GST ସଂଗ୍ରହରେ ସରକାର ଭାଙ୍ଗିଲେ ୫ ବର୍ଷର ରେକର୍ଡ, ଗୋଟିଏ ବର୍ଷରେ ରାଜକୋଷକୁ କେତେ ଟଙ୍କା ଆସିଛି ଜାଣନ୍ତୁ…

ନନ୍ଦିଘୋଷ ବ୍ୟୁରୋ : GST ଲାଗୁ ହେବା ପରଠାରୁ ସରକାରୀ କୋଷାଗାରରେ ନିରନ୍ତର ବୃଦ୍ଧି ଘଟିଛି। ଏବେ ସରକାର GST ସଂଗ୍ରହରେ ଏକ ରେକର୍ଡ ମଧ୍ୟ କରିଛନ୍ତି। ଗତ ଆର୍ଥିକ ବର୍ଷ ୨୦୨୫ରେ, ସରକାର ରେକର୍ଡ GSTସଂଗ୍ରହ କରିଛନ୍ତି। ଗତ ୫ ବର୍ଷ ମଧ୍ୟରେ ସରକାରଙ୍କ ଏହି ସଂଗ୍ରହ ଦୁଇ ଗୁଣ ବୃଦ୍ଧି ପାଇଛି। ବିଶେଷଜ୍ଞଙ୍କ ଅନୁଯାୟୀ, ଆଗାମୀ ବର୍ଷଗୁଡ଼ିକରେ ଜିଏସ୍ଟି ସଂଗ୍ରହ ଆହୁରି ବୃଦ୍ଧି ପାଇପାରେ।

GST ସଂଗ୍ରହର ରେକର୍ଡ :

ମୋଟ ଜିଏସଟି ସଂଗ୍ରହ ପାଞ୍ଚ ବର୍ଷ ମଧ୍ୟରେ ଦୁଇଗୁଣ ହୋଇ ୨୦୨୪-୨୫ ଆର୍ଥିକ ବର୍ଷରେ ୨୨.୦୮ ଲକ୍ଷ କୋଟି ଟଙ୍କାରେ ପହଞ୍ଚିଛି, ଯାହା ୨୦୨୦-୨୧ ଆର୍ଥିକ ବର୍ଷରେ ୧୧.୩୭ ଲକ୍ଷ କୋଟି ଟଙ୍କା ଥିଲା। ୨୦୨୪-୨୫ ଆର୍ଥିକ ବର୍ଷରେ ମୋଟ ଜିଏସଟି ସଂଗ୍ରହ ୨୨.୦୮ ଲକ୍ଷ କୋଟି ଟଙ୍କା ହୋଇଛି, ଯାହା ପୂର୍ବ ଆର୍ଥିକ ବର୍ଷ ତୁଳନାରେ ୯.୪ ପ୍ରତିଶତ ଅଧିକ। ବିଶେଷ କଥା ହେଉଛି ଏହି ସଂଗ୍ରହ ପାଞ୍ଚ ବର୍ଷ ମଧ୍ୟରେ ବାର୍ଷିକ ଆଧାରରେ ପ୍ରାୟ ଦ୍ୱିଗୁଣିତ ହୋଇଛି । ୨୦୨୪-୨୫ ଆର୍ଥିକ ବର୍ଷରେ ହାରାହାରି ମାସିକ ସଂଗ୍ରହ ୧.୮୪ ଲକ୍ଷ କୋଟି ଟଙ୍କା ଥିଲା, ଯାହା ୨୦୨୩-୨୪ ରେ ୧.୬୮ ଲକ୍ଷ କୋଟି ଟଙ୍କା ଏବଂ ୨୦୨୧-୨୨ ରେ ୧.୫୧ ଲକ୍ଷ କୋଟି ଟଙ୍କା ଥିଲା। ବିଶେଷଜ୍ଞଙ୍କ ମତରେ, ଆଗାମୀ ବର୍ଷଗୁଡ଼ିକରେ ଏହି ମାସିକ ହାରାହାରି ସଂଗ୍ରହ ୨ ଲକ୍ଷ କୋଟି ଟଙ୍କା ପାଖାପାଖି ପହଞ୍ଚିପାରେ।

କରଦାତାଙ୍କ ସଂଖ୍ୟା ଦ୍ୱିଗୁଣରୁ ବୃଦ୍ଧି :

ଜିଏସଟି ଅଧୀନରେ ପଞ୍ଜିକୃତ କରଦାତାଙ୍କ ସଂଖ୍ୟା ୨୦୧୭ରେ ୬୫ ଲକ୍ଷରୁ ବୃଦ୍ଧି ପାଇ ୮ବର୍ଷ ମଧ୍ୟରେ ୧.୫୧ କୋଟିରୁ ଅଧିକ ହୋଇଛି। ଜିଏସଟିର ଉପରେ ଏକ ସରକାରୀ ବିବୃତ୍ତିରେ କୁହାଯାଇଛି ଯେ, ଏହା ଲାଗୁ ହେବା ପରଠାରୁ, ଜିଏସଟି ରାଜସ୍ୱ ସଂଗ୍ରହରେ ଦୃଢ଼ ଅଭିବୃଦ୍ଧି ଏବଂ ଟିକସ ଆଧାରକୁ ବିସ୍ତାର କରିଛି। ଏହା ନିରନ୍ତର ଭାରତର ଆର୍ଥିକ ସ୍ଥିତିକୁ ମଜବୁତ କରିଛି ଏବଂ ପରୋକ୍ଷ କରକୁ ଅଧିକ ଦକ୍ଷ ଏବଂ ସ୍ୱଚ୍ଛ କରିଛି। ଜିଏସଟି ୨୦୨୪-୨୫ରେ ୨୨.୦୮ ଲକ୍ଷ କୋଟି ଟଙ୍କାର ସର୍ବକାଳୀନ ମୋଟ ସଂଗ୍ରହ ରେକର୍ଡ କରିଛି, ଯାହା ବାର୍ଷିକ ଆଧାରରେ ୯.୪ ପ୍ରତିଶତ ବୃଦ୍ଧି ଘଟିଛି।