ମହାଭାରତ ସିରିଜରେ ଭିଷ୍ମଙ୍କ ପଛରେ ନଜର ଆସିଲା କୁଲର !

ମୁମ୍ବାଇ: ଲକଡାଉନ୍ ଲୋକଙ୍କୁ ଘରେ ରହିବାକୁ ନିର୍ଦ୍ଦେଶ ଦିଆଯାଇଛି । ଲୋକ ଘରେ ରହି ଯେମିତି ବୋର ନହେବେ ସେଥିପାଇଁ ଦୂରଦର୍ଶନରେ ଶୋ ଗୁଡ଼ିକୁ ପୁନଃ ପ୍ରସାରଣ କରାଯାଉଛି । ତେବେ ଦର୍ଶକମାନେ ଏହି ଶୋ ‘ରାମାୟଣ’ ଏବଂ ‘ମହାଭାରତ’କୁ ଖୁବ୍ ପସନ୍ଦ କରିଛନ୍ତି । ଯେତେବେଳେ ଏହି ଆଇକନିକ୍ ଶୋଗୁଡ଼ିକ ପୁନଃ ପ୍ରସାରଣ କରାଗଲା ପ୍ରଶଂସକମାନେ ଏହି ଶୋ ଗୁଡ଼ିକ ବିଷୟରେ ଜଡ଼ିତ ତଥ୍ୟ ଗୁଡ଼ିକୁ ଜାଣିବାକୁ ଆତୁର ହୋଇଥାନ୍ତି । ଏନେଇ ‘ମହାଭାରତ’ର ଏକ ଦୃଶ୍ୟରେ ଲୋକମାନଙ୍କୁ ବେସ୍ ଚର୍ଚ୍ଚାର ଖୋରାକ ଯୋଗାଇଛି । ଏଥିରେ ଅଭିନେତାଙ୍କ ପଛପଟେ ଏକ କୁଲର ଥିବାର ନଜର ଆସିଛି । ଏହାକୁ ଦର୍ଶକ ସୋସିଆଲ ମିଡିଆରେ ସେୟାର କରି ଏହାର ଉପହାସ ମଧ୍ୟ କରିଛନ୍ତି । ଅବଶ୍ୟ, ଏହି ଦୃଶ୍ୟରେ, ଯାହାକୁ ଲୋକମାନେ କୁଲର ବୋଲି ଭାବୁଛନ୍ତି, ଏହା କୁଲର ନୁହେଁ ବରଂ ସ୍ତମ୍ଭ ଯାହାର ଡିଜାଇନ୍ କୁଲର ପରି ଦେଖାଯାଉଛି ।

ଲୋକଙ୍କୁ ପସନ୍ଦ ଆସୁଛି ପୁରୁଣା ସିରିଏଲ୍

ଭାରତର ପୌରାଣିକ ଶୋ ପୁଣିଥରେ ଦୂରଦର୍ଶନରେ ପ୍ରସାରିତ ହୋଇଛି । ଲୋକମାନେ ମଧ୍ୟ ବହୁତ ଆଗ୍ରହ ସହିତ ଏହି ଶୋ’ଗୁଡ଼ିକୁ ଦେଖୁଛନ୍ତି । ମହାଭାରତର ଗୋଟିଏ ଦୃଶ୍ୟରେ ଲୋକମାନେ କୁଲର୍ ପରି କିଛି ଦେଖିଛନ୍ତି । ଏହି କୁଲର ଭୀଷ୍ମ ପିତାମହଙ୍କ ଚରିତ୍ରରେ ଅଭିନୟ କରୁଥିବା ମୁକେଶ ଖାନ୍ନାଙ୍କ ପଛରେ ଦେଖାଯାଇଛି । କିନ୍ତୁ ଯେତେବେଳେ ତୁମେ ‘ମହାଭାରତ’ର ସେହି ଦୃଶ୍ୟକୁ ଭଲରେ ଦେଖିବେ ତ ଆପଣମାନେ ଦେଖିପାରିବେ ଯେ ଲୋକମାନେ ଯାହାକୁ କୁଲର୍ ବୋଲି ଭାବୁଛନ୍ତି ତାହା ପ୍ରକୃତରେ ପଛରେ ଥିବା ସ୍ତମ୍ଭର ଏକ ଡିଜାଇନ୍ ।

Air cooler ? pic.twitter.com/XEKJRhlgWI

— Dumpedguy (@Dumpedguay) April 22, 2020

ଲୋକମାନଙ୍କ ଉପହାସର ଖୋରାକ ଦେଲା ମହାଭାରତର ଏକ ସିନରେ ଥିବା କୁଲର 

‘ମହାଭାରତ’ର ଏକ ସିନରେ ଯେତେବେଳେ ଏକ କୁଲର ଦେଖିଲେ ଲୋକମାନେ ଏହାକୁ ନେଇ ଉପହାସ କରିବାରେ ଲାଗିଛନ୍ତି । ଏହାର ଏକ ସ୍କ୍ରିନସଟର ଭିଡ଼ିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଲୋକମାନେ ଏହାର ବହୁତ୍ ମଜାକ ମଧ୍ୟ ଉଡ଼ାଇଛନ୍ତି ।

ଟେଲିଭିଜନକୁ ଫେରୁଛି ପୁରୁଣା ଶୋ

ଆପଣଙ୍କୁ କହି ରଖୁଛୁ ଯେ, ଲକଡାଉନ ସମୟରେ ପ୍ରସାରିତ ଏହି ରାମାୟଣ ଏବଂ ମହାଭାରତ ଟିଭିରେ ସର୍ବାଧିକ ଦେଖାଯାଉଥିବା ଶୋ ହୋଇପାରିଛି । ‘ମହାଭାରତ’ ବ୍ୟତୀତ ୯୦ ଦଶକର ସିରିଏଲ ‘ଶକ୍ତିମାନ’, ବ୍ୟୋମକେଶ ବକ୍ସି’, ‘ଦେଖ ଭାଇ ଦେଖ’ ଏବଂ ‘ସାରଭାଇ ବର୍ସସ ସାରାବାଇ’ ମଧ୍ୟ ଟେଲିଭିଜନକୁ ଫେରିଛି ।