ପାଣି ପାଇଁ ରାଜଧାନୀରେ ହଲ୍ଲାବୋଲ: ପାଣି ଯୋଗାଣରେ ବାଧା ସୃଷ୍ଟି ହେବାରୁ ଆନ୍ଦୋଳନକୁ ଓହ୍ଲାଇଲେ ବସ୍ତିବାସିନ୍ଦା

ଭୁବନେଶ୍ବର: ପାଣି ପାଇଁ ରାଜଧାନୀରେ ହଲ୍ଲାବୋଲ । ଦୀର୍ଘଦିନ ହେଲା ପାଣି ଆସୁନଥିବାରୁ ରାସ୍ତରେ ବାଲଟି ଧରି ଅଭିନବ ଆନ୍ଦୋଳନ । ଭୁବନେଶ୍ୱର ବୁଦ୍ଧବିହାର ବସ୍ତିବାସିନ୍ଦା ପାଣି ପାଇଁ ରାସ୍ତାରୋକ କରିଥିଲେ । ହାତୀଆସୁଣୀ – ଉତ୍କଳ ହସପିଟାଲ ରାସ୍ତାର ଉଭୟ ପାର୍ଶ୍ୱରେ ବସି ପ୍ରତିବାଦ କରିଥିଲେ ବସ୍ତିବାସିନ୍ଦା । ଦୀର୍ଘ ୮ ଦିନ ହେବ ପାଣି ଯୋଗାଯୋଗରେ ବାଧା ସୃଷ୍ଟି ହେଉଥିବାରୁ ଶତାଧିକ ମହିଳା ଗରା ବାଲଟି ଧରି ପ୍ରତିବାଦ କରିଥିଲେ । ଫଳରେ ଯାତାୟାତରେ ସମସ୍ୟା ସୃଷ୍ଟି ହୋଇଥିଲା । ଘଟଣାସ୍ଥଳରେ ପୋଲିସ ଓ ସହକାରୀ ଯନ୍ତ୍ରୀ ପହଂଚି ବୁଝାସୁଝା କରିବା ପରେ ରାସ୍ତାରୋକ ହଟିଛି । ସନ୍ଧ୍ୟା ୭ଟା ସୁଦ୍ଧା ମଟର ସଜାଡ଼ି ପାଣି ଯୋଗାଇବା ଓ ଦୁଇ ଦିନ ଭିତରେ ନୂଆ ମଟର ଲଗାଇବାକୁ ପ୍ରତିଶୃତି ମିଳବା ପରେ ଆନ୍ଦୋଳନରୁ ଓହରିଛନ୍ତି ବସ୍ତିବାସିନ୍ଦା । ପ୍ରତିଶୃତି କାର୍ଯ୍ୟକାରୀ ନହେଲେ ପୁଣି ଆନ୍ଦୋଳନ କରିବାକୁ ଚେତାବନୀ ଦେଇଛନ୍ତି ବସ୍ତିବାସିନ୍ଦା ।