ଫୁଲବାଣୀ : ମା ଓ ଭଉଣୀ ସୁଭଦ୍ରା ସହ ଯୋଡ଼ାମୁଣ୍ଡ ଶିଶୁ ଜଗା ପାଳିଲା ଜନ୍ମଦିନ । ବହୁ ଚର୍ଚ୍ଚିତ ଯୋଡ଼ା ମୁଣ୍ଡ ଶିଶୁ ଜଗାର ଆଜି ଜନ୍ମଦିନ । ୧୧ ବର୍ଷ ପୂର୍ତ୍ତି ହୋଇ ଏବେ ୧୨ ବର୍ଷରେ ପାଦ ଥାପିଲା ଜଗା । ଫୁଲବାଣୀ ମୁଖ୍ୟ ଚିକିତ୍ସାଳୟରେ ଥିବା ମାତୃ ଓ ଶିଶୁ ବିଭାଗର ଦୁଇ ନମ୍ବର କେବିନରେ ନିଜ ମା ଓ ଭଉଣୀ ସୁଭଦ୍ରା ସହ ମିଶି କେକ କାଟି ନିଜ ଜନ୍ମଦିନକୁ ପାଳନ କରିଛି ଜଗା । ଏହି ଶୁଭ ଦିନରେ ମାତୃ ଶିଶୁ ବିଭାଗରେ ଥିବା ନର୍ସ ଏବଂ ଏ.ଏନ.ଏମ ମାନେ ଓ ସାମ୍ବାଦିକମାନେ ଯୋଗ ଦେଇଥିଲେ ।
ଜଗା ବର୍ତ୍ତମାନ ସମ୍ପୂର୍ଣ୍ଣ ସୁସ୍ଥ ଥିବା ବେଳେ ପାଠ ପଢିବାକୁ ଆଗ୍ରହ ପ୍ରକାଶ କରୁଛି । ଆଗାମୀ ଦିନରେ ଜଗା କିଭଳି ବିଦ୍ୟାଳୟ ଯାଇ ପାଠ ପଢ଼ିବ ବାପା ମା ଇଚ୍ଛା ପ୍ରକାଶ କରିଛନ୍ତି । ଜଗାର ଜନ୍ମ ଦିନରେ ଭଉଣୀ ସୁଭଦ୍ରା ଜଗା ସହ ମିଶି କେକ କାଟିବା ସହ ଭାଇର ଖୁସିରେ ଖୁସି ହୋଇ ଭାଇକୁ ଶୁଭେଛା ଚୁମ୍ବନ ଦେଇଛି । ଜଗା ଏବଂ ସୁଭଦ୍ରା ଜନ୍ମ ଦିନରେ କେକକୁ ପରସ୍ପରକୁ ଖୁଆଇ ଖୁସି ବାଣ୍ଟିଛନ୍ତି । ଜଗା ମଧ୍ୟ ତା ଜନ୍ମଦିନରେ କେକ କାଟି ଖୁସି ହେବା ସହ ସମସ୍ତଙ୍କୁ ନିଜ ଜନ୍ମ ଦିନ ପାଇଁ ସମସ୍ତଙ୍କୁ ଧନ୍ୟବାଦ ଦେଇଛି ।
