ଆହୁରି ସୁନ୍ଦର ଦିଶିବ ମା‘ ସାରଳାଙ୍କ ମନ୍ଦିର, ଚାଲିଛି ଉଚ୍ଛେଦ କାର୍ଯ୍ୟ

ଆହୁରି ସୁନ୍ଦର ଦିଶିବ ଜଗତସିଂହପୁରର ଅଧିଷ୍ଠାତ୍ରୀ ଦେବୀ ମାଆ ସାରଳାଙ୍କ ମନ୍ଦିର। ମନ୍ଦିରର ଚତୁରପାର୍ଶ୍ବ ଉନ୍ନତି ନିମନ୍ତେ ଆରମ୍ଭ ହୋଇଛି ଉଚ୍ଛେଦକାର୍ଯ୍ୟ। ପ୍ରଥମ ପର୍ଯ୍ୟାୟରେ ମନ୍ଦିର ସମ୍ମୁଖରେ ଥିବା ପୋଲିସ ଫାଣ୍ଡି, ଅଫିସ ଓ ସାମ୍ନା ଦୋକାନକୁ ସ୍ଥାନାନ୍ତର କରାଯାଇଛି । ମନ୍ଦିରଠାରୁ ୪୦ ମିଟର ଦୂରରେ ରହିବ ସାମ୍ନା ବେଢା । ୧୨ ମିଟର ଚଉଡ଼ାର ରାସ୍ତା ନିର୍ମାଣ କରାଯିବା ସହିତ ମାର୍କେଟ କମ୍ପ୍ଲେକ୍ସ, ଚନ୍ଦନ ପୋଖରୀର ଉନ୍ନତିକରଣ କରାଯିବ।

ତେବେ ଭକ୍ତ ଓ ସେବାୟତଙ୍କ ବିଶ୍ରାମ ଗୃହ, ମନ୍ଦିରର ଅଫିସ, ରୋଷ ଘର, ଷ୍ଟୋର ରୁମ ଓ ମନ୍ଦିରର ପ୍ରବେଶ ପଥ ଗେଟ ନିର୍ମାଣ କରାଯିବ। ଏହାସହ ସାଇକେଲ ଷ୍ଟାଣ୍ଡ ଓ ଆଲୋକୀକରଣ କରାଯିବାର ବ୍ୟବସ୍ଥା ରହିଛି। ସୌନ୍ଦର୍ଯ୍ୟକରଣ ନେଇ ଏପ୍ରିଲ ୨୬ ତାରିଖରେ 5T ସଚିବ ଭି.କେ ପାଣ୍ଡିଆନ ଗସ୍ତ କରି ଜିଲ୍ଲାପାଳ ଓ ସେବାୟତଙ୍କ ସହ ଆଲୋଚନା କରିଥିଲେ।