ଜାତୀୟ ରାଜନୀତିରେ ଓଡ଼ିଶା ଏବେ କେନ୍ଦ୍ରବିନ୍ଦୁ: ମୁଖ୍ୟମନ୍ତ୍ରୀ
ଭୁବନେଶ୍ବର: ଜାତୀୟ ରାଜନୀତିରେ ଓଡ଼ିଶା ଏବେ କେନ୍ଦ୍ରବିନ୍ଦୁ ପାଲଟିଛି । ସାରା ଦେଶର ନଜର ଏବେ ଓଡ଼ିଶା ଉପରେ ରହିଛି । ଆସନ୍ତା ୨୫ ବର୍ଷ ପାଇଁ ବିକାଶର ଖସଡା ପ୍ରସ୍ତୁତ ହୋଇଥିବା ବେଳେ ଏହି ପାଞ୍ଚ ବର୍ଷ ଆମ ସରକାର ପାଇଁ ଗୁରୁତ୍ବପୂର୍ଣ୍ଣ ବୋଲି କହିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝି ।
ନିର୍ବାଚନ ପୂର୍ବରୁ ବିଜେପି ରାଜ୍ୟବାସୀଙ୍କୁ ଯାହା ପ୍ରତିଶ୍ରୁତି ଦେଇଥିଲେ ସେ ସବୁ ପୂରଣ କରାଯିବ । ରାଜ୍ୟ ବିଜେପି ପକ୍ଷରୁ ପ୍ରଦର୍ଶନୀ ପଡିଆରେ ଅୟୋଜିତ ସମ୍ବର୍ଦ୍ଧନା ସମାରୋହରେ ମୁଖ୍ୟମନ୍ତ୍ରୀ, ଉପମୁଖ୍ୟମନ୍ତ୍ରୀ ଓ ସମସ୍ତ ମନ୍ତ୍ରୀଙ୍କ ସମେତ ନବ ନିର୍ବାଚିତ ବିଧାୟକ ଓ ସାଂସଦଙ୍କୁ ଦଳ ପକ୍ଷରୁ ସମ୍ବର୍ଦ୍ଧିତ କରାଯାଇଛି ।
ମଞ୍ଚରେ ଉପସ୍ଥିତ ତିନି କେନ୍ଦ୍ରମନ୍ତ୍ରୀ କହିଥିଲେ ଓଡ଼ିଶାର ସାମଗ୍ରୀକ ବିକାଶକୁ ଫୋକସ କରାଯାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରାଜ୍ୟବାସୀଙ୍କୁ ବିଜୟର କୃତଜ୍ଞତା ଜଣାଇଥିଲେ । ସମ୍ବର୍ଦ୍ଧନା ସମାରୋହରେ ବିଜେପିର ଅତୀତ, ଭବିଷ୍ୟତ ଓ ବର୍ତ୍ତମାନ ନେଇ ବକ୍ତାମାନେ ଉଲ୍ଲେଖ କରିଥିଲେ । ଓଡ଼ିଶାକୁ ଦେଶର ଏକ ନମ୍ବର ରାଜ୍ୟ କରିବା ପାଇଁ ଡବଲ ଇଞ୍ଜିନ ସରକାର କାର୍ଯ୍ୟ ବୋଲି ନେତୃବୃନ୍ଦ କହିଛନ୍ତି ।
