IPLରେ ବି ହେଉଛି ଡ୍ରଗ୍ସ ବ୍ୟବହାର ! ଅଭିନେତ୍ରୀ ସାର୍ଲିନ୍ ଚୋପ୍ରା କଲେ ଖୁଲାସା…
ମୁମ୍ବାଇ: ସମ୍ପୂର୍ଣ୍ଣ ବଲିଉଡ୍ ଏବେ ଡ୍ରଗ୍ସ ମାମଲାକୁ ନେଇ ଉଠୁଛି ପଡ଼ୁଛି । ଏନ୍ସିବି ପକ୍ଷରୁ ଲଗାତାର ଭାବେ ବଲିଉଡ୍ କଳାକାର ତଥା ବଡ଼ ବଡ଼ ସେଲିବ୍ରିଟିଙ୍କୁ ଜେରା କରାଯାଉଛି । ଦିପିକା ପାଦୁକୋନ୍, ସାରା ଅଲ୍ଲୀ ଖାନ୍, ଶ୍ରଦ୍ଧା କାପୁର, ରାକୁଲ ପ୍ରୀତ୍ ସିଂହଙ୍କ ଭଳି ଅନେକ ଅଭିନେତା ଅଭିନେତ୍ରୀଙ୍କୁ ଜେରା ପାଇଁ ସମନ କରିଛି ଏନ୍ସିବି । ଏହାରି ମଧ୍ୟରେ ବଲିଉଡ୍ ଅଭିନେତ୍ରୀ ତଥା ମଡେଲ୍ ସାର୍ଲିନ୍ ଚୋପ୍ରା, ଏକ ବିସ୍ଫୋରକ ବୟାନ୍ ଦେଇଛନ୍ତି । ସେ କହିଛନ୍ତି କେବଳ ବଲିଉଡ୍ରେ ନୁହେଁ ବରଂ ଆଇପିଏଲ୍ରେ ମଧ୍ୟ ଡ୍ରଗ୍ସ ସେବନ ଜୋରଦାର ହେଉଛି ।
ସିଧାସଳଖ ସେ କୋଲକତା ନାଇଟ୍ ରାଇଡର୍ସର ନାଁ ନେଇ କହିଛନ୍ତି ଯେ, ମ୍ୟାଚ୍ ସରିବା ପରେ ଖେଳାଳିଙ୍କ ପତ୍ନୀ ଓ କିଛି ବଲିଉଡ୍ ଷ୍ଟାର୍ସଙ୍କ ପତ୍ନୀ ମିଳିତ ଭାବେ ଓ୍ୱାସ୍ ରୁମ୍ରେ କୋକିନ୍ ସେବନ କରନ୍ତି ।
ସାର୍ଲିନ୍ଙ୍କୁ ଯଦି ଏନ୍ସିବି ପକ୍ଷରୁ ଜେରା କରାଯାଏ, ତେବେ ସେ ସବୁ କଥା ଖୋଲି କହିବେ ବୋଲି କହିଛନ୍ତି । ଏକ ଜାତୀୟ ଗଣମାଧ୍ୟମକୁ ସାର୍ଲିନ୍ କହିଛନ୍ତି ଯେ, କୋଲକତା ନାଇଟ୍ ରାଇଡର୍ସ ମ୍ୟାଚ୍ ସରିବା ପରେ ଓ୍ୱାସ୍ ରୁମ୍ରେ ଧୂମ୍ କୋକିନ୍ ସେବନ କରାଯାଏ । ତେବେ ଏହି ଘଟଣା ଆଇପିଏଲ୍ର କେଉଁ ସିଜିନ୍ର ବୋଲି ସାର୍ଲିନ୍ ସ୍ପଷ୍ଟ କରିନାହାନ୍ତି ।
ସର୍ଲିନ୍ ଚୋପ୍ଡ଼ାଙ୍କ ସୂଚନା ଅନୁଯାୟୀ, କେକେଆର୍ ମ୍ୟାଚ୍ ଦେଖିବା ପାଇଁ ସେ କୋଲକତା ଯାଇଥିଲେ । ମ୍ୟାଚ୍ ସରିବା ପରେ ଏକ ପାର୍ଟିର ଆୟୋଜନ କରାଯାଇଥିଲା । ସେଠାକୁ ବହୁତ ବଡ଼ ବଡ଼ ସେଲିବ୍ରିଟିମାନେ ଆସିଥିଲେ । ସେ ଡାନ୍ସ କରି କରି ଥକି ଯାଇଥିଲେ, ତେଣୁ ଫ୍ରେସ୍ ହେବା ପାଇଁ ବାଥ୍ରୁମ୍ ଯାଇଥିଲେ । ସେଠାରେ ସେ ସେଲିବ୍ରିଟିଙ୍କୁ କୋକିନ୍ ବ୍ୟବହାର କରୁଥିବା ଦେଖିଥିଲେ ।
