ପ୍ରେମ ପାଇଁ ମୁସଲିମରୁ ବନିଲେ ହିନ୍ଦୁ, ରୀତିନୀତିରେ କଲେ ବିବାହ
ବରେଲି: ପ୍ରେମ ମାନେନି ବନ୍ଧବାଡ଼, ସେଥିପାଇଁ ତ ପ୍ରେମ ପାଇଁ ଧର୍ମ ବଦଳାଇଦେଲେ । ଏଭଳି ଏକ ଘଟଣା ଦେଖିବାକୁ ମିଳିଛି ଉତ୍ତରପ୍ରଦେଶର ବରେଲୀରେ । ଜଣେ ମୁସଲିମ୍ ଯୁବତୀ ଧର୍ମ ପରିବର୍ତ୍ତନ ସହ ହିନ୍ଦୁ ରୀତିନୀତିରେ ପ୍ରେମିକକୁ ବିବାହ କରିଛନ୍ତି।
ଏନେଇ ସୋନମ କହିଛନ୍ତି, ମୁଁ ଓ ରାଜପାଲ୍ ଉଭୟ ପରସ୍ପରକୁ ଖୁବ୍ ଭଲ ପାଉଥିଲୁ । ହେଲେ ଭିନ୍ନ ଧର୍ମ ଯୋଗୁଁ ପରିବାର ଲୋକେ ବିବାହ ପାଇଁ ରାଜି ହୋଇନଥିଲେ । ଧର୍ମ ପରିବର୍ତ୍ତନ କରି ବିବାହ କରିଥିଲେ ମଧ୍ୟ ଜୀବନ ପ୍ରତି ବିପଦ ଥିବା ଦର୍ଶାଇ ପୋଲିସର ସୁରକ୍ଷା ଲୋଡିଛନ୍ତି ।
ସୂଚନା ଅନୁଯାୟୀ, ପୂର୍ବରୁ ତାଙ୍କ ନାମ ସବିନା ଥିଲା । ଧର୍ମ ପରିବର୍ତ୍ତନ କରିବା ପରେ ସୋନମ ବନିଥିଲେ । ଅଗସ୍ତ ମୁନି ଆଶ୍ରମର ମହନ୍ତ କେକେ ଶଙ୍ଖଧାର ହିନ୍ଦୁ ରୀତିନୀତିରେ ଦୁହିଁଙ୍କ ବିବାହ କରାଇଥିଲେ ।
