ଜାଣନ୍ତୁ ସେଇ ନିର୍ଦ୍ଦୟୀ ଭାରତୀୟ CE0 କିଏ, ଯିଏ ଅଢେଇ ମିନିଟର ଜୁମ୍ ବୈଠକରେ ୯ ଶହ କର୍ମଚାରୀଙ୍କ ଚାକିରୀ ଛଡାଇ ନେଲେ…
1 min read
ନୂଆଦିଲ୍ଲୀ: ଟ୍ୱିଟରର ନୂଆ ସିଇଓ ଭାବରେ ଦାୟିତ୍ୱ ନେବା ପରେ ବେଶ୍ ଚର୍ଚ୍ଚାରେ ରହିଛନ୍ତି ପରାଗ ଅଗ୍ରଓ୍ୱାଲ। ବିଶ୍ୱର ବଡ଼ ବଡ଼ ଟେକ୍ କମ୍ପାନୀର କମାଣ୍ଡ ସମ୍ଭାଳୁଛନ୍ତି ଭାରତୀୟ । ସୁନ୍ଦର ପିଚାଇଙ୍କଠାରୁ ଆରମ୍ଭ କରି ସତ୍ୟ ନାଡେଲ ପର୍ଯ୍ୟନ୍ତ ବିଭିନ୍ନ ଟେକ୍ କମ୍ପାନୀର ସିଇଓ ଭାବରେ ବେଶ୍ ଚର୍ଚ୍ଚାରେ ରହି ଆସୁଛନ୍ତି ଭାରତୀୟ । ଏସବୁ ଭିତରେ ଆଉ ଜଣେ ଭାରତୀୟ ସିଇଓ ଏବେ ସୋସିଆଲ ମିଡିଆରେ ବେଶ୍ ଚର୍ଚ୍ଚାରେ ରହିଛନ୍ତି । ଯିଏକି ‘ଖଡୁସ୍ ବସ୍’ ଭାବରେ ଏବେ ସୋସିଆଲ ମିଡିଆରେ ଚର୍ଚ୍ଚାରେ ଅଛନ୍ତି । ଏହି ସିଇଓ ଅଢ଼େଇ ମିନିଟର ଜୁମ୍ ବୈଠକରେ କମ୍ପାନୀର ୯୦୦ କର୍ମଚାରୀଙ୍କୁ ଚାକିରିରୁ ବାହାର କରିଦେଇଛନ୍ତି । ଏହି ସିଇଓ ଜଣଙ୍କ ହେଉଛନ୍ତି ‘ବେଟର ଡଟ୍ କମ୍’ର ସିଇଓ ବିଶାଲ ଗର୍ଗ ।
Vishal Garg: “I wish I didn’t have to lay off 900 of you over a zoom call but I’m gonna lay y’all off right before the holidays lmfaooo”https://t.co/6bxPGTemEG
— litquidity (@litcapital) December 5, 2021
ବିଶାଲ ଗର୍ଗ ‘ବେଟର ଡଟ୍ କମ୍’ର ଫାଉଣ୍ଡର ଓ ସିଇଓ । ଏହି କମ୍ପାନୀ ଘର ମାଲିକଙ୍କୁ ହୋମ୍ ଲୋନ ଦେବା ସହ ବିଭିନ୍ନ ପ୍ରକାର ସୁବିଧା ଦେଇଥାଏ । ଲିଙ୍କଡିନର ସୂଚନା ଅନୁସାରେ ଏହି କମ୍ପାନୀ ମଧ୍ୟ One Zero Capital ର ପ୍ରତିଷ୍ଠାତା ଅଶିଂଦାର ରହିଛନ୍ତି । ବିଶାଲ ଜୁମ୍ ଭିଡିଓରେ କହିଥିଲେ କି ସେ ତାଙ୍କ କ୍ୟାରିୟରରେ ଏପରି ଦ୍ୱିତୀୟ ଥର ପାଇଁ କରୁଛନ୍ତି । କରୋନା ମହାମାରୀ ସମୟରେ ବିଶାଲ ଗର୍ଗ ବେଶ୍ ଚର୍ଚ୍ଚାରେ ରହିଥିଲେ । କିନ୍ତୁ ସେ ସମୟରେ କାରଣ କିଛି ଅଲଗା ଥିଲା । ସେ ନିୟୁର୍କ ସିଟି ପବ୍ଲିକ ସ୍କୁଲର ଛାତ୍ରଛାତ୍ରୀ ଅନଲାଇନରେ କିପରି ଭଲ ଭାବରେ ପଢ଼ିପାରିବେ ସେଥିପାଇଁ ବିଶାଲ ୨୦ ଲକ୍ଷ ଡଲାର ପ୍ରଦାନ କରିଥିଲ । ସେ ସମୟରେ ପରୋପକାର ପାଇଁ ଚର୍ଚ୍ଚାରେ ଥିବା ବିଶାଲ ଏବେ ଏକ ଦୃଢ଼ ପଦକ୍ଷେପ ପାଇଁ ଚର୍ଚ୍ଚାରେ ରହିଛନ୍ତି ।
ବିଶାଲ ଗର୍ଗ କର୍ମଚାରୀଙ୍କୁ ଚାକିରି ଛଟେଇ କରିବାର କାରଣ ମଧ୍ୟ କହିଛନ୍ତି । ବଜାରର ଦକ୍ଷତା, ପ୍ରଦର୍ଶନ ଏବଂ ଉତ୍ପାଦକତା ପାଇଁ କର୍ମଚାରୀଙ୍କୁ ଚାକିରିରୁ ଛଟେଇ କରାଯାଇଛି ବୋଲି କହିଛନ୍ତି ବିଶାଲ । ଜୁମରେ ଓ୍ୱେବିନାର କରିବା ସମୟରେ ସେ କହିଥିଲେ କି ‘ ଯଦି ଆପଣ ଏହି ଓ୍ୱେବିନାରରେ ଅଛନ୍ତି ତେବେ ଆପଣ ଏହି ଦୁର୍ଭାଗ୍ୟ ସମୟର ଅଂଶ ଅଟନ୍ତି । କାରଣ ଏହି ମିଟିଂରେ ଆପଣମାନଙ୍କୁ ଚାକିରିରୁ ଛଟେଇ କରାଯିବ’ । ବିଶାଲ ଏହି ମିଟିଂରେ ଆହୁରି କହିଥିଲେ କି ମାନବ ସମ୍ବଳ ବିଭାଗ ତରଫରୁ ଛଟେଇ ହୋଇଥିବା କର୍ମଚାରୀଙ୍କୁ ଇ-ମେଲ ମିଳିବ । ଯେଉଁଥିରେ କର୍ମଚାରୀଙ୍କୁ କାହିଁକି ଚାକିରିରୁ ବାହାର କରାଗଲା ତାହା ଦର୍ଶାଯାଇଛି । ତେବେ ଏହି ଜୁମ୍ ମିଟିଂର ଭିଡିଓ ଜଣେ କର୍ମଚାରୀ ରେକର୍ଡିଂ କରିଥିଲେ ଏବଂ ସୋସିଆଲ ମିଡିଆରେ ଅପଲୋଡ କରିଥିଲେ । ଯାହ ଫଳରେ ଏହି ଭିଡିଓ ଏବେ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି ।
