ଭାରତ ସହ ସମ୍ପର୍କକୁ ନେଇ କ’ଣ କହିଲେ ଆମେରିକା ପ୍ରତିରକ୍ଷା ସଚିବ ଲୟଡ ଆଷ୍ଟିନ୍ ?

ୱାଶିଂଟନ: ଆମେରିକାର ନୂଆ ରାଷ୍ଟ୍ରପତି ଜୋ ବାଇଡେନ୍ ପ୍ରତିରକ୍ଷା ସଚୀବ ଭାବେ ଅବସରପ୍ରାପ୍ତ ଜେନରାଲ ଲୟଡ ଆଷ୍ଟିନ ନାମ ଉପରେ ମୋହର ମାରିଛନ୍ତି । ତେବେ ଏହାପୂର୍ବରୁ  ମଙ୍ଗଳବାର ଦିନ ପ୍ରତିରକ୍ଷା ସଚିବ ଭାବେ ତାଙ୍କ ନାମାଙ୍କନକୁ ନେଇ ସିନେଟର ଏକ ସମିତି ସମ୍ମୁଖରେ ଶୁଣାଣି କାଳରେ ଆଷ୍ଟିନ ଭାରତ-ଆମେରିକା ସମ୍ପର୍କକୁ ନେଇ ବଡ କଥା କହିଛନ୍ତି । ସେ କହିଥିଲେ ଯେ, ଯଦି ମୁଁ ପ୍ରତିରକ୍ଷା ସଚିବ ଭାବେ ନିଯୁକ୍ତ ହୁଏ ତେବେ ଭାରତ ସହିତ ପ୍ରତିରକ୍ଷା ସମ୍ପର୍କ ମଜବୁତ କରିବା ମୋ ଲକ୍ଷ୍ୟ ହେବ । ଯଦ୍ୱାରା ଦୁଇ ଦେଶର ସାମରିକ ହିତ ସୁରକ୍ଷିତ ରହିବ ।

କ୍ୱାଡ୍ ବାବଦରେ ଉଲ୍ଲେଖ

ଏହି ସମୟରେ ସେ କ୍ୱାଡ୍ ପ୍ରସଙ୍ଗ ମଧ୍ୟ ଉଠାଇଥିଲେ । ସେ କହିଥିଲେ ଯେ, ଆମେ କ୍ୱାଡ ସୁରକ୍ଷା ଆଲୋଚନା ଓ ଅନ୍ୟ ଆଂଚଳିକ କାର୍ଯ୍ୟକ୍ରମ ମାଧ୍ୟମରେ ଭାରତ ଓ ଆମେରିକା ମଧ୍ୟରେ ସାମରିକ ସହଯୋଗକୁ ଅଧିକ ଗଭୀର ଓ ବ୍ୟାପକ କରିବା ପାଇଁ ଉଦ୍ୟମ କରିବୁ ।

ପାକିସ୍ତାନକୁ ନେଇ ଏହା କହିଲେ ..

ଅଷ୍ଟିନ କହିଥିଲ ଯେ, ଯଦି ମୁଁ ପ୍ରତିରକ୍ଷା ସଚିବ ହୁଏ ତେବେ ପାକିସ୍ତାନକୁ ଆତଙ୍କବାଦୀଙ୍କ ପାଇଁ ଆଶ୍ରୟସ୍ଥଳି ନଦେବାକୁ କହିବି । ଆମେ କିଛି ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ପାକିସ୍ତାନ ସହିତ ସହଯୋଗକୁ ଜାରି ରଖିବୁ । ପାକ୍ ସେନା ସହିତ ମଧ୍ୟ ସମ୍ପର୍କକୁ ଭଲ ରଖିବାକୁ ଉଦ୍ୟମ କରିବୁ । ଆଫଗାନିସ୍ତାନରେ ଯେତେବେଳେ ମଧ୍ୟ କିଛି ରାଜନୈତିକ ସମାଧାନ ବାହାର କରିବା ପାଇଁ ଉଦ୍ୟମ ହେବ ସେତେବେଳେ ପାକିସ୍ତାନର ଭୂମିକ ଗୁରୁତ୍ୱପୂର୍ଣ୍ଣ ରହିବ । ଅଲକାଏଦାକୁ ପରାସ୍ତ କରିବାକୁ ଓ ଉକ୍ତ ଅଂଚଳରେ ସ୍ଥିରତା ପାଇଁ ପାକିସ୍ତାନ ସହ ମିଶିକରି କାମ କରିବାକୁ ପଡିବ ।