମଧ୍ୟ ଆତଙ୍କବାଦ ବିରୁଦ୍ଧରେ ଶୂନ୍ୟ ସହନଶୀଳତା କଥା କହିଛି । କିନ୍ତୁ ପହଲଗାଁଓରେ ଆତଙ୍କୀ ଆକ୍ରମଣରେ ଯାଇଥିବା ୨୬ ନିରୀହ ଜୀବନର ପ୍ରତିଶୋଧ ନେବା ଲାଗି ଦେଶରେ ମତପ୍ରକାଶ ପାଇଥିବାବେଳେ ଏ ଯାଏଁ କୌଣସି ସାମରିକ କାର୍ଯ୍ୟାନୁଷ୍ଠାନ ଖବର ଆସିନାହିଁ । ଏଥିସହ ଯୁଦ୍ଧ ଏକମାତ୍ର ବିକଳ୍ପ ନୁହେଁ ବୋଲି ମଧ୍ୟ କିଛି ମତ ଆସୁଛି ।

ସେପଟେ ପାକିସ୍ତାନ ମଧ୍ୟ ସମ୍ଭାବ୍ୟ ସାମରିକ କାର୍ଯ୍ୟାନୁଷ୍ଠାନ ନେଇ ଆଶଙ୍କା ପ୍ରକାଶ କରିଛି । ପାକିସ୍ତାନ ଗତକାଲି କହିଥିଲା ଯେ, ୨୪ରୁ ୩୬ ଘଣ୍ଟା ମଧ୍ୟରେ ଭାରତ ସାମରିକ କାର୍ଯ୍ୟାନୁଷ୍ଠାନ ନେଇପାରେ ବୋଲି ସେମାନଙ୍କ ପାଖରେ ଗୁଇନ୍ଦା ତଥ୍ୟ ରହିଛି । ଆଜି ପାକିସ୍ତାନର ରାଷ୍ଟ୍ରୀୟ ସୁରକ୍ଷା ପରାମର୍ଶଦାତା ପରିବର୍ତ୍ତନ ହୋଇଛନ୍ତି । ସୀମାରେ ପାକିସ୍ତାନ ଅଧିକରୁ ଅଧିକ ସେନା ଠୁଳ କରୁଥିବା ଖବର ମଧ୍ୟ ରହିଛି । ସିନ୍ଧୁ ଜଳ ବନ୍ଦ କଲେ ରକ୍ତର ନଦୀ ବହିବ ବୋଲି ପାକିସ୍ତାନ କହିସାରିଛି । ୟା ଭିତରେ ସମଗ୍ର ଦେଶ ଅପେକ୍ଷା କରିଛି ଭାରତ କ’ଣ ପଦକ୍ଷେପ ନେବାକୁ ଯାଉଛି ।

ବିକଶିତ ଭାରତ ଓ ବିକଶିତ ଓଡ଼ିଶାର ଗତି ଦିଗହରା, ଅଭିବୃଦ୍ଧି ହାର ଛୁଇଁ ପାରିବନି ୬ ପ୍ରତିଶତ

ଭୁବନେଶ୍ବର: ବିକଶିତ ଭାରତ ଓ ବିକଶିତ ଓଡ଼ିଶାର ଗତି ଦିଗହରା । ଡବଲ ଇଞ୍ଜିନ ସରକାରରେ ଡବଲ ସ୍ବପ୍ନ ଚୁରମାର । ଡବଲ ବିକାଶର ଅଭିବୃଦ୍ଧି ହାର ୬ ପ୍ରତିଶତ ବି ଛୁଇଁପାରିବ ନାହିଁ ବୋଲି ଆକଳନ କରିଛି ଅନ୍ତର୍ଜାତୀୟ ମୁଦ୍ରା ପାଣ୍ଠି l ଏହାରି ଭିତରେ ଅର୍ଥନୀତି ପରିଚାଳନା ସଠିକ୍ ନଥିବାରୁ ବିକାଶର ନକ୍ସା ଦିଗହରା ହୋଇଛି । ପୂର୍ବତନ ଅର୍ଥମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ପଞ୍ଚାନନ କାନୁନଗୋ କହିଛନ୍ତି ଯେ, ବିଜେପି ସରକାର ସମୟରେ ଅର୍ଥନୈତିକ ସ୍ଥିତି ପୂରା ଦେଶରେ ଦିଗହରା ହୋଇଛି l ଯାହାକୁ ସଜାଡିବାରେ ଫେଲ ମାରିଛି ବିଜେପି ସରକାର l ସେପଟେ ବିଜେଡି କହିଛି ନବୀନ ପଟ୍ଟନାୟକଙ୍କ ନେତୃତ୍ବରେ ଓଡିଶା ଆର୍ଥିକ ପରିଚାଳନାରେ ଦେଶରେ ଅଗ୍ରଣୀ ଥିଲା l ହେଲେ ୧୧ମାସର ବିଜେପି ସରକାର ଏହାକୁ ଠିକ ଦିଶାରେ ନେଇପାରୁନାହିଁ l ଫଳରେ ଓଡିଶାର ବିକାଶ ଆଜି ଠପ୍ ହୋଇଯାଇଛି l ଫଳରେ ବିକଶିତ ଗାଁ ଓ ବିକଶିତ ଓଡିଶାର ସ୍ବପ୍ନ ସ୍ବପ୍ନରେ ରହିଯିବ l ତେଣୁ ବିଜେପି ସରକାର ବିକାଶର ଅଭିବୃଦ୍ଧିକୁ ଗୁରୁତ୍ଵ ଦେବା ଆବଶ୍ୟକ ବୋଲି ବିଜେଡି ନେତା ପ୍ରଶାନ୍ତ ମୁଦୁଲି କହିଛନ୍ତି l

ଅନ୍ତର୍ଜାତୀୟ ମୁଦ୍ରା ପାଣ୍ଠି ଦେଶର ବିକାଶ ଅଭିବୃଦ୍ଧି ୬ ପ୍ରତିଶତ ଛୁଇଁବନାହିଁ ବୋଲି ବହୁ ପୂର୍ବରୁ ଆକଳନ କରିଛି l ଆଉ ଏବେ ପହଲଗାଓଁ ଆକ୍ରମଣ ନେଇ ଆଗକୁ କଣ ହେବ ତାହା ବି ଆକଳନ କରିପାରୁନାହାନ୍ତି ବିଶେଷଜ୍ଞ l ଡବଲ ଇଞ୍ଜିନ ସରକାର ବିକାଶ ଉପରେ ଓ ଆର୍ଥିକ ପରିଚାଳନା ଉପରେ ଫୋକସ କରିବାର ସମୟ ଆସିଛି ବୋଲି ରାଜନୈତିକ ସମୀକ୍ଷକ କହିଛନ୍ତି l ସେପଟେ ବିଜେପି କହିଛି ସବୁ ଦିଗକୁ ବିଚାରକୁ ନେଇ ଡବଲ ଇଞ୍ଜିନ ସରକାର କାମ କରୁଛି l

୨୦୦୦ ମସିହାରୁ ଓଡ଼ିଶାର ନେତୃତ୍ଵ ନେଇ ନବୀନ ପଟ୍ଟନାୟକ ଉଜୁଡ଼ା ଓଡ଼ିଶାକୁ ଅଭିବୃଦ୍ଧିଶାଳୀ ଓଡ଼ିଶାରେ ପରିଣତ କରିଥିଲେ l ଆର୍ଥିକ ପରିଚାଳନାରେ ଓଡ଼ିଶା ସାରା ଦେଶକୁ ବାଟ ଦେଖାଇଥିଲା l ଓଡିଶାର ବିକାଶ ବି ଦ୍ରୁତ ଗତିରେ ଆଗେଇ ଚାଲିଥିଲା l ହେଲେ ଡବଲ ଇଞ୍ଜିନ ସରକାର କେବଳ ସ୍ବପ୍ନ ଦେଖାଇ ଏଥିରେ ବ୍ରେକ୍ ଲଗାଇଛି l ଏପରି ସ୍ଥିତିରେ ବିକଶିତ ଭାରତ ଓ ବିକଶିତ ଓଡିଶାର ଆଜି ଗତି ଦିଶାହୀନ ହୋଇପଡିଛି ବୋଲି କୁହାଯାଉଛି ।

ଓଡ଼ିଶାର କେତେ ଲୋକ ରାଜ୍ୟ ବାହାରେ ଖଟୁଛନ୍ତି ଦାଦନ ? ସରକାରଙ୍କ ପାଖରେ ନାହିଁ ତଥ୍ୟ

ଭୁବନେଶ୍ବର: କେତେ ଅସହାୟ ରାଜ୍ୟର ବିଜେପି ସରକାର। ଓଡ଼ିଶାର କେତେ ଲୋକ ରାଜ୍ୟ ବାହାରେ ଖଟୁଛନ୍ତି ଦାଦନ ? କେତେ ନିର୍ଯାତିତ ହେଉଛନ୍ତି ଓ କେତେ ଜଣଙ୍କ ଜୀବନ ଯାଉଛି ? ରାଜ୍ୟ ସରକାରଙ୍କ ପାଖରେ ନାହିଁ ତଥ୍ୟ। ଅନ୍ତର୍ଜାତୀୟ ଶ୍ରମିକ ଦିବସ ପାଳନ ଅବସରରେ ରାଜ୍ୟର ଦାଦନ ପ୍ରସଙ୍ଗକୁ ନେଇ ନିଜର ଦୁର୍ବଳତା ବଖାଣିଛନ୍ତି ସରକାର। ଶ୍ରମିକ ଦିବସରେ ଉଭୟ ମୁଖ୍ୟମନ୍ତ୍ରୀ ଓ ଶ୍ରମମନ୍ତ୍ରୀ ମାନିଛନ୍ତି ଯେ, ଓଡ଼ିଶାର ଦାଦନ ସମ୍ପର୍କରେ ସରକାରଙ୍କ ପାଖରେ ନାହିଁ ଡାଟା। କେତେ ଲୋକ ଦାଦନ ଖଟିବାକୁ ଯାଉଛନ୍ତି ତାର ନାହିଁ ସଠିକ ତଥ୍ୟ। ସରକାରୀ ରେକର୍ଡ ଅନୁସାରେ, ରାଜ୍ୟ ବାହାରକୁ ଦାଦନ ଖଟିବାକୁ ଯାଇଥିବା ଶ୍ରମିକଙ୍କ ସଂଖ୍ୟା ମାତ୍ର ୭୦ ହଜାର। କିନ୍ତୁ ବାସ୍ତବ ଚିତ୍ର ପୂରା ଓଲଟା। ପଶ୍ଚିମ ଓଡ଼ିଶାର ୯ଟି ଜିଲ୍ଲାକୁ ଦାଦନ ପ୍ରବଣ ବୋଲି ଚିହ୍ନଟ କରାଯାଇଛି। ପ୍ରତ୍ୟେକ ଦିନ ରାଜ୍ୟ ବାହାରେ ଶ୍ରମିକଙ୍କର ଜୀବନ ଯାଉଛି। ହେଲେ ସରକାର ତଥ୍ୟ ପାଉନାହାନ୍ତି ବୋଲି ମାନିଛନ୍ତି ଶ୍ରମମନ୍ତ୍ରୀ। ସେପଟେ ନୂଆପଡା, ବଲାଙ୍ଗୀର, କଳାହାଣ୍ଡିରୁ ଅଧିକ ଲୋକ ଦାଦନ ଖଟିବାକୁ ଯାଉଛନ୍ତି। ଦାଦନ ସମସ୍ୟାର ସମାଧାନ ପାଇଁ ଟାସ୍କ ଫୋର୍ସ ଗଠନ ସହ ସ୍ବତନ୍ତ୍ର ପଲିସି ଅଣାଯିବ ବୋଲି କହିଛନ୍ତି ମୁଖ୍ୟମନ୍ତ୍ରୀ।

ସେପଟେ ରାଜ୍ୟ ଓ ଦେଶରେ ଶ୍ରମିକ ବିରୋଧୀ ସରକାର ଚାଲିଥିବା ଅଭିଯୋଗ କରିଛି ବିଜୁ ଶ୍ରମିକ ସାମ୍ମୁଖ୍ୟ। କେନ୍ଦ୍ର ସରକାରଙ୍କ ଦ୍ବାରା ଅଣାଯାଇଥିବା ୪ଟି ଶ୍ରମ କୋଡକୁ ବିରୋଧ କରୁଛନ୍ତି ପ୍ରମୁଖ ରାଜନୈତିକ ଦଳ। ନବୀନ ପଟ୍ଟନାୟକ ଶ୍ରମିକଙ୍କ ସର୍ବନିମ୍ନ ମଜୁରୀ ୧୦୭ ଟଙ୍କା ବଢ଼ାଇଥିଲେ। କିନ୍ତୁ ଏବେର ସରକାର ବଢ଼ାଇଲେ ମାତ୍ର ୧୦ ଟଙ୍କା। ଶ୍ରମିକଙ୍କ କାର୍ଯ୍ୟ ସମୟ ୮ରୁ ୧୨ ଘଣ୍ଟା ହେଲାଣି। ତେଣୁ ଶ୍ରମିକଙ୍କୁ କିଭଳି ନ୍ୟାୟ ମିଳିବ ସେନେଇ ଯୁକ୍ତି ବାଢ଼ିଛି ବିଜୁ ଶ୍ରମିକ ସାମ୍ମୁଖ୍ୟ। ଅନ୍ୟପଟେ ଶ୍ରମିକଙ୍କୁ ବିଭିନ୍ନ ଉପାୟରେ ଲୁଣ୍ଠନ କରାଯାଉଛି ବୋଲି ଅଭିଯୋଗ କରିଛି ସିଟୁ। ତେଣୁ ପ୍ରଥମେ ଶ୍ରମିକଙ୍କ ସର୍ବନିମ୍ନ ଆବଶ୍ୟକତା ସାଙ୍ଗକୁ ସୁରକ୍ଷା ଉପରେ ଧ୍ୟାନ ଦିଆଯାଉ ବୋଲି ଦାବି ହୋଇଛି।

ଜନମତ ଆଗରେ ମୁଣ୍ଡ ନୁଆଁଇଲେ କେନ୍ଦ୍ର ସରକାର, ଜାତିଭିତ୍ତିକ ଜନଗଣନା ପାଇଁ ନେଲେ ନିଷ୍ପତ୍ତି

ନନ୍ଦିଘୋଷ ବ୍ୟୁରୋ: ଜନମତ ଆଗରେ ମୁଣ୍ଡ ନୁଆଁଇଲେ କେନ୍ଦ୍ର ସରକାର । ଜାତିଭିତ୍ତିକ ଜନଗଣନା ପାଇଁ ନେଲେ ନିଷ୍ପତ୍ତି । ୨୦୧୦ରୁ ବିଜୁ ଜନତା ଦଳ ସଂସଦରୁ ବିଧାନସଭା ଯାଏଁ ଏହି ଦାବି କରି ଆସୁଥିଲା । ଗତକାଲି ଜାତ୍ତିଭିତ୍ତିକ ଜନଗଣନା ପାଇଁ କେନ୍ଦ୍ର କ୍ୟାବିନେଟର ନିଷ୍ପତ୍ତି ପରେ ସାମ୍ବାଦିକ ସମ୍ମିଳନୀ କରି ବିଜେଡି କହିଛି ଯେ, ପୂର୍ବରୁ ଓବିସି ଷ୍ଟାଣ୍ଡିଂ କମିଟି ଆଗରେ ଦାବି ଉପସ୍ଥାପନ କରିଥିଲା ଦଳ । କିନ୍ତୁ କେନ୍ଦ୍ରର ଏନଡିଏ ସରକାର ଏହି ଦାବିକୁ ଗ୍ରହଣ କରିନଥିଲେ । ଓଡ଼ିଶାର ମୋଟ ଜନସଂଖ୍ୟା ଭିତରୁ ଅନୁସୂଚିତ ଜାତି, ଜନଜାତି ଓ ଅନ୍ୟାନ୍ୟ ପଛୁଆ ବର୍ଗ ୯୪ ପ୍ରତିଶତ । ସେମାନଙ୍କ ଭିତରୁ ଏସସି ଓ ଏସଟି ହେଉଛନ୍ତି ୪୯.୯୮ ପ୍ରତିଶତ । ହେଲେ ସଂରକ୍ଷଣ ମିଳୁଛି କେବଳ ୩୮.୭୫ ପ୍ରତିଶତ । ନବୀନ ପଟ୍ଟନାୟକ ମୁଖ୍ୟମନ୍ତ୍ରୀ ଥିବା ସମୟରେ ଏହି ସଂରକ୍ଷଣକୁ ୨୦ ପ୍ରତିଶତରୁ ବୃଦ୍ଧି କରି ୩୮.୭୫ ପ୍ରତିଶତ କରିଥିଲେ । ହେଲେ ବୈଷୟିକ ଶିକ୍ଷାରେ କେବଳ ସଂରକ୍ଷଣ ବ୍ୟବସ୍ଥା ମାତ୍ର ୨୦ ପ୍ରତିଶତରେ ସୀମିତ ରହିଛି । ୧୨ ପ୍ରତିଶତ ଏସଟି ଓ ୮ ପ୍ରତିଶତ ଏସସିଙ୍କ ପାଇଁ ସଂରକ୍ଷଣ ରହୁଛି । କାହିଁକି ସେମାନଙ୍କୁ ୪୯.୯୮ ପ୍ରତିଶତ ସଂରକ୍ଷଣ ନ ମିଳିବ ବୋଲି ବିଜେଡି ବାରମ୍ବାର ପ୍ରଶ୍ନ କରିଛି । ସେପଟେ ଓବିସିଙ୍କୁ ଆଦୌ ସଂରକ୍ଷଣ ମିଳୁନି । ସଂରକ୍ଷଣର ଲକ୍ଷ୍ମଣରେଖା ଥିବାରୁ ୨୭ ପ୍ରତିଶତ ନ ହେଲେ ବି ବୈଷୟିକ ଶିକ୍ଷାରେ ୧୧.୨୫ ପ୍ରତିଶତ ସଂରକ୍ଷଣ ଦାବି ଉଠାଇ ଆସିଛି ଦଳ । ଏହାକୁ ତୁରନ୍ତ ଲାଗୁ କରିବାକୁ ବିଜେଡି ଦାବି ଦୋହରାଇଛି । ଜାତିଭିତ୍ତିକ ଜନଗଣନା ପାଇଁ ଜାତୀୟ ଦଳ ଭିତରେ ମଧ୍ୟ ଆରମ୍ଭ ହେଲାଣି ଶ୍ରେୟ ରାଜନୀତି । ଭାରତ ଯୋଡ଼ ଯାତ୍ରାରେ ତେଲେଙ୍ଗାନାରେ ରାହୁଲ ଗାନ୍ଧିଙ୍କ ପାଖରେ ଜାତିଭିତ୍ତିକ ଜନଗଣନା ପାଇଁ ଲୋକେ ଦାବି କରିଥିଲେ l କେତେ ସମୟ ସୀମା ମଧ୍ୟରେ ଜାତିଭିତ୍ତିକ ଜନ ଗଣନା କରାଯିବ, ତାହା ସ୍ଥିର କରିବାକୁ କଂଗ୍ରେସ ଦାବି କରିଛି । ସେପଟେ କେନ୍ଦ୍ର ସରକାର ଯୁକ୍ତି ବାଢିଛନ୍ତି ଯେ, କରୋନା ପାଇଁ ୨୦୨୧ରେ ଜନଗଣନା ହୋଇ ପାରିନଥିଲା । ଅନେକ ରାଜନୈତିକ ଦଳ ଜାତିଭିତ୍ତିକ ଜନଗଣନା ପାଇଁ ଦାବି କରିଥିଲେ । ସାମାଜିକ ନ୍ୟାୟ ପାଇଁ ଏହା କରିବାକୁ ଯାଉଛନ୍ତି କେନ୍ଦ୍ର ସରକାର ।

ପୂର୍ବ ସରକାର ଯାହା ଦେଉଥିଲେ ନୂଆ ସରକାର ଛଡ଼ାଇନେଲେ, ଦୁଃଖରେ କେନ୍ଦୁପତ୍ର ତୋଳାଳି

ଭୁବନେଶ୍ବର: ଶ୍ରମିକଙ୍କୁ ପୂର୍ବ ସରକାର ଯାହା ଦେଉଥିଲେ ତାହା ନୂଆ ସରକାର ଛଡ଼ାଇନେଲେ। ଆଉ ଏବେ ଶ୍ରମିକ ଦିବସ ପାଳନ ବେଳେ ବଡ଼ବଡ଼ କଥା କହୁଛନ୍ତି। ଯାହାକୁ ନେଇ କେନ୍ଦୁପତ୍ର ତୋଳାଳି ଓ ଶ୍ରମିକ ନିଜର ଦୁଃଖ ବଖାଣିଛନ୍ତି। ଜଙ୍ଗଲ ଅଧିକାର ଆଇନ ଲାଗୁ ପରେ କେନ୍ଦୁପତ୍ର ସଂସ୍ଥାରୁ ଯେଉଁ ଲାଭ ମିଳେ ସେ ଲାଭାଂଶ କେନ୍ଦୁପତ୍ର ତୋଳାଳି ଓ ସିଜନାଲ କର୍ମଚାରୀଙ୍କ ମଧ୍ୟରେ ବାଣ୍ଟିବା ପାଇଁ ପୂର୍ବ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିଷ୍ପତ୍ତି ନେଇଥିଲେ। କେନ୍ଦୁପତ୍ର କ୍ଷେତ୍ରରେ କାର୍ଯ୍ୟ କରୁଥିବା ତୋଳାଳି ଓ ଶ୍ରମିକଙ୍କୁ ବୋନସଠୁ ଆରମ୍ଭ କରି ମୃତ୍ୟୁକାଳୀନ ସହାୟତା, ପାଣି, ଚପଲ ଓ ଟୋପି ପାଇଁ ଭତ୍ତା ଓ କନ୍ୟା ବିବାହ ପାଇଁ ସହାୟତା ମିଳୁଥିଲା। ହେଲେ ଏସବୁ ଏବେ ଠପ। କେନ୍ଦୁପତ୍ରରେ ଜିଏସଟି ଲାଗୁ ପରେ ଲାଭାଂଶ କମିଲା। ଯାହାକୁ ନେଇ କେନ୍ଦ୍ର ସରକାରଙ୍କୁ ବାରମ୍ବାର ଚିଠି ଲେଖିଥିଲେ ନବୀନ ପଟ୍ଟନାୟକ। ଜିଏସଟି ଉଚ୍ଛେଦ ପାଇଁ ଦାବି କରିଥିଲେ। କିନ୍ତୁ କେନ୍ଦ୍ର ସରକାର କୌଣସି ପଦକ୍ଷେପ ନେଲେ ନାହିଁ। ଯାହା ଫଳରେ ଏବେ ରାଜ୍ୟର ୧୫ ଲକ୍ଷ ମହିଳା କେନ୍ଦୁପତ୍ର ତୋଳାଳିଙ୍କ ସମେତ ୧୮ ହଜାର ସିଜିନାଲ କର୍ମଚାରୀ ଓ ୨୦ ହଜାର ବନ୍ଧେଇ ଶ୍ରମିକ ସଂକଟରେ। ସରକାର ପରିବର୍ତ୍ତନ ହେଲେ କଣ ଯୋଜନା ପରିବର୍ତ୍ତନ ହୁଏକି ବୋଲି ପ୍ରଶ୍ନ କରିଛି କେନ୍ଦୁପତ୍ର କର୍ମଚାରୀ ସଂଘ। ଆଦିବାସୀ ମୁଖ୍ୟମନ୍ତ୍ରୀ ଆଦିବାସୀଙ୍କ କଥା ଶୁଣିବା କଥା। କିନ୍ତୁ ଗତ ୨୧ ତାରିଖରେ ସମ୍ବଲପୁର ଜନଶୁଣାଣି ପାଇଁ ଗଲେ କିନ୍ତୁ, ଏକଥା ଶୁଣିଲେ ନାହିଁ ବୋଲି ଅଭିଯୋଗ ହୋଇଛି। କନ୍ୟା ବିବାହ ସହାୟତା ବନ୍ଦ କରିଦେଲେ। ତେଣୁ ଲୋକଙ୍କ ପାଖକୁ ଯିବାର ଲାଭ କଣ ବୋଲି କହିଛି ସଙ୍ଘ।

ସେପଟେ ବିଜେଡି ଏ ପ୍ରସଙ୍ଗରେ ସରକାରଙ୍କ ଆଭିମୁଖ୍ୟକୁ ସମାଲୋଚନା କରିଛି। ପାହାଡ଼ ଅଞ୍ଚଳରେ ଆଦିବାସୀ ସମ୍ପ୍ରଦାୟର ଜୀବନ ଜୀବିକାର ବାଟ ହେଉଛି କେନ୍ଦୁପତ୍ର। ତେଣୁ ଏଥିରେ ଜିଏସଟି ମାଡ଼ ପ୍ରହାର ସଦୃଶ।ଏପରିକି ବିଜେଡି ସରକାର ସମୟରେ ସେମାନଙ୍କୁ ମିଳୁଥିବା ସୁବିଧା ସୁଯୋଗ ଏବେ ନମିଳିବାକୁ ନେଇ  ସମାଲୋଚନା କଲା ବିଜେଡି।ସେପଟେ ଏହାକୁ ନେଇ ଉତ୍ତର ରଖିଛନ୍ତି ଶ୍ରମମନ୍ତ୍ରୀ। କହିଛନ୍ତି, କେନ୍ଦୁପତ୍ର ତୋଳାଳି ଓ କର୍ମଚାରୀଙ୍କ ଉପରେ ଜିଏସଟିର କିଛି ପ୍ରଭାବ ପଡେନି।ଯେଉଁମାନେ କେନ୍ଦୁପତ୍ର କିଣୁଥିବେ ସେମାନେ ଜିଏସଟି ଦେଉଥିବେ।ଏପରିକି ସେମାନଙ୍କ ପାଇଁ ୫୦କୋଟି ବୋନସ ପ୍ରଦାନ କରାଯାଇଛି। ପରବର୍ତ୍ତୀ ପର୍ଯ୍ୟାୟରେ ୧୦୦ କୋଟି ଦିଆଯିବ ।