ଛାତ୍ର ଖାଇଦେଲେ ମ୍ୟୁଜିୟମରେ ଲାଗିଥିବା କଦଳୀ, ଦାମ୍ ଶୁଣିଲେ ଉଡିଯିବ ହୋସ୍
1 min read
ସିଓଲ: ଛାତ୍ର ଖାଇଦେଲେ କଦଳୀ । ସାମାନ୍ୟ କଦଳୀ ପାଇଁ ମ୍ୟୁଜିୟମ୍ କର୍ତ୍ତୃପକ୍ଷଙ୍କୁ ୯୮ ଲକ୍ଷ ଟଙ୍କାର କ୍ଷତି ସହିବାକୁ ପଡିଛି । ହୁଏତ ଏହି ଘଟଣା ଆପଣଙ୍କୁ ଆଶ୍ଚର୍ଯ୍ୟ ଲାଗୁଥିବ। କିନ୍ତୁ ସାଉଥ୍ କୋରିଆର ସିଓଲ ନ୍ୟାସନାଲ୍ ୟୁନିଭରସିଟିରେ ଘଟିଛି ଏଭଳି ଘଟଣା ।
ରିପୋର୍ଟ ଅନୁଯାୟୀ, ଜଣେ ଛାତ୍ର ମ୍ୟୁଜିୟମକୁ ବୁଲିବାକୁ ଆସିଥିଲେ । ଏହି ସମୟରେ କାନ୍ଥରେ ଲାଗିଥିବା ଏକ କଦଳୀକୁ ଖାଇବା ସହ ପୁନର୍ବାର କଦଳୀ ଚୋପାକୁ ସେହି ସ୍ଥାନରେ ଲଗାଇ ଦେଇଥିଲେ । ତେବେ ଏହି କଦଳୀଟି ଇଟାଲୀର ପ୍ରସିଦ୍ଧ କଳାକାର ମୋରିଜିୟୋ କେଟେଲନଙ୍କ ଆର୍ଟୱାର୍କ ଥିଲା।
ସିଏନଏନର ରିପୋର୍ଟ ଅନୁସାରେ ଏହି ଆର୍ଟର ନାମ ‘କାମେଡିୟନ୍’ ଥିଲା । ଏହାକୁ ସିଓଲର ଲିୟୁମ୍ ମ୍ୟୁଜିୟମ୍ ଅଫ୍ ଆର୍ଟରେ ପ୍ରଦର୍ଶନୀ ପାଇଁ ରଖାଯାଇଥିଲା। ୨୦୧୯ ମିୟାମୀ ବିଚରେ ଆୟୋଜିତ ଏକ ପ୍ରଦର୍ଶନୀରେ ଏହି ଆର୍ଟୱାର୍କ ୯୮ ଲକ୍ଷ ଟଙ୍କାରେ ବିକ୍ରି ହୋଇଥିଲା ।
ମ୍ୟୁଜିୟମ କର୍ତ୍ତୃପକ୍ଷଙ୍କ କହିବାନୁଯାୟୀ, ସବୁ ଏତେ ଅଚାନକ ହୋଇଯାଇଥିଲା ଯେ, ଛାତ୍ରଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେଇ ପାରିଲୁନାହିଁ। ଏନେଇ କଳାକାରଙ୍କୁ ଅବଗତ କରାଯାଇଥିଲା ବେଳେ ସେ କିଛି ପ୍ରତିକ୍ରିୟା ଦେଇନାହାଁନ୍ତି । କେଟେଲନଙ୍କ ଏହି ଆର୍ଟୱାର୍କ WE ପ୍ରଦର୍ଶନୀର ଏକ ଅଂଶ ।
