ଡରିଗଲେ କି ଖିଲାଡ଼ି କୁମାର ? ଲକ୍ଷ୍ମୀ ବମ୍‌ର ଟ୍ରେଲରରୁ ହଟିଲା ଲାଇକ୍‌-ଡିସ୍‌ଲାଇକ୍‌ ଅପସନ୍‌ !

ମୁମ୍ବାଇ: ଅକ୍ଷୟ କୁମାରଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର ଲକ୍ଷ୍ମୀ ବମ୍‌ର ଟ୍ରେଲର ରିଲିଜ୍‌ ହୋଇଛି । ୩ ମିନିଟରୁ ଅଧିକ ଲମ୍ବା ଥିବା ଏହି ଟ୍ରେଲର ପ୍ରଶଂସକଙ୍କୁ ବେଶ୍‌ ପସନ୍ଦ ଆସିଛି । ଟ୍ରେଲରଟି ଅନେକ ସାକାରାତ୍ମକ ପ୍ରତିକ୍ରିୟା ଗ୍ରହଣ କରିଛି । ଏହି ଚଳଚ୍ଚିତ୍ରରେ ଅକ୍ଷୟ ପ୍ରଥମଥର ପାଇଁ ଜଣେ କିନ୍ନର ଭୂମିକାରେ ନଜର ଆସିଛନ୍ତି । ଲକ୍ଷ୍ମୀ ବମ୍ ହେଉଛି ଏକ ହରର ସହ କମେଡି ମୁଭି । ଏହାପୂର୍ବରୁ ସ୍ତ୍ରୀ ଏବଂ ଭୁଲ୍ ଭୁଲେୟା ଭଳି ଚଳଚ୍ଚିତ୍ର ବଜାରକୁ ଆସିସାରିଛି ଏବଂ ଭଲ ବ୍ୟବସାୟ ମଧ୍ୟ କରିଛି ।

ତେଣୁ ଫିଲ୍ମର ନିର୍ମାତାମାନେ ଆଶା କରିଛନ୍ତି ଯେ, ଲକ୍ଷ୍ମୀ ବମ୍‌ ମଧ୍ୟ ଲୋକଙ୍କଠାରୁ ଭଲ ପ୍ରତିକ୍ରିୟା ପାଇବ । ହେଲେ ପ୍ରଶଂସକଙ୍କୁ ଆଶ୍ଚର୍ଯ୍ୟ କରିଛି ଯେ, ଫିଲ୍ମର ଟ୍ରେଲରରେ ଲାଇକ୍‌ ଏବଂ ଡିସ୍‌ ଲାଇକ୍‌ ଅପ୍‌ସନ୍ ଦେଖାଯାଉ‌ ନାହିଁ । ଟ୍ରେଲର ଦେଖିବା ପରେ, ଆପଣ ଏହାକୁ ଲାଇକ୍‌ ଏବଂ ଡିସ୍‌ଲାଇକ୍‌ କରିପାରିବେ ସତ କିନ୍ତୁ ଏହାର ମୋଟ୍‌ ସଂଖ୍ୟା  ଦେଖିପାରିବେ ନାହିଁ । ତେଣୁ ଏନେଇ ପ୍ରଶଂସକଙ୍କ ମନରେ ଆଶଙ୍କା ସୃଷ୍ଟି ହୋଇଛି ।

Jahan kahi bhi hain, wahi ruk jaayyein aur taiyyaar ho jaayyein dekhne #LaxmmiBomb ka trailer, kyunki barasne aa rahi hai Laxmmi! #LaxmmiBombTrailer out now. #YeDiwaliLaxmmiBombWali! 💥

#FoxStarStudios #DisneyPlusHotstarMultiplex @advani_kiara @offl_Lawrence pic.twitter.com/oJM6YljkBX

— Akshay Kumar (@akshaykumar) October 9, 2020

ସୂଚନାଯୋଗ୍ୟ ଏହି ଚଳଚ୍ଚିତ୍ର ରିଲିଜ୍ ହେବା ପୂର୍ବରୁ, ଏହାକୁ ବଏକଟ୍‌ କରିବା ପାଇଁ ଦାବି ଉଠିଥିଲା । ନିକଟରେ ଅକ୍ଷୟ କୁମାର ସୋସିଆଲ ମିଡିଆରେ ବଲିଉଡରେ ଡ୍ରଗ୍ସ କନେକ୍ସନ୍‌ ନେଇ ନିଜର ମନ୍ତବ୍ୟ ଦେଇଥିଲେ । ଅକ୍ଷୟ ସ୍ୱୀକାର କରିଥିଲେ ଯେ ବଲିଉଡ୍‌ରେ ଡ୍ରଗ୍ସ ସମସ୍ୟା ରହିଛି, କିନ୍ତୁ ସମସ୍ତଙ୍କୁ ଗୋଟିଏ ନଜରରେ ଦେଖିବା ଉଚିତ୍‌ ନୁହେଁ । ଅକ୍ଷୟଙ୍କ ଏହି ଭିଡିଓରେ ଅନେକ ପ୍ରଶଂସକ କହିଛନ୍ତି ଯେ ସେ ବଲିଉଡକୁ ସୁରକ୍ଷା ଦେବାକୁ ଚେଷ୍ଟା କରୁଛନ୍ତି ।

ବୋଧହୁଏ ଏହି କାରଣରୁ ଟ୍ରେଲ୍‌ରରେ ଲାଇକ୍‌ ଏବଂ ଡିସ୍‌ ଲାଇକ୍‌ ଅପ୍‌ସନ୍‌ ରହିନାହିଁ । ଅକ୍ଷୟଙ୍କ ଲକ୍ଷ୍ମୀ ବମ୍‌ର ଯଦି ନେଗେଟିଭ୍‌ ପବ୍ଲିସିଟି ହେବ ତେବେ ଫିଲ୍‌ମରେ ନିଶ୍ଚିତ ରୂପେ ଖରାପ ପ୍ରଭାବ ପଡ଼ିବ ବୋଲି ଆଶଙ୍କା ରହିଛି । ତେଣୁ ଏଭଳି ନିଷ୍ପତି ନିଆଯାଇ ଥାଇପାରେ ।