ବର୍ଷକରେ ଆଳୁ ମୂଲ୍ୟ ୯୨%, ପିଆଜ ମୂଲ୍ୟ ୪୪% ବୃଦ୍ଧି

1 min read
Potato Prices Up 92 In One Year Onions By 44 In India

ନୂଆଦିଲ୍ଲୀ: ଅତ୍ୟାବଶ୍ୟକ ଖାଦ୍ୟ ସାମଗ୍ରୀର ଦର ବଢ଼ିଛି । ବର୍ଷକ ଭିତରେ କେବଳ ଗହମକୁ ବାଦ୍ ଦେଲେ ଅନ୍ୟ ସମସ୍ତ ଅତ୍ୟାବଶ୍ୟକ ଖାଦ୍ୟ ସାମଗ୍ରୀ ମୂଲ୍ୟ ବୃଦ୍ଧି ହୋଇଛି । ଗତ ବର୍ଷକ ମଧ୍ୟରେ କେବଳ ଆଳୁ ମୂଲ୍ୟରେ ୯୨ ପ୍ରତିଶତ ବଢ଼ିଥିବା ବେଳେ ପିଆଜର ଭାଉ ୪୪ ପ୍ରତିଶତ ବୃଦ୍ଧି ପାଇ ଖାଇବା ଥାଳି ଉପରେ ବେଶ୍ ପ୍ରଭାବ ପକାଇଛି । ଦରଦାମ୍ ହୁ ହୁ ହୋଇ ବଢ଼ୁଥିବା ବିଶେଷଜ୍ଞଙ୍କ କହିବା କଥା- ଏହା ସାମୟିକ, ଯୋଗାଣ ସ୍ୱାଭାବିକ ହେଲେ ଦର କମିବ ।

Potato Prices Up 92 In One Year Onions By 44 In India

ଉପଭୋକ୍ତା ବ୍ୟାପାର ମନ୍ତ୍ରାଳୟର ତଥ୍ୟ ଅନୁସାରେ, ଗତବର୍ଷ ତୁଳନାରେ ଆଳୁର ହୋଲସେଲ ମୂଲ୍ୟ ୧୦୮ ପ୍ରତିଷତ ବୃଦ୍ଧି ପାଇଛି । ପୂର୍ବରୁ ଆଳୁର କ୍ୱିଣ୍ଟାଲ ପିଛା ଦର ୧ ହଜାର ୭୩୯ ଟଙ୍କା ଥିବାବେଳେ ଏବେ ୩ ହଜାର ୬୩୩ ଟଙ୍କା ପହଞ୍ଚିଛି । ସେହିଭଳି ପିଆଜର ହୋଲସେଲ ମୂଲ୍ୟ ଶନିବାର ୫ ହଜାର ୬୪୫ ଟଙ୍କା ରହିଛି । ଯେତେବେଳେ କି ଗତବର୍ଷ ୧ ହଜାର ୭୩୯ ଟଙ୍କା ରହିଥିଲା । ସେହି ଅନୁସାରେ ପିଆଜର ଦର ୪୭ ପ୍ରତିଶତ ବଢ଼ିଛି ।

କେବଳ ଆଳୁ କି ପିଆଜ ନୁହେଁ ଖାଇବା ଥାଳିରେ ପାହାର କଷିଛି ଡାଲି । ଯାହାକି ସମସ୍ତଙ୍କ ଚିନ୍ତା ବଢ଼ାଇ ଦେଇଛି । ଘରର ବଜେଟ୍ ବିଗିଡ଼ି ଯାଇଥିବା ବେଳେ ହୋଲସେଲ୍ ଓ ଖୁଚୁରା ଦର ବାରମ୍ବାର ବୃଦ୍ଧି ଖାଦ୍ୟ ସାମଗ୍ରୀ ଉପରେ କିପରି ପ୍ରଭାବ ପକାଏ ବାରି ହେଉଛି । ଆଳୁର ଖୁଚୁରା ଦରକୁ ତର୍ଜମା କଲେ ଗତ ୫ ବର୍ଷ ମଧ୍ୟରେ ଏହା ୧୫୮ ପ୍ରତିଶତ ବଢ଼ିଛି । ଆଳୁର ହାରାହାରି ସର୍ବନିମ୍ନ ଦର କେଜି ପିଛା ୧୬ ଟଙ୍କା ୭୦ ରହୁଥିବା ବେଳେ ଏବେ ବଢ଼ି କେଜି ପିଛା ୪୩ ଟଙ୍କା ରହିଛି । ଯଦି ଏଭଳି ଭାବେ ଦର ବଢ଼ିଚାଲେ ତ ସରକାର ଆଳୁ ଆମଦାନୀ ପାଇଁ ବାଧ୍ୟ ହେବେ ।

Sundergarh District Administration Fixed Selling Price Of Onions & Potatoes

ଉଭୟ ଖୁଚୁର ଓ ହୋଲସେଲ୍ ବଜାରରେ ଦରବୃଦ୍ଧି ଘଟିଛି । ବିଶେଷକରି ପନିପରିବା, ମାଛ ଓ ମାଂସ ଏବଂ ଡାଲି ଦର ବାଧୁଛି । ପିଆଜ ଷ୍ଟକ ଲିମିଟ୍ ନେଇ ଉପଭୋକ୍ତା ମନ୍ତ୍ରାଳୟ ନିର୍ଦ୍ଦେଶ ଜାରି କରିଛି । ପିଆଜର ମୂଲ୍ୟ ନିୟନ୍ତ୍ରଣ ନେଇ ଅନେକ ପଦକ୍ଷେପ ନିଆଯାଇଛି । କିନ୍ତୁ, ଆଳୁ ଅମଳ କମିଛି । ଏବଂ ଲକଡାଉନ୍ ସମୟରେ ଆଳୁ ଷ୍ଟକ ସହ ବ୍ୟବହାର ବଢ଼ିଥିଲା ।

ଚଳିତ ବର୍ଷ ଆଳୁ ଅମଳ ଯଥେଷ୍ଟ କମିଛି । ଭାରତରେ ଅଧିକ ଆଳୁ ଅମଳ କରୁଥିବା ଉତ୍ତରପ୍ରଦେଶରେ ଚଳିତବର୍ଷ ୧୨.୪ ମିଲିୟନ ଟନ୍ ହୋଇଛି । ଯେତେବେଳେ କି ୨୦୧୯ରେ ୧୫.୫ ମିଲିୟନ ଟନ୍ ଆଳୁ ଅମଳ ହୋଇଥିଲା । ସେହିଭଳି ପଶ୍ଚିମବଙ୍ଗରେ ଆଳୁ ଅମଳ କମିଛି । ଗତବର୍ଷ ୧୧ ମିଲିୟନ୍ ଟନ୍ ଆଳୁ ଅମଳ ହୋଇଥିବା ବେଳେ ଚଳିତବର୍ଷ ୮.୫ରୁ ୯ ମିଲିୟନ୍ ଟନ୍ ଅମଳ ହୋଇଛି ।

Onion Prices Jumps Four Times Know Reason Why Rates Of Onion Get Increased

ଶୁକ୍ରବାର କେନ୍ଦ୍ର ସରକାର ଭୁଟାନରୁ ଅତ୍ୟାବଶ୍ୟକୀୟ ଖାଦ୍ୟ ଆମଦାନୀ ଉପରୁ କଟକଣା ହଟାଇଛନ୍ତି । ଟାରିଫ୍ ରେଟ୍ କୋଟା ସ୍କିମରେ ଆଉ ୧୦ ଲକ୍ଷ ଟନ୍ ଆମଦାନୀ ନେଇ ଅନୁମତି ଦେଇଛନ୍ତି । ବିଡ ଦ୍ୱାରା ୨୦୨୧ ଜାନୁଆରୀ ୩୧ ସୁଦ୍ଧା ଦେଶର ବନ୍ଦରରେ ସାମଗ୍ରୀ ପହଞ୍ଚିବ । ନଭେମ୍ବର ୧୬ ସୁଦ୍ଧା ମୋଟ ୨୫ ହଜାର ଟନ୍ ପିଆଜ ଭାରତ ଆସିବ । ଏଥିରୁ ୭ ହଜାର ଟନ୍ ପିଆଜ ଘରୋଇ କମ୍ପାନୀ ମଗାଇଛନ୍ତି । ୨୦୨୦ ନଭେମ୍ବର ଶେଷ ସୁଦ୍ଧା ୧୫ ହଜାର ଟନ୍ ପିଆଜ ଆମଦାନୀ ନେଇ ଶନିବାର ନାଫେଡ୍ ଟେଣ୍ଡର ଆହ୍ୱାନ କରିଛି ।

Potato Prices Up 92 In One Year Onions By 44 In India

Opn Commnet Area

Leave a Reply

Your email address will not be published. Required fields are marked *

Close Bitnami banner