ଭୁବନେଶ୍ୱର : ଜଲାପୁଟ ଜଳଭଣ୍ଡାରରୁ ଅପରେଟ ହେଉଥିଲା ଗଞ୍ଜେଇ ବ୍ୟବସାୟୀଙ୍କ ସାମ୍ରାଜ୍ୟ । ଦୈନିକ କୁଇଣ୍ଟାଲ କୁଇଣ୍ଟାଲ ଗଞ୍ଜେଇ ଦ୍ବୀପରେ ପହଞ୍ଚୁଥିଲା । ଆଉ ପୋଲିସକୁ ଚକ୍ମା ଦେବାକୁ ଯାଇ ଘଞ୍ଚ ଜଙ୍ଗଲରେ ତିଆରି ଚାଲିଥିଲା ଗଞ୍ଜେଇ ତେଲ ବା ହିସାସ ଅଏଲ । ଓଡିଶା ଆନ୍ଧ୍ର ପ୍ରଦେଶ ସୀମା ପାଡୁଆ ଥାନା ଅଧିନରେ ବଡ଼ ଧରଣର ଅପରେସନ ବେଳେ ଜବତ ହୋଇଛି ୧୮୦ ଲିଟରରୁ ଅଧିକ ହସିସ୍ ଅଏଲ । ଯାହାର ଆନୁମାନିକ ମୂଲ୍ୟ ପ୍ରାୟ ୨୨୫ କୋଟି ଟଙ୍କା । ୧ କେଜି ହାସିସ ତେଲର ମୂଲ୍ୟ ପ୍ରାୟ ୨୫ କେଜି ଗଞ୍ଜେଇର ମୂଲ୍ୟ ସଙ୍ଗେ ସମାନ । ଏହି ଦାମି ତୋଲକୁ ଅପରାଧୀ ମାନେ ବ୍ୟବହାର କରୁଥିବା ଡିଜିପି କହିଛନ୍ତି ।
ସେପଟେ ନିଶା ମାଫିଆ ମାନଙ୍କୁ ନକ୍ସଲ ସୁରକ୍ଷା ଦେଉଥିବା ଜାଣିବାକୁ ପାଇଛି ପୋଲିସ । ଆଉ ଏପଟେ ମାଓବାଦୀଙ୍କୁ ଚରମ ଚେତାବନୀ ଦେଇଛନ୍ତି ଡିଜିପି । ହିଂସା ଛାଡି ଅହିଂସାର ରାସ୍ତା ଆପଣାଅ । ନହେଲେ ଜେସାକୁ ତେସା ନୀତି ଆପଣାଇବା ଓଡିଶା ପୋଲିସ । କେନ୍ଦ୍ର ସରକାରଙ୍କ ଦ୍ବାରା ଆରମ୍ଭ ହୋଇଥିବା ମାଓ ଦମନ ଅଭିଯାନର ସମୟସୀମା ମାର୍ଚ୍ଚମାସ ୨୦୨୬ରେ ସରିବାକୁ ଯାଉଛି । ଏନେଇ ମାଓ ଅପରେସନକୁ ଆହୁରି ଜୋରଦାର କରାଯାଇଛି। ସରକାରଙ୍କ ପକ୍ଷରୁ ଯେଉଁ ପୁନର୍ବାସ ଯୋଜନା କରାଯାଇଛି ତାର ଫାଇଦା ନେବାକୁ ଅପିଲ କରିଛନ୍ତି ପୋଲିସ ଡିଜିପି । କିନ୍ତୁ ହିଂସା ପଥ ଆପଣାଇଲେ ପରିସ୍ଥିତି ଭୟଙ୍କର ହେବ ବୋଲି ଚେତାବନୀ ଦେଇଛନ୍ତି ଡିଜିପି । ନିଶା କାରବାର ସହ ମାଓବାଦୀ ଅପରେସନ ଓଡିଶା ପୋଲିସର ମୁଣ୍ଡବିନ୍ଧା ପାଲଟିଛି । ଏସବୁକୁ ଦୃଢ଼ ହସ୍ତରେ ଦମନ କରାଯିବ ବୋଲି ଚେତାବନୀ ଦେଇଛି ଓଡିଶା ପୋଲିସ ।
