ଯୌତୁକ ଦାବି ଅଭିଯୋଗ ସମ୍ପୂର୍ଣ୍ଣ ଭିତ୍ତିହୀନ: ବିଧାୟକ ଶଶିଭୂଷଣ ବେହେରା

କଟକ: ବୋହୂ ଆଣିଥିବା ଅଭିଯୋଗକୁ ଖଣ୍ଡନ କରିଛନ୍ତି ବିଧାୟକ ଶଶିଭୂଷଣ ବେହେରା । ଏଭଳି ଅଭିଯୋଗରେ ସେ ମର୍ମାହତ ଓ ଦୁଃଖିତ ବୋଲି କହିଛନ୍ତି ଶଶିଭୂଷଣ । ଯୌତୁକ ଦାବି ଅଭିଯୋଗ ସମ୍ପୂର୍ଣ୍ଣ ଭିତ୍ତିହୀନ । ତେବେ ବିବାହର ଦୁଇ ବର୍ଷ ପରେ ଏପରି ଅଭିଯୋଗ ଆଣିବା ଆଶ୍ଚର୍ଯ୍ୟ କରିଛି ।

ବୋହୂ ରୋନାଲିଙ୍କ ଅଭିଯୋଗକୁ ଗ୍ରହଣ କରିପାରୁନି ବୋଲି କହିଛନ୍ତି ଶଶିଭୂଷଣ । ଶଶିଭୂଷଣ ବେହେରା ଓ ତାଙ୍କ ପରିବାର ବିରୋଧରେ ବୋହୂ ରୋନାଲି ଶାରୀରିକ ଓ ମାନସିକ ନିର୍ଯାତନା ଅଭିଯୋଗ ଆଣିଥିଲେ । ଏନେଇ ବାଙ୍କୀ ଥାନାରେ ଦେଇଥିଲେ ଏତଲା ।

ଶଶିଭୂଷଣଙ୍କ ପୁଅ ସତ୍ୟପ୍ରକାଶଙ୍କ ସହିତ ରୋନାଲିଙ୍କର ୨୦୨୧ ମସିହା ମାର୍ଚ୍ଚ ୩ ତାରିଖରେ ବାହାଘର ହୋଇଥିଲା । ବାହାଘରର ୧୦-୧୨ ଦିନ ପରେ ଶ୍ବଶୁର ଘର ଲୋକମାନେ ତାଙ୍କ ଉପରେ ନିର୍ଯାତନା ଆରମ୍ଭ କରିଥିଲେ ବୋଲି ଅଭିଯୋଗ ହୋଇଛି । ବାପଘରୁ ଅଧିକ ସୁନା ଅଳଙ୍କାର ଓ ୪୦ ଲକ୍ଷ ଟଙ୍କା ଆଣିବାକୁ ଶ୍ବଶୁର ଘର ଲୋକ କହିଥିଲେ ବୋଲି ରୋନାଲି ଅଭିଯୋଗ କରିଛନ୍ତି । ଏପଟେ ବାଙ୍କୀ ପୋଲିସ ଘଟଣାରେ ତଦନ୍ତ ଜାରି ରଖିଛି।