ଜମିବାଡି ବିବାଦକୁ ନେଇ ହତ୍ୟାକାଣ୍ଡ, ସ୍ବାମୀ-ସ୍ତ୍ରୀଙ୍କ ଗଳା କାଟି ଦେଲେ

ବାଲେଶ୍ୱର: ଜମିବାଡି ବିବାଦକୁ ନେଇ ହତ୍ୟାକାଣ୍ଡ। ସ୍ବାମୀ, ସ୍ତ୍ରୀଙ୍କ ଗଳା କାଟି ଫେରାର୍ ହେଲେ ଦୁର୍ବୃତ୍ତ। ଏଭଳି ଅଭାବନୀୟ ଘଟଣା ଘଟିଛି ବାଲେଶ୍ବର ଜିଲ୍ଲା ସୋର ଥାନା ମୁନିସବିର ବାଲିପଡ଼ିଆ ଠାରେ।

ମୃତକ ହେଲେ ରଘୁନାଥ ବେହେରା ଓ ତାଙ୍କ ସ୍ତ୍ରୀ ପ୍ରଭାତୀ ସବିରା ମହାନ୍ତି। ଉଭୟ ଗତ ରାତିରେ ନିଜ ଫାର୍ମ ହାଉସକୁ ଆସୁଥିବା ବେଳେ କେହି ହତ୍ୟା କରି ଫେରାର୍ ହୋଇଯାଇଥିବା ଅଭିଯୋଗ ହୋଇଛି । ଘଟଣାସ୍ଥଳରେ ସ୍ଵାମୀ, ସ୍ତ୍ରୀଙ୍କ ଚିତ୍କାର ଶୁଣି ଗାଁ ଲୋକ ପହଞ୍ଚି ପୋଲିସକୁ ଖବର ଦେଇଥିଲେ । ପୋଲିସ ଆସି ଘଟଣାର ତଦନ୍ତ କରୁଛି । ତେବେ ଜମିବାଡ଼ି ବିବାଦକୁ ନେଇ ବାଲେଶ୍ବରର ଜଣେ ବ୍ୟକ୍ତି ସହ ବଚଷା ହୋଇଥିବା କହିଛନ୍ତି ରଘୁନାଥଙ୍କ ସାନ ଭାଇ ।