୨୬ ବର୍ଷରେ ପାଇଲେ ବାପାର ପରିଚୟ; ଇନଷ୍ଟାଗ୍ରାମରେ ହେଲା ଭେଟ

ଆମେରିକାର ଜଣେ ୨୬ ବର୍ଷୀୟ ଯୁବକ ପ୍ରଥମ ଥର ପାଇଁ ନିଜ ବାଏଲୋଜିକାଲ୍ ବାପାଙ୍କୁ ସୋସିଆଲ୍ ମିଡିଆରେ ସାକ୍ଷାତ କରିଛନ୍ତି । ସମ୍ପୃକ୍ତ ବ୍ୟକ୍ତି ଜଣକ ଏହି କଥାବାର୍ତ୍ତାର ଚାର୍ଟକୁ ମଧ୍ୟ ସୋସିଆଲ୍ ମିଡିଆରେ ଶେୟାର କରିଛନ୍ତି । ଆଉ ଏହି ଚାର୍ଟ ଦେଖୁଦେଖୁ ଖୁବ୍ ଭାଇରାଲ୍ ହେବାରେ ଲାଗିଛି ।

ଡେଲି ମେଲର ଏକ ରିପୋର୍ଟ ଅନୁଯାୟୀ, କେମରୁନ୍ ନାମକ ଜଣେ ଯୁବକ ୧୮ ବର୍ଷ ବୟସରେ ଜାଣିବାକୁ ପାଇଥିଲେ ଯେ, ସେ ଯାହାକୁ ବାପା ବୋଲି ଡାକୁଛନ୍ତି ସେ ତାଙ୍କର ପ୍ରକୃତ ବାପା ନୁହଁନ୍ତି । କିନ୍ତୁ ଡିଏନଏ ପରୀକ୍ଷା କରିବା ଲାଗି ସେ ପାଖାପାଖି ୨୬ ବର୍ଷ ଯାଏଁ ଅପେକ୍ଷା କରିଥିଲେ ।

ଏହି ସମୟ ଭିତରେ ୨୦୨୦ ମସିହା ଜୁନ୍ ରେ କେମରୁନ୍ ସୋସିଆଲ୍ ମିଡିଆରେ ଜଣେ ବ୍ୟକ୍ତିଙ୍କୁ ଭେଟିଥିଲେ, ଆଉ ତାଙ୍କୁ ନିଜର ବାଏଲୋଜିକାଲ୍ ବାପା ବୋଲି ସନ୍ଦେହ କରିଥିଲେ । ଧିରେଧିରେ ତାଙ୍କ ସହ ଚାର୍ଟିଂ ଆରମ୍ଭ କରିଥିଲେ ଆଉ ଦୁହେଁ ପରସ୍ପର ସହ ଫୁଟେଜ ଶେୟାର କରିଥିଲେ । ପରେ ସେମାନେ ପରସ୍ପରକୁ ଦେଖା ମଧ୍ୟ କରିଥିଲେ ।

How it started Vs. How it’s going pic.twitter.com/xqwVEluUyu

— Mr. Right Nih (@MrRightnih) August 28, 2021

କେମରୁନ୍ ନିକଟରେ ଟ୍ୱିଟର୍ ରେ ନିଜର ଏହି କାହାଣୀ ଶେୟାର କରିଥିଲେ । ଯେଉଁଥିରେ ବାଏଲୋଜିକାଲ୍ ପିତାଙ୍କ ସହ ସ୍କ୍ରିନସଟ୍ ଥିଲା ।