ଏପଷ୍ଟିନ ଫାଇଲ୍ସରେ ମସ୍କଙ୍କ ନାଁ !

ନନ୍ଦିଘୋଷ ବ୍ୟୁରୋ: ଏପଷ୍ଟିନ ଫାଇଲ୍ସରେ ମସ୍କଙ୍କ ନାଁ । ଏପଷ୍ଟିନ ଫାଇଲ୍ସକୁ ନେଇ ପୁଣି ଆମେରିକାରେ ହଇଚଇ ସୃଷ୍ଟି ହେଇଥିବା ବେଳେ ଟେକ୍ କୋଟିପତି ଏଲୋନ ମସ୍କଙ୍କ ନାମ ଅତ୍ୟନ୍ତ ବିବାଦୀୟ ଜେଫ୍ରି ଏପଷ୍ଟାଇନ୍ ଫାଇଲରେ ପ୍ରକାଶ ପାଇଛି, ଯାହା ବିଶ୍ୱ ରାଜନୀତି ଏବଂ ବ୍ୟବସାୟରେ ଏକ ନୂତନ ବିବାଦ ସୃଷ୍ଟି କରିଛି।  । ଟେସଲା ସିଇଓ ଏଲନ ମସ୍କଙ୍କ ସମେତ ବହୁ ବିଶିଷ୍ଟ ବ୍ୟକ୍ତି ନାଁ ଏଥିେ ଜଡ଼ିତ ଅଛି । ସେମାନଙ୍କ ମଧ୍ୟରେ ଅଛନ୍ତି ପିଟର ଥିଲ, ଷ୍ଟିଭ ବାନନ ପ୍ରମୁଖ। ହାଉସ୍ ତଦାରଖ ଏବଂ ସରକାରୀ ସଂସ୍କାର କମିଟିକୁ ହସ୍ତାନ୍ତର କରାଯାଇଥିବା ଏବଂ ଏହାର ଡେମୋକ୍ରାଟିକ୍ ସଦସ୍ୟମାନଙ୍କ ଦ୍ୱାରା ଆଂଶିକ ଭାବରେ ପ୍ରକାଶିତ ରେକର୍ଡଗୁଡ଼ିକରେ ପ୍ରାୟ ତିନି ଦଶନ୍ଧି ଧରି ଚାଲିଥିବା ଦୈନିକ ସମୟସୂଚୀ, ବିମାନ ଯାତ୍ରା ବିବରଣୀ, ଆର୍ଥିକ ଲେଜର ଏବଂ ଫୋନ୍ ମେସେଜ୍ ରେକର୍ଡ ଅନ୍ତର୍ଭୁକ୍ତ ଥିଲା। ସର୍ବଶେଷ ବ୍ୟାଚରେ ମୋଟ ୮ ହଜାର ୫୪୪ ନଥି ପ୍ରକାଶ ପାଇଛି। ୨୦୧୪ ଡିସେମ୍ବର ୬ରେ ଏଲନ ମସ୍କ ଆମେରିକାର ଭିର୍ଜିନ ଆଇଲାଣ୍ଡ ଅନ୍ତର୍ଗତ ଏପଷ୍ଟିନ ଆଇଲାଣ୍ଡକୁ ଯାଇଥିବାର ପ୍ରମାଣ ମିଳିଛି। ସେହିପରି ଟେକ୍ ବିଲିୟନେୟାର ପିଟର ଥିଲ ବି ୨୦୧୭ରେ ଏପଷ୍ଟିନ ଆଇଲାଣ୍ଡକୁ ଯାଇଥିବା ଜଣାଯାଇଛି। ରାଷ୍ଟ୍ରପତି ଡୋନାଲଡ ଟ୍ରମ୍ପଙ୍କ ପୂର୍ବତନ ଷ୍ଟ୍ରାଟେଜିଷ୍ଟ ଷ୍ଟିଭ ବାନନ ଫେବୃଆରୀ ୨୦୧୯ରେ ସେଠାକୁ ଯାଇଥିଲେ। ଆମେରିକାରେ ଯୌନ କେଳେଙ୍କାରୀରେ ସମ୍ପୃକ୍ତ ଜେଫେରୀ ଏପଷ୍ଟିନଙ୍କ ସହ ଅନେକ ଲୋକଙ୍କ ସମ୍ପର୍କ ଆମେରିକା ରାଜନୀତିରେ ଚର୍ଚ୍ଚାର କାରଣ ହୋଇଆସିଛି।

ଶୁକ୍ରବାର (ସେପ୍ଟେମ୍ବର ୨୬, ୨୦୨୫) ଦିନ ଡେମୋକ୍ରାଟିକ୍ ସାଂସଦମାନେ ଆମେରିକା ହାଉସ୍ ତଦାରଖ କମିଟିକୁ ଦାଖଲ କରିଥିବା ନ୍ୟାୟ ବିଭାଗର ଦଲିଲଗୁଡ଼ିକୁ ସାର୍ବଜନୀନ କରିଥିଲେ। ଏହି ଫାଇଲଗୁଡ଼ିକ ୨୦୧୯ ମସିହାରେ ଫେଡେରାଲ୍ ହେପାଜତରେ ଆତ୍ମହତ୍ୟା କରିଥିବା ଅଭିଯୋଗରେ ଜେଫ୍ରି ଏପଷ୍ଟାଇନ୍ଙ୍କ ବିରୁଦ୍ଧରେ ଯୌନ ଚାଲାଣ ମାମଲାଗୁଡ଼ିକୁ କିପରି ପରିଚାଳନା କରାଯାଇଥିଲା ତାହାର ତଦନ୍ତର ଏକ ଅଂଶ। ତଥାପି ନାମ ଆସିବା ପରେ ଏଲନ୍ ମସ୍କ ଟ୍ୱିଟରରେ ପ୍ରତିକ୍ରିୟା ଦେଇଥିଲେ। ସେ ଲେଖିଛନ୍ତି ଯେ ଏହା ସବୁ ମିଛ।

ଛଅ ପୃଷ୍ଠା ବିଶିଷ୍ଟ ଏହି ଡକ୍ୟୁମେଣ୍ଟରେ ଏପଷ୍ଟାଇନଙ୍କ କ୍ୟାଲେଣ୍ଡର ଏବଂ ଆର୍ଥିକ କାରବାରର ବିବରଣୀ ଦିଆଯାଇଛି, ଯେଉଁଥିରେ ଫେବୃଆରୀ ୨୦୧୯ରେ ଷ୍ଟିଭ ବାନନଙ୍କ ସହିତ ମଧ୍ୟାହ୍ନ ଭୋଜନ, ନଭେମ୍ବର ୨୦୧୭ ରେ ପିଟର ଥିଏଲଙ୍କ ସହିତ ମଧ୍ୟାହ୍ନ ଭୋଜନ ଏବଂ ଡିସେମ୍ବର ୨୦୧୪ ରେ ଏପଷ୍ଟାଇନଙ୍କ ବ୍ୟକ୍ତିଗତ ଦ୍ୱୀପ ଲିଟିଲ ସେଣ୍ଟ ଜେମ୍ସକୁ ଏଲନ ମସ୍କଙ୍କ ସମ୍ଭାବ୍ୟ ଗସ୍ତ ଅନ୍ତର୍ଭୁକ୍ତ ।

ଏଲନ୍ ମସ୍କ ନିଜେ ସୋସିଆଲ ମିଡିଆରେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଟାର୍ଗେଟ କରି କହିଥିଲେ ଯେ ସେ ମଧ୍ୟ ଏପଷ୍ଟାଇନ୍ ଫାଇଲ୍‌ରେ ଜଡିତ। ଜୁଲାଇରେ ମସ୍କ ଖୋଲାଖୋଲି ଭାବରେ କହିଥିଲେ ଯେ ଯଦି ଟ୍ରମ୍ପ ପ୍ରକୃତରେ ସ୍ୱଚ୍ଛତା ଚାହାଁନ୍ତି, ତେବେ ସେ ଏପଷ୍ଟାଇନ୍ ଫାଇଲ୍‌ଗୁଡ଼ିକୁ ସାର୍ବଜନୀନ କରିବା ଉଚିତ ନଚେତ୍ ଜନସାଧାରଣ ତାଙ୍କ ଉପରେ ବିଶ୍ୱାସ କରିବେ ନାହିଁ ।  ସେ ପୂର୍ବରୁ ଟ୍ରମ୍ପଙ୍କ କର ଏବଂ ଖର୍ଚ୍ଚ ନୀତିକୁ ସମାଲୋଚନା କରିଥିଲେ, ଟ୍ରମ୍ପଙ୍କ ସହିତ ତାଙ୍କର ଦୀର୍ଘକାଳୀନ ସମ୍ପର୍କ ଏବଂ ପ୍ରଶାସନରୁ DOGE ର ବିଦାୟକୁ ଉଲ୍ଲେଖ କରି। ଏହି ପ୍ରକାଶନଗୁଡ଼ିକ କେବଳ ଆମେରିକୀୟ ରାଜନୀତିରେ ନୁହେଁ ବରଂ ଅନ୍ତର୍ଜାତୀୟ ସ୍ତରରେ ମଧ୍ୟ ହଇଚଇ ସୃଷ୍ଟି କରିଛି। ମସ୍କ, ବାନନ, ଥିଏଲ୍ ଏବଂ ପ୍ରିନ୍ସ ଆଣ୍ଡ୍ରୁ ଭଳି ଉଚ୍ଚ-ପ୍ରୋଫାଇଲ୍ ନାମ ସାମ୍ନାକୁ ଆସିବା ପାେ କେଉଁ ଝଡ଼ ସୃଷ୍ଟି ହେଉଛି ତାହା ଦେଖିବାକୁ ବାକି ।