ବିଶ୍ଵ ଓଡିଆ ଭାଷା ସମ୍ମିଳନୀରେ ଆୟୋଜିତ ପ୍ରଦର୍ଶନୀ ବୁଲି ଦେଖିଲେ 5T ଅଧ୍ୟକ୍ଷ
1 min read
ଭୁବନେଶ୍ୱର: ବିଶ୍ଵ ଓଡିଆ ଭାଷା ସମ୍ମିଳନୀରେ ଆୟୋଜିତ ପ୍ରଦର୍ଶନୀ ବୁଲି ଦେଖିଲେ 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ୍। ପ୍ରାଚୀନ ଯୁଗ, ମଧ୍ୟ ଯୁଗୀୟ ପ୍ରଦର୍ଶନୀରେ ସରକାରଙ୍କ ବିଭିନ୍ନ ବିଭାଗ ତରଫରୁ ଓଡିଆ ଭାଷାକୁ ନେଇ ସ୍ଵତନ୍ତ୍ର ପ୍ରଦର୍ଶନୀ ବୁଲିବା ସହ ଓଡିଆ ଭାଷାର ପ୍ରାଚୀନତା, ବିଭିନ୍ନ ଢଙ୍ଗରେ ବିଭିନ୍ନ ରୂପରେ ଭାଷାର ବ୍ୟବହାର ବାବଦରେ ପଚାରି ବୁଝିଥିଲେ।
ପ୍ରଦର୍ଶନୀକୁ ଆସିଥିବା ସ୍କୁଲ ଛାତ୍ରଛାତ୍ରୀମାନଙ୍କ ସହ ସମ୍ମିଳନୀ ଓ ପ୍ରଦର୍ଶନୀର ଉପାଦେୟତା ବାବଦରେ ଆଲୋଚନା କରିଥିଲେ କାର୍ତ୍ତିକ ପାଣ୍ଡିଆନ। ପ୍ରଦର୍ଶନୀ ବୁଲିବା ବେଳେ ମୁଖ୍ୟମନ୍ତ୍ରୀଙ୍କ ଉପଦେଷ୍ଟା ଆର ବାଳାକୃଷ୍ଣନ, ଆଇଟି ସଚିବ ମନୋଜ ମିଶ୍ର, ସଂସ୍କୃତି ନିର୍ଦ୍ଦେଶକ ଦିଲ୍ଲୀପ ରାଉତରାୟ, ଓସେପା ନିର୍ଦ୍ଦେଶକ ଅନୁପମ ଶାହାଙ୍କ ସହ ଅନ୍ୟ ବରିଷ୍ଠ ଅଧିକାରୀମାନେ ସାମିଲ ଥିଲେ ।
