୫୦ ବିଶ୍ୱବିଦ୍ୟାଳୟ ପ୍ରଧ୍ୟାପକଙ୍କୁ ବିଦାକଲା ତାଲିବାନ

1 min read

କାବୁଲ: ପାଠ ପଢାଇବେ ମୌଲନା ମୌଲବୀ । ମାଙ୍କଡ଼ ହାତକୁ ଶାଳଗ୍ରାମ ଗଲାଭଳି ତାଲିବାନ ହାତକୁ ଯାଇଛି ଆଫଗାନିସ୍ତାନ । ଆଉ ସେଠାରେ କେଉଁଭଳି ଭାବେ ବ୍ୟବସ୍ଥା କରାଯିବ ତାହା ସମ୍ପୂର୍ଣ୍ଣ ନିର୍ଭର କରେ ତାଲିବାନ ଉପରେ । ଏବେ ତାଲିବାନ ନଜର ଆଫଗାନିସ୍ତାନର ଶିକ୍ଷା ବ୍ୟବସ୍ଥା ଉପରେ । ଆଉ ଏଭଳି ପରିସ୍ଥିତିରେ ଆଫଗାନିସ୍ତାନରେ ଶିକ୍ଷା ବ୍ୟବସ୍ଥା ଯେ ବଦଳିବ, ସେଭଳି ଆଶା ନକରିବା ଭଲ । କାରଣ ଶିକ୍ଷା ବ୍ୟବସ୍ଥାକୁ ନେଇ ତାଲିବାନ ସରକାର ଯେଭଳି ଆଭିମୁଖ୍ୟ ଗ୍ରହଣ କରିବାରେ ଲାଗିଛି ତାହା ଏଭଳି ଆଶାକୁ ମଉଳାଇ ଦେବ ।

ଶିକ୍ଷା ବ୍ୟବସ୍ଥାକୁ ନେଇ ତାଲିବାନ ସରକାର ନିକଟରେ ଯେଉଁ ପଦକ୍ଷେପ ନେଇଛି ତାହା ଅନେକଙ୍କୁ ଆଶ୍ଚର୍ଯ୍ୟ କରିଦେବ । ସୂଚନା ଅନୁସାରେ ଆଫଗାନିସ୍ତାନର ମଜାର-ଇ-ସରିଫସ୍ଥତ ବଲ୍ଖ ବିଶ୍ବବିଦ୍ୟାଳୟର ୫୦ ଉଚ୍ଚ ଶିକ୍ଷିତ ପ୍ରଧ୍ୟାପକଙ୍କୁ ବିଦାକରି ସେମାନଙ୍କ ସ୍ଥାନରେ ମୌଲାନା କିମ୍ବା ନିଜ ସଂଗଠନର ସଦସ୍ୟଙ୍କୁ ନିଯୁକ୍ତ କରିଛି । ଆଫଗାନିସ୍ତାନ ଖବରକାଗଜ ‘ଆଫଗାନିସ୍ତାନ ଡେଲି’ରେ ଏଭଳି ରିପୋର୍ଟ ପ୍ରକାଶ ପାଇଛି ।

ଏହି ସଂଖ୍ୟକ ପ୍ରଧ୍ୟାପକମାନଙ୍କୁ ହଟାଯିବା ପଛର ମୁଖ୍ୟକାରଣ ସେମାନଙ୍କ ସଂପ୍ରଦାୟ ଏବଂ ଜାତି ବୋଲି କୁହାଯାଉଛି । ଏହି ପ୍ରଧ୍ୟାପକମାନଙ୍କ ମଧ୍ୟରୁ  ୨୭ ଜଣ ତାଜିକ୍, ୧୨ ହାଜାରାସ , ୫ ପସ୍ତୁନ, ଦୁଇ ଆରବୀୟ ଏବଂ କିଛି ଉଜବେକିସ୍ତାନ ପ୍ରଧ୍ୟାପକ ରହିଥିଲେ। ସେମାନଙ୍କ ମଧ୍ୟରେ ୩ ଜଣ ଡକ୍ଟରେଟ୍ ଡିଗ୍ରୀ ପାଇଥିବା ବେଳେ  ୩୬ ଜଣ ମାଷ୍ଟର ଡିଗ୍ରୀ ଏବଂ ୧୦ ଜଣ ସ୍ନାତକ ଡିଗ୍ରୀ ହାସଲ କରିଥିଲେ ।