୨ଶହ କମ୍ପାନୀର ୧୫ ହଜାର ବୈଜ୍ଞାନିକ ବର୍ଷକୁ ତିଆରି କରନ୍ତି ୬ଶହ କୋଟି ଟିକା

1 min read

ଜିନୋମ୍ ଭ୍ୟାଲି(ହାଇଦ୍ରାବାଦ) : ସହରଠାରୁ ୬୦ କିଲୋମିଟର ଦୂରରେ ପାହାଡ଼ ଓ ଜଙ୍ଗଲ ଭିତରେ ଥିବା ଏହି ଉପତ୍ୟକା ଭାରତକୁ ଦେଉଛି ଦେଶୀ କରୋନା ଟିକା । ଆପଣ ଯେତେବେଳ କରୋନା ଟିକା ନେବେ ସେତେବେଳ ନିଶ୍ଚିତ ଭାବେ ଜିନୋମ ଭ୍ୟାଲିକୁ ମନେ ପକାଇବେ । ମନେ ପକାଇବେ ସେହି ଭ୍ୟାଲିରେ ଘରଠାରୁ ଦୁରରେ ରହି ଯେଉଁ ବୈଜ୍ଞାନିକ ମାନେ ଏହି ଟିକା ତିଆରି କରିଛନ୍ତି । ଜିନୋମ୍ ଭ୍ୟାଲି ହେଉଛି ଏସିଆ ମହାଦେଶର ସବୁଠାର ବଡ ବାୟୋଟେକ୍ ପାର୍କ । ଯେଉଁଠି ୨ଶହ କମ୍ପାନୀ ବିଭିନ୍ନ ଟିକା ତିଆରି କରନ୍ତି ।

ଏସିଆର ବଡ ବାୟୋଟେକ୍ ପାର୍କ
ଜିନୋମ୍ ଭ୍ୟାଲି ମଧ୍ୟକୁ ପ୍ରବେଶ ନେବା ସହଜ କିନ୍ତୁ ଏହା ଭିତରେ ଥିବା କମ୍ପାନୀ ଗୁଡିକ ସାଧାରଣ ଲୋକଙ୍କ ପାଇଁ ନୋ ଏଣ୍ଟ୍ରି ଜୋନ୍ । ଏହି କଟକଣା ପ୍ରଧାନମନ୍ତ୍ରୀଙ୍କ ଗସ୍ତ ପରଠାରୁ ଅଧିକ ବଢିଯାଇଛି । ଭ୍ୟାଲିରେ ଥିବା ୨ଶହ କମ୍ପାନୀଙ୍କ ମଧ୍ୟରୁ ତିନୋଟିରେ ତିଆରି ଚାଲିଛି କରୋନା ଟିକା । ସେହି ତିନି କମ୍ପାନୀ ମଧ୍ୟରୁ ଗୋଟିଏ ହେଉଛି ଭାରତ ବାୟୋଟେକ୍ । ସୂଚନାଯୋଗ୍ୟ ଯେ, ଭାରତ ବାୟୋଟେକ୍ ପରିସରକୁ କିଛି ଦିନ ତଳେ ପ୍ରଧାନମନ୍ତ୍ରୀ ଯାଇଥିଲେ । ଦେଶର ପ୍ରଥମ ଦେଶୀ କରୋନା ଟିକାର ପ୍ରସ୍ତୁତି ବାବଦରେ ଜାଣିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜିନୋମ ଭ୍ୟାଲିରେ ପହଂଚିଥିଲେ ।

Coronavirus | PM takes stock of COVID-19 vaccine development by three firms  - The Hindu

୬ଶହ ବର୍ଗ କିଲୋମିଟର ଅଞ୍ଚଳ
୬ ଶହ ବର୍ଗ କିଲୋମିଟର ଅଞ୍ଚଳରେ ବ୍ୟପ୍ତ ଏହି ଭ୍ୟାଲିକୁ ଦେଶର ସବୁଠାରୁ ବଡ ଲାଇଫ୍ ସାଇନ୍ସ କ୍ଲଷ୍ଟର ବୋଲି ମଧ୍ୟ କୁହାଯାଇଥାଏ । ଜିନୋମ୍ ଭ୍ୟାଲିର ନାମ ଦେଶର ଏସିଆର ଟପ୍ ଲାଇଫ୍ ସାଇନ୍ସ କ୍ଲଷ୍ଟରର ସାମିଲ ଅଛି । ତେବେ କିଛି ମଧ୍ୟ ଏହାକୁ ବିଶ୍ୱର ବୃହତ୍ତମ ବୋଲି କହିଥାନ୍ତି । କୁହାଯାଏ ଯେ, ବିଶ୍ୱରେ ଯେତିକି ଟିକା ବ୍ୟବହାର ହୁଏ ତାହାର ଅଧା ଏଠାରେ ଉତ୍ପାଦିତ ହୋଇଥାଏ । ତେବେ ଏନେଇ କୌଣସି ଆଧିକାରିକ ତଥ୍ୟ ନାହିଁ । ଅବଶ୍ୟ ଗୋଟିଏ କଥା ସତ ବିଶ୍ୱର ପାଖାପାଖି ୨୦୦ ଦେଶ ମଧ୍ୟରୁ ୧୦୦ ଦେଶ ଏଠାରୁ ଭ୍ୟାକ୍ସିନ୍ କିଣିଥାନ୍ତି ।

ଭାରତ ବାୟୋଟେକର କାହାଣୀ
ଭାରତ ବାୟୋଟେକରେ ପ୍ରସ୍ତୁତ ହେଉଛି କୋଭାକ୍ସିନ୍ । ଏହାକୁ ଦେଶର ଦେଶୀ କରୋନା ଭ୍ୟାକ୍ସିନ ବୋଲି କୁହାଯାଉଛି । ତଥ୍ୟ ଅନୁସାରେ ଜୁଲାଇରୁ ନଭେମ୍ବର ପର୍ଯ୍ୟନ୍ତ ଭାରତ ବାୟୋଟେକର ବୈଜ୍ଞାନିକ କମ୍ପାନୀ ଗେଷ୍ଟ ହାଉସରେ ରହୁଥିଲେ । ସେମାନେ କୋଭିଡ୍ ଟିକା ବିକାଶ କରିବାରେ ଏତେ ବ୍ୟସ୍ତ ଥିଲେ ଯେ, ଘରକୁ ଯିବା ପାଇଁ ସେମାନଙ୍କ ପାଖରେ ସମୟ ନଥିଲା । ଡିସେମ୍ବର ମାସରୁ ବୈଜ୍ଞାନିକ ମାନେ ଘରକୁ ଯିବା ଆସିବା କରୁଛନ୍ତି ।

ବସ୍ ଦ୍ୱାରା ଆସନ୍ତି ବୈଜ୍ଞାନିକ
ସହରଠାରୁ ଢେର ଦୁରରେ ଥିବାରୁ ଏଠାରେ କାମ କରୁଥିବା ବୈଜ୍ଞାନିକ ତଥା ଅନ୍ୟ କର୍ମଚାରୀ କମ୍ପାନୀ ବସରେ ଯିବା ଆସିବା କରିଥାନ୍ତି । ଜିନୋମ୍ ଭ୍ୟାଲି ମଧ୍ୟ ଦେଇ ଏହାର ଆଖପାଖରେ ଥିବା ଗାଁକୁ ରାସ୍ତା ରହିଛି ତେଣୁ ଭ୍ୟାଲି ମଧ୍ୟକୁ ପ୍ରବେଶ ଅନୁମତି ରହିଛି । କିନ୍ତୁ କୌଣସି କମ୍ପାନୀ ମଧ୍ୟକୁ ବାହାର ଲୋକଙ୍କ ପ୍ରବେଶ ନିଶେଧ । ଏଠାରେ ଭୟଙ୍କର ଭାଇରସଙ୍କ ଉପରେ କାମ ଚାଲୁଥିବାରୁ ବାହାର ଲୋକଙ୍କ ପ୍ରବେଶ ଉପରେ ପ୍ରତିବନ୍ଧକ ରହିଛି

୧୫ ହଜାର ବୈଜ୍ଞାନିକ,୬ ଶହ କୋଟି ଡୋଜ୍
ଜିନୋମ୍ ଭ୍ୟାଲିରେ ଏଗ୍ରିକଲଚର ବାୟୋଟେକ୍,କ୍ଲିନିକାଲ ରିସର୍ଚ୍ଚ ମ୍ୟାନେଜମେଣ୍ଟ୍,ବାୟୋଫାର୍ମା,ଭ୍ୟାକ୍ସିନ୍ ମ୍ୟାନୁଫ୍ୟାକ୍ଚରିଂ,ରେଗୁଲେଟରି ଆଣ୍ଡ୍ ଟେଷ୍ଟିଂ କରୁଥିବା ୨ଶହରୁ ଅଧିକ କମ୍ପାନୀଙ୍କ ଲାବ୍ରୋଟୋରି ଅଛି । ତେଣୁ ଏହାକୁ ଲାଇଫ୍ ସାଇନ୍ସ କ୍ଲଷ୍ଟର କୁହାଯାଇଥାଏ ।

ଭାରତ ବାୟୋଟେକ୍ ପ୍ରତିଷ୍ଠାତାଙ୍କ ଫଳ
ଜିନୋମ୍ ଭ୍ୟାଲି ପ୍ରତିଷ୍ଠା ପଛରେ ଅଛି ଭାରତ ବାୟୋଟେକ୍ ଏମଡି ଡାକ୍ତର କୃଷ୍ଣା ଏମ୍ ଏଲାଙ୍କ ଉଦ୍ୟମ । ୧୯୯୬ ମସିହାରେ ସେ ଅବିଭକ୍ତ ଆନ୍ଧ୍ରପ୍ରଦେଶର ତତ୍କାଳୀନ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁଙ୍କୁ ବାୟୋଟେକ୍ ନଲେଜ୍ ପାର୍କ ତିଆରି ପାଇଁ ପ୍ରେଜେଣ୍ଟେସନ୍ ଦେଇଥିଲେ । ସେତେବେଳେ ଏହା ଭାରତ ପାଇଁ ଗୋଟିଏ ନୂଆ କନସେପ୍ଟ ଥିଲ । ନାଇଡୁଙ୍କ ଗ୍ରୀନ ସିଗନାଲ ପରେ ଜିନୋମ ଭ୍ୟାଲି ଜନ୍ମ ନେଇଥିଲା ।

ଏଥିସହିତ ପଢ଼ନ୍ତୁ: ଆଶ୍ୱସ୍ତ କଲେ ଡିସିଜିଆଇ: କହିଲେ ଟିକା ୧୧୦% ସୁରକ୍ଷିତ

Opn Commnet Area

Leave a Reply

Your email address will not be published. Required fields are marked *

Close Bitnami banner