ଯୁଦ୍ଧବନ୍ଦୀ ଅଦଳବଦଳ; ରୁଷ- ୟୁକ୍ରେନ ପ୍ରଥମ ଥର ଲାଗି ସିଧାସଳଖ କଥାବାର୍ତ୍ତା

ନନ୍ଦିଘୋଷ ବ୍ୟୁରୋ: ରୁଷ ଓ ୟୁକ୍ରେନ ମଧ୍ୟରେ ପ୍ରଥମ ଥର ଲାଗି ସିଧାସଳଖ କଥାବାର୍ତ୍ତା। ୨୦୨୨ ଯୁଦ୍ଧାରମ୍ଭ ପରଠାରୁ ପ୍ରଥମ ଥର ଲାଗି ତୁର୍କୀ ଇସ୍ତାନବୁଲରେ ମାତ୍ର ୨ ଘଣ୍ଟା ଲାଗି ଦୁଇ ଦେଶ ମଧ୍ୟରେ ଆଲୋଚନା ହୋଇଛି । ତେବେ ଅସ୍ତ୍ରବିରତି ପ୍ରସଙ୍ଗରେ କୌଣସି ନିଷ୍ପତ୍ତି ହୋଇ ପାରି ନଥିବାବେଳେ ବନ୍ଦୀ ଅଦଳବଦଳ ଲାଗି ଦୁଇ ଦେଶ ନିଷ୍ପତ୍ତି ନେଇଛନ୍ତି।

ପ୍ରଥମ ପର୍ଯ୍ୟାୟରେ ଦୁଇ ଦେଶ ୧ ହଜାର ଲେଖାଏ ଯୁଦ୍ଧବନ୍ଦୀଙ୍କୁ ଅଦଳବଦଳ କରିବେ। ତେବେ ଅସ୍ତ୍ରବିରତି ପ୍ରସଙ୍ଗରେ ରୁଷ ସମ୍ମତ ହୋଇ ନଥିବା କହିଛନ୍ତି ୟୁକ୍ରେନ ବିଦେଶ ମନ୍ତ୍ରାଳୟ ମୁଖପାତ୍ର ହେରୋଇ ତିଖି ।

ସେପଟେ ଯୁଦ୍ଧବନ୍ଦୀ ଅଦଳ ବଦଳ ପ୍ରସ୍ତାବକୁ ସ୍ବାଗତ କରିଛନ୍ତି ରୁଷର ପ୍ରତିନିଧି ମଣ୍ଡଳୀ ମୁଖ୍ୟ ଭ୍ଲାଦିମିର ମେଦିନସ୍କି। ତେଣେ ୟୁକ୍ରେନ ରାଷ୍ଟ୍ରପତି ଭୋଲୋଦିମିର ଜେଲେନସ୍କି ୟୁରୋପୀୟ ସମ୍ମିଳନୀରେ ଯୋଗଦେଇ ସେ ବର୍ତ୍ତମାନର ସ୍ଥିତି ନେଇ ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପ ଓ ଫ୍ରାନ୍ସ, ଜର୍ମାନୀ, ବ୍ରିଟେନ, ପୋଲାଣ୍ଡର ନେତାଙ୍କ ସହ ଆଲୋଚନା କରିଛନ୍ତି । ରୁଷ ଯଦି ଅସ୍ତ୍ରବିରତି ଲାଗି ସମ୍ମତ ନହୁଏ ତେବେ ରୁଷ ବିରୋଧରେ କଠୋର କଟକଣା ଲାଗୁ କରାଯାଉ ବୋଲି ଦାବି କରିଛନ୍ତି ଜେଲେନସ୍କି ।