Royal Enfield ଲଞ୍ଚ କଲା Meteor 350 କରିଛି, ଜାଣନ୍ତୁ ଦାମ

1 min read

ନୂଆଦିଲ୍ଲୀ: ଆଇଶର୍ ମୋଟର୍ସର ଦୁଇ ଚକିଆ ରୟାଲ୍ ଏନଫିଲ୍ଡ ନୂଆ କ୍ରୁଜର ମୋଟରସାଇକେଲ୍ ମିଟୋର 350 ଲଞ୍ଚ କରିଛି। ଚେନ୍ନାଇରେ ଏହାର ଶୋ’ରୁମ୍ ଦାମ ୧.୭୬ ଲକ୍ଷ ଟଙ୍କା ରହିଛି । କମ୍ପାନୀ କହିବା ଅନୁସାରେ ରୟାଲ ଏନଫିଲ୍ଡ ମିଟୋର 350 ତିନୋଟି ସଂସ୍କରଣ ଫାୟାରବଲ୍, ଷ୍ଟେଲାର୍ ଏବଂ ସୁପରନୋଭା ଭାରିଆଣ୍ଟରେ ଉପଲବ୍ଧ ହେବ। ସମସ୍ତ ମଡେଲରେ ଏଲୋଏ ଚକ ଏବଂ ଟ୍ୟୁବଲେସ୍ ଟାୟାର ସହ ଉପଲବ୍ଧ ହେବ । ଲମ୍ୱା ଯାତ୍ରା ପାଇଁ ଏହି ଗାଡି ଖୁବ ଭଲ । ମିଟୋର 350 ଫାୟାରବଲ୍ ର ଦାମ ୧,୭୫,୮୧୭ ଟଙ୍କାରୁ ଆରମ୍ଭ, ଷ୍ଟେଲାର ମଡେଲର ଦାମ ୧,୮୧,୩୨୬ ଟଙ୍କା ଏବଂ ସୁପରନୋଭା ୧,୯୦,୫୩୬ ଟଙ୍କାରୁ ଆରମ୍ଭ ହେବ ବୋଲି ଜଣାପଡିଛି ।

ମିଟୋର୍ 350 ଏହାର ନାଁ ରୟାଲ୍ ଏନଫିଲ୍ଡର ୧୯୫୨ର ମୋଟରସାଇକେଲ୍ ମିଟୋରରୁ ନିଆଯାଇଛି । ନୂଆ ମୋଟରସାଇକେଲରେ କମ୍ପାନୀ 349 ସିସିର ଏୟାର ଅଏଲ କୁଲ୍ଡ ସିଙ୍ଗଲ ସିଲିଣ୍ଡର ଇଞ୍ଜିନ ଦେଇଛି। ଏହା ୨୦.୨ ଶକ୍ତି ଉତ୍ପାଦନ କରେ । ଚେନ୍ନାଇ କମ୍ପାନୀର ଟେକ୍ନୋଲୋଜି ଏବଂ ବ୍ରିଟେନର ବ୍ରୁଣ୍ଟିଙ୍ଗଥର୍ପେରେ ଏହାକୁ ନୂଆ ଡିଜାଇନ୍ ସହ ବିକଶିତ କରାଯାଇଛି । ଆଇଶର ମୋଟର୍ସ ନିର୍ଦ୍ଦେଶକ ସିଦ୍ଧାର୍ଥ ଲାଲ କହିଛନ୍ତି ଯେ, କମ୍ପାନୀ ଏକ ଏମିତି  ମୋଟରସାଇକେଲ ବଜାରରେ ଆଣିବାକୁ ଚାହୁଁଥିଲା ଯାହା ମୋଟରସାଇକେଲ ଡ୍ରାଇଭରଙ୍କ ପାଇଁ କିଛି ସୁବିଧା ଆଣିପାରିବ । ତେବେ ଦୂର ଯାତ୍ରା କରୁଥିବା ଲୋକଙ୍କ ପାଇଁ ଏହି ଗାଡି ଚଲାଇବା ଏକ ଉତ୍ତମ ଅନୁଭୂତି ଦେବ। ମିଟୋର 350 ଏଥିପାଇଁ ପୂରା ପର୍ଫେକ୍ଟ ବୋଲି କହିଛନ୍ତି ନିର୍ଦ୍ଦେଶକ ।

Opn Commnet Area

Leave a Reply

Your email address will not be published. Required fields are marked *

Close Bitnami banner