ଓଡ଼ିଆ ଅସ୍ମିତା କଥା କହୁଥିବା କେନ୍ଦ୍ରମନ୍ତ୍ରୀଙ୍କ ବିହାର ପ୍ରୀତି ଅଧିକ : ଲେନିନ ମହାନ୍ତି

ନନ୍ଦିଘୋଷ ବ୍ୟୁରୋ: ସମ୍ବଲପୁରରେ ବିଜେଡି ମୁଖପାତ୍ର ଲେନିନ ମହାନ୍ତିଙ୍କ ପ୍ରେସମିଟ୍ । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ମିଛର ଗୁମର ଖୋଲିଲେ ଲେନିନ ମହାନ୍ତି । ବିଜେପି ରାଜ୍ୟରେ ପୋଛି ହୋଇ ହୋଇ ଯାଉଛି ଯେଉଁ କାରଣରୁ ବାରମ୍ବାର ମିଛ କହୁଛନ୍ତି ଧର୍ମେନ୍ଦ୍ର ପ୍ରଧାନ । ଭଗବାନଙ୍କୁ ନେଇ ମିଛ କହୁଛନ୍ତି । ପୁରୀ ପରିକ୍ରମା ପ୍ରକଳ୍ପକୁ ନେଇ ମିଛ କହୁଛନ୍ତି । ଜଗନ୍ନାଥଙ୍କୁ ବିକି ନିର୍ବାଚନ ଜିତିବାକୁ ଚାହୁଁଛି ବିଜେପି । ସେପଟେ ପ୍ରତିଦିନ ପ୍ରେସମିଟ କରି ମୁଖ୍ୟମନ୍ତ୍ରୀଙ୍କୁ ଗାଳି କରୁଛନ୍ତି । କିନ୍ତୁ ମୁଖ୍ୟମନ୍ତ୍ରୀଙ୍କ ବଡ଼ପଣ ସେ ଆପଣଙ୍କୁ କିଛି କହୁନାହାନ୍ତି । ଆପଣ କେବେ ବି ତାଙ୍କ ସମକକ୍ଷ ନୁହଁନ୍ତି ସେଥିପାଇଁ ସେ ଆପଣଙ୍କ ଉତ୍ତର ରଖୁନାହାନ୍ତି । ସମ୍ବଲପୁରବାସୀ ସ୍ବାଭିମାନୀ । ସେ କେବେହେଲେ ଜଣେ ମିଛୁଆକୁ ଭୋଟ୍ ଦେବେ ନାହିଁ ।