ଫିଲ୍ମ ‘ଛାବା’କୁ ନେଇ ବିବାଦ, ୧୦୦ କୋଟି ଟଙ୍କାର ମାନହାନୀ ମାମଲା ପାଇଁ ଧମକ

ନନ୍ଦିଘୋଷ ବ୍ୟୁରୋ :  ଭିକି କୌଶଲଙ୍କ ଫିଲ୍ମ ‘ଛାବା’କୁ ନେଇ ସିନେମା ହଲରେ ହଇଚଇ ସୃଷ୍ଟଣି କରିଛି । ହେଲେ ଏବେ ଏହାକୁ ନେଇ ଏକ ବଡ଼ ବିବାଦ ସୃଷ୍ଟି ହୋଇଛି । ଛତ୍ରପତି ସମ୍ଭାଜୀ ମହାରାଜାଙ୍କ ଜୀବନ ଉପରେ ଆଧାରିତ ଏହି ଫିଲ୍ମରେ ଭୁଲ ଇତିହାସ ଦେଖାଯାଇଥିବା ନେଇ ଅଭିଯୋଗ ହୋଇଛି । ମହାରାଷ୍ଟ୍ରର ଅନେକ ଗୋଷ୍ଠୀ ଏନେଇ ଫିଲ୍ମକୁ ବିରୋଧ କରିଛନ୍ତି । ଏହି ବିବାଦ ଏତେ ବୃଦ୍ଧି ପାଇଛି ଯେ, ଛାବା ବିରୋଧରେ ୧୦୦କୋଟି ଟଙ୍କାର ମାନହାନି ମକଦ୍ଦମା କରିବାକୁ ଧମକ ମଧ୍ୟ ଦିଆଯାଇଛି । ଏହି ମାମଲାରେ ଫିଲ୍ମ ନିର୍ଦ୍ଦେଶକ ଲକ୍ଷ୍ମଣ ଉତେକର ମଧ୍ୟ କ୍ଷମା ମାଗିଛନ୍ତି ।

ଫିଲ୍ମରେ କ’ଣ ରହିଛି ଭୁଲ ?

ଭିକି କୌଶଲଙ୍କ ଫିଲ୍ମ  ଛାବା ଛତ୍ରପତି ସମ୍ଭାଜୀ ମହାରାଜଙ୍କ ଜୀବନ ଉପରେ ଆଧାରିତ, ଯିଏ ତାଙ୍କ ପତି ଛତ୍ରପତି ଶିବାଜୀଙ୍କ ମୃତ୍ୟୁ ପରେ ମରାଠା ସାମ୍ରାଜ୍ୟ ସମ୍ଭାଳିଥିଲେ । ସେ ୧୬୮୧ରୁ ୧୬୮୯ ପର୍ଯ୍ୟନ୍ତ ମରାଠାମାନଙ୍କ ନେତୃତ୍ୱ ନେଇଥିଲେ ଏବଂ ଏହି ସମୟରେ ସେ ଅନେକ ଯୁଦ୍ଧ ମଧ୍ୟ କରିଥିଲେ । ଫିଲ୍ମରେ ଗାନୋଜି ଏବଂ କାନହୋଜି ନାମକ ଦୁଇଟି ଚରିତ୍ରକୁ ସମ୍ଭାଜୀ ମହାରାଜଙ୍କୁ ବିଶ୍ୱାସଘାତକତା କରୁଥିବା ଏବଂ ଔରଙ୍ଗଜେବଙ୍କ ସହ ହାତ ମେଳାଉଥିବା ଦେଖାଯାଇଛି । ଏହାକୁ ନେଇ ମରାଠା ଯୋଦ୍ଧା ଗାଣେଜି ଶିର୍କେ ଲବଂ କାନଜୋହି ଶିର୍କେଙ୍କ ବଂଶଧରମାନେ ବିରୋଧ କରିଛନ୍ତି ଏବଂ ଏହା ଇତିହାସକୁ ଭୁଲ ଭାବେ ଉପସ୍ଥାପନା କରାଯାଇଥିବା ଅଭିଯୋଗ କରିଛନ୍ତି । ଏହାଛଡା  ମହାରାଷ୍ଟ୍ରର ଅନେକ ଗୋଷ୍ଠୀ ମଧ୍ୟ ଏହାକୁ ବିରୋଧ କରିଛନ୍ତି ।

ଅନ୍ୟପଟେ ଫିଲ୍ମର ନିର୍ଦ୍ଦେଶକ କ୍ଷମା ପ୍ରାର୍ଥନା କରି କହିଛନ୍ତି ଯେ, ଫିଲ୍ମର ଚରିତ୍ରରେ କେବଳ ଜାନୋଜୀ ଏବଂ କାନହୋଜୀଙ୍କ ନାମ ଉଲ୍ଲେଖ କରିଛୁ । ଏଥିରେ ସେମାନଙ୍କ ଗାଁ ନାମ ବିଷୟରେ କୌଣସି ତଥ୍ୟ ଦେଖାଯାଇ ନାହିଁ । ଆମେ କୌଣସି ପରିବାରଙ୍କୁ ଆଘାତ ଦେବାକୁ ଚାହୁଁନାହୁଁ । ଯଦି ଫିଲ୍ମରେ କିଛି ଘଟଣା କାହାକୁ ଆଘାତ ଦେଇଛି, ତେବେ ମୁଁ ଏଥିପାଇଁ ହୃଦୟରୁ କ୍ଷମା ପ୍ରାର୍ଥନା କରୁଛି ।