ପ୍ରୟାଗରାଜରେ ୟୁପିରେ ଦଶମ-ଦ୍ୱାଦଶ ବୋର୍ଡ ପରୀକ୍ଷା ସ୍ଥଗିତ

ନନ୍ଦିଘୋଷ ବ୍ୟୁରୋ: ମହାକୁମ୍ଭ ଯୋଗୁଁ ପ୍ରୟାଗରାଜରେ ଉତ୍ତରପ୍ରଦେଶର ଦଶମ-ଦ୍ୱାଦଶ ବୋର୍ଡ ପରୀକ୍ଷା ସ୍ଥଗିତ । ଦଶମ ଶ୍ରେଣୀ ହିନ୍ଦୀ ପ୍ରାରମ୍ଭିକ ଏବଂ ସ୍ୱାସ୍ଥ୍ୟ ସେବା ପରୀକ୍ଷା ଏବଂ ଦ୍ୱାଦଶ ଶ୍ରେଣୀ ସାମରିକ ବିଜ୍ଞାନ ଏବଂ ହିନ୍ଦୀ, ସାଧାରଣ ହିନ୍ଦୀ ପରୀକ୍ଷା ଫେବୃଆରୀ ୨୪ରେ ହେବାର ଥିଲା। ଏଗୁଡ଼ିକୁ ପ୍ରୟାଗରାଜର ପରୀକ୍ଷା କେନ୍ଦ୍ରଗୁଡ଼ିକରେ ପରେ କରାଯିବ।

ଫେବୃଆରୀ ୨୪ ତାରିଖରେ ହେବାକୁ ଥିବା ଦଶମ ଶ୍ରେଣୀ ଏବଂ ଦ୍ୱାଦଶ ଶ୍ରେଣୀ ମାଧ୍ୟମିକ ବୋର୍ଡ ପରୀକ୍ଷା ପ୍ରୟାଗରାଜରେ ସ୍ଥଗିତ ରଖାଯାଇଛି। ମାଧ୍ୟମିକ ଶିକ୍ଷା ମନ୍ତ୍ରୀ ଗୁଲାବ ଦେବୀ ଏକ ନୋଟିସ ଜାରି କରି ଏହି ସୂଚନା ଦେଇଛନ୍ତି। ଏହା ସହିତ ନୂତନ ପରୀକ୍ଷା ତାରିଖ ମଧ୍ୟ ଘୋଷଣା କରାଯାଇଛି । ପରୀକ୍ଷା ଗୁଡ଼ିକ ଫେବୃଆରୀ ୨୪ ତାରିଖରେ ଦୁଇଟି ସିଫ୍ଟରେ ଅନୁଷ୍ଠିତ ହେବାର ଥିଲା । ସକାଳ ୮ଟା ୩୦ ରୁ ୧୧ଟା ୪୫ ଏବଂ ଅପରାହ୍ନ ୨ ରୁ ୫ଟା୧୫ ମଧ୍ୟରେ ଅନୁଷ୍ଠିତ ହେବାର ଥିଲା । ଦଶମ ଶ୍ରେଣୀ ପାଇଁ ହିନ୍ଦୀ ପ୍ରାରମ୍ଭିକ ଏବଂ ସ୍ୱାସ୍ଥ୍ୟ ସେବା ପରୀକ୍ଷା ଏବଂ ଦ୍ୱାଦଶ ଶ୍ରେଣୀ ପାଇଁ ସାମରିକ ବିଜ୍ଞାନ ଏବଂ ହିନ୍ଦୀ, ସାଧାରଣ ହିନ୍ଦୀ ପାଇଁ ପରୀକ୍ଷା ହେବାର ଥିଲା । ଏଗୁଡ଼ିକୁ ଏବେ ସ୍ଥଗିତ ରଖାଯାଇଛି।