ବ୍ଲାକ ଫଙ୍ଗସ ପରେ ହ୍ୱାଇଟ ଫଙ୍ଗସ, ବିହାରରେ ଭୂତାଣୁ

ପାଟନା: ବ୍ଲାକ ଫଙ୍ଗସ ପରେ ଦେଶରେ ହ୍ୱାଇଟ ଫଙ୍ଗସ । ସାରା ଦେଶରେ ଏବେ ବଢିବାରେ ଲାଗିଛି ବ୍ଲାକ୍ ଫଙ୍ଗସ ରୋଗୀଙ୍କ ସଂଖ୍ୟା । ରାଜସ୍ଥାନ, ତେଲେଙ୍ଗାନା ପରେ ଓଡ଼ିଶା ସରକାରଙ୍କ ମହାମାରୀ ଘୋଷଣା କରିଛନ୍ତି । କିନ୍ତୁ ଏପରି ସମୟରେ ବିହାରରେ ଦେଖିବାକୁ ମିଳିଛି ଭୂତାଣୁର ଏକ ରୂପ ।

ପାଟନାରେ ହ୍ୱାଇଟ୍ ଫଙ୍ଗସ୍ ରୋଗୀ ଚିହ୍ନଟ ହୋଇଥିବା ସୂଚନା । PMCH ମାଇକ୍ରୋବାୟୋଲୋଜି ବିଭାଗର ଡାକ୍ତର ଏସ.ଏନ ସିଂଙ୍କ ଏହି ସୂଚନା ପ୍ରଦାନ କରିଛନ୍ତି । ସଂକ୍ରମଣ ରୋଗୀଙ୍କୁ ହ୍ୱାଇଟ୍ ଫଙ୍ଗସ୍ ଅଧିକ ଘାତକ ବୋଲି କୁହାଯାଉଛି । ହ୍ୱାଇଟ୍ ଫଙ୍ଗସ୍ ସିଧାସଳଖ ଫୁସଫୁସକୁ ଆକ୍ରମଣ କରୁଥିବା ଜଣାପଡିଛି ।

ସେହିପରି ଏହା ନଖ, ଚର୍ମ, ପାକସ୍ଥଳୀ, ଜକୃତ, ମସ୍ତିଷ୍କ ଓ ପାଟିକୁ ପ୍ରଭାବିତ କରୁଛି । କମ୍ ଇମ୍ୟୁନିଟି ବ୍ୟକ୍ତି ଓ ଷ୍ଟେରୟେଡ୍ ନେଉଥିବା ବ୍ୟକ୍ତିଙ୍କୁ ସଂକ୍ରମଣର ଭୟ ଅଧିକ ରହିଥିବା କହିଛନ୍ତି ବିଶେଷଜ୍ଞ ।