ନ୍ୟୁଡ ଫଟୋଶୁଟ୍ ମାମଲା: ଥାନାରେ ବୟାନ ରେକର୍ଡ କଲେ ରଣବୀର

ମୁମ୍ବାଇ: ନ୍ୟୁଡ ଫଟୋଶୁଟ୍ ମାମଲାରେ ବଲିଉଡ଼ ଅଭିନେତା ଥାନାରେ ହାଜର ହୋଇଛନ୍ତି । ଆଜି ସକାଳ ପ୍ରାୟ ୭ଟା ସମୟରେ ମୁମ୍ବାଇର ଚେମ୍ବୁର ଥାନା ପହଞ୍ଚି ବୟାନ ରେକର୍ଡ କରାଇଛନ୍ତି । ପ୍ରାୟ ଅଢ଼େଇ ଘଣ୍ଟା ପର୍ଯ୍ୟନ୍ତ ପୋଲିସ ତାଙ୍କୁ ପଚରା ଉଚୁରା କରିଥିଲା । ତେବେ ଏହି ଅବସରରେ ପୋଲିସ ତାଙ୍କୁ ୧୦ ଟି ପ୍ରଶ୍ନ କରିଥିଲା । ରଣବୀର ମାମଲାରେ ନିର୍ଦ୍ଦୋଶ ଥିବା କହିଥିଲେ । କଣ୍ଟ୍ରାକ୍ଟ ଆଧାରରେ ସେ ଏହି ଫଟୋଶୁଟ୍ କରିଥିବା କଥା କହିଛନ୍ତି । ଏହା ବ୍ୟତୀତ ସେ କିଛି ଦସ୍ତାବିଜ୍ ମଧ୍ୟ ଦାଖଲ କରିଛନ୍ତି ।

ପୋଲିସ ନିଜ ପ୍ରଶ୍ନରେ କହିଥିଲା, ଏହି ଫଟୋଶୁଟର କଣ୍ଟ୍ରାକ୍ଟ କେଉଁ କମ୍ପାନୀ ସହ ହୋଇଥିଲା? କଣ ଆପଣ କଣ୍ଟ୍ରାକ୍ଟକୁ ସମ୍ପୂର୍ଣ୍ଣ ଭାବେ ପଡ଼ିଥିଲେ । ଏହି ଫଟୋଶୁଟ୍ କେବେ ଏବଂ କେଉଁଠି ହୋଇଥିଲା? ଶୁଟ୍ କରାଯାଇଥିବା ଫଟୋକୁ ସାମାଜିକ ଗଣମାଧ୍ୟମରେ କେଉଁ ଉଦ୍ଦେଶ୍ୟରେ ପୋଷ୍ଟ କରିଥିଲେ? ଏହି ସମସ୍ତ ପ୍ରଶ୍ନର ଉତ୍ତର ଦେଇ ରଣବୀର କହିଥିଲେ, ମୋତେ ଜଣାନଥିଲା ଯେ ଏପରି ଫଟୋଶୁଟ୍ ମୋ ପାଇଁ ବିବାଦ ଛିଡା କରିବ । ମୋର ଉଦ୍ଦେଶ୍ୟ କାହାକୁ ଆଘାତ କରିବାର ନଥିଲା ।

ମୁଁ ଏହାକୁ ଏକ ସାଧାରଣ ଫଟୋଶୁଟ୍ ଭାବେ ନେଇଥିଲି । ସୂଚନାଥାଉକି ଗତ ୨୨ ଜୁଲାଇରେ ପେପର ମାଗାଜିନ୍ ପାଇଁ ନ୍ୟୁଡ ଫଟୋଶୁଟ୍ କରିଥିଲେ । ଏହି ଫଟୋକୁ ସେ ନିଜ ସୋସିଆଲ ମିଡିଆ ହ୍ୟାଣ୍ଡେଲରେ ପୋଷ୍ଟ କରିଥିଲା । ଏହାପରେ ତାଙ୍କୁ ସମାଲୋଚନା କରାଯାଇଥିଲା । ଅନେକ ସାମାଜିକ ସଂଗଠନ ତାଙ୍କ ବିରୋଧରେ ମାମଲା ରୁଜୁ କରିଥିଲେ । ବିବାଦ ବଢ଼ିବା ପରେ ରଣବୀର ସୋସିଆଲ ମିଡିଆରୁ ଡିଲିଟ କରିଦେଇଥିଲେ ।