ଏହି ସହର  ଛାଡ଼ି ତୁରନ୍ତ ପଳାୟନ କରିବାକୁ ଭାରତୀୟଙ୍କୁ କହିଲା କଙ୍ଗୋସ୍ଥିତ ଦୂତାବାସ

କିନଶାସା, ଡେମୋକ୍ରାଟିକ ରିପବ୍ଲିକ ଅଫ୍ କଙ୍ଗୋ ସ୍ଥିତ ଭାରତୀୟ ଦୂତାବାସ ତରଫରୁ କେନ୍ଦ୍ରୀୟ ଆଫ୍ରିକା ଦେଶର ସୁରକ୍ଷା ସ୍ଥିତି ଅନୁଧ୍ୟାନ କରାଯାଇଥିଲା ।  ଏହି ଅବସରରେ ବାକାଭୁରେ ଥିବା ସମସ୍ତ ଭାରତୀୟଙ୍କୁ ତୁରନ୍ତ ସୁରକ୍ଷିତ ସ୍ଥାନକୁ ଚାଲିଯିବାକୁ ରବିବାର ଦିନ କୁହାଯାଇଛି । ଏନେଇ ଦୂତାବାସ ତରଫରୁ ୩ଟି ଆଡଭାଇଜରୀ ଜାରି କରାଯାଇଛି । ସମସ୍ତଙ୍କୁ ଜରୁରୀ ପ୍ଲାନ ପ୍ରସ୍ତୁତି ନେଇ କୁହାଯାଇଛି । କଙ୍ଗୋରେ ପାଖାପାଖି ୧ ହଜାର ଭାରତୀୟ ନାଗରିକ ରହୁଛନ୍ତି ।

ବୁକାଭା ଠାରୁ ପାଖାପାଖି ୨୦-୨୫ କିମି ଦୂରରେ M23 ରହିଥିବା ରିପୋର୍ଟରେ କୁହାଯାଇଛି । ସୁରକ୍ଷା ସ୍ଥିତିକୁ ଦୃଷ୍ଟିରେ ରଖି ବୁକାଭୁରେ ଅବସ୍ଥାନ କରୁଥିବା ସମସ୍ତ ଭାରତୀୟଙ୍କୁ ସହର ଛାଡ଼ି ସଙ୍ଗେସଙ୍ଗେ ସୁରକ୍ଷିତ ସ୍ଥାନକୁ ଚାଲିଯିବାକୁ ପୁଣି ଥରେ କୁହାଯାଇଛି । ବିମାନବନ୍ଦର, ସୀମା ଓ ବାଣିଜ୍ୟିକ ରୁଟ ଏବେ ବି ଖୋଲା ରହିଛି । ବୁକାଭୁକୁ ଜମାରୁ ନ ଯିବାକୁ ଆଡଭାଇଜରିରେ କୁହାଯାଇଛି । ଏକ ଏମର୍ଜେନ୍ସି ପ୍ଲାନ ପ୍ରସ୍ତୁତ କରିବାକୁ ସଦ୍ୟ ଜାରି ହୋଇଥିବା ଆଡଭାଇଜରିରେ କୁହାଯାଇଛି । ପାଖରେ ଔଷଧ, ପୋଷାକ, ଟ୍ରାଭେଲ ଡକୁମେଣ୍ଟ, ଖାଦ୍ୟ, ଜଳ ଆଦି ବ୍ୟାଗରେ ରଖିବାକୁ କୁହାଯାଇଛି । ଲୋକାଲ ମେଡ଼ିଆ ଚାନେଲର ଅପଡେଟ ପ୍ରତି ଧ୍ୟାନ ଦେବାକୁ କୁହାଯାଇଛି ।