ସରକାରଙ୍କ ସହ ଆଲୋଚନା ପରେ ଆନ୍ଦୋଳନରୁ ଓହରିଲା ଓଡ଼ିଶା ଏଏନଏମ କର୍ମଚାରୀ ସଂଘ

ଭୁବନେଶ୍ୱର: ଆନ୍ଦୋଳନରୁ ଓହରିଲା ଓଡ଼ିଶା ଏଏନଏମ କର୍ମଚାରୀ ସଂଘ । ସରକାରଙ୍କ ସହ ଆଲୋଚନା ସଫଳ ପରେ ଏନେଇ ନିଷ୍ପତ୍ତି ନେଇଛି ସଂଘ । ୪ ଦଫା ଦାବି ନେଇ ଦୀର୍ଘ ଏକ ମାସ ଧରି ଲୋୟର ପିଏମଜିରେ ଧାରଣାରେ ବସିଥିଲେ ଏଏନଏମ କର୍ମଚାରୀ । ଶ୍ରମ ମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ସହିତ ଆଲୋଚନା କରିଛି ଏଏନଏମର ପ୍ରତିନିଧି ମଣ୍ଡଳୀ । କେନ୍ଦ୍ରୀୟ ଶ୍ରମିକ ସଂଗଠନର ରାଷ୍ଟ୍ରୀୟ ଉପାଧ୍ୟାକ୍ଷ ବୀରେନ୍ଦ୍ର ପ୍ରସାଦ ଦାସ ଓ ଓଡ଼ିଶା ଏଏନଏମ ରାଜ୍ୟ ସଭାପତି ମଧୁସୂଦନ ପ୍ରଧାନଙ୍କ ସହିତ ସଂଘର ୫ ଜଣିଆ ପ୍ରତିନିଧି ଦଳ ସରକାରଙ୍କ ସହ ସଫଳ ଆଲୋଚନା କରିଛନ୍ତି । ଦାବି ପୂରଣ ସମ୍ପର୍କରେ ପଦକ୍ଷେପ ନିଆଯାଉଥିବାନେଇ ପ୍ରତିଶ୍ରୁତି ପରେ ଆନ୍ଦୋଳନରୁ ଓହରିଛନ୍ତି କର୍ମଚାରୀ ।