ତୁନିଶାଙ୍କ ମୃତ୍ୟୁ ପରେ ସିକ୍ରେଟ ଗର୍ଲଫ୍ରେଣ୍ଡ ସହ ୨ ଘଣ୍ଟା କଥା ହୋଇଥିଲେ ସିଜନ
ମୁମ୍ବାଇ: ଟେଲି ଅଭିନତ୍ରୀ ତୁନିଶା ଶର୍ମା ଆତ୍ମହତ୍ୟା ଘଟଣା। ଧିରେ ଧିରେ ତୁନିଶାଙ୍କ ଆତ୍ମହତ୍ୟା ଜନିତ ମୃତ୍ୟୁର ଗୁମର ଖୋଲିବାରେ ଲାଗିଛି। ଘଟଣାରେ ଆଉ ଏକ ନୂଆ ତଥ୍ୟ ସାମ୍ନାକୁ ଆସିଛି। ୱାଲିଭ ପୋଲିସର ହାତରେ ଲାଗିଛି ସିଜନ ଖାନଙ୍କ ସିକ୍ରେଟ ଗର୍ଲଫ୍ରେଣ୍ଡଙ୍କ ପରିଚୟ । ସିଜନଙ୍କ ଗାର୍ଲଫ୍ରେଣ୍ଡ ମୁମ୍ବାଇରେ ରହୁଥିବା ବେଳେ ସେ ଟିଭି ଇଣ୍ଡ୍ରଷ୍ଟ୍ରିରେ କାମ କରନ୍ତି ।
ୱାଲିଭ ପୋଲିସ ସୂଚନା ଅନୁଯାୟୀ, ଡିସେମ୍ବର ୨୪ରେ ତୁନିଶା ଆତ୍ମହତ୍ୟାର ୨ ଘଣ୍ଟା ପରେ ସିଜନ ନିଜ ସିକ୍ରେଟ ଗର୍ଲଫ୍ରେଣ୍ଡଙ୍କ ସହ ଫୋନରେ ୨ ଘଣ୍ଟା କଥା ହୋଇଥିଲେ । ତେବେ ଏହି ତଥ୍ୟ ପୋଲିସକୁ ମିଳିବା ପରେ ଆଗକୁ ସିଜନଙ୍କ ଗର୍ଲଫ୍ରେଣ୍ଡ ମଧ୍ୟ ପୋଲିସ ତଦନ୍ତ ପରିସରଙ୍କୁ ଆସିବା ନିଶ୍ଚିତ ହୋଇଛି ।
ଅନ୍ୟପକ୍ଷରେ ପୋଲିସ ସୁଟିଂ ସେଟ୍ରୁ ତୁନିଶାର ଭଙ୍ଗା ଫୋନ ଜବତ କରିଛି ।
ତେବେ ଏଠାରେ ପ୍ରଶ୍ନବାଚୀ ଶୃଷ୍ଟି ହୋଇଛି କି, ତୁନିଷା ଆତ୍ମହତ୍ୟା କରିବା ପୂର୍ବରୁ ଫୋନଟିକୁ ଭାଙ୍ଗି ଥିଲେ ? ନା ଆଉ କିଏ ତାଙ୍କର ଆତ୍ମହତ୍ୟା ପରେ ଫୋନ ଭାଙ୍ଗି ସେଠାରେ ଫିଙ୍ଗି ଦେଇଥିଲା । କେବଳ ସେତିକି ନୁହେଁ ସିରିଏଲ ସେଟରୁ ପୋଲିସକୁ ଏକ ଲଭ୍ ଲେଟର ମଧ୍ୟ ମିଳିଛି । ପୋଲିସ ମୁତାବକ ଏହି ଲଭ ଲେଟରଟି ତୁନିଶାଙ୍କ ମୃତ୍ୟୁର କିଛି ଦିନ ପୂର୍ବରୁ ସିଜନଙ୍କୁ ଲେଖା ଯାଇଥିଲା । ବର୍ତ୍ତମାନ ଏନେଇ ପୋଲିସ ତଦନ୍ତ ଜାରି ରଖିଛି ।
