ସଦସ୍ୟତା ରଦ୍ଦ ପ୍ରସଙ୍ଗ, ରାହୁଲ ଗାନ୍ଧୀଙ୍କ ସମର୍ଥନ କଲା ଜର୍ମାନୀ

ନୂଆଦିଲ୍ଲୀ: ରାହୁଲ ଗାନ୍ଧୀଙ୍କ ସଦସ୍ୟତା ରଦ୍ଦ ପ୍ରସଙ୍ଗରେ ରାହୁଲଙ୍କୁ ସମର୍ଥନ କଲା ଜର୍ମାନୀ। ରାହୁଲ ଗାନ୍ଧୀଙ୍କ ମାମଲାରେ ମୌଳିକ ଗଣତାନ୍ତ୍ରିକ ମୂଲ୍ୟବୋଧ ଲାଗୁ ହେବା ଦରକାର। ଏହି ମାମଲା ଉପରେ ଜର୍ମାନୀର ନଜର ଥିବା ବୈଦେଶିକ ମନ୍ତ୍ରାଳୟର ମୁଖପାତ୍ର କହିଛନ୍ତି। ରାହୁଲଙ୍କ ବିରୋଧରେ ଆସିଥିବା ରାୟ ବିରୋଧରେ ଉପର କୋର୍ଟରେ ଆବେଦନ କରିବା ଦରକାର।

ରାହୁଲଙ୍କ ବିବାଦୀୟ ବୟାନକୁ ବ୍ୟକ୍ତିଗତ ସ୍ବାଧିନତା ଏବଂ ଗଣତନ୍ତ୍ରର ବିଚାରଧାରା ମଧ୍ୟରେ ରଖି ଚିନ୍ତା କରିବା ଆବଶ୍ୟକ। ୨୩ ମାର୍ଚ୍ଚରେ ରାହୁଲ ଗାନ୍ଧୀଙ୍କ ସଦସ୍ୟତା ରଦ୍ଦ କରାଯାଇଥିଲା। ମୋଦି ସାଙ୍ଗିଆକୁ ନେଇ ରାହୁଲ ଦେଇଥିବା ବୟାନକୁ ନେଇ କୋର୍ଟ ତାଙ୍କ ବିରୋଧରେ ଦଣ୍ଡାଦେଶ ଦେଇଥିଲେ  । କୋର୍ଟଙ୍କ ଦଣ୍ଡାଦେଶ ପରେ ଲୋକସଭା ପକ୍ଷରୁ ରାହୁଲଙ୍କ ସଦସ୍ୟତା ରଦ୍ଦ କରାଯାଇଛି। ପରେ ତାଙ୍କୁ ସରକାରୀ ବାସଭବନ ଖାଲି କରିବାକୁ ନିର୍ଦ୍ଦେଶ ଦିଆଯାଇଛି।