ଟାଙ୍ଗି: ଜଙ୍ଗଲ ଛାଡି ଗାଁ ମୁହାଁ ହାତୀପଲ। ଖୋର୍ଦ୍ଧା ବନଖଣ୍ଡ ଟାଙ୍ଗି ରେଞ୍ଜ ଗୟାବନ୍ଧ ଜଙ୍ଗଲରୁ ୧୭ ଟିକିଆ ହାତୀପଲ ମଳିପଡା ଗାଁର ବିଭିନ୍ନ ଚାଷ ଜମିରେ ପଶି ବ୍ୟାପକ କ୍ଷୟକ୍ଷତି କରିଛନ୍ତି। ରାତି ସାରା ହାତୀଙ୍କ ଗତି ବିଧି ଉପରେ ନଜର ରଖିଥିଲେ ବନ ବିଭାଗ କର୍ମଚାରୀ।
ସୂଚନା ଅନୁଯାୟୀ, ଭୋରରୁ ହାତୀ ପଲକୁ ଚାଷ ଜମିରୁ ଘଉଡାଇ ଦେଇଛି ବନ ବିଭାଗ। ହାତୀପଲରେ ୬ ଛୁଆ ହାତୀ, ୮ ଟି ମାଇ ହାତୀ ଓ ୩ଟି ଦନ୍ତା ରହିଛନ୍ତି। ଗୟାବନ୍ଧ ଜାତୀୟ ରାଜପଥ ଦେଇ ହାତୀ ଅତିକ୍ରମ ସମୟରେ କିଛି ସମୟ ପାଇଁ ଜାତୀୟ ରାଜପଥରେ ଗାଡି ଚଳାଚଳ ବନ୍ଦ କରାଯାଇଥିଲା।
